A lamtawi hi a sei fu mahse a lampumchu Mizo Moral Reformation Network International a ni duah. 28 March 2009 khan din a ni. Mizo rilru siamthat tum pawl thil tum te chu -
1) Zonunmawi tlawmngaihna / rinawmna / dikna / huaisenna / aia upa leh nu leh pa zahna te leh Chanchin Tha a lang thei ngeia nun chhuahpui.
2)Pathian thilsiam dang – ram / leilung / nungcha / leh boruak neitu chan changa enkawltu tha nih te
Target Group -
1) Naupang 2) Mizo zawng zawng
A hlawh chham loh nan misual ho hian rawtna i siam teh ang u
Similar Posts:
- Eco-Theology
- Pathian Chungchang
- Malsawmna Leilunga Cheng Kan Ni
- The original creation of God
- Ram leh, hnam leh sakhua
Nia, Like tur dik tak hi Like a ngai a...
May 14th, 2009 at 12:02 pm
YMA a tawk kan ti zo ta lo a ni maw?Nge pawl kan din duh hrim hrim zawk?
Report this comment
May 14th, 2009 at 12:36 pm
Taihmakna a tel ve lo tihna em ni….???? Tin, Mizo zawng zawng leh Naupang hi thliarhran a tulna ka hre lo. Heng hi, Kristian kan nihna chu dik tak hian hmang thin ila, pawl dang² din buai a ngai lo tur. Nge politiks hmanrua leh mai mai tur….
Report this comment
May 14th, 2009 at 12:50 pm
Pawl kan ngah tawh nak alaiin
Report this comment
May 14th, 2009 at 1:07 pm
Hetiang pawl din ngai khawpin kan moral life a tlachhe tawh hi a zah thlak zawk e…Changkanna in a ken tel ti zel tawh mai ang…
Report this comment
May 14th, 2009 at 1:14 pm
PAWL..PAWL.va mak zozai dawn ve maw le aw…!!! YMA hi kan ringta lo ni maw..NGO tam lutuk tih tawhnak a laiin, tiang chuan chhangchhepa kan buai lutuk ang,Committee lah eng eng committee tam tawh si,Panhnah Zuar Association,Tuibur Ass..Hawkers Associaton, Mizoram Hmunphiah kek pawl…etc..atam mah mah ani. Political Party lah Democrat leh Republican ang khuan awm mai se tha tur tih tawhnak alai in,keini pawh hi Misual.com Commentarian’s Association i din ve ang u,chuan Bank Loan te kan puk ve dawn nia,a tawpah Ltd.Limited ah kan inkhung dial ang a.
Report this comment
May 14th, 2009 at 1:49 pm
Pawl pawl Ti Lo Pawl Pawl – tih din ve mai ila
Report this comment
May 14th, 2009 at 2:07 pm
I&PR Hall a sorkar officersleh ministers/MLA an kohkhawmna ah khan ka va tel ve a, thil sawi tamtak atanga alan dan chuan ‘moral’ reformation hi kan mamawh mai ni lovin a awmzia pawh kan la man vak lo niin a lang. Thusawi tu thenkhat chuan, thil titha lawmpui leh tithlalo hrem te an sawi. Heng te hi chu moral lam nolovin administrative reforms leh social reforms lam ah kei chuan ka ngai. Hrem hlauh vang nilo, lawm hlawh dawn vang pawh ni bawk lova, thil tha chu thil tha anih vang liau liau a duhna thinlung pu thei tura hma kan lak theih chuan kan moral chu a tha chauh tur ah ka ngai.Nia, Pawl chu a tam tawh khawpmai, mahse kan thatpui lutuk chuang lo niin alang, tuna mi ten an tih that theih chuan alawm awm ah i ngai ang u.
Report this comment
May 14th, 2009 at 3:37 pm
Pawl kan ngah tawh ltk tih vel hi chu dik ka ti.
