By: Lawma Fanai
Zofate hi China ram a kan khawsak lai khan engtin tak kan hnam hming kha lo in ko ang maw? Burma ram kan luta mite min hriat dan leh koh dan chu Chin tih a ni a, keimahni kan inkoh dan hi mahni Chi ang zelin a inang lo zel zawng anih hi. Thlang tla hoin hming hran an invuaha Mizo inti kan awm laiin, Manipur lamah Kuki an lo in ti ve bawk a. Unau kan nih hi sawi tam ngai loin kan hre vek awm e, chuti chung chuan Mizo in ti deuh bik kan awm, Chin inti bik kan awm a,Kuki i tih bik kan awm a, Hnam hrang chi hrang ang a inngai tlat hi kan la tam hle in ka hria. International border-in min then hrang vang hian enge maw chen chu kan thinlung pawh min thenhrangtu leh inhmuh hranna riau hi a awm phah hi thil pawi tak a ni. Keini thangthar hunah hi chuan international border-in min then hrang mahse kan thinlung chhungah inthen ve lo ang u. Thinlungah kan inpumkhata kan lungrual hmasat phawt chuan Hnam (nation) & Ram pakhat ang pawn kan la dingchhuak thei ngei ang.
He thu hi misual ho sawi ho a tan ka it em vangin www.zoin.info a mi ka rawn suat tawp a ni e.
Source: zoin.info
Similar Posts:
- Mizo hi hnam hming a ni lo
- zoin.net
- Kuki State leh Nomenclature
- YZTP-in Tanpuina Sem!
- Kum Hlui Thlah Nan
April 25th, 2009 at 12:12 pm
Benedict Andersona’n tawngkam a chherchhuah “imagined community” (hnam khat anga insuangtuahna) tih kha zohnahthlak chungchang hian dik viauin ka hre thin. imagined community atangin “an imagined political community” ah hian kan chuang chhuak thei lo ni mai awm a ni.
Zohnahthlak a bikin pilril lehzual, arakan leh Burma pilril zawk awm mek, naga hnama lut tawhte tihloh hi chuan unnau kan nih hi kan hre chiang khawp tawhin ka hria. “In unau dan” tur lai hi kan hre lo mai zawk a ni lo maw? Kan chi bing hnam hruaitu ho hian an sukthlek an thlak hma chuan eng kan ang lovang, an mahniah hian problem awmin ka hre tlat…!
Globalization hian mihring a hnuk khawm vek lo tih tunhnai study ah tarlan a ni. Globalization hian communication tha zawk min pe a, zohnahthlak inzawmkhawm lehzual kan beisei mai thei. Mahse, chi bing zawnga kal duh pawlte hi chu; globazliation hian localization zawngin a tanpui nasa fe zawk thei a ni.
Tunhma chuan zohnahthlak inzawmkhawm hi ka tui thin, lehkha pawh ka ziak nasa thin. Mahse, tunah chuan ka tui tawh lo nilovin, kan buan dan hi thlak hun ka ti. Inzawmkhawm tul kan tihna chhan hi kan siam danglam atul. Tun dinhmunah chuan, khawvel hnam lian zingah Mizo/Zo hming daih lohna tur emaw ti zawngin kan tang a ni mai thei. Mahse, chi bing te zawk leh local level-ah hlawkna mumal a pe dawn a nih loh chuan political agenda satliah a ang thei a ni.
Report this comment
April 25th, 2009 at 1:33 pm
Epis sawi hi ka pawmpui khawp mai. State leh international boundary-in a daidan kan nih avang hian mahni tlakna leilung azirin kan sukthlek zawng pawh a dang lo thei lova.Ram khatah i awmtlang ang u tiin hma han la dawn ila state leh international boundary thiata greater Mizoram emaw han din chu zawh dawra suk tin ang lek a nih hmel bawk si! Chuvangin ‘nang i hmunah,kei ka hmunah’ tia thinlunga inunauna leh inpawhtlanna kan nei a tul a ni.Chumi atana ka ngaih pawimawh chu tawng inhmanpawlh a ni. Zo hnahthlak tawng hrang hrang chuan kimna dictionary hi awm thei tase; tin,kan tawng hman tlanglawn theih ber tur duhlian (Mizo tawng?)tawngah hian kan unaute tawng dang hi a tam thei ang ber hmangin a famkim lohna tiphuisuitu atan hmang ta ila.Hei hian zawi zawiin min pawh hnaih tlan ka beisei khawp mai.
