Kan pipute khan thil a nih ang rawta an sawi dawnin, “A ruh lang rawtin kan sawi ang e,” an ti thin. Saphovin ‘To call a spade a spade’ an tih ang deuh hi a ni awm e. ‘Ruhrel’ (skeleton) hi thil nihna bulthut, ruangam, pianzia leh nihphung sawina a ni. Chuvangin, a ruh langa thu an sawi chuan, engmah pehhel leh thup awm lovin, thil nihna ang chiah chiahin an sawi chhuak tihna a ni. Tunlaiah hian kan duhthawh luatah, “A thling baw hawkin kan sawi ang e,” kan ti ta fo mai. ‘Thling baw hawk’ tih tawngkamin a entir chu, a ruhrel zawng zawng phel darhsarh vek, engmah ruangam leh riruang mitthla tur awm tawh lo khawpa thil nihna sawp chhe vek tihna a ni. “A ruh langin kan sawi ang e” tih hi a dik zawk a, a tum a phawk chhuak zawk bawk. Chuvangin, zep leh thup awm lova thil nihna dik tak kan sawi dawn chuan, “A ruh langin ka’n sawi ang e,” tih mai hi a tawk a, “A thling baw hawkin” tih tawngkam uchuak hi i hmang tawh lo teh ang u.
Pakhat dang kan sawi leh lawk. Nupa trang-then, in thihsan hi a na em em a, chuvangin, kan pi leh pute chuan “Koki lehlam sahthlak ang a ni” an lo ti hial a ni. Koki lehlam sahthlak hnu hian mihring an la dam khawchhuak thei a, mahse, tuar zawh mang loh khawpa na a nih bakah, piansual phahna tur a la ni zui. Koki lehlam nei lo chu a dam hnu pawhin a kim lo huai dawn tih a chiang. Tunlaiin thenkhat duhtawh deuhin, “Koki lehlam sahthlak te chu a nep lutuk, chhip atanga a laia phel phawk ang a ni” an tih ka hre ta zauh zauh. Chhip atanga lai phel phawk hi rei pawh an dam ka ring lo. Hei pawh hi tawngkam uchuak a ni a, a sawi tum nen a inmil thei lo. Kan piputen “Koki lehlam sahthlak” an tih hian a lo phawk chhuak tha viau mai. Chuvangin, hei bak chuan sawi uar lutuk i tum lo teh ang u.
Similar Posts:
- Telhawng i ei ve ngai em le?
- HIV patient ‘cured’ by extreme procedure!
- Misual soprano hi sipai bo a bang e… Lo pui mawlh teh u’n.!!
- Soulmate ♥
- Mihring chungnung bik!
May 9th, 2009 at 4:58 am
Thu Uar lutuk hi a diplomatic lova uar loh hi a thra fo mai. “”Ve” tih pawh hi kan uar (hmang nasa) mah mah lo maw ka ti. Han inti inngaitlawm trawng lam deuh niin ka hria ka hmang rim khops mahse kan ura ka ti ve tlats.
“A zaithiam ve khawp mai” kan han tithla zena tu nen tak teh ang i maw nge a sawitu kha zaithiam a lo inti hle zawk. “Kan sawi ve lawk anga …” inthlahrun hmel raps mahse an sawi chiah chu authority ang deuhin a sawi leh lawi sia.
Kan khaw ho hian “ka va ten berrrrrrrrrr” an ti thluk fan ngaih a pir deuhin “”Ngopa le^^” tih an ching.
Tunlai hian “khatin sawi ve hlek suh i nihna hi HAWRAWP-PUI in kan phawrh leng mai tur che ania – engemaw i nih bik teh chai le” han inti bawng bawng pawh hi kan chungen ho te pawh hian zu la hmang ve thova.
