Chengkawl hi Mizoram lui ah chuan an awm deuh vek a. Tut, Tuirini leh Tuivai chengkawl te hi an tui deuh bik nge ni a zuar tute hian chumi lui chengkawl hi an ti deuh zel mai a. Tunlai hi chengkawl khawrh hun tak chu a ni, No an pai loh lai a ni. A chhan chu an no pai kha To-haw tuilian April leh May vel hian a thuah fai thin. An no nei zo hi an thau a an tuiin an hang bik.
Chengkawl-bial pawh hi tun ang hun nipui intan lai hian an hang zual ve tho. Chengkawl khawrh chu kan duham tawlh tawlh a kan kal ril tulh tulh a ramhnuaia riah mai a awl teh asin aw.
Chengkawl khehna khawl or hip-chhuahna khawl hi awm se kan ei hnem zual viau lawng maw le aw te ka ti mai mai a. A chhum in a tui a han kan hian a tui hlei hlei emaw tihtur a ni bawk. Baiah te hian han thlak ila behlawi rep nen te hian a inhmeh viau zel.
May 6th, 2009 at 8:00 pm
A tuihang hian pum a dam fu mai.Chengkawl hip hi chuan chaw ei hnem a awl an ti,kan in hip riltam tlat a.Tin,chengkawl hi Mo-thar hmeh pui i la,an hip tha ngam lo an ti bawk!!!!
Report this comment
May 6th, 2009 at 8:21 pm
Chengkawl hi chu ka duh khawp mai, mahse tereuh te te chu ka khawih buai vel peih lo, chengkawl tung bai thak hmeh chu hmui a thip duh
Report this comment
May 6th, 2009 at 8:35 pm
KFC, Mc Donald’s etc. thilsiam ai chuan Chengkawl ngei hi a tui
chengkawl fry phei chu tui tak a ni..
Chawi ei pah a hipah ka phal teuh lo, chaw ei lai chuan a tui hang chiah in ila, puar toh lamah mal beih leh ila a man hla ber.
Report this comment
May 6th, 2009 at 8:40 pm
Chaw a chengkawl chawm hi a tui a nia aw!
Report this comment
May 6th, 2009 at 8:46 pm
hnapkhawn a ang ka ti, ka ten tlat, a lian deuh ho phei hi chu khak lian pui chhakna tur awm lawk loh laia lem kulh hi a ang
Report this comment
May 6th, 2009 at 8:47 pm
Chengkawl hi thil pa-1 rua rau-ah chuan protein tam ber a an sawi a ni. hringtlang awmna neih chuan changkawl tui hang & a chengkawl tak hi hawpin ei nghek i la, a zawn a ni-2 ei chuan kan dampui mai.
Chengkawl tung aiin chengkawl bial hi a hang tui zawk a, a mawng chhut pawh angai ve hran lo a, sakuh hmul/akuh or mau/rua hakherna ai a lian leh seiin suih ila chu chuan kher chhuah hmiah hmiah a ni mai.
Report this comment
May 6th, 2009 at 8:50 pm
“Chengkawl hi …” an tia lawm! “An kawr atrang hian chaw zawngin an vak chhuak vek thin a, thawm ri an hriatin —a remchang chang, (empty corn) kawr ruakah an lut sung sung ta mai thin a … a te deuh luhna kawr kha a lo len deuh chuan a eitu/hiptuin ‘a CHER’ an ti a; a lian deuh luhna kawr kha a lo tet viau chuan an lo tawt a, a eituin ‘a thau,’ an ti mai alawm …” tiin Zopa —fiamthu thawh thiamten an sawi thin.
Lunglei lamah chuan SAILUNGREK CHENGKAWL an ti deuh zel khan ka hria a; Aizawl lamah ve thung chuan DIALDAWK CHENGKAWL chhalin, chengkawl an hralh theih phah niin a lang deuh.