Mahse ti teh ang, MoralReform (an lamtawi danin) pawl hian thil tih an tum dan hi a positive riau a. Mi dikloh lai sawichhiat aiin A tha lai chawimawi te, tin kan rilru sukthlek hrim2 siam that tum an nihna te hi a fakawm ka tia.
Thil tha ti tur an nih phawt chuan 100% in ka thlawp e.
Report this comment
May 14th, 2009 at 5:12 pm
Initiative tha tak a ni ….. mahse a hlawh chham loh nan, a poimoh ber chu hlohtling se ti hi kan tam a va ngai ve. Ti ringawt lova a hlohtlin nan a thawk tak tak tur te, support pe a Campaigner te sum leh tha leh zunga lo puih te, lo tawngtai pui te, tawngtai mai lova chawnghei a tihtakzeta lo ngen pui te, mahni family ah, hna thawhna ah leh kohran ah te poh kan moral reform ngei hi zahpui lovin Synod ho thleng hian in reform kan va ngai ve.
Report this comment
May 14th, 2009 at 11:54 pm
@dr_feelgood
“Hrem hlauh vang nilo, lawm hlawh dawn vang pawh ni bawk lova, thil tha chu thil tha anih vang liau liau a duhna thinlung pu thei tura hma kan lak theih chuan kan moral chu a tha chauh tur ah ka ngai”
hetiang ka ngaihtuah ve thin chu Hremhmun hlauh vanga Pathian thuawih nge Pathian hmangaihna atanga chhuak min hmangaihtu hmangaih let duhna avanga Pathian thuawih? ka chhanna chu Hrehmun hlau Xtian kan tam vanga hetiang moral reform ngai hi kan ni berin ka hre ve deuh.
Nirupam Chakma thusawi kha a tawiin a pai naa thra zu ti tlat ia
Report this comment
May 15th, 2009 at 12:55 am
Kan ‘value system’ dik lo hi ka vei khawp mai. Lecturer-ho atangin kan tran daih teh ang. ‘Senior Lecturer’ an inti hi chu ka la ngaithiam, ‘Senior-Grade-lecturer’ an inti te, ‘Selection-Grade-Lecturer’ an inti te hi chu kan value system hniam tawhzia symptom-ah ka ngai. College hrang hrang magazine kha en la, lecturer ho hming list-ah hetiang hi i hmu fur ang. ‘Senior-Grade’ leh ‘Selection-Grade’ tih hi chu an hlawh chungchang sawina, Pay-Scale lam thil daih a ni, designation a ni tawh lo hrim hrim. Peon-ah te, Primary zirtirtu-ah te, clerical staff velah pawh hetiang ‘senior-grade’ leh ‘selection-grade’ hi chu a awm ve vek. Engati nge lecturer thawk rei tawh ho hian ‘Lecturer’ intih mai hi an duh tawk loh? Value system lam thil daih a ni.
Chutiang bawkin, Headmaster, Director, Joint Director, Principal, etc., pension tawh tam tak hian, an hming an ziaknaah ‘Direcror (rtd)’ ‘Principal(rtd)’ tiin hmana an nihna (ropui em ema an hriat) kha tarlan talh an tum. IAS (rtd) te, IPS (rtd) tih hming bula ziak pawh ka hmu nual. Driver (rtd), Peon (rtd) tihte chu kan hmu ngai lo thung. Saptawnga ‘What I am’(Engnge ka nih) tih leh ‘Who I am’ (Tunge ka nih) tih lai hi kan chian a ngai khawp. Director chu ‘what I am’ a ni a, Director belhchiandawl lo tak, hun vawng dik lo, hna thiam lo, lerh tak, zu duh tak, corrupt tak pawh ka ni thei. Tunge ka nih? belhchian ka dawl em tih vel lam aiin engnge ka nih tih hi kan dah pawimawh em em a, ropuinaah kan ngai a, kan pension hnu thlengin intih-ropui nan hman kan tum. Lecturer ho pawhin zirtirna hna ka tuipui tak tak em? Ka hna ka thiam em? Ka zirtirna hi zirlaiin an man em? tih ai mahin ‘Senior-scale’ ka la ve ta, ‘Selection-grade’ ka ni ve ta tih hi an dah pawimawh zawk a ang khawp mai. Kan value system pawnlang lutuk leh linglet (ka ngaihdanin) lutuk ta te hi engtin nge kan siamthat dawn le?