Report this comment
May 9th, 2009 at 8:33 am
Fapa te zuirui in a lo hawng pa in a zilh dan tactic hrang hrang :
1) Zu rim te chu ka rawn nam haw i tia lo i va zak lo ve sim vat rawh
A hnu a inchhir lehna tur ang chi hi chu sim hmak hi a tha ber
2) Nizan kha chu zu i rawn rui haw chhap maia, ka lawmlo khawp mai
3) Nizan i awm dan kha rilru i ti na hle mai chi tawh loh chi a ni
4) Nizan ang khan han awm leh vaih teh i chaklo ang
5) Zu han rui haw leh ngat teh ka vaw hreh dawn miah lo che ania
6) Zah pawh i zak lawm ni nu leh pa thawhchhuah ring ringawt zu te i han rui ania ti tawh hlek suh
7) Nizan kha cu tihpalh ah ngai ila Pathian leh nu leh pa duh loh zawng ania chin tawh loh a tha ang
9) Zu hi inthiam tur rui kher lo hian in tur a ni mahni limit hriat tur aw nizan ang kha chu thing deuh lo maw
10) Hepa nen in inkawm hi chuan in heti ziah mai ….
Ka Lawm e
Report this comment
May 9th, 2009 at 11:54 am
@aputea chu ziak tha leh leh khawp mai. Nia thu uar lutuk hi chu a tha lem lo. thu uar tih chuan DAWT tel ani tawh hrim hrim mai a.
Thingsai leh a chhehvel lam chhuak hian “Ka lo va kal chhung a nge” an ti thin, “Ka lo va kal a nge” emaw “Ka kal san che” an tihna ni mai hmiang maw! (no offence
ka nu hi Thingsai khaw chhuak ve tho a nia)
Thu uar pakhat ka hriat. Lunglei, Ramthar pa chuan “Hmanni chu ka fanu thingphur turin Kharzawl tlangah a zuk kal a, Sakeiin a lo rum thaih a. Thlabar in a lo haw a. A tuk zingah chem ka tat hauh hauh a, ka fanu sawi mualah chuan ka zuk kal a, a sawi ang ngei chuan kei pawh chu min lo rum khum a. Patling pangngai tak pawh in an sum ruk sum sarih rual tur a ni. ‘Ka fanu thing phur ngam lo a lo rum thaih tu chu’ ka tia, a rum ri chuan ka thin a khei zak mai! Ka chemtum ka phawrh a, sah tum in ka zuan phei ta a. Ka chem hriam chu hlau in a tlan chhe ta. Ka um a, mau hmun karah tlan lut in, mau banpuam tiat vel hi chu a su puak phei pawp pawp mai a, kei pawh chuan chu ti tho. a thlante chu mauah chuan a huh phei zuih mai a. Sapui na na chu um phak an lo har deuh a niang, a mei ka sat phak trep tih chuan khumi Tuirum kurung kan lo thleng der tawh mai a, ral lehlam ah a per kai ta daih a. Ka per kai ve thei ta si lo a, a ni pawh chu a tlan peih tawh chuang lo. Ral lehlamah chuan a thru lurh mai a. A huh hnup a, a lei ah chuan a thlan a far tluk tluk bawk a, pasaltha in ti ve Lungawia a lo thleng a, Khu kap rawh ka tia. Zuk kap ngam lova mawle” ti in a sawi.
Lungawia a sawi hi ka mi hriat anih avang in ka zawt ngat a! “Khai a, khu laiah a ni nen kan in hmu ngai lo reng reng” a ti. Sakei um tu hian thu chu a uar deuh thin reng a! Nghasih hnara thir hrui inzan a Vamur fu pawh saihlum pakhat a ipte pui ka ang hawk khawp perthla kha a ni ve a!
“A ni chu thu dik hrulah belh neih a ching” kan tih ho hi “Thu a uar deuh thin” te pawh kan tih hi!
Comment 2-na a in hauh danah chuan 7-na khi ka duh ber!
Report this comment
May 9th, 2009 at 12:21 pm
Thu uar lo trawngkam-ar hmai tiat lek lo ka nei, chil chhak phak lek,etc..tihte hi uchuak kan ti ve reng em..ar hmai tiat lekah chuan khawpkham thar a har ngawt ang a,chil chhak phak tih lah hi hah hnepa kal tham a ni fo mai..