Champhai leileta chengkawlte khi chu a kawr a hnip vek a, a ei tel theih vek thung. Dum leh chirha mi hi chu an tui dan a dang deuh an ti.
Bel chhungah hian han khung khawm ila, a ralmuang ta deuh nia an hriatah —an tawn sawn ve zul zul a, bel kotlangah a trhen an rawn vak liam a, an kawr pu vu vua an han tawlhsawn lai chiah thlir chuan ei hi a chakawm lo hle, hnapkhawn paw-lep-lup hi an ang a … an ki ni awm tak an mit hi hnapkhawn angin an vilik valh valh ve tho.
Kawlbial leh kawltung hi a engnge tui zawk? A kharkherem hi lem sual palha dangmawn vela bet, khak chhuah theih mai tawh si lova thihpui pawh ka hre tawh. Ei fimkhur a ngai viau.
Buai lai khan Lunglei Nghasih lui dungah chengkawl kan khawrh thin a; ei leh bar a harsa lu’lai a —mi tinin kan inchuh a ni ber e … lungpui hi han zut ila … chengkawl note takngial pawh zut fuh tur a awm loh lai a tam mai … lui kam tuaka Anngharil, Chakawk, Kangmang-an etc., takngial pawh kha kan chhat fai hneh hle, Trawkpui pawh kan mal kawng hnehin kan ei zak tawh lo … ei leh bar a harsat lai tak tak kha a va mangangthlak trhin tak em!
Chengkawl insiktira —ai-en an awm nawk bawk.
Report this comment
May 6th, 2009 at 8:58 pm
Tuivai suar leh lungkhawkrawk bel pha chengkawl hi a hang bik teh asin aw
Report this comment
May 6th, 2009 at 9:06 pm
cheng-kawl, n. the generic name for all water-snails; a water-snail, a periwinkle, a winkle, a whelk. (Different species: kawl bial and kawl tung both edible; phûng chengkawl not edible.)
chengkawl bial, n. the name of a spherical edible water-snail, generally abbreviated to kawl bial.
Report this comment
May 6th, 2009 at 9:11 pm
Sonapur lui lang hringduk kuih mai khu … ‘chengkawl tuihang’ a ang teh asin!
Tun hmaa kan guitarist thiam ve deuhte khan —
“Chengkawl bial an hip ngai lo …” kalhmang khan picking/plucking an bei zut zut thin. An luck phah ve raps!
Report this comment
May 6th, 2009 at 10:45 pm
Chengkawl ei hi a thra vak lo!!! BBC ah hman ah 1990 chho vel ah an rawn sawi uar em kha mole a that lohna…. keipawh ka ten deuh tlat!!
Report this comment
May 6th, 2009 at 10:52 pm
Mizo-in ka ei ang chengkawl hi a that loh awm ka hre lo. Piring ka tih ang chi khawmawl a awm lian pui pui(Huan thlai te ei kawng vek thei chi hi) ang chi erawh hi, ei chi miah lo a ni a, amahah hian natna hrik chi-60 dawn lai pai angin an sawi.
Report this comment
May 7th, 2009 at 1:43 am
chengkawl hi chu a chengkawl ai mahin chhum a a tui hi tui k ti zawk..hmeh a buaithlak hip hip a ngai a,a bial chi lah kher neuh neuh a ngai bawk si.
Report this comment
May 7th, 2009 at 1:51 am
KISS zel ngaiah chuan chang (coarse) in ti deuh em ni? HIP ti lovin, KISS ti ula, in ei hnem deuh zawk ang!