Martin Luther King Jr. thusawi ka duh em em hi in lo la hriat loh takin ka han tarlang ang e:
“If a man is called to be a streetsweeper, he should sweep streets even as Michelangelo painted, or Beethoven composed music, or Shakespeare wrote poetry. He should sweep streets so well that all the host of heaven and earth will pause to say, here lived a great streetsweeper who did his job well.”
Ngun takin chhiar la, chhiar nawn leh rawh. Tual phiat faitu kan ni emaw, Michelangelo anga lemziakthiam kan ni emaw, Beethoven anga hla phuah thiam, music thiam, zai thiam kan ni emaw, Shakespeare anga thu leh hla thiam kan ni emaw – eng hna nge ka thawh tih aiin ka hnaah ka inpumpek em? tih hi a pawimawh zawk tih he thu ropui tak hian a tarlang chiang hle a ni.
Moral Reform hi kan duh tak tak a nih chuan, i hnaah inpumpek la, tual phiat fai hna i thawk a nih pawhin bawlhhlawh chhe te pawh hnutchhiah lo turin uluk takin phiat mai rawh. Peon i nih pawhin tirh nuam tak, thuhnuairawlh leh inngaitlawm, peon chhawrnahawm tak nih tum mai rawh.
Kan ‘work ethics/culture’ atang hian kan tan a ngaiin ka hria. Zirtirtu i nih chuan tlai loh tum phawt rawh. School ban hma-in haw suh. Office-a thawk i nih pawhin a hun dik tak aia hmaah thlen tum la, mipui tana dawr nuam takin awm la, ho mai maiah office chhuahsan suh. Sapram (United Kingdom)-ah chuan hna thawhnaa kal tlai an hrilhfiahna chu ‘being less than 10 minutes early’ an ti daih. Minute 10 tling lo china kal hma – tihna a nih chu. Dar 9-a tan tur kha minute 9 emaw, minute 8 emaw, minute 5 emaw, a aia tlemah emawa an thlen hma khan ‘kal tlai’ an inti tihna a nih chu. Keini ‘kal tlai’ ve chu tran hun tur aia minute 30 zeta thleng tlai te, darkar khat zela tlai te a ni. Hetah ringawt pawh hian sawi tur a tam khawp mai.
Kan ramah chuan office kan va dawr chuan, a dawrtu hi kan tri dek a, office luahtute lahin ‘Naktukah rawn kal rawh’ emaw, ‘Ka hman rih lo, lo nghak lawk rawh’ tiin min lo chhang a, an zai ngai dekin kan awm a ngai. Japan ramah chuan, office-a thawkte hian anmahni dawrtu (mi satliah mai mai pawh) an hlau emaw tih turin hawihhawm theih tawpin an lo dawngsawng thin a ni. Helai ringawt pawh hi khel tham a ni. Moral Reform Pawl hian hengte hi siam tha thei tak ang maw? ‘Zir Uar Kum’ tih vel laia kan veng YMA-in kan veng chhung sikul an rawn tlawh a, zirtirtute min han sawisela min han fuih vel kha chu, zirtirtu tam ber chuan kan ei lo viauvin ka hria. E, ka sawi tam lutuk dawn, duh tawk rih phawt ang.
