Pathianni a inkhawm taima tak mai hian nikhat chu chanchinbu editor hnenah lehkha thawnin, Pathianni a inkhawm fo hian awmzia a neih loh thu a tarlang hlawl mai a. “Kum 30 lai taima takin ka inkhawm thin a, sermon 3000 vel ka ngaithla tawh a. Ka inenchian erawh chuan a eng a mah hriat reng ka nei tawh hauh lo. Hun ka khawhral mai mai niin ka hria. Pastor te pawh hian sermon thlak nan hun an khawhral mai mai bawk niin ka hria”, tiin a ziak a. Editor hnena lehkhathawn tihah chuan an chhuah ta kuau mai a.
Hun engemaw chen hnuah chu chanchinbu vekah chuan chhanna mi tu emaw hian a rawn ziak hlawl mai a. “Ka nupui nen kum 30 lai kan cheng ho tawh a, hemi chhung hian kan nu chuan vawi 32,000 vel lai chaw a chhum tawh a. A chawhmeh siam thin te mumal tak a hriatchhuah ka nei mang lo. Mahse hei hi ka hria: a chaw chhum te chuan hna thawk thei turin chakna min pe a ni. Heng zozai hi chaw ei ta lo ila ka thi daih tawh ang. Chutiang bawkin thlarau nun a kan inchawm nan Biakin ah kal lovin, sermon tha tak tak te ngaithla ta lo ila, thlarauah kan thi mai dawn a ni” tiin a ziak a. Thlarau a kan tlawm pauh leh Pathian kan hnaih zual thin. Rinna chuan hmuh theih loh min hmuh tirin rin theih loh ni a lang min rintir a, thil theih loh a dawng bawk thin.
- Translated by Denis Lalfela
Similar Posts:
- Inkhâwm peih an dam rei (Pathianni pualin)
- Inkhawm peih loh hri
- Chawlhni vs Pathianni
- Eng Tirhkoh (Anti-Christ)
- SUNDAY ZING!!
a tha khawp mai
May 3rd, 2009 at 6:34 am
avahan dik ve…. inbual leh inkhawm hi chu a inchhir awmloh antih thin kha maw…
Report this comment
May 3rd, 2009 at 6:51 am
Ka va ei em ka peih ang tawk leh tul ka tih ang mila ka inkhawm ve hram hram hi inkhawm hun zz 10% vel bak kai ve lo mah ila ka lung hi a awi khop mai. Inkhawm tam zawk chu nu leh pa te leh nupui ten min phut mahse, keimah hi chu ka lungawi rih hle. Ka inkhawm chhun a thu ka ei deuh an sawi poh hi ka hriat reng loh an tam zawk erawh hi chu ka insit thin. Chu ai chuan ka zawm tha lo hi a ni leh zual
Report this comment
May 3rd, 2009 at 7:16 am
Thenkhat tih dan anga kan inkhawm te bansan mai lovin infuihtawn nasa lehzual sauh zawk ang u!!
Report this comment
May 3rd, 2009 at 7:35 am
Inkhawm hi chu a tha hrim hrim a engtik kawng zawng pawn! Biakin kawng hnaih hrim hrim hian sual kan hlat. Kan Fel viau emaw sual viau emaw .. a eng a pawh ni raw sek sek! Inkhawm hi chu a tha.
Report this comment
May 3rd, 2009 at 7:40 am
Inkhawm hi a peih vaklo a piang hian kan sawisel thin niin ka hria.Chawlhni ah pawh chawlhni lovah pawh inkhawm hi chu a tha reng,a tul reng maiin ka hria,ka peih lutuk lo na a!!!
Report this comment
May 3rd, 2009 at 8:12 am
Inkhawm hi tihtlem nise Sunday chawhma leh zan leh Inrinni zan hi ni mai sela. Thalai hian thawhtan zan ni lovin Sunday tlai lamah inkhawm nei sela. Nuho hian inkhawm hi neihran tawh lo bawk sela. Tichuan inkhawm nan Inrinni zan leh Sunday chauh kan hmang anga abak chu hnathawh nan, heihi Synod ah i thlen ang u signature misual zz in thawh ila
Report this comment
May 3rd, 2009 at 10:43 am
he thusiak chu a thra hle mai. Ni e, inkhawm khat leh thawhlawm thawh tlem apiang hian an sawisel nasa, a thatzia leh a hlawkna hria chuan an sim duh miah lo a nih hi.