Report this comment
May 7th, 2009 at 6:27 am
Kawl bial https://www.cambodiauncovered.c.....snails.jpg
Report this comment
May 7th, 2009 at 9:14 am
Water Snail kawl tung leh kawl bial hi a tui bawn tops a mam leh a bawl a awm
Report this comment
May 7th, 2009 at 10:30 am
Lungleiah chuan Chawnghilh sawi ang hian SAILUNGREK CHENGKAWL bak lei tur a awm lo. Mak angreng khawp mai. Mahse Sailungrek chengkawl theuh theuh a inang lo nuaih mai. Lui hnar lam leh lai lam te, a mawng lam amite, leh a sir lam amite….. thlah/chi hrang hrang, hnam hrang² an awm ve aniang ka ti ringawt…. ka hrethiam chiah bik lo…. Diktea_Pa hian chengkawl a lei ve thin ka ring, sawi tur pawh a nei ve ngêi ang le….
Report this comment
May 7th, 2009 at 11:10 am
Luidung ami hi kawi li nga ah an hian zu han dang vek a mawle. Mak deuh chu a hang bik area a mi hi chu zu hang bik reng mai a. Tukin khan Singzawl kai Tuivai ami kan hmeh a zu hang lutuk miah lova. Tui in telh hnem lu deuh anih a ni maw tiin kan phunnawi vel a. A thing hi tlaiah kan(fry) a a then behlawi rep nen bai kan tum Awhfiks.
Chengkawl kawr hi thlaiin a ngeih ania
Report this comment
May 7th, 2009 at 11:46 am
Lunglei lamah chuan DE CHENGKAWL an ti tawh zawk mah, Pu chawnghilh. Chengkawl chawhmeh chu taimak ngai em mai! A tui hang hi a tui ka ti tawk fu.
“Pawlthum Science”(?) kan zir lai te pawh min ti hre chhuak alawm le, Hnapkhawn kan tih te nen hian in ang tlangah ngaih a ni. A nervous System zirin kan han zai ve ngei mai a, anervous System hi a sin reuh si, a in suih fin na hrang hrang ganglia (nerve knots) ho kha zai chhiat kan hlau thei si….. Khang hun te kha ka hre chhuak ve nia kei misual hian.
Report this comment
May 7th, 2009 at 3:19 pm
No# 12: Chepa i chiang chiah maw?? Parasitology leh helminthology kan zirna ah chuan a that lam a sawi ka hre miah lo mai a….ei suh u ka tihna nilo in….a tha vak lo ka tihna a ni e…..
Chengkawl chu rawtsawm ula a kawr nen…chuan chhawhchhi nen bai rawh u…hehehe….. in ek a thap/hriam ngawt ang
Report this comment
May 7th, 2009 at 3:44 pm
Kei chu kawngkaw rawi hi a tui ka ti.
Report this comment
May 7th, 2009 at 3:49 pm
Nu pakhat che fel lutuk pawh khan an mikhualte hmehpui atan chengkawl a buatsaih a, hip chhuahsa vekin a chhawp asin. Hipa kher nuap nuap ngai lovin, in neitunu hipsa kha an hmawm theih theih mai a ni.
Report this comment
May 7th, 2009 at 3:53 pm
a rep te hian zuar se a nia ka tih…..chil in ti putttt, ano pai hi lei a hlawk a let 20 te a chhauk tehi ha ha…..
Report this comment
May 7th, 2009 at 4:39 pm
Chengkawl kawr hi han hal ila, a vap var dup thin. chinai ang deuh in a hman theih. Thawmhnaw var suk/Chiah nan pawh a tha fu nia. Tin, chengkawl/hnapkhawn rawh hmin hi ruh tliak leh ruhseh damdawi atan a tha e an tia. Ka ke tliah trum in ka ei a, a khal trelh reuh, ei a har vak lo. Kha vang kha nge thlasik khawvawt a ruh tliahna hnu han na vet vet ka nei lo.
Report this comment
May 7th, 2009 at 4:55 pm
Misual-ah tho hian mi ka chhiar aw… ka hre chiang ta lo. A bial hi a pa, a tung hi a nu emaw ka lo ti thin a, a lo ni lo tih ka hriatna la rei hauh lo. A no nei chi leh tui chi mai an lo ni awm e.
