Ka Thusawi Ve

May 2nd, 2009 7:13 pm by mzvision

Ngopa Lal thlahtu Hrangchhuana’n a fapa upa ber Lalzidinga’n tlang a chan theih nana a pek khawchhuak te Aizawlah kan inhmukhawm. He programme hian chhan pahnih a nei:-

1) Mizoram hmar chhak kilkhawr taka awmin Mizoram Tennis top rank rei ve tak luah theia kan khaw tlangvalte an awm vang leh
2) Matric 1st Div a passed 2 kan han awm ve thei lawmpui bakah tunkum HSLC topper kha a pa PB Tanpuia Ngopa khua atanga Aizawl eizawnna dapa pem thla te chhungkua chawimawina te neih nghal a ni.

Pu Vanhela Pachhuau in thutha tak a sawi – Mizo te hi TAIMA, RINAWM, PATHIAN TIH hnam kan nih a ngai tih thu thiam takin a sawi zawh-ah minute nga hun min pe ve a chuta ka thusawi ve chu -

1) Sports lam timi leh Zirlai te hi hlohtling tak tak tur chuan inthlahdah miah lova, hma sawn zel tura beih tang tang (Continual improvement) loh chuan HSLC topper te poh hi an inthlahdah chuan a tawpah graduate mang lo pohin an tawp ve thei tho ania. Tuna Ngopa khua kan ram kilkhawr tak atanga first a pass ve tawk tawk te hian in zir nasat telh telh chuan topper te hi in lehpel thei a nia
2)Pathian hian mihring AVERAGE min siam hnem ber, chung ho tan chuan sawrkarin EI an tlin ve theih nan ruahmanna mumal a siam a ngai. Mi, specially gifted te hi chu an dan theih loh mahse Pathian hian mi nuai ah pakhat vel bak a siam mang lo chuvangin khawvel a mi hlohtling tam ber leh ram economy tungdingtu hi mi average te hi kan ni.
3)Globalization hian kan duh emaw duh lo emaw he tuilian hian min tuam tho tho dawn. Chumi mil chuan kan ram hi a than a ngai. Tunah India sawrkar chuan Developed countries te nen level playing field neih a duh, chuta hmala-a meizang hlaptu-a tang ber kan ni. Chumi tak ram a thlen chuan TRIBAL QUOTA in awmzia a nei tawh lovang, chuvangin kan education system hi siamthat a ngai. Tunah hian India ram khawpui hrang hrangah Tribal Quota ni lovin global level playing field-a lutin kan Mizo thalai 1000 tel hi Mizoram Budget ei ve miah lo in India khawpui tinah BPO hrang hrang, Legal leh Medical transcription lamah te etc etc leh KPO thleng thleng a thawk pha kan nei, Heng bakah hian kan kal zelna tur a ruahmanna fel sawrkar kohran mimal angin tihtur kan nei.
4) India ram hi project implementation ah khawvela performance chhe ber kan ni, Mizoram hi India state chu sawi loh northeast ah poh a hniam lam kan ni. Tripura leh Sikkim te kan thlau hle. Engtinnge hma kan sawn ang tih hi ka ngaihtuah ve thin. Sawrkar/Zirlai/Sports person tute poh hian hlohtling tur chuan SWAT hmanga kan inenfiah a ngai. Enge ka Strength ka hman tangkai leh zual dan tur tihte, ka Weakness hi ka strentgth ah engtinnge ka change theih ang tih te hi Analysis Technique mumal tak duangin a tul angin mithiam ruaiin kan hmasawn zel nan kan tih a ngai.
5) A tawp berah chuan Ramngaw ti chereu lovin hmuhalh ila i siam belh zel ang u. Hetah hian YMA leh Kohran poh active takin kan tel a ngai. Kohran biakin tin leh YMA Br zz hian tin 10 hmun ramngaw siam ila tin singthum hmun ngaw kan neih belh thei. NLUP hmangin tangkai takin lo nghet nei ila, lo kan hal a ram kan tihchhiat hi kan titlem thei bawk ang.

tih vel hi kan sawi ve a ni e.