Report this comment
May 3rd, 2009 at 11:07 am
Ni 5 chhung hah tawka hna thawh tawh hnu hi chuan Saturday leh Sunday hi chu mut der der leh awm thawveng mai mai nan a tha berin ka hria. Inkhawm peih anih chuan duhthusam ani. Inkhawm velo te in hmu tleu kher lo ila.
Report this comment
May 3rd, 2009 at 11:41 am
Pathianin niruk chhung hnathawh nan min pe a, nikhat chu hahchawlh na mai nilo vin a mah kan biakna ni tur a ni.Ka in khawm bang chiah e.He!He!
Report this comment
May 3rd, 2009 at 12:20 pm
tul ve bawk ang chu le
Report this comment
May 3rd, 2009 at 12:21 pm
Inkhawm hram hram hi chu a tluk a awm lo khawp chuan ka hria. A tangkaina leh taikai lohna chu keimahni theuha a thawhdan a ni zawk ang a. A tlangpuithuin hmun khatah Inkhawm thinte chu kan inpawh tlang a, kan innel bik thin a. Thisen lamah chhungkhat ni lem lo mah ila, tisa takin kan inti unau phah em em a, thlarau lam nun erawh hmuh theih a nih loh avangin a nunpuitute lam chanah dah ila..
Mahse, kan ramah hian hna a tam a, mitin kan thawh rim hle loh chuan ka changkang thei dawn lo va. Chutihrualin hna a tam a, rim taka kan thawh tak tak hunah erawh chuan tutemah hi tun ang reng hian kan inkhawm taima thei lo thung ang. Hnathawhna ram apiang an changkang tih kan hriat rualin, Inkhawm emaw sakhua emaw ngaihsakna hun an neih loh avangin Sakhuana a tlahniam thung a ni. Hei hi a chawlhpawlh mawi tak kan thiam a, kan zir uluk hle erawh a tulin ka ring.
Report this comment
May 3rd, 2009 at 1:23 pm
Bakah Sunday hi Bible in Chawlhni a tih anilo leh nghal bawk sia, hans erh thianghlim vel a tul pawn ka hre lo, Pathian a lawm awm chuang si lo va
Report this comment
May 3rd, 2009 at 3:12 pm
inkhawm tul lo ti ti ho hi chu inkhawm peih lo, mi sawisel ching fe hi an ni duh khop ania..
Report this comment
May 3rd, 2009 at 7:49 pm
A theiha hunawlte ka neiha ka dam bawk chuan Sunday-a inkhawm chu tul ka ti em em lo…lol
Report this comment
May 3rd, 2009 at 8:49 pm
Sunday hi chu inkhawm theih chuan inkhawm ngei a tha ka ti.
Mahse weekdays zan vela inkhawm+saturday zan? hi chu a tul ka ti lo. Min ti chawlawl mai mai.
Report this comment
May 3rd, 2009 at 9:31 pm
Kristian tan chuan a trul mai ni lovin tihmakmawh a ni. Kan thlarau nun chawmtu a ni chiang khawp mai,inkhawm taima lo deuh kristian thra tak an awm lovin ka ring..keini ang bible bih chhen peihlo tan phei hi chuan inkhwm hi fianrial ve chhang a ni mai e.
Report this comment
May 3rd, 2009 at 10:06 pm
Kan dam a kan hman a nih cuan, Kar khat a sunday vawi 1 awm ah pawh inkhawm peih loh cu…thil tih chi ah ka ngailo kei chuan…..ka chung a mi sawi ang khian kan tih makmawh a ni….
Report this comment
May 3rd, 2009 at 10:15 pm
Mi chihnih kan awm- lan mawi duh vanga inkhawm leh Pathian Biak Ina Pathian biak duh.Lan mawi duh ho chuan an ning ngawt ang.