Report this comment
May 8th, 2009 at 1:08 am
@drake, chengkawl kan tih hi Sap chuan snail a ni a, snail an tih ang chi hi hnapkhawn, piring,etc.. te pawh a tel vek a, Mizote’n kan ei ang chi hi chu Chinese,Kawl,etc.. ho pawn damdawi-ah an lo hmang thin a. Magazine pa-1 a ka chhiarah phei chuan a that zia hlir a ni a sawi ni.
Tin, a that zia a tak a hre chiangtu ka ni ka ti thei awm e. Ka naupan laiin thla-6 ka nih a tang hnute ka hne duh lo a, kum-1 ka chuan hnu pawn ka la ding thei lo a, ka pain chengkawl a khawrh a, chengkawl min fah a, ka lo duh hl e a; kar-2 a zawnin nitin min ei tir a tang a ding thei& kal thei ka ni a. Ka hritlang deuh pawn chengkawl hi ka damdawi tha ber a ni a, a theory niloin a takin ka chiang.
Mahse, chengkawl awmna a zirin a thalo pawh awm thei ve tho chu a ni. An awmna lui,tui, dum,etc.. a thianghlim tawk loh chuan natna hrik leh chemical mihring tan tha lo an pai ve thei tho bawk.
Mihringte chaw rinpui ber buh(rice), chhangthawp, cereals chi reng pawh mihring tan tha hle mahse, B.cereus bacteria an awm duh a. B.cereus bacteria awmna ei fuh chuan thihpui hial pawh an awm a, thil chu athatna a awm angin a that lohna pawh a awm ve zel a, fimkhur erawh a tha.
In zirna a athat lohnate chu misual ho hriatah rawn pho chhuak thei la a va tha awm ve. A thatna lam ringawt kan sawi a, a that lohna lam pawh hriat a chakawm khawp mai.
Report this comment
May 8th, 2009 at 3:32 am
Diktea pa sawi ang khian, Chengkawl — a kawr hi an muut chiam a, a var ta ruap mai a — chumi chu an rawt dip a … India chhim lam AP-ah khuan an chenna in kawtkaiah milem (kawtkai pangpar) siam nan an nulaten an hmang thin a; MOGUH an ti. Milem —art siam thiam riau kha chu, nula education nei sang an ni tih a hriat theih mai a; chuvangin, MOGUH design dan azirin nupui-pasal an lo inzawng ve hle thin a lo ni …
In comment atrangin ka var uar uar mai! Chuvangin, South India ka rawn thai lang leh hram a ni e.
Report this comment
May 8th, 2009 at 3:42 am
De lui kam —ram palailengah 1984 khan zan khat, thlasik laiin ka thianpa nen kan riak tawh. Kal lam kha chuan, “Lasi nula han hmu mial ila,” kan ti a; kan riah zan chiah kha chuan, “Aw Lalpa, Lasi nula rawn kaltir suh,” tiin kan lo trawngtrai ru ve ve a ni awm asin — hmun ralmuang kan thlen hnua kan han sawi dun leh ngialin!
Duichuani um khat kan thlawrtir kan nghah khawtlai vanga thimin min nang kha a ni a, eng kan lo nei si lo! Tuikuk pa nelawm tak mai Pu Vara of Zawlpui khan, “Lui dungah lawngin ka thlah ang che u, phaiah hian sai a awm si a, tlangdungah lah sakei,” tiin min hrilh si, kan tlawmngai ngial a — kan che chhe ta a ni.
Thingthlavar de ve vu deuh mai hi kan han lek ngawt thin, kawng kalna tur a en der mai si lo, thla mang zan a ni bawk si! Thlasik dai fimin min nan hrep a, a vawt khawp mai! Ka thianpa a la tramchhawl zui … a ngaihna a va awm lo tak em! December thla a ni a —khua rei an chang zo ta, kan thiante Kauchhuah-ah min lo nghak … nawm zawng a nuam thlawt e. De lui, lasi tamnaah chhailaidi kan tawng ve zo lo!
Report this comment