Report this comment
May 15th, 2009 at 1:24 am
Martin Luther King jr thusawi ka duh em em, thu belhchian dawl nia ka hriat hi i hre tawh emaw:
“If a man is called to be a streetsweeper, he should sweep streets even as Michelangelo painted, or Beethoven composed music, or Shakespeare wrote poetry. He should sweep streets so well that all the host of heaven and earth will pause to say, here lived a great streetsweeper who did his job well.”
Chhiar la, han chhiar nawn leh teh. A awmzia hi ngun takin ngaihtuah la, moral reform atana kan hmalakna tur pawimawh tak a ni tih I hmuchhuakin ka ring. Eng hna nge ka thawh tih aiin, ka hnaah ka inpumpek em tih hi a pawimawh zawk tih he thuziakah hian a sawi chiang hle a ni.
Lemziakthiam Michelangelo te, musician ropui Beethoven te, thu leh hla kungpui William Shakespeare te ropuizia chu kan hre vek awm e. An tihna lama an inpumpekzia pawh sawi fe tham a awm, ka sawi vek lo mai ang. Ngaihmawh tham lova kan ngaih thlengin an ngaimawhin an ngaipawimawh a, chuvangin, an kuthnu pawh a mam thlarh mai a ni. An kuthnu a phuai ve lo ti tawp mai ang. Chu chu a ni helaia Martin Luther King Jr thupui chu – tual phiat faitu pawh ni se, a hna chu a uluk tur a ni, van mipui leh khawvel meuh pawhin hmuhnawm tia thlirin, “A hna uluk taka hlen chhuak – tual phiat faitu ropui hetah hian a awm a ni” tih comment hmu khawpin tual chu uluk takin phiat rawh se, a ti tawp mai.
Mizote ‘value system’-ah chuan eng hna nge ka thawh (what am I?) tih hi a pawimawh vet vet khawp mai. Ka tawng tu huatthu ni lo se, Director nihna te hi kan ngaisang vet vet khawp a, pension hnuah pawh ‘Director (rtd)’ tiin kan hming tawpah kan dah tawk tawk a, chutiang bawkin, Principal te, Headmaster te, Superintendent, etc. pawh kan dah ropui ber ber khawp mai. Ka hnaah ka inpumpek em? Belhchian tlakin ka thawk em? He hna thawktu hi tunge nia mite’n min hriat? (Who am I? Who do the people say that I am?) tih lam hi chu kan dah pawimawh vak lo niin a lang. Hun vawng dik lo, hna thiam lo, dawr nuam lo, thatchhia, corrupt tak pawh ni ila, hna ropui tak (nia kan hriat) kan chelh chhung chuan ropui riauvin kan inhre tlat.
Lecturer ho-ah pawh hian kan ‘value system’ kal sual tawhzia symptom ka hmu fo mai. ‘Senior lecturer’ an inti chu ka la hrethiam. ‘Senior-grade-lecturer’ ‘Selection-grade-lecturer’ an inti hi chu ka nuih a za lek lek thin. Hlawh chungchang (Pay scale) leh an nihna (designation) an kaikawp tlat. Primary zirtirtu leh clerical staff leh peon te paw’n senior-grade-scale leh selection-grade-scale chu an nei ve vek. Lecturer aiin academic qualification-ah an hniam zawk. Mahse, ‘selection-grade-teacher/peon/clerk’ an inti ve ngai lo. A chunga thuziak ropui tak atang hian lecturer ho intehna tur chu – eng hna nge ka thawh? tih aiin, ka hnaah ka inpumpek em? Ka hna ka thawk tha em? tih hi a ni zawk.
Peon i ni thei e. Sweeper i ni thei e. Driver pawh ni rawh. Eng hna nge i thawh? tih aiin, i hna chu zahtlakin i thawk em? tih hi a pawimawh zawk. Uluk tak leh ngunthluk takin, sulhnu phuai leh hnuhma fel lo awm miah lova i thawh chuan a ropui a, mi ropui i ni reng tawh. Chu chu Pathian rawng kan bawl dan tur pawh a ni.