Report this comment
May 3rd, 2009 at 10:25 pm
A theih hram chuan inkhawm hi pelh loh ka duh. Ka duhna chhan ka han sawi ang e, ngaihtuahna chaw atan:
1. “Mi pahnih emaw pathum emaw ka hminga an inkhawmna apiangah chuan an zingah ka awm si thin a”(Math 18:20) tih hi ka ring tawp. Ka tum danin Isua a awm tih ka va ‘feel’ lo a nih pawhin, a awm tih ka ring a, a awmna hmuna awm kha ka duh ve hrim hrim.
2. Thupuan bung 2 leh bung 3-ah Kohhran 7 chanchin kan hmu. Rangkachak khawnvar dahna 7 angin sawi a ni. “Rangkachak khawnvar dahna pasarih zinga vei veia khan” tiin Isua chungchang sawi a ni (Thup 2:2). ‘Lum si lo, vawt si lo, lum chang chang’ Laodikei Kohhranah pawh Lal Isua a vei a vei tho tihna a ni. Kohhran hian thlarau lamah a nih tur ang ni pha lo hle mah se, Isua Krista vei veina a ni tih ka pawm a, chuvangin, inkhawm pelh hi ka hlau. A vei a veina hmun tih takah, inkhawm peih na na na chuan Isua hmel hmuh hun a awm leh mai thin.
3. Education-ah chuan Environment pawimawhzia kan sawi thin. Environment atanga thil kan zir dan hi hriat mang loh laiin (unconscious learning) a ni fo. Inkhawmnaa ka thil hmuh leh hriat te hi a hrisel ka ti a, ka environment atan ka duh hrim hrim. Engnge ka hmuh leh hriat chu? Luh veleha kuna tawngtai ka hmu (Party leh inkhel ennaah ka hmu ngai lo). Bible keuva chhiar ka hmu. Pathian fakna hla sa ka hmu. Pathian thuchah sawi ka hmu a, a ngaithlatute ka hmu bawk. Pathian tana thawhlawm thawh ka hmu a, Pathian hnena an hlan ka hmu bawk. Heng ka hmuh leh hriat thinte avang chauh pawh hian inkhawmna hmun hi a boruak a hriselin ka hria a, ka thlahlel a ni.
4. “Ka inkhawm ngai lo” tih ai chuan “Ka theih phawt chuan ka inkhawm thin” tih hi keimah ka inhriat dan leh inhmuh dan (self-knowledge & self-image) atan ka duh hrim hrim. Tin, thusawitute hian, an sawi thiam vak lo a nih pawhin, thil pawi tak an sawi ka hre lo. Sap film kan en thin tam takah hian ‘fuck you’ ‘what the fuck’ ‘who the fuck’, etc tih vel tam theih zia te hi. Hetiang tawngkam bawlhhlawh hi Biak Inah chuan ka hre ngai lo.
5. Sunday hi ni 7 ni hmasa ber, 1st day of the week a nia, Sap thufingin, “Well begun is half done” a tih angin, 1st day of the week hi chu Pathian chibai buka inkhawmna hmunah ngei han hmang phawt mai ila, a fuh berin ka hria.
Report this comment
May 3rd, 2009 at 11:07 pm
chhunlam hi chu inkhawm hram2 hi tha ka ti..zanlam te hi chu mimal hun neih dan te a inang lo a..epl en thin tan phei chuan a buaithlak chang tam reuh ngawt ang
Report this comment
May 4th, 2009 at 1:17 am
Chhanna rawn thawn tu chu sawi chu a dik ka ti khawp mai……
Tin, a thuziak tu kha hun hnuhnung a mi te awm dan tur Bible in a sawi Chawlawlna a tih kha a ni ang tih a hlauhawm hle mai. Tin, mifel piangthar lo an sawi hi ang ka ti bawk. Mi a pianthar tawh chuan sermon reng rengah ama thlarau nun chawm tur awm lo tawp awm ka ring lo.
Inkhawm hi chu tuman he khawvelah hian an phur sarh reng thei lovang tih chu ka ring. Mahse inkhawm a, sermon ngaihthlak thin hlawk zia chu heti hian i chhut ang. Inkhawm ngai lo, sermon ngaithla ngai lo mihring leh inkhawm thin Pathian thu ngaihthla thin mi hi tehkhin ila, tichuan keimahni nunah rau rau pawh piangthar tawh tan chuan a hriat theih, kan inkhawm tlem a kan tih hram hram peih loh chuan kan nun zawi zawi kan hriat loh hlanin a danglam leh mai thin. Sual bawiha awm tawh chhandam tawh, sualina nitin a buan thluk a tum reng mihring kan nih hi.
