(Click Image for Larger Size)
Mawitak a par tur chuan a theih na zawng zawng nen a beih a ngai a, a kung pawhin a thih phah hial mai thei.He mi ka hmuh hian Mocking Bird tih lehkhabu ka hre chhuak thin.
Theihna zawng zawng nen a par..
April 26th, 2009 9:08 am by XaiA46 Responses to “Theihna zawng zawng nen a par..”
Leave a Reply
You must be logged in to post a comment.
(Y)
April 26th, 2009 at 9:22 am
A khawngaihthlak hle mai.. ka la nung ani tih a ti lang trawk ani saw. Tha laiten a chhelai a piang remturin kan pu leh pi te zungah kan chawr ani tih hi i ngaihtuah tel ang u.. kan tan thu a sawi thui tlat mai.
Pathian ramah lut pawh kha tiang khi kan la ni ang.. tlemte a tawp lamah ka lut dawn ani. Isuan kawngzimah lut hram hram rawh u, a kawng a hre awm a kal pawh an tlem a ti.
khi thing pawh khi a that lai chuan a par vur mawi ngei ang tih a rin awma, mahse a trang dang zawng zawng a vuai thlak hunah pawh, a awm chhun a la par ni.. Thalai te kan vuai thlak hma hian tran i la ang u…..
Report this comment
April 26th, 2009 at 9:24 am
va nalh dangdai tak em!!!
Report this comment
April 26th, 2009 at 9:26 am
XaiA@ i va hmu fuh em em, ka rilru a khawih hle mai..a ma chuah thlang phenah a ding ni awm tak a ni.. kawng thlang zawk a..
Report this comment
April 26th, 2009 at 9:28 am
Vaube par ani lawm ni?
Report this comment
April 26th, 2009 at 9:48 am
TIHDIKNA Mocking Birb khi ni lovin THORN BIRB tih tur.Ka lo ziak sual a ni e,min lo hrethiam ru pl in..
Report this comment
April 26th, 2009 at 10:11 am
Thorn Birb maw
Report this comment
April 26th, 2009 at 10:18 am
He pangpar chu a va khawngaihthlah em!! Kum tam a dam tawh dawn lo tih inhre miah lovin par ala chhuah ve hram2 a nih hi mawle.
Hring nun pawh hi hetiang hi a lo ni, kan theihtawp chhuaha par chhuah tuma kan nun lai hian eng tikah nge mual kan liam dawn kan inhre si lo…
Hei hi, he pangpar ka hmuh tirha ka rilru a lo lut chu a ni..
Report this comment
April 26th, 2009 at 10:52 am
Kei chuan a par pakhat poh ka tluk silo…
Report this comment
April 26th, 2009 at 11:05 am
@mkima, Ni e Vaube par anih khi!!. March thla hi Vaube, fartruah vel parvul laitak ania!. Kan ram chereu hian kan Natural resource neihchhun thingleh maute pawh a ti ngui zo ta anih hi.!! Piangchhuak tur pawh awm mumal tawh lo in an pul kum tin mai dawn anih hi!. forest dept lamten nasa zawk in humhalhse a va thra dawn em!!..
Report this comment
April 26th, 2009 at 11:20 am
Engtik ni ah emaw chuan nang leh kei hi; khi tiang khian kan la tar dawn!!kan zar peng pakhat tal hian mite tan mawina a chhuahve angem?
Report this comment
April 26th, 2009 at 12:36 pm
He he LA dik lo cheu..thorn bird xawk,Thanks
Report this comment
April 26th, 2009 at 1:52 pm
he picture chu, tu blog ami emaw i rawn phawrh chhuak anilo maw
Hetiang pic hi ngaihtuah zui duh chuan thil tamtak a ngaihtuah theih thin ani. Poet ho tan chuan hmanraw tangkai tak anih ka ring.