Report this comment
April 25th, 2009 at 1:50 pm
Thinlung taka unau kan nihna hi chu kan pawm tlan zela kan vawn nun zel hi kan tihtur ani. Mahse Intenational boundry mahin min daidan karah pawh unau tia kan inpawm dial2 lai hian, national boundary mai nilo Zoram chhungah ngei mai inthendarh duhna rilru alo awm hian thinlai chu ati na deuh thin e!!
Report this comment
April 25th, 2009 at 2:48 pm
ka ron off topic lawk ang e!! US mall a kan bazaar lai hian…. sap pa(ka rindan chuan kum 20 a pel awrh ang chu).. a kawr hma ah khan NAGA Worrior tih a in ziak kuau mai a……mak chu ka ti deuh a…han biak kha ka chak a…mahse a mah kha a hman hmawh sia…ka be hman ta lo a….. chutiang bawk in vawi khat lai khan Mizo naupuak dan(koki a puan suih) ang a pua kha ka hmu a, a mizo(zo-tlangram, Mi-mipui) riau khan ka hria a, a hmel ah pawh………. ram dang a hetiang hmuh hi chu dang dai duh ang reng….kan innel nghal tawp rilru ah hian…..
Chuan kawlram?(burma) leh Mizoram a, anni chu burma lawm tih hi tawp se a tha ang…… ram dang(to be precised) FOREIGN ah chuan hnar phek chu kan inlai chinna a dang deuh a ni….. Water World leh Disney World ah pawh an Manager chu Filipino nia….ka kal lai chuan min han ti chhung khat em em mai a…… ka FREE!!!!
Chepa…. i idea hi ka pawm khawp mai!! Laldenga kha lo nei lo ta ila chuan Mizo te hi…BODO(tribes in assam) ang sawn kan la awm mai lo ang maw!!!!!
Report this comment
April 25th, 2009 at 3:04 pm
Mizoram ah pawh hian lehkhathiam chin deuh te chuan Zo hnahthlak te kan in pumkhat dan hi an chian mai bakah an pawm tlangpui vek a, tin, mipui tam zawk pawh hian kan pawmin a lang, kan unau tam tak te khawchhak lama an awm mai avanga mizo/Zo hnahthlak ang a chhiar duh lo tlat mihring hi an awm ve tho bawk a ni. He thil hi kan sawi zing tawh viau na hian awareness hi chu la neih zel a ngai a ni.
Report this comment
April 25th, 2009 at 5:09 pm
kei chu ka hre ve miah lo..zong uih ho tih bak
Report this comment
April 25th, 2009 at 5:23 pm
#6 I hre tlem em tak a nih chu…
Report this comment
April 25th, 2009 at 5:59 pm
u nau, unau, lal isua hi ka u nau thra ber chu anih e..
Report this comment
April 25th, 2009 at 8:37 pm
kan off topic ve lok! misual.com k hlokpui ve na k share ve duh lok!
“zawh dawra suk tin ang lek ” tih tawngkam hi ka lo hre ngailo a !! hman ah tuemo? hian misual tangin mi hrilh fiah toh a… ka lawm khp mai
Report this comment
April 25th, 2009 at 10:22 pm
Diktak a sawi chuan Zorampawn a awm te hi a tam pawl chu Mizo ni duh lo an nia hnamdang zingah pawh kei chu mizo ka nilo.. chumi hnam an tia hnam tenau an sawi a Mizotawng hre reng pawn English ngeiin min be vel a, an ram a zin ho chuan Mizo leh Duhlian tawng an huat zia an sawi si, Zoram chhung a seilian ho chu kan lo gullible deuh a ni, hnamdang nen buaina an neihin MIZO an rawn ni leh tharthut a kan lo tanpui leh hnu hnu a,Zorampawn mizo thenkhat sawi ‘Mizo biakin inkhawm hona Zo hnahthlak zawng2 tan awm reng mahse an theih veleh a hranin an chibil tawng a inkhawmna rek hran tum ngar ngar an ni’ an ti tlats
Report this comment
April 25th, 2009 at 11:14 pm
Sawi ve ka duh chu hei hi Putar pakhat upa zet tawh hian hman ah chuan Thlantlang leh Halkha kha tunlai America in tih ang chiah hian kan ngai ropui a ti a, Thlantlang leh Halkha History hi hriat chian a chakawm khawp in ka hria .
