ZU khap chungchang a ka ngaihdan kan sawi ve mai mai teh ang, kumin 2009 chu kan ram YMA in kumpuan an nei lo bawka zu le ruihhlo hrang hrang chu kumdang ai chuan a hluar turah han ngai tawp ila. ZU hi kan khap rem thei dawn lo a nih rau rau chuan he ti hian ti ila:
1. NGO ho hian permit neiin inenkawl chhawk se la, tichuan kan khawpuiah(Aizawl) hmun 4 velah dawr hawng sela district capital tinah hmun 2 velah emaw, tin a enkawl tu tur Pawl an nih dawn avangin an hlawkna pawh mimal ta ni lovin kan ram tan nise (eg. mirethei tanpui nan te).
2. A thawk tur mi la se(fair deuhvin), a thawk tur chu ZU leh ruihhlo a fihlim ni bawk sela. Hemi thawk zingah hian a sem chhuak tu ngawr ngawr ni lovin a lo ziak lut tu(secretary) awm bawk sela, a tul dan a zirin a dang pawh, thla tin an hralh zah leh an hlawkna mipui hneh a hriattir ni zel sela, an hmanna tur nen. Tichuan kan rama lehkhathiam hna nei lo tlem tal chuan hna an neih phah thei dawn a ni.
3. Dry day hi National holiday mai bakah Saturday leh Sundayah ni bawk sela. Dry dayah hi chuan a strict thei ang berin kan Excise leh Police Dept. hian tan han la sela, a bikin dry day a zurui, lo zuar ru leh in an man ho chu hremna a letin nise.
4. Mi pakhatin vawi khatah um hnih(2) aia tam lei phal lo se, a te emaw a lian emaw, an lei dawn a piangin coupon lak hmasak ngai bawk sela, tichuan secretary tan pawh a awlsam ang a, naupang kum-18 hnuai lam leh school uniform ha chunga lei phal loh ni bawk sela.
5. Dan lova lo hralh ru (black a zuar) man an nih chuan na taka hrem ni sela. ZU ruih vanga buaina siam, khawlaia zurui etc. te pawh hrem ne jel se (mi hausa, minister, etc. fa te pawh). Kan excise leh Police Dept. te khaw chhungah ngawrh takin duty sela, kan tlawmngai pawl YMA puih ngai loh khawpin an hna hneh sela.
6. ZU zawrhna dawr bulah(a chhungah te) ZU that lohna chi hrang tar ni bawk sela. Kan Bible in a sawi dan thlengin.
A chung a point chi hrang mai bakah dang neuh neuh dang thlatin an ZU zawrh check nise, ruihhlo dang drugs tih vel hi kan ramah hmuh tur awm miah lo khawp a strictin khap ila ..etc..
Hetianga kan tih chuan kan ramah ZU chhia vanga thi kan awm tawh lovang a, zu in dan kan thiam phah anga, zu ngawlvei thenkhat dam chhung kum kan pawh sei sak thei ang a, zoval/lanu hna nei lo tlemte talin hna an neih phah ang a, ram changkang zawk te angin ZU hi kan ram leh hnam hmel ma ber a ni lo tih kan hriat phah dawn a ni.
Heng ka point rawn pek chhuak mai bakah hian in ngaihdan point hrang hrang han thawh ve teh u le.
Similar Posts:
- Ruihhlo do… Heti zawng hian…
- Engtin Nge An Fihlim Theih Ang?
- Zu leh Zoram khawvel
- India Today survey-ah Mizoram pakhatna
- ‘Zu’ Zunzam
April 30th, 2009 at 6:16 am
ZU zawrhna dawr bulah (a chhungah te) ZU that lohna chi hrang tar ni bawk sela. Kan Bible-in a sawi dan thlengin.
Habakuka 2:15 A thenawm hnêna zu in tûr petu chu, a chung a pik e, nang, an saruak i hmuh theih nâna i tûr chawhpawlha tirûitu chu!
Report this comment
April 30th, 2009 at 8:24 am
i thil sawi khi a tha vuai na a, 1na khi chu tha ka ti lo NGO tih khi chu
Report this comment
April 30th, 2009 at 8:59 am
Zu in mi ka nilova, nitin tlai lamah no khat cho eihma in ka in thin.
Kum 15 zet a liam ta,ka rui ngai lo..kan MLA rual hian zurui hremna dan leh zawrh phalna dan siam sela. Kholaia zurui mi harsatna siam a tlem berah kum 1 aia reilo tan tir ngei ngei sela..soi tur ala tam..han soi ve phot teh u.
Report this comment
April 30th, 2009 at 9:53 am
1.NGO ten role an nei lo. Sorkar thil ani.
2.Secular ramah sakhaw lam lehkhabu ami tar tur ani lo.
3. Saturday chu ‘dry day’ tur ani lo, damand tam ni tak ani tlat.
4. An duh zat zat lei tir mai tur, an pawisa ani a, an hriselna an tihchhiat
duh chuan an thu ani mai.