Report this comment
April 26th, 2009 at 3:33 pm
@funny.Pictute ka post te hi keima lak vek a ni a,ka hmu fuh leh hlauh thin a lawm!!!Zawlnghak ram a mi a nih khi..he..he..he
Report this comment
April 26th, 2009 at 4:31 pm
Eheu… In thu khel chu ava ho ve. Khi vaube khi a tang hlawi ni se, a kung bulah leitha (thlai chaw) pek nise, fur ruahtui tlak veleh a rawn chawrno mai ang. Tichuan a tarna zawng zawng paihbo a lo nai tawh ang a, tleirawl tituai nalh tak alo ni leh mai dawn alawm. Hetiang hian alawm thing te chu tar hleithei lovin an lo chawrno leh thin. Lei piahlam ramah, van khawpui tual nuam ah chuan “thing damlai ni te ang in kan hringnun chuan chuaini nei lovin, nitin a thar zelin kan chawrno tawh dawn si a”. Chawnghilh te, mkima te, thaiboy te, BMW te pawh an tharlam suah reng tawh dawn si a.
Report this comment
April 26th, 2009 at 5:38 pm
Daih mai a!!
Report this comment
April 26th, 2009 at 6:13 pm
Chawnghilan a thawnthu han phuah teh se.
He thing hian a theihna zz pangpar tan hian a pe a tar thi tep anih hi. Misual thalai te hi nu leh pa in an theihna zz in in PAR VUL nan tha an thawh. A then te phei chuan an theihna bak baka kalin pawisa puk chawp ten hma an la. Chutih rualin nu leh pa chawimawi chu sawi loh ti rilru na te hi DAMREI LO tur an ni. Nu leh pa chawimawi hi a kristian a damreina a ni
Chawmawi tih lai tak hi mkiman sermon pa te han thlak bawk sela
Report this comment
April 26th, 2009 at 7:06 pm
he pic chu mawi ka ti ngang mai.
@# 7 leh 10 khian an phawk fuhin an hmu fuh khawpin ka hria.
Report this comment
April 26th, 2009 at 8:57 pm
Thorn Bird nen a in kungkaihna ka va man lo ve? Vaube par chu Mizo thawnthu ah awmzia anei zawk mah lo maw ka ti deuh. Engpawh nise alem hi a mawi hle mai. hetiang ‘native’ pangpar ho collection hi Australia calendar ah te pawh an siam asin. hint ka pe che anuh nih chu!!
Report this comment
April 26th, 2009 at 9:12 pm
Thorn bird hram mawi em em,mahse a damchhungin vawi khat a hram chauh an ti,a hram dawn chuan hnim hling neiah a tal vak phawt a,chuan a in ti thi phengphung a,a thih hmain a hram ta chauh,chuan a hram mawi em em ti chhuak tur chuan a nunna a hlan thin!he pangpar mawi tak ti chhuak tur hian a kung hian a nun a hlan ve ah ka chan/suangtuah a,keini pawh hi…..tiin ka ngaih tuah ta a ni.Thorn bird chanchin a tang khan kha novel pawh an base a nih kha…Ka rilruah chuan Sacrifice a lang bawk..Thanks for the hints…
Report this comment
April 26th, 2009 at 9:43 pm
Dolly Parton-i’n fa nei thei lo mah se; thu-raipuar hi chu a ngah reuh zek mai a, “WILD FLOWERS DON’T CARE WHERE THEY GROW …” a’n ti hnep maite pawh mi hriatchhuahtir leh riau mai. Khawi hmunah pawh i Camera kha pai reng rawh —thil hmuhnawm leh mak zawng zawng khawn khawm kim vek tum ang che. I kutchhuak ka la hlimpui ve zel e.
Pyramid-a an be-fang (pea) hmuhchhuah chu a la tro thei cheu! Pea azawnga upa ber pawl a ni ngei ang. Nunna hi Pathian thilpek kan dawn azawnga ropui ber niin in hre ve em? Mkima’n “ISUA ZAWK KHA MAW LE!” tiin min rawn hnial mah se; Ani hlei hlei khan, “Nunna leh thawhlehna …” a la inti tho bawk a; NUNNA hi a hlu a, Chatuana Nunna phei phei.
XaiA thinghreu hmuh hi —nunna nei hmel pawh pu trhatrhum tawh lo a ang khawp mai; a vawi engzat parna nge kan hre chiang lo va —a par kan tawnfuh chhun a ni.