Report this comment
May 9th, 2009 at 12:38 pm
Aputea sawi khi Mizo tawng dik zawk, kan hman thin chu ani ngei mai a. Mizo tawng hian, thu uarna tawngkam a ngah hi a hausak ve na lai tak a ni awm e. Chuvang chuan a hman dan dik zawk vawng nung tho siin, kan thu ziak a zirin tawngkam bungrua kan chherchhuah thiam zel pawh apawina a awm awm love. Abikin thuziak mi te’n , thuziak cheimawina ang chi leh ahun a zira thu an uar thiam hian an thuziak ati ngaihnawmin a tifiah thin.
Report this comment
May 9th, 2009 at 1:01 pm
Ka thianpa pakhat nen mi veng ah kan leng a (ti mai ang) dawr a kan thut lai chuan, an veng inti huai ve deuh pakhat hian..a bawl a tih buai a tum phet mai a, a tawp a tawp ah chuan ka thianpa ning lutuk chuan, ” ka hik mai tur che ania,” an ti chiah mai chuh…ka van nui nasa tak em. A thu uar dan hi nalh/mawi! ka ti khawp mai hairehai.
Report this comment
May 9th, 2009 at 1:16 pm
Pu HV chu dam maw? Lunglei lo phei teh Ramchhuak dun teh ang! Hairehai…
Report this comment
May 9th, 2009 at 2:36 pm
Diktea_pa, ram chhuah pawn silai nen nilovin camera nen zawk aw
Report this comment
May 9th, 2009 at 2:40 pm
Ni teh reng mai triplestar “Sapel” tih hmang lovin “Ramchhuak” tih ka hman luih deuh ngat khi! chu tah pawh hriatthiam nan Capital R…
Report this comment
May 9th, 2009 at 2:49 pm
Diktea_Pa, lo zin leh hun ah aw…
Report this comment
May 9th, 2009 at 3:09 pm
Lawmawm thin e diktea_pa, ramchhuak tih leh ram vak tih hi chuan sa pel hi a kawk ve thei tho sia, nang ni ang mi pangai chin a ngaih hian silaite hi in lo pu ve vu2 mai ang tih ka lo hlau deuh a…
)
mi rawn hleh ve dawn nia aw (la ti hram dawn mawni le
Report this comment
May 9th, 2009 at 3:19 pm
triplestar hleh (kan chhuak a nih chuan, tlalak ho) che u tum nak lai in, Pu HV lah chuan “Lo zin leh hun ah aw” a ti daih tawh mai si a. Lungtat par hun ah aw!
Report this comment
May 9th, 2009 at 3:22 pm
nih tak chu mole, vala hla dawn ve ooo engpawh nise tlumtea thlir takin kan lo thlir a nge
Report this comment
May 9th, 2009 at 3:29 pm
HV nen chuan kan inhmu a mahse a HAW
hmanhmawh deuh a chhan erawh tul tak a ni. A lo mature ta hle maia ka lawm tak tak a ni. Han cham rei deuh se zawng, chengkawl khawrh leh len den paha tiau pho a han riah bo pui kan inhuam teh reng nen a hun neihin a daih ngang lo a ni.
Report this comment
May 9th, 2009 at 3:44 pm
mzvision chengkawl khawrh leh len den chu a chak awm khawp mai, zan han riak ngei mai ila, thla a eng nuam bawk si. Zoram pawh kum tin hian a lum belh zel chu ni hi maw? Forest dept. ka mawh chhiat ringawt mai dawn maw ni le!
Report this comment
May 9th, 2009 at 3:46 pm
@Mzvision – i thil ron post tum pakhat Mizo Ro tih ah khan milem i dah em? a lang thei miah lova. a link lo dah tawp la kan lo update mai ang.
Report this comment
May 9th, 2009 at 8:04 pm
@Goldmember – thlalak 3 ka dah tawh e. Ka Lawm e
Report this comment
May 10th, 2009 at 12:48 am
Kan veng a mi pakhat hi thu an uar thei mai mai khawp a, a hming pawh Lalkhuma Bawlte a nia. Tleirawl leh rawlthar a tu a te mai pawh hian an thiante thusawi ah uarna tawngkam an hman tel chuan ‘ Khuma te tukverh ah i dak lut a law’ an ti nghal zel. UAR LUTUK CHU FIAMTHU TIH NA.