Inkhawm kha piantharna ani tihna ni lovin, piangthar tawh chuan khawiah nge a thlarau nun a tihchak zel ang, Tawngtai leh Bible chhiar chu thil pakhat…. biakin ah lo khawiah nge ringtute kan in tihchak tawn ang.
Inkhawm inkhawm an fel bik chuang lo tih ngaihdan nei te hi an khawngaihthlak ka ti tak zet ani. An mi teh leh an mi hmuhte nen. kawngka zim lo lamah an kal dial dial ang tih a hlauhawm.
Report this comment
May 4th, 2009 at 1:17 am
r200188s xan lamah poh le…..
Report this comment
May 4th, 2009 at 1:19 am
Pianthar tawh chuan a tul lo an tih hi ka ring lo reng reng
Report this comment
May 4th, 2009 at 2:35 am
Mitilreh (eunuch) —Tirhkohte Thiltih Bu-a mi kha inkhawm azawngah chuan inkhawmna la nei hla ber, inkhawm pawh hlawkpuia ka hriat loh berte zinga mi a ni … a hawn kawngah khan sakawrtawlailirin a haw khu vat vat a … a inkhawmna kha Jerusalem Temple, a hawnna tur chu Africa rama Ethiopia ram a ni daih! A hawn kawng khawimaw laia OASIS-ah baptisma chan phah ta hial a nih kha! Mite hi chu an inkhawmah hlawk lo mahse, an inkhawm hawn-kawngah pawh ISUA nen an inpawl zui mai thin!
A hawn kawngah Zawlnei Isaia lehkhabu a zial pharh ve ngial a, a chhiar lai tak portion pawh, “Talh turin beram angin Ani chu an hruai a …” tih a nih kha, a han man fuh lo laileng khawp a —mahse, Thlarau Thianghlim tirhin Tirhkoh Philippa kha Eunuch hrilhfiah tur khan tirh a ni ta vat a … a inkhawm hawng lam … kawnglaka a kal laiin Inkhawm laia hmuh tur ber ni awma lang MESSIA YAHSHUA chhandamna chanchin a hmu chaing ve ta chauh a nih kha … Inkhawm hi Krista nena inpawlna tak tak a nih loh chuan eng tihna mah a ni chuang lo.
“First day of the week,” tih chungchangah — Tv Pu KL pawhin hei hi lo chik chiang ta la, “First DAY of the week,” tia kan neih hi Grik tawng dik takah chuan, “miaton sabbaton,” tih a ni a; DAY tihna “hamera”, he Grik tawng thu-chhehah hian a tel miah lo —-chuvangin, “miaton sabbaton” tih hi “FIRST OF THE WEEKS” tihna a ni zawk a; Krista thawhlehna atanga chawlhkar pasarih + ni khat = Pentecost Ni atan khan ZIAK A LO NI ZAWK DAIH ASIN!
@KL : Trawngbul ngaina leh chuta tranga chik ngun zual mi i ni bawk a, ka rawn khilai ngun bik che a ni e. Tin, “first day of the week,” hi kei chuan uluk deuhvin letling dawn ila “Chawlhkara ni hmasa ber,” tiin ka letling ang (‘ni sarih ni hmasa ber’ tihna turin ka hmu ve zo lo) — nang pawhin i letling ve ngei ang tih ka ringhlel lo —NI SARIH NI HMASA BER hi saptawngin ka’n letling teh ang, “The first (day) of seven days …” — a va HO ta mai mai si ve le!
FIRST OF THE WEEKS hi Grik tawng kalphung chiah a ni bawk; Kalhlen leh Chhang dawidim telh loh Kut hun chhunga Sunday hmasa ber hi ‘Thenthilhlan Tuk’ a ni thin a; chuta tranga ‘Chawlhkar sarih leh ni khat chu PENTEKOST KUT’ a nih miau trhin avang khan! Zir ngun a ngai riau asin!