Pangpar pawh hi mawi fe, hun rei lote chhunga rawn lang ve zuai an ni chauh va … thlalaknaa an vul lai capture hi a chul har ber bawk a —chin tam atan a tha viau.
Isua pawh khan tuktin-par chanchin hi a lecture ve tawh; hmeichhe lawm zawng tur atan chauh a lo ni lo —XaiA pawhin, “Mawi taka par tur chuan a theihna zawng zawng nen a beih a ngai a, a kung pawhin a thih phah hial mai thei,” tiin a rawn RISK tawp mai a; poetic license a hawh chawp ve tho va.
Nazareth Isua erawh kha chuan, “Tin, nangni zingah lungkham avangin tuinnge mahni dung lam tawng khata tisang chuang thei? Tin, silhfen thu engahnge in lungkham ni? Ram tuktinpar thanzia hi tha takin ngaihtuah rawh u; hna an thawk lo, la pawh an kai hek lo; nimahsela, ka hrilh a che u, Solomona meuh pawh a ropuina zawng zawnga a inthuam khan, heng tuktinpar pakhat tluk pawh hian cheiin a awm lo. Chutichuan, ram hnim, vawiin anga nung, atuka thuka tuah leh mai tur mah Pathianin chuti kauva a chei chuan, aw nangni rin tlemte u, silhfen a pe zawk em em dawn lo che u em ni? —Matthaia 6:27-30
Pathian hian khi thingro anga lang mah, khiti khawpa ngaihnobeia a partir si chuan … amah anga a din nawn thar lehte hian chanvo kan va ngah dawn tak em —Krista zarah! Ka mitah chuan kan tlangram nuam parmawi thangvulnaa mi ngei han hmuh chu Japan-ho BONSAI, uluk lutuka kum tam duat taka an enkawlte aiin ka rilru a khawih thuk zawk tlat mai! Tute mai pawh hi WILD FLOWER- kan inchanin, kan trona hmun chu enga pawh ni se —par chhuak a, rahchhuah ngei turin tran i la hlawm ang u hmiang.
Isua kha chuan THEIPUI KUNG HRING DUAH HLUAH, RAH ERAWH RAH LO … a hau hlum a; XaiA erawh chu —i vannei hle zawk e, duat zui hlawh a niha kum danga la par chhuak leh fo tur, thingro anga lang hial tawh mah ni se … a la rawn par mawi em em hi NANGMAH tho ni ber hian ka hria!
Report this comment
April 26th, 2009 at 10:55 pm
A mawi dangdai hle mai, a awmna lai leh thingkung mal taka a awm khi a inhmeh khawp bawk.
Report this comment
April 26th, 2009 at 11:05 pm
Thomas Gray-a ‘Elegy written in a country church-yard’ tih min ti hre cnhhuak zawk mai. Tlar hnih chauh kan tarlang ang e:
“Full many a flower is born to blush unseen,
And waste its sweetness on the desert air.”
Thingtlang thlanmuala thlan a han en chuan, Gray-a chuan he khawvelah an piang tih pawh a hriat loh chu thlanmualah chuan an lo phum teuh tih a hmu chhuak a. An pianna leh seilenna hmun a thlaler em avangin, tu khaw hriat lohin an piang a, tu khaw hriat lohin an damlai hun an vui liam a ni tih te a ngaihtuah a.
Khawpuia piang ni ta se, lal in chhunga piang leh sei lian te ni ta se, an pianna leh seilenna hmunin zir se, thenkhat chu musician ropui tak ni thei tur pawh an ni mai thei, thenkhat chu hruaitu ropui tak pawh an ni mai thei tih te a ngaihtuah a. Thlaler thli lumin a khalh chul turin pangpar tam tak hi chu, tu hmuh loh turin, mawite’n an vul” a ti ta hial a ni.
Misual zinga mi pawh hi Saprama piang leh sei lian te ni ta hlawm ila, America rama mi challang pawl tak turte pawh kan ni mai thei asin. Kan pianna leh seilenna hmunin a zir loh avang hian, kan talent te hi hai chhuah lohva thlana kan luh pui tak hi a tamin ka ring. Khi pangpar pawh khi a mawi teh reng nen, mi tam zawk hmuh lohin a par khi a chuai ve mai dawn emaw a ni awm si a, a pamhmai reuh e!!!!!