Sapram – United Kingdom-ah chuan hna thawhnaa kal tlai (being late to workplace) an hrilhfiahna chu ‘being less than 10 minutes early’ an ti. Minute 10 aia tlaia an kal hma khan, kal tlai an inti a nih chu. A hun dik tak chu an la khalh ta tho tho. Keini kal tlai chu a hun dik tak hnu minute 30 atanga darkar 1 emaw, a then phei chu darkar 2 hnu lama thleng te kan ni. Kal tlai chingho hi haw hma ching kan la ni zui. Helai ringawt pawh hi khel fe tham a ni.
Japan ram Work Ethics/Work culture te khi zir tham a ni. Office emaw Department emawa staff te chuan anmahni dawrtu an palzam ngai lo. An hlau zawk emaw tihtur khawpin hawihhawm theihtawpin an lo dawngsawng thin. Keini ramah chuan kan inchhuan khum a, an tana hlawh neia rawih kan nihna hi kan hre lo reng reng a, “Naktukah lo kal rawh” te kan ti thul, kan innghahtir a, thawhpuite nen kan titisan mai mai thul. Customer kan hmuh dan leh dawnsawn danah ringawt pawh hian reform tur a tam khawp ang. Moral Reform Pawl ho hian eng chen tak hma la thei ang maw? Ka sawi thui lutuk dawn. Midang sawiah khek phawt ang.
Report this comment
May 15th, 2009 at 1:27 am
Sorry. Ka comment submit hmasak khi a failed emaw ka tia, a bul atangin ka ziak tha leh a, hei thu inang thuak post pahnih a awm ta a nih hi. Administrator lam khan comment hmasa zawk khi chu (comment 11) khi delete mai rawh u, a hnuhnung zawk hi a chhiar tlak zawkin ka hria.
Report this comment
May 15th, 2009 at 7:24 am
@Aputea
Han thai belh la misual reader hi kan tlem si a mizo mipui zz chhiarah ka va it ve, article puitling sei lutuk si lo issue khata chhuah tawk vel turin.
Moral reform tih hian ka zu hriatthiam dan chuan process of change from not doing right for self/community/religion/state to continual systematic improvement
Tichuan Reform Agenda mumal kan neih ngei a tul ang.Mandatory leh Optional tun dinhmun nena inmil turin nei ila, chungte chu-
Mandatory: 1) Sawrkar hi mipui te ta a ni Vaiho ta ani lo, Ruling party ta lah a ni bik hek lo, kan ram mipui ta a ni, a thatna leh hmasawnna tura thawktu tur diktak ten an thawh theih nana puitu nih zawk.
2) Legislative, Executive leh Judiciary hi India danpui duh ang thlapin kan kalpui tur a ni. Ruling party office hi dan siamtu a ni lo, sawrkarah thuneihna a nei tur a ni lo, administration leh rorelna reng reng ah an inrawlh tur a ni lo, dan lekkawh tute thiltihah an inrawlh/sawipui tur a ni hek lo; chutiangin mipui pawh.
3) Kohran hian an kohran mipui te rawng Pathian duh angin an bawl anga, kohran dang member ruksak (poaching) hi an ching tur a ni lo. Ramthar vei kawngah pawh geographical ramri then a rem loh pohin subjective talin hotuten ramri an siam tur a ni. Sawrkar ram dan leh hrai rap beta kohhran biakin leh hmun atana mawilo (unethical) taka neih hi an duh ngai tur a ni lo, chutiangin thilpek kawngah te. Kohhran sum duham avanga Biakin hmuna sumdawnna te hian biakbuk a tizahawm lova an thiat ngei tur a ni.
4) Administrative, Economic leh Social Reform
5) Resource Mobilization reform hei hian Tax chi hrang hrang lak a tel ang.