4. Zurui ringawt man theih dan a awm lo, buaina an siam loh chuan.
Buaina siam tih chuan rui chunga motor khalh pawh a huam.
Total Prohibition ramah hian rui chunga motor khalh an tam fe zawk an ti.
Report this comment
April 30th, 2009 at 11:01 am
Gangtok ah hian Aizawl kuhva leh nepnawi dawr zat zet tur ZU dawr an nei. Mahse RUI hmuh tur an vang hle. LAREMAI ho pohin an tihtheih chu tih ve theih awm tak ania. Nge kan Chhura zel dawn
Report this comment
April 30th, 2009 at 11:50 am
mi thil chhut thui ve deuh ho chuan mizo te hi zu in thiam tur chuan generation 1 tal hloh/chan a ngai anga, kan hnam a la naupang sia,kan la tlem bok sia,chu2 tunah chuan a la uihawm hrih e,an tia.enge maw in ngaihdan?nih duh hmel riau ka tia.
Report this comment
April 30th, 2009 at 12:13 pm
Kan la Chhurbura zel dawn anih hi. Mizo chu peaceful taka zu in ve tlak kan ni lo, tih hi mi tam tawk ngaihdan ani tlats.
Report this comment
April 30th, 2009 at 12:18 pm
Nia, SRS ho hian veng thlap sela, zu chhe in a awm lo ang a, zu tha hlir an in tawh ang a, a tha viau ang. zu hi kan khap rem tak tak dawn chuang si lova, zu ngawl vei ten zu chhia in tawh lovin zu tha te an in ve thei tawh ang a, a tha dawn lutuk tlats
Report this comment
April 30th, 2009 at 12:55 pm
Kulikawn Taxi driver ho saw an zei a nia… veng dang driver-ten RV kal man fare an fixed laiin anni chuan tikte (litre?) khatah chuti zat an ti a, a hmangtuten an lak hnem leh an hlawk a ni mai!
Report this comment
April 30th, 2009 at 3:06 pm
A tul mai mai lo….. i induh vang nih chu!!!
Report this comment
April 30th, 2009 at 5:09 pm
Dream on….!! reality ani har om hehe
Report this comment
April 30th, 2009 at 5:41 pm
Saturday dry day lai tak khi…
Report this comment
April 30th, 2009 at 6:19 pm
a nuam awm vei …. tih hla a awm em khah?
Report this comment
April 30th, 2009 at 6:59 pm
Khap thil reng reng hi chu a tui hmel tlat thin. Khap anih laia nei thei nihte, in thei nihte rui thei nihte hi mi tam tak chuan anlo chak tlat mai pek a. Khap nilose tem pawh tem chhin duh miahlo turte pawh hian sorkar phalloh thil anih tak avang hian an ti chhin chak a, an zawng chhang ta mai thin ani. Tunlai Khawvelah hi chuan zu phalrai a hun ti a tlangau reng reng chu setana tirhkoh hmuhin kan inhmu deuh zel chu ani. Pastor leh Upa te pawh hian a mal mal chuan zu khap hi tul antilo vek, mahse an kalkhawma khap duhlo nih duh lovin an AMEN tlang leh ta mai thin ani. Chuvangin he article tha leh ngaihtuah chian ngai deuh pawh hi a post tu (Daffodils) hi setana tirhkoh anti duh hial mai thei che ani. Mahse tuna kan lemchan dan pangngai ringawt hi chuan eng lem mah kan chang chhuak chuang lovang tih hi ka rin dan ani. Hetiang lam hawi hi han post zeuh zeuh te u. Tin, corruption chungchang pawh hi khel deuh hlek tur han ngaihtuah teh un.
Report this comment
April 30th, 2009 at 9:02 pm
Zu khapna hlih hi a trul tawh..khauh tawkin dan siam se a thra zawk ang,kan in thiamlo tih mai maite chu chhuanlam dawrawm tak a ni..hlip ngam sawrkar huaisen kan mamawh..synod hi an hlau leh lutuk a,hei vang maimai hi a ni lo maw?
Report this comment
April 30th, 2009 at 9:04 pm
Hlih kher angailo.. ti hian spy deuh in In reng zok ila a Nuam
Report this comment
April 30th, 2009 at 9:27 pm
@Thluaii,Mizote hi hnam naupang lutuk kan ni lo, Mizo tih kan putna erawh a la rei lo.
Kawl, Thai,Shan, Lao ho te nen kan hnam upat lam chu a in ang deuh reng ang. Ziak leh chhiar kan nei loh vang leh kan chanchin(history) sawi tur fumfe ka neih loh vangin naupangah kan inngai mai mai zawk niin ka hria.
Burma lamah pawh Mizo tam tak an awm a, kuhva dawr tam takah pawh zu lei tur a awm teuh a, ruibuai hmuh tur a awm tam hran lo. Mizoram Mizo-te danglam bik riau leh insum theilo bik a ngaihna hi a fuhlo, mahni leh mahni inhmusitna ang lek a ni.