Report this comment
April 25th, 2009 at 11:37 pm
Chung khuanu zarah Rorelna pakhat chhungah kan la awmho ngei ka beisei tlat. Chu hun lo thleng tura chu nghakin kawla nichhuak chhiarin thamral lo suangtuahna vak vel chuan vanhnuai leichinah chimral tawh ngai hauh lo tura khuavel chhing tur hnam ropui zingah Zofate hi kan lo awm reng zu nia.. Thangtharte chungah thui tak a innghak a, tanrual hi chakna a ni lawm ni.
Report this comment
April 26th, 2009 at 1:55 am
zohnahthlak zawng2 rorelna pakhat hnuaia lungral tak a len ho hi tunhma a tang ka lo bisei ve thrin.
mizoramah chuan an in pumkhat.chak pawh an chak.chin state ah chuan kan darh nuai.chin state a zohnahthlak ho hi chu kum sang lo ral leh mahse kan in pumkhat kher a nge maw.
hnam tin in mahni trawng tih lar kan duh veka.lai(hakha)ho in an mah ni trawng(zei thla) tih loh chu mak ah an ngai silo.laizo (falam) ho lah in an trawng (ziang ha) lo chu an lo ti ve.tidim ho lah in (bang nge) tih loh chu an ti ve bur bawk si.
hakha in falam leh tidim eng vak ah mah an ngai lova.falam ho lah in chu ti bawk.tidim ho lah dang chuang lo.chu tih kar in mizo in ti ho(mizo tih awmzia hre chiang ho) lah kan lo in duh ve.buaithlak tak chu ani.
a tlangpui thu in mizo trawng chu a tam zawk in an thiam deuh vek.mahse an tawng thra duh chuang lo.a bik takin falam lam hi in lungrualna kawng ah an buaithlak zual.
mizo in ti ho hian in pumkhat na lampang kan sawi deuhrega kan unau te hian unau kan nih hrereng chung hian an bengkhawn vak lem lo.rilru tetna in a la chiah hneh hrih a ni ber.(lo haw lo se)rilru puitling tak tak pawh an awm ve teuh tho.
chin stateah hian common language nei tur in tunhma a tang trum enge maw zat an lo bei tawh thrin.mahni hnam tawng pa 1na a an dah vek thin a vang in an hlawh tling thei lo.
upa in an sawi dan chuan……..
trum khat chu common langague ngaihtuaha an kal khawm trum hian common langague atan an duh ber trawng threuh thehluh tur an ti a,an duh ber pakhatna, pahnihna, pathumna tiin.pakhatna ah an mahni trawng trheuh an daha.pahnihna ah duhlian trawng an dah vek thung.
vote an la a.pakhatna threuh kha a rem loh a vangin duhlian(mizo) trawng i hmang mai ang u an ti a.mahse…mizo kan ni hleinem chin state ah mizo chu tlemte chauh a lawm awm an ti a an pamtrul leh ta an ti.
chin state leh mizoram state a zohnahthlak zawng2 in pumkhat thei tur chuan MIZORAM MIPUI LEH HRUAITU TE IN PAWI MAWH.
CYMA hruaitu te hian chin state a hnamtin hruaiu lu te hi kawm nelin an rilru hmin se in lengah te sawm se.eng eng emaw sawipui se keini balma lam chu kan hmin duak duak in ka ring.
KANIN PUMKHAT THEIH NA TUR CHUAN “MIZORAM MI” IN PAWIMAWH BER.
keimahni leh keimahni a tang chuan thil theih loh tluk a ni.tunlai kan boruak en in.