17 Responses to “Ka Thusawi Ve”

1
Ditto Says:
May 2nd, 2009 at 7:28 pm
SWAT- Special Weapon & Tactics Team nilovin SWOT-strength, weakness,opportunities & Threats i tihna ni ngei in ka hria. Plan formulation na ah hian SWOT Analysis hi pawimawh deuh a ni.
Report this comment
2
XaiA Says:
May 2nd, 2009 at 7:36 pm
I van sawi thra ve.A ziah ai hian a sawi a sawi ngei ngai thla ila ,a ngaihnawm ngawtin ka ring!!Nia,Pathian hian minaran min duh ber a niang,a siam hnem ber tlat,an tih tak kha maw!!Sawilai vel thla han lak a chak awm kher mai..
Report this comment
3
Aryan Says:
May 2nd, 2009 at 7:49 pm
tribal quota khian MZP thin a khei viau lo maw? Tribal Scholarship an sem tlai deuh vang te khan an han nuar leh tawp mai thin te kha a mak thei teh e! India ram chu reserve , reserve , quota tih vel a tam lutuk a an in ngen siak vak vak ringawt mai ni. Chanchinbu velah pawh hian Brahmin ho vin tribal/sc ho anga quota neih an nawr thu te ka chhiar ta fo mai!
Report this comment
4
Lily_parmawia Says:
May 2nd, 2009 at 7:58 pm
@Aryan
Khei raw sek2.. kan la tawn tho tho tur ania lo in hmakhua angai..
Lo in hmakhua ve nan chuan kan ramah company neuh neuh te ko lut ve zel ila, Rel nen lam ron lut ve toh se, tun ang reng hi chuan kan ral don chiang ltk.. a tahtawlin hma te la ngam ve tawh ila. Voikhata tih huk chi pawh a ni chuanglo. sawiselna chu a omreng dawn, mipui tam zawkin an chhawr trangkai don chuan kal tlangpui mai athat a rinawm.
Report this comment
5
Zorunpuia Says:
May 2nd, 2009 at 8:00 pm
Ngopa a lan tawh hi chuan kan lung a lo leng lawk ve em em mai thin a. Kan pi leh pute chham ang an zalna lamphei a nih vang a ni a. Kan thinlungah a cham reng thin. Ngopa leh Khawdungsei khawchhuak tawh reng reng chu kan nel nghal thei deuh mai thin bawk.

Ngopa lal Lalzidinga hian kum 1922 vel khan Matric a pass a, Mizo tlangval zingah a pass hmasa pawl ber a ni. Khatih lai khan Office hna leh zirtirtu hna thawk turin Aizawl khawpuiah sawm a ni a. Mahse, a sawmna te hnawlin an khua Ngopa-ah Sikul a din ta zawk a. Ngopa khua leh a chhehvelin an lo bawr ta a. Mizoram thingtlang khuaah chuan Lehkhathiam tamna hmasa ber khua an lo ni ta hial a ni.

Pu mzvision thusawi chuan ngaihtuahna tithui hle mai. A tha lutuk tlat.
Report this comment
6
Khelawks Says:
May 2nd, 2009 at 8:39 pm
sawi thra thruai thruai ve…tribal quota hi nei tawh bik lo ila hei ai hian kan tumruhin rual kan el zawkin ka ring ve mai mai thrin..
Report this comment
7
dadum Says:
May 2nd, 2009 at 10:00 pm
mizoram tennis top rank tih khi. ka hriat sual loh chuan Joseph Khuma kha men’s ah a thiam ber a, a nau Basil Khuma Juniors ah a thiam ber thung. Aizawl mi ve ve, tuna Delhi a tennis eizawnana hmang ve ve an ni. Ngopa chu tennis an thiam a, mahse an top tih tak khi chu a dik hlel ang
Report this comment
8
mzvision Says:
May 2nd, 2009 at 11:05 pm
@dadum thanks Khuma te unau hi an thiam zawk an ni hi chu an profe deuh tawh a. Basil phei hi chu US Open velah te a khel hmuh ka lo in beisei tang nasa turin ka duhpui khop mai. A kum in a zir a pianleh thahrui neih hian khawvel deng chhuak pha a niin ka lo ral hriat ve a.
@Ditto thanks i tidik lutuk
Report this comment
9
flying Says:
May 3rd, 2009 at 12:12 am
Sawi thra hle mai!!..