6) Investment reform hei hian mirethei te thleng phak leh an dinhmun chawikanna atanga, kan neih makmawh hmasawnna ruhrel thlanchhuah (prioritize)
7) Kan culture leh tradition kalpui dan inang lo siam rem
Optional: 1)Khawpui a pem khapna dan siam. kan ram hi village 1000, town 100 leh City 10 turin plan siam ila ramri fel taka khamin, duh duh a pem kawi hi khap ila chumi atan chuan ID siam vek nise. Pemlui chu sawrkar, Kohhran leh NGO ah hlawkna / nihna engmah an neih phal ni lo se.
2)Election reng reng a candidate tur te hi party hotute ruat ni lovin an party member ten thlang phot sela, hei hian in-el-relna chi tha lo awm mek a reform ang.
3)Engkimah accountability kan neih chhoh reng theih nan, mipui aiawh te’n sawrkar(dept hrang hrang leh sikul zz), kohhran leh NGO te Audit sela. Audit tih hian sum hman dan chauh nilo, kalphung leh a process te nen vek audit ni sela.
4) Zu khap burna hi bithliah neia siam that nise, zu in avanga harsatna awm te control zawk nise. hrem ngai te hremna dan mumal duang-in
5) Kohran inkhawm tam lutuk hian nu leh pa te’n an fate enkawlna hun tamtak a luah avangin, Sat leh Sunday bak hi chu Biakin a inkhawm ang hi nei lo ngam ila. Abika khawmpui leh Crusade erawh thuhran nise
6)Sawrkar leh Dept hrang hrang hmalak dan tur leh tum (aims & object)mipui te hriat tura puanchhuah/hrihlfiah/zirtir
7)Mipui nawlpui rorelna a power encroachment a awm loh nan leh duhdan saikalh tak tak te streamline nan Urban Local Body India danpui duh ang ngeia din, chutiangin village Council thiata Panchayti Raj Institution India danpui duhdan ang ngei a in leh.
# 7 ve ve Pathian no ah Mandatory leh Optional Reform hi khung kher kan tum a ni.
Report this comment
May 15th, 2009 at 7:27 am
@chawnghilh
va reh ve, i thu leh hla Bible nena Moral Reform inmil deuh tur leh historical deuhte Grik tawng atanga a lo inirh chhuah dan te han thawh teh
Report this comment
May 15th, 2009 at 10:19 am
An thil tum hrim hrim chu ka vei ve zawng tak ani! Hetiang pawl hi a trul em o! ka tih lai in kan mizo nula leh tlangval te han kawm hian kan mindset hi reform a ngai lo theilo chuan ka hria. Thatna lai kan neih rual rualin kan nau te tam tak hi chuan incheina, idol, eemo, ngaihzawng buai a buai.. hmeichhia in bike nei ah hmangaihna nghat lovin, mipa in hmel leh zei vang ringawta hmeichhia ngaisang lovin, youth culture tha kan mamawh tawh takzet ani. A nei te (a tam zawk chu eiruk pawisa vang) awt a, neihve zel tum kher lo, inkawm ngeih tho si society neih a chakawm.
‘Change’ kan duh tak tak anih chuan mizo mipui a nawlpui anga tan tlan a ngai tawh ani. He pawl hian initiative tha tak a la in ka hria a, an tihfuh chuan an in form dan pawh a tha hle in ka hria. Achhan chu
- Zorama kohhran pawl hrang2 an tel a, he pawl hi denomination pakhat hmalak na a niloa, chu chu ka thlawp na pakhat chu ani. Presbyterian, Baptist, Roman Catholic, Salvation Army etc an tel veka.. a tawpah chuan kan problem a in ang vek tho. Mizoram Christian state anga kan portray duh anih chuan in sawisel tawn sek lovin hetiang anga thawh ho na taktak hi kan mamawh ani. He pawl dintu, an chairman hi India ram pum Christian te inzawmkhawm pawl ah hotu thin a nih vangin denomination hrang hrang thawh ho na kawng ah a leadership experience te a hman tangkai ngei a beisei awm.