Report this comment
April 26th, 2009 at 11:10 pm
Pathianin a nihna tur ang taka a duan angin a par chhuak a nih hi. Pathian thilsiam chi hrang atang hian mihringte hian zir tur kan ngah reng a ni.
I awmziaa thil bul zawng2
Nangmah timawitu che kha
Ka rilruah tuh ve ang che
Tin, nun a rah mawi ang a
Pangpar angin
Ka chetzia lantir ang che
(KHB No. 447)
Report this comment
April 27th, 2009 at 1:21 am
The wallflowers ho hla kha min hriat chhuah tir tlat -‘ Now in another world i could learn to forget
but till then im here making room for new regrets
Now Some flowers they never bloom ,
and some flowers they just bloom dead……
Jacob Dylan a ania , a ril ve fu ang , a hla hi chu inthenna uihawm ,inchhirtlak mahse a vanglai a chhe ta mai chungchang vel a ni awm e.
A vul lai a thi ta hi kan awm teuh tawh a nia eg Drug OD ho te
Report this comment
April 27th, 2009 at 6:07 am
Tukin chu ramhlun N ho tlanglam zai ka en a., a lam special ho kha… awi dawr a dap hik zar mai. An tona hmunin a zir bawk a, an par nalh, zei mang e…
Report this comment
April 27th, 2009 at 6:41 am
Pi Anna Lallianpuii Sailo, aka Anna Tibi —June 1, 1938-a piang —April 18, 2009 khan cancer natna avangin Pennsylvania-ah a boral a; April 26, 2009 hian Rockville Seventh-day Adventist Church, 727 W Montgomery Avenue, Rockville, MD 20850-ah amah thlahna inkhawm hman a ni.
A fate Vincent Lalsaitluanga Sailo (Aizawl, Mizoram), Angela Vanlalliani Sailo (Australia) leh Maryanne Lalthianghlimi Sailo (Pennsylvania)-te he hunserhah hian an tel kim thei —thenrual thate leh lainattuten he hun hi Mizo tradition-in an hmanpui; ‘Isua Hmangaihna leh Thatna’ leh ‘Ni Tla ngai lo Zion Khawpui’ saa thlah liam a ni ta.
Lianpuii ruang hi April 27, 2009-ah Gilbert, Pennsylvania-ah cremate (hal ral) a ni ang.
Pangpar mawite hma taka,
An that lai ni a liam a;
Aw hun rei i nei lo ve,
Inpeih rawh …
Report this comment
April 27th, 2009 at 8:07 am
Pu Chawnghilh : An va tawrhpui awm ve, mahse HAL RAL maichu aww!! Ka ti deuha!!, kan Tradion/culture ah tianghi kan lo ching ngai tawh reng2 em le?. Dr. Vumsona pawh kha halral ani a, anikha chu Christian ani lo a ngaihngam dan kawng awmdeuh ten a lang. Christian tamtak te pawh in halral chu an awm trantawh thono keini Zohnahthlak te hian kan chhin ve atan a thra ang emaww!!..
Report this comment
April 27th, 2009 at 8:26 am
@flying: Kan pi leh pute hun atanga kan kan tih thin, kan culture a bet tlat tam tak hi hun lola kal zel tura kan la paih tur a awm nual ang. eg. YMA thlan laih, leh inphum ang tepawh hi, ram a changkang zela mitinin hun kan nei lo tial tial, chuvangin tlawmngaih chhuaha thlan laih pawh kan la hman lo thuai ang, hlawfa laka laih mai a la ngaiin ka ring, tlawmngaih loh vang nilovin. Veng then khatah chuan khawhar riahpui pawh an tihtawp tawh mai hi.
Report this comment
April 27th, 2009 at 8:35 am
Triplestar in rawn sawi ta sasa! thlan lai hlawfa lak hi a tha! employment generate na a nia!..
Report this comment
April 27th, 2009 at 8:40 am
@chawnghilh U Lianpuii chu ka hriat ve zawng a nih bakah a fapa Vincent-a leh a laizawn nau Maureen Ngurthanhrangi te hi kan thenawm ah an awm ve ve. MD ho chu in tithiam hle mai.