“.5) A tawp berah chuan Ramngaw ti chereu lovin hmuhalh ila i siam belh zel ang u. Hetah hian YMA leh Kohran poh active takin kan tel a ngai. Kohran biakin tin leh YMA Br zz hian tin 10 hmun ramngaw siam ila tin singthum hmun ngaw kan neih belh thei. NLUP hmangin tangkai takin lo nghet nei ila, lo kan hal a ram kan tihchhiat hi kan titlem thei bawk ang.”.

“.NLUP Hmangin tangkai takin lo nghet nei i la”.

Tihlaite tak ah hian Advice ka pekduh awm ve mai mai chu, Sorgar ah bawk ani. LO siamtu ten a siamdan an thiamna a tan Sorgar in zirtir na programme siamsak in, an ma mawh awlsam zawk a an Lo cheibawlna tur hmanrua pawi mawhte ngaihtuahsak theise la. Tih rual, Farm Equipment ramdang a tranga lak luh an duh pawn, awlsam zawk a lakluhdan te pawh hrilh hriat a Farm Equipment, Internation Trader te hnen a tlawmzawk a leidan tur te pawh hrilh hriat an chak awm hle mai. Ka Pa te thawhna Farm Equipment LTD a trangte hian chawkluh dan kawnghi awm rengsi a, sorgar hian ngaipawimawh in Sumsen tur a neihchuan tihdan kan hria ania.!.

Farm Equipment kan neihloh chuan Parnament farming, Cultivation hi kan ram tan thilharsa tak tur ani.
Report this comment
10
adelfos Says:
May 3rd, 2009 at 12:21 am
Ngopa hi hmanah vawihnih ka pal thuak tawh a, ka lung zu han ti leng ve ngawt a! Ngaihtuah zui tlak thu awmze nei a nih hi i thusawi hi
Report this comment
11
samuelapa Says:
May 3rd, 2009 at 10:41 pm
Pulpit tlanga sermon duah thenkhat ai chuan a tha daih mai a…
Report this comment
12
Kawnga Says:
May 3rd, 2009 at 11:16 pm
Sawi tha ka ti lo che. I sawi dik tih hian ka rilruah a thawk zawk tlat. Go on. Dont stop…
Report this comment
13
kanidar Says:
May 4th, 2009 at 8:53 am
Sawi țha khawp mai a.
Report this comment
14
islander Says:
May 4th, 2009 at 1:03 pm
@kanidar thu hi sawi a zawm nge tam ang zawm loh? zawm leh loh hi a tam lutuk. Pathian thu phei chu camping na te Crusade te khawharin te leh Biakin zawng zawngah mahse zawm aiin zawm loh a tam. An sawi tam ber phei hi chu a ngaithlatu in hre hek suh a sawitu lahin zawm bik hek suh heng ang hi change tur chuan tran lak ngai nasa teh mai nia
Report this comment
15
Viking Says:
May 4th, 2009 at 3:03 pm
mzvision, i thusawi hi tha ka ti khawp mai.
Mahse, keichu, chumi khaw chhuak, khami khawchhuak tih vel hi a tul lo ka ti khawp mai.

No offence!
Ka lawm e
Report this comment
16
mzvision Says:
May 4th, 2009 at 7:13 pm
@viking khawchhuak tih vel hi eilo an tam, keipoh mahni khua te han tawiawm loh chu ka ti deuh bawk si.

Nia veng veng tihte chi leh chi tihte kuang leh kuang lo tih te hnam leh hnam tihte, chumi school leh college chhuak tihte, Pres leh Pres lo tih te YMA leh MA lo tihte poh a ni zel ang CHINTAWK neih thiam a ngai hle mai.
Report this comment
17
amanda Says:
May 4th, 2009 at 8:05 pm
LVK nang chu i khawchhuahna hi a danglam em alom, Pawngping khawchhuak kha i nia duhvak chi i nilo a lom

Ka lawm e !!
Report this comment