Report this comment
May 4th, 2009 at 7:53 am
Kan ram (Mizoram) anga takna tello lanmawi tumna ang chauha inkhawm tluk tluk thin kha hlawkna ka hmu lo, chuvang chuan kha nun kha ka kham tawngkhawng anih ka ringa, keimaha Krista pawl duhna thinlung a lo awm chauhin tih tak takna nen ka inkhawm ve thin. Chu chuan hlawkna min pe tam zawkin ka hria, Dan ang chauha inkhawmnaah hian hlawkna a awmin ka hre tlat lo.
Report this comment
May 4th, 2009 at 8:32 am
mzvision rawt ang khi kei pawh ka pawm zawng tak ani mai. Mizoram Kristian te kan insawisel fo chhan leh sualna, hleprukna, hlemhletna ten min chiah reng si lai chhan ni awma ka hriat te..
1. Kan inkhawm zing lutuk, Inkhawm hi Pathian biakna a ni tih pawh hre lo, society system pakhat ang leka ngai kan tam ka ring.
2.Pathian biak hi kan la lap lutuk. Pathian be turin kan taksa kan buatsaih ngai meuh lo. Kan rilru in a dawn tawi ber lai leh ngaihtuahna ril kan hman tlem lai ber Chaw ei puar lai hi kan Pathian biak hun tlangpui a ni tlat mai. Chu chuan kan ngaihtuahna ril ber leh kan rilru chhung ril tak tak Pathian tan kan hlan ngai meuh lo a ni tih a ti lang. Zing țawngțai inkhawm hian kan kohhran te hi a la hruai ding zel chauh zawk a ni te ti ila, kan uar mah mah a nge maw.
Report this comment
May 4th, 2009 at 8:41 am
Tlemin kan tuihnih ve lawk teh ang: Greek tawngin Luka 24:1 hi: τη δε μια των σαββατων ορθρου βαθεος ηλθον επι το μνημα φερουσαι α ητοιμασαν αρωματα και τινες συν αυταις [Luka ziak angin bung 24:1 [ΚΑΤΑ ΛΟΥΚΑΝ 24:1 Greek NT] Source: Byzantine / Majority Text
A ngial a ngan a lehlih chuan: But on the first ["day" ημέρα a awm lo na in, it is implied] of the week [First day of the week chu Sunday a sawina a ni] at early dawn they came to the tomb, bringing which they had prepared aromatics, and some (others implied) with them. Ni e, kan Mizo Bible a “ni sarih ni hmasa ber” a tih hi, Bible chawlkhar chhiar dan hre lo te tan chuan a buai map theih hmel. Changhilh a sawi ang hian, “chawlkar a ni hmasa ber” tih zawk tur a ni.
Saptawng Bible lehlin hrang hrang lo khaikhin ta ila:
King James Version: “Now upon the first day of the week, very early in the morning, they came unto the sepulcher, bringing the spices which they had prepared, and certain others with them.”
New International Version: On the frist day of the week, very early in the morning, the women took the spices they had prepared and went to the tomb.
Living Bible: But very early on Sunday morning they took the ointments to the tomb.
Revised Standard Version: But on the first day of the week, at early dawn, they went to the tomb, taking spices which they had prepared.
Bible chawlhkar hi “ni sarih” a ni tawp mai a, ni khatna, ni hnihna, ni thumna, ni lina, Ningana, ni rukna, nisarihna (Sabbath). Chu chu Bible chawlhkar a Ni chhiar dan a ni. Genesis thilsiam chawlhkar Genesis bung 1 leh bung 2 kha en rawh. Bible chawlhkar ni chhiardan kan hriat thiam phawt chuan “ni sarih ni hmasa ber” tih pawh chu hriatthiam loh lutuk tur a ni lem lo ve.
Kan thu khel tak zawk “Inkhawm” pawimawh leh pawimawh loh chung changah erawh hi chuan Hebrai bu ziaktu in tihian thu min rawn: “Not forsaking the assembling of ourselves together, as is the manner of some, but exhorting one another, and so much the more as you see the Day approaching” [Mizo tawng Bibleah: “thenkhat tih dan anga kan inkhawmte bansan lovin, infuih tawn zawk ang u; ni chu a lo hnai telh telh a in hriatin infuih tawn nasa lehzual sauh rawh u” Hebrai 10:25.
Report this comment
May 4th, 2009 at 1:13 pm
Inkhawm lo ai chuan inkhawm chuan a titha zawk feeeee.