Halral leh Phum ah hian a mithi chhungte or thi-a te duhdan hi ti lal mai ila. Pu Ch Saprawnga kha papui a ni. Pu Nehru khan Mizoram tan i duh ber dil rawh a ti a, Pu Ch-a chuan “Kan ram(Mizoram) tana tha ber tur hretu min pe rawh keini hnam mawl hian kan tana tha ber kan hre si lo mithiam i nei ngei ang” a ti e a tih leh a fate hnenah “Kan thih hian kan thlarau kan thlah a lungphun tih leh eng eng emaw a thihhnu a sawngbawl hi ka duh lo ania” tiin a chah tih hi pathlawi keini ai senior titi ka hriat ka hrechhuak zawk mai a.
Report this comment
April 27th, 2009 at 8:53 am
Infak hi Mizoten kan uar ve fu; mahse kan infak tlai. Kan thih hma ngei hian miin min fakna hi ngaithla hman ila, thil tha zawk a ni khawp ang. Ruang chunga infak chiam hi zawng —a hlut dan chanve a ni tawh.
U Lianpuii te inah hian (Kolkata-ah) ka thleng tawh a; Delhi-a ka ken thlak tur zawngtah mu, ka khek thei tawh thlawt lo va, kan han eiho tak tak mai chu … mut meuh chuan pumpui kawki tak mai kha a ri trak trak tawh a; atukleh zingkar inthiar vel chu hnar a vang duh hak hak khawp mai!
Report this comment
April 27th, 2009 at 9:02 am
mzvision: ch.saprawnga i rawn sawi takah chuan, kha pa kha ka ngaihsan zawng tak ani ve teh tlat mai, thangthar engmah hrelo ho hian british hnuaia awm duhlovin india sawrkar hnuaia awm athlang a, de de an ti hi an ngaihtuah chianloh vangah ka ngai daih mai keichu, in ngaihdan pheichu ka hre ve lem hlei law..
Report this comment
April 27th, 2009 at 9:06 am
@funny : KA ZINKAWNG tih a ni ta em kha aw —authored by Ch. Saprawnga. Kha lehkhabu-ah khan ‘British hnuaia awm duh lo’ tia an lo mawhchhiatna fel fai takin, a sawi fiah chiang ve khawp mai. Pa fing nih a hlawhna kha —mi thusawi a ngaithla ngun a; a tawp lama thu sawi ngei chi a ni a … a thlifim hmanin, idea thar tha tak tak a chherchhuak hman tawh bik thin, an ti.
Report this comment
April 27th, 2009 at 9:24 am
chawnghilh: la chhiar ve ngei tur anih chu, lehkha ka chhiar tlem lutuk hi ka fin loh phah a, a buaithlak emai. tunhnai deuh atang khan zirlai nilo thildang ka ngaihtuah ve tran deuh a.
Report this comment
April 27th, 2009 at 10:01 am
A nalh reuh hle tak mai a… Eng Pangpar nge?
Report this comment
April 27th, 2009 at 10:01 am
Pi Lianpuii chu kan hming a inang chiah mai ka ti…Ka hming ang hi an tam lo ve khawp mai, a bik takin mipa ngat phei chu..
Report this comment
April 27th, 2009 at 10:06 am
XaiA – i hmu fuh tha thei hle mai! Awmze nei deuhva han thleh kawi dan i thiam bawk a, ho te emaw tih pawh hi awmze nei deuhvin i rawn chhuah leh thin…
Ho ve mai mai chu – ‘Misuala XaiA hi i ni em?’ min ti leh thin!!
Report this comment
April 27th, 2009 at 10:24 am
@chawnghilh (comment 31):
Ka thlawp khawp che. Henry Ward Beecher-an “Do not keep your alabaster boxes of tenderness and love sealed up untill your friends are dead” a tih ang deuhin, infakna leh inchawimawina hriak rimtui hi kan dam lai ngeia kan inchulh thin a tha khawp mai. Marthiin Isua hriak rimtui a chulh pawh kha, mitthi ruang an chulh thin a ni awm e. Isua damlai ngeiin a rawn chulh a, Lal Isua pawn chanchin tha sawina apianga sawi tel ve tur, chanchin tha laimu ang hialin a sawi a nih kha.