Report this comment
April 26th, 2009 at 4:34 am
Mizo hnahthlak dik tak ni ngei, “Mizo ka ni lo ” ti tlat te, Kan Mizo unaute Burma lama awm tawh phawt chu ” Burma mi ” ti a, Mizo dik taka pawm thra duhlo tlat te hi chu kan awm teh meuh mai a. A tawi zawngin heng ho hi chu hnamah an chiang lo ani ber mai. Mi tlemte chauh an ni bawk ang . He tiang tawngkam duhawmlo kan hriat chang hian rilru pawh ana thrin reng ani. Heng mi tlemte hnam a chiang lo ho avang hian, Zofate te hmun tin a awmte ( Mizoram, Manipur, Burma, Bangladesh, USA, Canada, Europe etc.) kan inunauna hi kan tichhe phal tur ani loa. Hnama chiang lo ho Educate hi kan mawhphurhna threuhah ngai thei ila chuan a lawm awm leh zual ang. “Chin” “Mizo” “Zomi” “Kuki” hnam khat, hming hrang hrang, awmna hmun a danglamavanga, kohna lo hrang mai ani e. “UNITED WE STAND, DIVIDED WE FALL “
Report this comment
April 26th, 2009 at 4:45 am
kuki leh kakuk hi inzawmna te alo awm mial lo maw
office staff kakhat pawh an pu in calculator nena lo kal turin mi a koh tir a, a mi tirh lah chuan, “kan pu in I kakuk nen lokal rawh ati” an ti hmiah mai a
Report this comment
April 26th, 2009 at 3:52 pm
He thu hi zawng a buaithlak ve ani e. Mizo in ti ho hian, zo hnahthlak dangte hi kan mawhpuh a, zo hnahthlak dangte lah hian chuti bawkin Mizo in ti ho kan mawhpuh bawk. Kan in mawhpuh tawn ani ber e. Chu vang chuan a pawimawh ber a ka hriat chu, kan rilru ah hian unau vek kan ni, tih hi chiang phawt i la. A tu a te mah in thliar lovin Comman language leh common nomenclature kan neih theih nan i bei theuh ang u.
Report this comment
April 26th, 2009 at 4:02 pm
Tawngkhat han hmang thei ila kan in suih khawm hma ber ang.A awlsam ber Duhlian tawng hi hmang mai ila…Bakah INPUI ber tawng hman lai a ni bawk a….
Report this comment
April 26th, 2009 at 7:54 pm
In rawn thawh tha hlawm hle mai. I sawiho zel ang u, kan hnam changkan nan leh thanlen nan kan thiam kan finante hi pho chhuak zel ila, thangtharte rilru suk tlek pawh kan sawi danglam viau maithei a nia.
Report this comment
April 26th, 2009 at 8:24 pm
Burma leh India atang hian zohnahthlak te hian independent han TRAWNG chhuak thut mai ila,tun a mizo kan nilo e bal e ti ho hi chuan independent hranpa ansual leh tho in ka ring, min duh ve tak2 lo, anduh zawng sik thlukna hmanruaah chiah min duh zoramnuam a mite hi chu,chhe vek mahila pawi antilo kan gullible si, kanlo tih let ve na ber chu an trawng pai deuh lo nuih zawng hi ni mai, min mamawh hunah chuan E, NI E A kan ti leh mai a tun hunah hian mamawh ve ta thut ila a nawlpui hian, engtin nge minlo tih ang le? ‘in unau te kan nilo’ an ti mai long maw?.
Report this comment
April 26th, 2009 at 8:24 pm
Berlin kha thirlenin zankhat thilthu-ah an lo daidang tawh a; thangkhat lian aia tam hnam pakhat ni chung siin, rorelna leh inkaihhruaina hrangin an han khawsa ta chiah mai kha chu — thil a dang zo ta vek. Vun rawng inang rau rau pawh African vek mah ni se —Somalian, Cameroon, Kenyan etc., an kalphung a dang fer fur mai a ni! Berlin wall tihchim a nih khan inpumna tak tak chu a awm thei chauh a ni.
Tripura Jampui Tlangdung Mizo, Manipur Mizo leh Kuki, Myanmar lam Chin, Lusei-ho Mizoram-a mite pawh Culture leh Tradition-ah chuan kan inang hlawm viau —mahse, ram inawpna a lo hrang hlawm vek bawk a; ei leh bar zawn dan pawh a lo inchen tawh lo va; titi leh hawiher a lo dang hret hret lo thei lo va; rei lote kar chhunga North leh South Korea pawh anmahni thuam chaktu Sorkar Ropui zawkte azirin an thil tih duh leh khawsak dan a lo danglam hle tawh a. Chinese-ho rau rauvah pawh Mandarin leh Canton tawng hmang an lo zawm ve leh zel; khawsak a inang chiah chiah thei tawh hauh lo.
Dr Kenneth Chawngliana, Sangchia te, Thangmawia, Lalchhanhima Sailo, Cat LZ Sailo te pawhin inpumlehna lam hawi chuan engemaw zawng tui pui riau an neih thin kha —a la chutih teh lua thei chuang lo a nih hi.