- Sorkar support an neih avangin rah tha a chhuah ngei beisei ila. Mizorama (pressure?) group lianber kohhran/sakhuana leh sorkar a tan tlan phawt chuan chak zawkin an thil tum te a kalpui theih ngei ang.
- An in claim ang anih chuan politics a in rawlh miah loa, ram hruai tute an tel anih chuan he topic hi an vei in an tuipui vang ani.
Duhsakna ka hlan e! amaherawhchu an kal dan/bawhzui dan in mipui wholehearted support a hril ngei ang.
Report this comment
May 15th, 2009 at 11:42 am
Ka’n ziak deuh duah teh ang. I chhiar kher loh paw’n pawi lo.
Moral Reform, a hming hi atang hian pawl dinchhan a lang reng mai. Reformation tih hian a tum chu ‘Siamthat lehna emaw dinthar lehna’ tih a ni mai a. Siamthat leh a ngaih chuan, a hma chuan tha ve thawkhat takin a lo awm tawh a, tunah chuan a lo tha ta vak lova, siamthat leh a lo ngai ta tih a kawk nghal awm e. Kan Moral hi a tlangpui thuin a tha tawh lem lo tihah pha thei kan awm lova. A chhan ni thei tam tak pawh kan hre dem dum tawh. Sawi ngai tawh lovah ngai mai teh ang.
Moral Reformation hi engtiklai mahin thil awlai a ni ngai lo tih hriat a tha khawp mai. Phak ang tawka History chhui ve pawhin mi tam tak hlawhchham tawhna a ni. Tin, pawl anga din tawp chi pawh hi a ni ber lo mai thei. Ka sawiselna a ni lo tih erawh min hriatsak ka duh. Moral Reformation awm tak tak tur chuan mi tuemaw, special tak a awm phawt a ngai. Chu mihring chuan fing tak leh remhre taka ruahmanna siamin, a tuma chiang tak chungin boruak a siamthiam a pawimawh. Amaha a tihtheih loh chin erawh a awm lo thei lova, chutah chuan hnungzuitu/puihbawmtu a mamawh bawk ang. Chung a hnungzuitute chuan amahah rinna an nghah thiam a pawimawh hle. Hemi hnu hian Pawl chu ding se a tha mah mai thei.
Moral Reformer ropui ka tih chu Pu Gandhi-a kha a ni. A hunlaia India ram boruak han chhutpui tak tak khan a chet dan kha a ropui thlawt a ni. Culture humhim nana amah a inhlan dan te, a taka amah ngeiin a nunpui tak dante kha entawn tlak tak a ni phawt mai. Mizo hnam bikah chuan Reformation hlawhtling tak hi kan la nei fumfe pawhin ka hre lo. Morally change chu nghet lo te tein kan nei ve tawh thin. A hunlai chhutin, Pu Denga kha engemaw ti takin mi rilru sukthlek deh a thiam phian a; a thiltih leh a hlawhtlinna lam chu engpawh lo ni se, pa ropui tak a ni ve phain ka hria. A hunlaiin Mizo Moral a khawih nghing miau a. Spiritually chuan kan ramah hian Moral Reform kan tawng zeuh zeuh tawh. El-Bethel vanglaite khan Mipui rilru sukthlek chu a dang nasa em em a nih kha.