Thih hnua kan infak pawimawhna erawh ka sawi tel duh. Mizoram aiawha India rama inkhel thin te hi an champion ta zauh zauh. Champion pawimawhna em em chu, a khela te tan mai ni lovin, mizo mipui tan a ni tlat. An champion hian mipui kan lawm thin. Thih nia mitthi chanchin kan sawi pawh hi, amah mitthi tan ai mahin, a chhungte la damho tan a ni fo. A dam laia mi chhuanawm tak a nih chuan, a thihsan a chhungte tan pawh chanchin ngaihnawm tak tak a hnutchhiah a, a chhungte nih pawh a nuam a ni.
Ruang chunga kan infak thin hi, mitthi chhungte tan a pawimawh tlat. Amah mitthi kha chuan hre tawh lo mah se, amah kan hmuh dan, kan hlut dan, kan ngaih ropui dan, etc. kan han sawi khan, a chhungte tan a lawmawm a, dam sawng sawngna tur a ni. Chanchin tha lam sawi tur awm miah lova chhungte an han thi hi chu, amah mitthi tan kha chuan zahna tur a awm tawh lo, mahse, a chhungte tan hian zah chem chemna tur a ni tlat. Kan dam chhung hun tha taka kan hman hian, kan thih hunah pawh kan chhungte bawkin a hlawkna an tel dawn a lo ni.
Report this comment
April 27th, 2009 at 11:29 am
Vaube (Orchid Tree, Bauhinia variegata) a nih hi! Ral atang in a par hi a mawi zawk mah, a par vul lai tak hi chuan a hnuaiah han kal ila rim a nei na fu, rim tui erawh a ni lo. A par tla hi Sakhi,Saza etc. ten an tlan thin.
)
Pu H.Vangchhia te chu Zoramah han tap deuh se chuan Vaube par tlan chang hian an thu rauh rauh maithei a ni.( No offence
William Wordsworth “Daffodils” Kum 1804 a aphuah, kan zirlai kha ka hre chhuak.
Report this comment
April 27th, 2009 at 11:50 am
lelte website ang mai han browse ila topic hlui deuh deuh zirtawpni ami kha lola in tar thla tuar mai.
Report this comment
April 27th, 2009 at 11:56 am
Theihna zawng zawngin a hun tawp lamah pawh mawina (a par ) a chhuah hi a zirtur tam lai niin ka hria . Mi hring ten kan hun khirh lai berah pawh mi dang tana mawina chhuah ve turin min zirtirin ka hria
Report this comment
April 27th, 2009 at 12:32 pm
Xaia chu pangpar lam pawh i lo tuipui hle mai a, a mawi khawp ma, pic dangdai deuh deuh lo post xel rawh
Report this comment
April 27th, 2009 at 2:02 pm
atar vang lampoh anilo vaube te chu apar hunlai hi ahnah tlak kolh hun lai anive khrim2 alom, hmanah kan huanah a awm thrina analh asin aw….
Report this comment
April 27th, 2009 at 3:50 pm
Vau kung hi atar pawh a ang chiahlo, a kung hi a la te e mai, a hrisel tawkloh vangin tlumpi-in an ei chhe zo zawk a ang. Vau par chu a var hlang hi mawi ka ti ber.
Report this comment
April 27th, 2009 at 4:45 pm
Zawlnghakah hian Vety hovin Sial vulh pun tumin hma an la chiam a, mahse khaw thenawm vela mi ten Sial lo kah ruk an chin avangin an beisei angin an hlawhtling lo thin. A vengtu tur (cowboy?) te pawh ruaiin silai te pawh an provide a ni awm e. Tunah enge a an ka hre ta lo.
Helai ram hi Vanapa te ramchhuahna hmun niin an sawi thin bawk. Pic -a alan dan atang hian ram ro deuh a nih duh hmel.
Report this comment
April 27th, 2009 at 4:48 pm
buaithlak thei ania; sa kah tuipui tlat ho hi, han thruai dawn ila Lily_parmawia teho kan thruai tel awmsia
Report this comment