ZORO an tih aia pawl lian zawk hi a awm tawh em? Hei pawh hi tute politics hmanrua emaw chauh a ang a; MNF leh Hawla Congress angte hi chu an ralbang ru leh riau hian a hriat si! Misual.com-a kan duhthusam ang ngawt hi chuan a ni samkhai mai chuan a rinawm loh! India Vai intlawnsiakna Politics-ah kan lut tawh miau va; unau kan inngaihsak hman ber tawh lo. Tih tak emah chuan mi mahni hnaa kan trul tak tak tawh hi chuan, mahni pianpui unau ngei tanpui ngai ngawih ngawih pawh kan va chukha hman tawh tak tak ngai em ni? Ramri rinin min daidan chhung chuan thil a nih tura kan duh angin thil a tih theih tak tak chuang loh —Myanmar Sorkar inrel dan a lo dangin a phirsi si, a sakechak chi tin fuan khawmna Manipur kalphung a lo dang bawk, Tripura lah chuti bawk … innei hran lem lova nula leh tlangval inngaizawng —rei tak chhung inrim ang velin hun kan hman reng hi ka ring ber zawk.
Report this comment
April 26th, 2009 at 8:46 pm
GREATER MIZORAM chu kan la hlat deuh ve, engamah hmain kan tawng hman turah kan buai,’Ka tawng pai min nuih a nih kha’, ‘kan tawng in hman ve loh chuan unau kan ni leh lo’, tih velah kan la tang tlat a.Economy lam phei chu han khel chhin zia kan la ni lo ve..HUUII HAA.
Report this comment
April 26th, 2009 at 9:07 pm
Hmanni ka jin trum ah, Pu.Chawnghilha sawi tak, Pu Sangchia hian Chawei ah mi a sawma tianglam pang hi a lo tui hlea darkar engemaw chen kan ti ti duna, Pafel tak anih ka ring. Zohnahthlak te kan in sawihkhawmna tur chuan dawhkan khat chu kan kil ho chu a ngai hle a a kilna tur an duan ZORO hian a tumleh a members ah hian mi dang sawmvak lem lo in a chibing tu tu ate emaw bik an sawm deuh vang hian an tihtur ang an tih theihphah lo in ka hria. An duh tak meuh anih chuan chhak lama hruaitu Politician tu tu emaw sawmse, manipur lam a zohnahthlak, Tripura lam a zohnahthlak, Bangladesh, Bawm lam hruaitu te sawmleh se tah chuan in relbawl dan kawng chipchiar zawk in zirho na te neithei dunse tih hi kei ka hmuhdan leh ngaihdan ania, hemi anih loh chuan tun an kal ngai UNO an tlan ang hi chuan thilfel hlel deuh chu a awm in a lang!. UNPO, Indegenous People Forum ah hma an lakdan pawh mitinreng te hriat theihtur in puangzar thrinsela thawm a tamna na chuan mi te a chawkphur nge ngezel!. Tawngkhat ah buairih hun ah kei chuan ka dah rihloa, thawhdun na chuan English pawh hmangrih ang hmiang, ramkhat rorelna khat kan neihhun chuan a machhuah in a rawn chhuak mai tur ah ka ngai.
Report this comment
April 26th, 2009 at 11:32 pm
ka duhdanah chuan chibing trawng ho hi hmang lovin mizo trawng(lusei trawng) hi hmang vek ila,mizo tihah hian lungsi thlap vek bawk ila,kan inunau lehzualin ka ring..greater mizoram hi chu kan neih a rinawm hran lo,rilruah tal erawh nung thung se ka ti khawp mai,kan rilruah tal a nun nan chuan a chunga ka sawi khi a pawimawh awm hlein ka ngai.
Report this comment
April 27th, 2009 at 1:32 am
Ideal atan chuan trawng pakhat chu hmang tlang thei ila chuan duhthusam ani teh meuh mai. Kan inunauna pawh a nghet lehzualin a rinawm. Reality kan en erawh chuan, trawng pakhat hman hi chu a ral sai thil deuh. Theih chu nise, Greater Mizoram ( Manipur, Bangladesh, Tripura, Mizoram leh Burma ) Zo hnahthlak te awmna hi chu Administrative entity khatah awm thei ila chuan duhthusam ani. Ka trawng tu huatthu suhah, Vairengte a kan State Boundary ngei pawh kan humhalh thrat theih lo lai hi chuan, Greater Mizoram hi chu keini generationah hi chuan, alo la awm dawn anih pawhin, kan hmu hmanin a rinawm loh. Adaministrative Entity khata kan awm lohna te, trawng hrang hrang hmang kan nihnate hi a nihna anga kan accept thiama, rilru zau takin, “UNITY IN DIVERSITY” tih i thupui ang aw .
Report this comment