Report this comment
May 10th, 2009 at 3:28 am
i trawngkam rawn tarlan ho khi kei chu ka hnualsuat lem lo,khitianga a teha teh emaw a chhuta chhut chi niin ka hre lo..ka rawn tarlan zuai tawh ar hmai tiat lek lo nei tih ang thuartham te khi a chhuta chhut dawn chuan a nuihzatthlak viau dawn a ni…trawng tihausatu a ni ve mai lawm ni ka ti deuh..
Report this comment
May 10th, 2009 at 7:22 pm
Uar ang reng, uar fu, uar tawk viau, uar uchuak an la awm hrang leh thliah hian a lang thin —exaggeration hi chu khawi-ah pawh tute emaw-ah chuan a awm hrim hrim, thu a tingaihnawm zawk hian ka lo hre ve a. ANTISYZYGY/oxymoron, emotive language, euphemism, euphuism, paradox chhung-ah ka khung deuh vek mai!
Nazareth Isua tak pawh kha—thu uar thiam, trawng-hlawk—ni hian ka hre ve deuh trhin, “Hriau benga sebengtung luh tlang etc., …” a ti awl lo! Tirhkoh Paula pawh kha paradox awmze nei thui tak tak a thiam hle.
Science lam ngaihtuah phei chuan ELEMENT chu “can not be created nor destroyed …” kan tih hap hap laiin, test-tube pakhat em pawh la thing che ve ngai lo, borax-bead test leh H2S rim pawh la hre ngai lo, fishy-smelt Peter-a chuan “all the elements will melt …” an ti leh heps mai a. A uchuak hret! Thu uar mai a ni tawh lo va; dik tak a la ni dawn tho tho si!
Exaggerate han tih hian ‘a nihna baka sawi’ tihna vekah hmang lo ila, UAR thiam thu sawi nge nge hi ngaihnawm riauna lai bik a awm. Israel ram chanchin chu mahni tawkah sawi thiam ve vek mah ila, a hmuna cheng taia-pa te ai pawhin Mission Vengthlanga Pu C. Rokhuma (Padma Shree Awardee) khian a sawi thiam daih zawk hrim hrim!
Zotuithiang fim leh vawt tuizia sawi thiama ka hriat chu Dr HL Malsawma a ni; an khua hi Reiek a ni a, a panna kawnga zotui thiang luang her her Vaipuanpho lui tui thian em emzia a’n sawi dan kalhmang pawh, “A thianghlimin a vawt tui her her bawk a; in dawn meuh chuan tlema chawh nut hretin —duhtawka in atana a tawk vel chiah …” a’n ti chiah mai chu — mi namai lo, a kamchhuaka picturesque nei fel tak, ngaithlatu tana phur lehzualna sauh a thlen khawp mai! Exaggeration-ah chuan HL Malsawma aia thangchhuah hi ka la hre lo hrim hrim —Mizo zingah chuan!
Lunglei-ah khan Pu Roy-a (Lalhmingliana pa, rahsi Veng) a awm thin a, ani pawh Khasi mah ni se, Zotawng lamah chuan nep lo tak kha —thu uar thiam a ni thlawt, “Ka pangkai hmuh chu a rah khawp a; a bula lungpuiah te pawh a ran kuh siau suau mai,” zu ti ve ngat a! THU UAR hian a tingaihnawm ka ti ve tlat! RHETORIC chi khat a ni ve a, thinlung muthlu a kaitho va; a thling baw hawka sawi thiam pawh hian —ngaihtuah zui veng veng tur an la khek zui thiam tho hian ka hmu ve tlat!
Zir tur kan neih belh thil vek a nih vang a ni ang!