Mizo rilru siamthat tum pawlin thil tum a neihte han thlir khian thil awlai a ni dawn lo tih chu a hriat theih mai. A thli a tleh fuh erawh chuan beisei aiin mipuiah nghawng tha a nei thei tho bawk. Thli siam thiam leh siam fuh a pawimawh dawn a ni. 19th Century vela Moral Reformer-te hlawhchhamna lian tak pakhat chu, ‘a thli an siam thiam lo’ tih a ni. Mi do zawnga hma lak a rem lova, thiam taka mi rilru-a thu sawi a ngai a ni. Heng, ‘tlawmngaihna / rinawmna / dikna / huaisenna / aia upa leh nu leh pa zahna te’ hi huang khatah khungkhawm vek theih dan a awm a. Kawng leh lamah chuan a mal theuh pawha beih fe tham an ni vek lawi si. Sawi fiah dan tha berah chuan, sawi vak aia nunchhuah puia fiah zawk tur chi vek an ni. ‘Chanchin Tha, a lang thei ngeia nun chhuahpui’ hi mi tam tak thiam tawhsa a niin zu han hre tlat pek a.. A lang lo lama nunpui hi kan thiam lo zaw mah lo maw…? Ngaihdan erawh a tam thei e.
Environment lama thangharh hi chu a rampum huap pawhin kan next step, kan ban phak deuh mai tawh niin ka hmu ve thin. Tunah hian hma kan sawn nasa em em a, mipui nawlpui hi kan aware tan tawh a ni. Mahse, problem kan neih chu mipui lamah ni lovin Sawrkar fawng vuantute lamah hian a ni tlat mai. Ramngaw vaha, halral kumtin hi thingtlang loneitute hian an peih vang a ni bik lo, kawng dang a awm ngang lo zawk a ni. Hei hi kan rama Environmental Problem lian ber a ni tlat bawk si. Kan rama Deforestation factor lian bera lang ‘ram kang’ thin pawh hi, a chhan tam ber chu ‘Lo hal’ atanga lo chhuak a ni. Hei hian leilung kal ral leh lei min thin te, nungcha chereu zel te, boruak tih chhiat lamah te nghawng a nei vek a ni. Hemi kawnga kan Moral Reform tur hian thiam taka Sawrkar lam kan hneh hmasak a fuh ber ka ring.
Target Group – 1) Naupang 2) Mizo zawng zawng – Point No 1 leh 2 hi hmalak tum danah a pawimawh dan a inang reng a nih chuan, Point no 1 hi paih daih awm tak a ni a. Naupang lama hmalak nat ber an tum vang a niang chu maw, 1 leh 2 an siam. Mizo zawng zawng hian Naupangte a huam miau si a…. Khai.. A bawplawka lak tum ka ang dawn tan… ka duh tawk teh ang.
Ka lawm e.
Report this comment
May 15th, 2009 at 12:12 pm
#12 14 16 17 comment te khian rilru takzet inhmang tih a lang, invaia chungah lawmthu ka sawi e.
Duhthu han sam ila: Moral Reform Pawl hian membership la sela chuta member te’n kan thutiam tur awm bawk sela, kar lovah Baal hma a la thingthi ngai lo mi sing tel kan awm mai lo ang maw?
Report this comment
May 15th, 2009 at 2:21 pm
kei cu moral reform tih vel hi cu kn ngai ka ti khp mi,mahse kan ram dinhmun,ei leh bar zonna kawng in a zir loh chuan a hlohtling har khop ang,mi a retheih cuan a chhiat leh tha hriatna poh hi a hmang hleithei tlat thin lo,tha a tih ph tih loh a thalo a tih ph tih fo a ngai leh thin si a.chuvang chuan moral reform hruaitu te hnen a ka chah duh chu naupang an hui khom ho hnen ah khan eizonna kong thleng in an buai in huam roh se,thil tha tih tum na rilru hi chu a fakom k ti ve reng reng,MMRNI kan lo thlir reng che u ania.BEST OF LUCK
Report this comment
May 15th, 2009 at 4:34 pm
Moral Reform hruaitute
chairman Rev K Lungmuana
Vic; 1)rev TC Tlawmlova 2) Rev Dr R lalbiakmawia 3) Lt Col Rohmingthanga 4)Pu B lalthangliana
GS: Upa H Ngurthansanga
Asst Secy: 1) Lalnghinglova hmar 2) B Lalchhanzova
Tresurer: Upa Chhawnvunga
Fin Secy: Zothansangi
Report this comment