Report this comment
May 4th, 2009 at 2:09 pm
nia… inkhawm leh inbual hi chu inchhirawm loh
a Pathian Thu piah lamah pawh inkhawm bana thingpui in pah a han din kual thrap te hi nuam ve alom le. midang nen interact na hun tha tak a ni ve a
Report this comment
May 4th, 2009 at 3:00 pm
Inkhawm hi a Greek tawngin hre lo mahila, inkhawm hi chu a nuam ka ti em em lo. Mahse, Ringtute nen a inpawl khawm hi chu nuam ka ti
No offence!
Ka lawm e
Report this comment
May 4th, 2009 at 3:09 pm
Biak-In a In khawm hi a in chhiraawm ngai meuh lo a, mahse biak-in nilo a inkhawm(zu in khawm) ang chi hi chu in chhirna tur a tam duh fu.
Inbual pawh hi mihring hriselna atan leh thinghlimna tan tha a nih laiin, inbual a vang a damlo leh thi pawh hi sawi tur an tam fu a, inbual pawh hi inchhirna tur a tam ve hle tho niin ka hria. Inbual loh vang a thi hi sawi turan awm meuh lo a, inbual vang thi erawh sawi tur an tam khawp mai.
Report this comment
May 4th, 2009 at 3:16 pm
inkhawm that zia sawi tlawr thei deuh deuh hi inkhawm peih vak lo an ni duh phian an ti
No offence!
Ka lawm e
Report this comment
May 4th, 2009 at 3:20 pm
khamoins folks, inkhawm chiah ila
Report this comment
May 4th, 2009 at 3:41 pm
‘Tihdan phung’ (Habit) tih hi kei ka dah sang khawp mai. Ni tin inbual hi thenkhat chuan habit-ah an neih a, inbual lovin ni an vui liam thiam lo. Thenkhat tan kar khata vawi khat inbual pawh a suala sual fe tham a nih laia, ni tin inbual habit kha chu sang tak a ni. Inkhawm pawh hi a ura kan ur fe emaw, a tuma tum fe a ngaih chhung chuan kan nunah a la mikhual hle tihna a ni. A sur a sa hnuaia inkhawm thulh thei lo, habit tlat mai te hi a ngaihsanawm ka ti. An lifestyle a ni tihna a ni a, Pathian nena inlaichin thil hi chu kan lifestyle tur a ni dawn lo’m ni? Sa hmeh chang chauha chaw ei ni lovin, anhnah hmeh tum te, dal ringawt hmeh tum pawha ni tin a hun taka chaw ei thin nih hi a tha ber.
Report this comment
May 4th, 2009 at 3:49 pm
Zing leh tlaia Bible chhiar habit tlat mai te, zing leh tlaia Pathian hnena tawngtai habit tlat mai te hi ropui tak a ni. Oxygen hip lut turin kan thaw thin. Kan thaw tih kan inhre mang lo. Habit-ah kan neih tawh a, kan hriat loh lai paw’n kan thaw reng a ni. Oxygen hip lut tura a hranpa taka thawk lak halh halh a ngaih tawh chuan, kan dinhmun a hniam hle tihna a ni. Inkhawm habit-a neih tak tak chin chuan, an inkhawm pawh an chhuang em em hran chuang lo, an nunphung a nih avangin an ‘conscious’ em em tawh lo zawk. Mizo zawng zawng hian Pathian biak inkhawm hi habit-ah neih vek ila, kan hnam hian a chhiat phah ka ring lo.
Report this comment
May 4th, 2009 at 4:12 pm
“Tihdan phung” (Habit) anga kan Inkhawm hi chu Pathian a lawmin ka ring hauhlo mai. Tihdan phung hi chu ngaiah kan neih ang chi hi a ni a, tih danglam em em pawh kan tum tawhlo a, kan tih dan ngai ngai kha tha emaw thalo emaw ka tihdan phung khan ka ti tlut tlut thin a. Pathian kan pawlnaah chuan “Rilru leh tih tak zet” a Amah kan pawl hi Pathian duh dan a ni a, nitin kan nunah athar a Pathian kan pawl hi Pathian duh dan zawk a nih ka ring tlat.
