Nizan hmasa a ni ta in ka hria. A veilam ngeia ka meizial kenlai theihnghilh thak khawpa ka lo mutthluk pek kha. Mumang chibu deuh mai ka nei pek a. Hetiang deuh hian.
Setana hi ka lo hmu a. Pa ria lam, sang vaklo, mihring pianze pangngai ang chiah hi a ni tlat. Mizo hmeichhia thenkhat chuan Negro tam tak ai chuan an thlang zawk ang tih tur vel hi a ni a. Amahin a lo vei kual vut vut a, thinrim hmel deuh hian a lo ang bawrh bawrh mai a.
Hetiang deuh hian, “Ka va chhuahsan dawn chiang em heng ho hi. Ka tello hian han awm chhin teh se.” A dawi bur ni awm tak chu a keng a, kal nghal mai a tum a. Keia pek chu amah tawk zawnga ka kal avangin ka zawn a lo thlen chuan chutia a lungawiloh chhan chu ka lo zawt var a. Ani chuan, “Mizoram hi ka chhuahsan dawn, keia tan awmna tlak a ni tawh love,” tiin min chhang a. Kei chuan, “Khati mai dawn asin, kan ram te chu Kristian za a za kan ni a, i la awm peih ngawt zawk alawm,” ka ti el sak a, tifuh inti deuhin.
Mahse ka rin loh dan lutuk in mi rawn chhang ta daih mai a. Kei ka hawi lawl lawl a, Ani chu min induh khum tih hriat tak hian min hnungchhawn ta a ni. “Mizoram Kristian za a za inti hi, ka malsawmna pek pawh hian awmzia a nei tawhlo, mahni tana tha tur in duh luattuk ah hian ka thil pek che u hi Pathian malsawmna tiin in chhuah zel a. In thliar hrang thiamlo nge inhliahkhuh nan in hmang pawh ka hre nek love. Ka hmelma ber a hmingthat zawk zel ai chuan ka kiansan zawk mai ang che u,” tiin.
April 27th, 2009 at 2:29 pm
I mumangah chuan Setana pawn ’em ema’ min ti anih dawn chu!!
Report this comment
April 27th, 2009 at 2:47 pm
I mumang chu a tak anih chuan a va tha ve! A tea set la se bang daih se a ni mai alawm!
Report this comment
April 27th, 2009 at 3:13 pm
Nangpawhin ka kiansan ve mai ang che i ti hman ta lo mi..Setan thlawk bo nghal rawh tih tur lawm
Report this comment
April 27th, 2009 at 3:22 pm
i mumang hi i phuahchawp tih ka hai love, kei mimawl hian.
I duhleh article pangngai angin ziak ve mai la… hahahaa
no offence
ka lawm e
Report this comment
April 27th, 2009 at 4:22 pm
tichuan, JugheaD chu a harh a, a mumang a lo ni reng a!!!
Report this comment
April 27th, 2009 at 4:51 pm
a va awihawm loh e aww..
Report this comment
April 27th, 2009 at 5:48 pm
i dawt ziah hi alem ltk mah mah deuh e….Setanan angau bik viau tawh che nih dawn chu, I mumangah te i lo mangni!!
Report this comment
April 27th, 2009 at 6:51 pm
Ka hmuhdan chuan setana hian i mumangah a bum chiang che ani e, a duhthusam chiahah awmze neilo angin a hrilh tlat mai che a. Nuam ati lutuk a, chhuahsan a phallo zawk nilo maw, lo mang thra leh teh…..hehe
Report this comment
April 27th, 2009 at 7:07 pm
Mizoram ah chuan piangthar pawh an da leh hma a,setana betu pawh an da leh deuh vek tawh an ti em ni kha?
Report this comment
April 27th, 2009 at 7:44 pm
Z…a Lasi Zawl —North Vanlaiphai khua a ni a; pa santha deuh mai. Lunglei AOC Vengah a awm deuh reng thin a. Kan inkawm fo va. MNF returnee a ni bawk a. East Pakistan-a an chhuk thlak chanchinte min share nual a; 303 rifle mu sarih vela sakei maksak tak a kah atanga lasi zawl tan a ni a. Sakei lu thi hnuangin a kap a; a thi emaw tih tawh hnuah thingtuluang bulah a trhu tung ta ut mai a; a nui ri ta uar uar a … silaimu dang awm tawh hek lo, baklengin Z…a chu an Camp lamah a tlanchhe ta a ni. Lasi a zawl ta.
The long story made short —“Buai pik zual lai tak tak kha chuan Mizo-ten Pathian Nung kan au uar bawk a; ramhuaite pawhin Bedford truck-in Mizoram an chhuahsan chum chum a, East Pakistan an pan nguah nguah” a ti. A sawi zel danin, “Hun thawl kan neih leh hunah kan lo kir leh ang,” an tih thu min hrulh bawk. A lasi bialnute hming hi ka zawt a; “Thup turin min ti,” tiin tan a khawh ve tlat!
Furtui huh tak hnuaiah pawh heng lasi nulate hian Z…a sikserh damlo hi an rawn kan thin a; chhangthawp leh cigarette an rawn pe thin a; a thian —an Battalion-a mite pawhin peh khuk tur an neih ve phah reng thin a; harsatna karah pawh lasi-ho thil rawn ken thin chu an lo changho liam liam thin. Tak taka thil thleng ngei a ni.
Jughead : I mawng ek i thiar fai lo a ni hran bik lo’ng chu maw! NOI, LOL
” … Krista tirhkohva insiam chawp a, tirhkoh derte, hnathawktu mi bum hmangte an ni si a. Chu chu a mak lo ve; Setana meuh pawh eng tirhkoh (angel of light)-ah a insiam chawp si thin a. Chuvangin, a rawngbawltute pawh chu felna rawngbawltuah insiam chawp mah sela thil mak a ni lo ve; chungho tawpna chu an thil tih ang zelin a ni ang.
— II Korinth 11:13-15
Report this comment
April 27th, 2009 at 9:06 pm
mumangah lehzel chuan inbum tir tawh suh,haha…taktakin,article pangngai angin rawn ziak keuh la,a ngaihnawm zawk ang maw le..i sawi tum erawh ka man tho ve,a pawi chuang lo.
Report this comment
April 28th, 2009 at 6:33 am
Mumang chibu over tak zawng ani, a awihawm loh em mai a..
Report this comment
May 1st, 2009 at 10:10 am
I vei jong chu article in han thoh mai la chhiar anuam phian ang ka ring…. mse ka hre thiam tho mai i point chu…..
Report this comment