Kan phrase neih tawh bakah hian a thiam chuan THU UAR mawi tak hi han phuah chhuak zel teh u. Kristian ni lo tan ‘misual’ han sawifiah pawh hi an hrethiam ngut na’maw, “A suala a sual zia mai chu Setana nuhrawn chu nep te,” te han ti ta ila … nuhrawn sualzia hre chiang tan leh Setana sualzia hre chiang tan chuan … THU UAR thiam nih kan hlawh ve mah na! Skimi pawh lo inthlarung lo la, ka sawi chhan i ni hran miah lova nia aw!
Report this comment
May 11th, 2009 at 12:02 am
In comment a ngaihnawm viau e. Ka point tak man fuh in awm emaw ka hre lo. Thu leh hla hi chu ka tuina lam a nia, thusawiah hian uar thiam chuan, mi rilruah a effective duh khawp. Uar lutuk erawh chuan, a effective-na a bo hlauh thei thung. ‘Some things in life are better left unsaid’ tih ang deuhin, a chang chuan, kan goal tak hi sawi fai kelh lova ngaihtuah zui tur tawka kan sawi thiam chuan mi thinlungah a tla na zawk thei tlat.
“A thling baw hawkin kan hrilh ang che, i tawng tam lutuk hi miin an ning viau a nia” tih ai chuan, “A ruh lang rawtin kan hrilh ang che……” tih hian a chiang tawk viauvin ka hria. Nia, “A thling baw hawkin kan sawi ang e….” tih pawh chu kan sawi tum azirin a fiah zawk riau hun pawh a awm thei tho ang chu. Ka ngaihdanah chuan, “A thling baw hawk” tih tawngkam hmang tam tak hi chuan an duhthawh uchuak deuhin ka hre ve tlat. “A ruh lang rawtin ka hrilh ang che….” tia miin thu min hrilh hi chuan, pehhel nei miah lovin thil min hrilh an tum tih a chiang thawkhatin ka hria.
Thu uar hi a chin tawk hriat loh chuan, miin kan thu sawi hi ngaihthlak dan tawk an thiam lova, “Ani hi chu thu hi a uar ve thei hrim hrim a…..” ti zawnga min dawnsawn tawh chuan, kan thu sawi uar tum tam tak hi kan sawi uar tum ang he hu-in mi thinlungah a tla na lo ve thei tlat asin.
Report this comment
May 11th, 2009 at 12:07 am
Tunlaia lam (dance) kan kalpui dan tam tak pawh hi, kan tleirawlho hian an duhthawh mah mah ka lo ti ve deuh. Saphovin ‘graceful movement’ an tih ang bosal vek khawpin kan su tawrh tawrh lutuk deuh em aw ka lo ti ve mai mai a, a ngaihnobei tawk leka taksa han thleh nghelh nghelh te hi lam lama tui mi te chuan an ngaihtuah ka duh khawp mai.
Nula leh tlangval inngaizawng han inngaih melh deuh ralhah pawh hian, thinlung khawih tawk leka inmelh relh dan hi a awm a, chuti lova phung tho hmu ang maia kan inmelh ngur mai chuan, kan melha te thinlungah hlauhna dik lo pawh a pian phah thei tlat asin. Engkimah hian a effective tawk lek hi kan man thiam a pawimawh riau asin.
Report this comment
May 11th, 2009 at 12:16 am
Nupa trang then chungchangah pawh, “Lala nupui sun chu, Mizo upa-in koki lehlam sahthlak an tih ang tak takin a tuar a, vil deuh chawt loh phei chuan rilru dik lo a pu palh ang tih khawpin a sun a…..” han tih chuan, mitthlaah dar lehlam sahthlak huam, hliam na tak, thi luang truam truam, chau taka mu emaw mitthlaah a lo lang a, a nat dan tur suangtuah a awl. Chuti lova, “A laia phel phawk ang a ni….” han tih chuan, chhip atanga taksa laia phel phawk chu, mitthlaah pawh, mitthi ruang mitthla a awl zawk tlat.
Report this comment
July 27th, 2011 at 3:10 pm
ÑÊÎËÜÊÎ ÑÒÎÈÒ ÄÅÌÎÍÒÀÆ…
minny…
Report this comment