Inbual pawh tihdanphung pang ngai inbual hi atha nachungin kan inbual chhan kan hriat a ngai a; thianghlimnan, hriselnan & harhnan te a inbual ka ni thin a. Boruak awm dan ngaihtuah leklo a kan inbual chuan kan chhiat phat thei zawk a. Khawlum ram, khaw lum lai & nisat lai chuan kan inbual dawnin tui sik in teuh a ke hmawr & kut leh huh hmasat a, hmai phih hnua inbual hi a tha. Lum kan tih vang a tui vawt nen a kan inleih nghal chuan kan kan taksa lum& vawt inkhawngrualloh lutuk vangin thluak zungzam a chat thei a mianglo & thihna hial pawh a ni thei a ni.
Kan thlan tlak lai a kan thlan la hul hma hian kan vun pawp/kua thlan rawn chhuahna hi a in hawng zau lai ani a. Thlan hul hma a inbual te hian nat a awl hle a ni.
Khawvawt ramah chuan a vawh em vangin tui vawt a inbual hi taksain a zo lo a,hrithlang awmna(common cold )te pawh neih a awl hle a. Kan tih danphung ang a pawng tawng inbual ngawt hi kan tan a tha lo a, a hun leh a hmun, sik leh sa a zir a hrilselna tha zawk leh thiang hlimna tha zawk atan kan inbual hi a tha.
Chutiang bawk chuan Inkhawm pawh hi Tihdan phung mai mai thawmhnaw thar show nan leh lanmawi duh vang mai mai leh miten min sawisel ang tih hlau vanga kan inkhawm mai mai chuan kan Christian-na hi a ti dazat zo anga. Sakhaw dangte’n min hmuh dan hi a nep anga, an karah Chanchintha puangin rawngbawl mah ila keimahni Pathian biak dan leh kan nunin a zirloh chuan awmzia a nei vak lo ang. Tihdan phung niloin nitin atharin Krista-ah chuan thi ila, nuntharin Pathian hi pawl zel zawk ila; nitin atharin kan nuhah Thlarauthianghlim pawlna thar chu chang zel turin RILRU LEH TIH TAK ZET-in Pathian fak leh chawimawiin Inkhawm thin ta zawk ila a tha lawng maw?
Report this comment
May 4th, 2009 at 5:15 pm
Daniela pawh a tih dan thin pangngaiin Jerusalem lam hawiin a tawngtai thin a ni lawm ni, tih dan phunga neih hi a sual em em pawh ka lo ring lem lo a sin. Inkhawm taihmak hi chu a tha; mahse, a peihawm thin lo a ni.
Report this comment
May 5th, 2009 at 6:33 am
Inkhawm hi peih lo viau mah ila, a tha..Kan duhzawng mai kan tih ai chuan Pathian fak leh a thu ngaithla tura kan kalkhawm hi Pathian chuan a duh in ka ring
Report this comment
May 5th, 2009 at 1:10 pm
A dik khawp mai, inkhom mawlh mai hi, hun hek si, tih loh chuan nuam bawk si lo. Inkhawm dawn a peihawm thin bawk si lo. Ka ngaihdanah chuan tihthan leh than loh hian peih leh peih loh thuah min hruailut a. A eng a pawh chu nise, kan inkhawmna rilru lwh inkhawm chhan a dik chuan a tawkin ka hria. Entirnan, i pa/ chhungte thusawi a nih vang emaw, rawngbawlna in neih vang ringawt emaw, eng emawah hruaitu chan i chan vang ngawta i inkhawm thin chuan a tam zawkah i hlawkpui kher lo mai thei. We worship GOD… tih hian tlip ta ila. I hun hlu leh tha Pathian pawlna tak tak rilru nena i hman chuan i hlawkpuiin i ni tin nunah pawh RINAWMNA leh TAIHMAKNA a pek phah ngei chein ka ring..
Report this comment
May 5th, 2009 at 3:41 pm
In khawm bana mi rel i sim chuang loh chuan awm zia a awm lo.IN TI Mi fel rual awm khawm ho hi ka ten a nia.
Report this comment
September 1st, 2009 at 12:19 pm
“Tin, Pathian biak inah chuan Pathian fakin an awm fo thin a.” Luka 24:53
Report this comment