Zu khap duh ho hi chu mahni tu leh fate an enkawl that tawk loh vangin an hlauthawng a ni lo maw? Kohhran-in mahni beramte an zirtir tha tawk lo leh enkawl that tawk loh vangin, lan mawi loh anhlau lek niin ka hria.
Report this comment
April 30th, 2009 at 9:50 pm
Mizoram Total Prohibition Act chuan Mizoram chhungah Zu zawrh leh in a khap bur a. Pui tak a ni. Zu hi hi Khawvelah hian chhan neiin a lo awm a. Hma khawsang BC hunlai atang tawhin a awm tawh a. Khap chi a ni lo. In chi a ni.
Hmang thiam lo tan a tha a, hmang thiam tan pawh a tha. Mihring emotion ti tho thei, Mi hring nihna dik tak hai lang a, tha chu tha, tha lo chu tha lo min nih tir thei tu Darthlalang pawimawh leh tha ber a ni.
Zu vanga sualna ni a i hriat kha zu vang lo pawha sual tho an ni e, sual zep ruk a ni a, Pathian hma-ah lang lo tura thuhruk a awm chuang lo. Zu hi khawvelah bo vek mahse sualna a bo chuang lovang. Ngaihdan mawlmang leh dawihzep thinlung pu suangtuahna a ni e.
Zu ruih vanga nupui vuak ching ten zu in ta se an vaw lo a nih pawhin an rilru chu a ngai reng tho anga, an tawn tur ang an la tawng tho vang. Zu ruiin zah nachang a la hriat lohna ramah hian Zu khap hi damdawi chhe ber leh Zu do hi Ruih zahthlak lohva siam tu a number 1 a ni. I awih loh chuan i chhaw hle a ni mai. Zu tan ngam lo khawpa mi dawihzep mi hring kan tam hle, kan ramah. A entir chu mi mawl awmkhawm, thil tha pawh tan ngam lo khawpa mi dangte ngaihdan ngaichang awm khawm kan ni tih tilangchiangtu a ni.
Nuam pep pep em !!!
Report this comment
May 1st, 2009 at 1:24 am
Kawnga a nawm hmel piap piap tak hle mai,”khap chi a ni lo,in chi.”tih lai tak khi ka duh tawps,”in chi mai ani lo,ruih chi.Zu hi chu chaw chhum nan a hman tlak si loh,thlengsil nan lah a chi loh,inbual nan,insuk nan ahmantlak der loh.In atan leh ruih atan chauh a hman chi a ni.i khap lo teh ang u.:)
Report this comment
May 1st, 2009 at 2:27 am
@taia-pa : Amen.
Report this comment
May 1st, 2009 at 5:40 am
Heng laia Factory pakhat ringawt pawhin —minute khat chhungin um 150 an chhuah hman si a … a ngaihna a awm lo! Khawvel hian zu a ngah lutuk … Zoram Hruaitu leh Officer-ten (an zaivai chuan a ni lo deuh) an dawt kuang kuang tho va … TOTAL PROHIBITION tih vel chu hmaiphih fai nan pawh a tlak tak tak chuang lo! IN atan a tlak ber, ZU chu!
Report this comment
May 1st, 2009 at 10:42 am
“Zu hi hnam hmelma a ni, Thian chhan thih ngam nun nei hian ka In zo vek dawn.” Tih Leather Jacket hnung a in ziak ka hmu tawh. A ha tu pawh ka hria.
Report this comment
May 1st, 2009 at 6:59 pm
A dik,zu hi hnam hmel tih kan pawm tlan chuan hmelma hmaa zam ngai lo leh tlan chhe ngai lo hnam mizo te hi kan ni lawm ni? tlan chhe mai lovin i in piap piap mai ang aw….
Tak tak ah he thu hi chu kan sawi zing ta malh malh.a buaithlak a ni e.Pawn lam atranga lan that tum ngawt hi a ni lo.
Report this comment
May 1st, 2009 at 7:00 pm
hnam hmel =hnam hmelma
Report this comment
May 1st, 2009 at 7:03 pm
Zu te intih te; a khap theih tak tak ngai loh.
Report this comment
May 1st, 2009 at 7:15 pm
@Diktea_pa i thil ziah khi ka nui nasa luttuk!!
Pu Hawla’n
a ti.
Source: Vanglaini phek hma
Report this comment
May 1st, 2009 at 7:20 pm
@wonderboy
Chanchintha a thleng zuk ni renga Mizoram ah …
Report this comment
May 1st, 2009 at 8:09 pm
@lily, Hawltea te hian CHANGE thlentir an tum hmel khawp mai. Tunah pawh hian sawrkar hna post 12 an siam dawn a (a dept chu la sawi hrih lo ang
) pu hawla hian a dil thei te hnenah “a changtu minister chenpui, chhungte, a bial mi leh sa pawh ni ula a recommend na lehkha in awm zia a nei lovang a” ti. 
Report this comment