Rel kawng lo awm tur atan engtin nge kan lo inbuatsaih ang?
Kar hmasa lawkah khan Mizorama Rel kawng lo awm tur chungchang nasa takin kan inhnial tawh a. Rel kawng hi alo awm dawn anih chuan engtin nge kan lo inbuatsaih dawn tih lam hi sawiho a tha hlein ka hria.
Sawi vek sen a ni dawn lova, thil thenkhat chauh tak tak ka han tarlang anga, hemi bak hi sawi ho belh leh ila, kan sawi hona hi ka lo lakhawm anga, Article-in ka lo khawr pum anga, Mizoram chanchinbu ah a darhzau thei berin tarlan kan tum dawn nia.
Rel kawng lo awmturah hi a hmangtu ber tur leh kan rama kaltlang tur anih avang hian central kutkawiha (knowledge generate kawngah) inghah lutuk a tha lo mai thei. A chhanchu, central lam mithiam hian India hmarchhak ramah pawh tlang ram dinhmun hi an hre nep em em, (helama specialist deuh an awm a nih chuan thuhran). Hemi anih avang hian kan ram dinhmun, hi keimahniin kan lo chik a, Mizo zinga mithiam kan neih chhun tal ten awka an chhuah a pawimawh tak zet.
Entirnan, kan ram leilung nghet lo takah hian rel kawng dah tur chuan phai ram a rel kawng plan ang ngawt a theih kher lovang. Keimahni tan pawh a hlauhawm thei hle ang. Chuvangin, kawng hrang hranga kan lo chik a, kan mithiam neih chhun ngawih ngawih te pawhin, central atanga plan siam tute lo kaihruai leh endik pui hi a finthlak hlein a rinawm.
EIZAWNNA LAM:
a) NLUP leh rel kawng: NLUP atang hian loneitute hlawkna (people oriented) tak tak tur siam tum aia Jhum cultivation hrim hrim tihtawp hi sim ila, NLUP hi rel kawng lo awmtur atan inbuatsaihna hmanrua ah lo hmang thei ila kan zia zawk angem?
b) Organic Farming: Tunlai khawvel ram changkang ho hian organic farming (leitha siam chawp leh damdawi tel lova thlai chin) an uar em em tawh a. India ramah hian fertilizer kan hmang nasa lutuk hi buaipui tham a ni mek. Kum 1951 ah khan 0.29 million tones chauh kan hmang laiin, kum 2002 ah chuan 14 million tones daih kan hmang tawh a ni. Hriselna kawngah a nghawng a tam em em. Heng harsatna hriain kum 2004 atang daih tawh khan central sorkar hian organic farming tihlawhtlin nan Rs. 100 crores chuang a seng phal ziah a ni.
Hemi hmang hian hma kan lo la thei angem? Mizoram mipui tamber hi “Jhum” hmangtu kan la ni a, alternative pe vek tur hian NLUP fund hrim hrim pawh hi a beitham lam a ni a, kan sorkar meuh pawhin kum 5 chhung hian eng kan ti hman lovang tiin a tlanchhe nghal pang a ni. Heti anih chuan, jhum cultivation hmang hi siam rem dan zawng phawt ila, organic farming lamah hian tan lak ila, enge kan an ang le?
Tun hnaiah ICAR Director, Dr. K. M. Bujarbaruah chuan agriculture lama eizawnnah hlawk bawk se, ram lei lungin daih bawk se, “Jhum cultivation” (Zo lo) hi eizawnna tha ber a ni ang” tiin a sawi nghe nghe a. Jhum hi kan la tihtawp theih mai siloh chuan, hlawk zawka hman tangkai dan hi kan sawi ava hun ta ve.
c) Sawhthing hmangin: India ram hian khawvel hmun tam takah Spices (ginger, turmeric, chilli, tejpat, large cardamom, coriander leh garlic) a thawnchhuak nasa em em. Tunhnaiah kan chin thar black pepper, cumin, vanilla leh saffron thlengin kan ram leilung a ngei em em. Heng zingah hian sawhthing hi kan ramah a that duh em avangin lo sawi zau ta ila, kan rama sawhthing a quality a tha thlawt, ram danga (e.g Rio-de-Janeiro) chin aiin a fibre (tha leh tha lo tehna ber) a tha zawk bawk si.
India ramah Kerela hi sawhthing ching chhuak tam ber an ni, a dawt ah Meghalaya an ni. North East ah chuan, Meghalaya dawtah Mizoram leh arunechal Pradesh an ni. Arunechal Pradesh hian a thu chuan an tharchhuak tam ber a, Meghalaya hian an hralh hnem ber avangin nihna an hauh mai a ni.
Market: Market lam kan buaina mawlh hi focus ngai zual a ni. Rel kawng hian kawng min hawn sak remchanga engtin nge kan hman ang? Heng kawngah hian tan kan lak nasat a tul tak zet. Survey, diagnosis and design, Introduction, evaluation and improvement, System management research, Economics and technology transfer, Post- harvest management.
KHAWTLANGAH: Rel kawng kan sawi a, thenkhat chuan Mizo leh Mizo kan inchim ral lo chauh tawh mek lai hian hnam dang chim ral kan hlau nasa mai. Khawtlangah pawl hian khawtlang a nghawng chhuah tur lam inzirtirna kawngah tan lo lak a hun khawp mai. Kan khawtlang pawl lian deuh deuh ten YMA, MZP, MUP, MHIP ten Mizo/ethnic identity venhim kawngah te leh khawtlang nun a nghawng tur kawngah fimkhur tulna hrang hrang awareness nasa takin an lo siam thei ngei ang. Entirnan, Human Trafficking lamah inzirtirna mumal tak te.
Chhungril lama inbuatsaihna: A te ber atang a lian ber thlengin kan lo inbuatsaih ang. Kan ram chhengchhe zetah hian tisa leh thlarau lamah input kan pek nasa fe a ngai dawn. Chuvangin, Mipui leh sorkar pawhin plan mumal tak siamna chang kan hriat a ngai. Chung plan te chu mumal taka monitor in hlawhtling thei ngei turin thapui chhuah a tul ang.
Tin, rel kawng hian sum a keng tel leh dawn. Hemi it reng reng hian kristian pa hi kan hawi leh hu hu mai angem? Rel kawng buatsaih anih dawn veleh hian compensation beiseiin ram kan lo zuk inchuh leh rem rum angem. Kan ram thatna tur a nih dawn phawt chuan, “ka ram ka pe phal e” ti ngam hi Hindu kulmut politician zingah an awm zu nia. Engtin nge kan lo tih ve dawn nia.
Kum 10 chhung tal pawh corruption-ah inhnamhnawih lo ngam ila, kan ram hi kan zia hman ka ring. Kan politician te pawhin mahni hlawkna tur ringawt an tlan leh ringawt chuan, kan phun leh nuai nuai mai dawn a ni. Ram pumin kan hlawk theihna tur anih avangin i ti hlawhchham lo hram ang u. Sawi tur atam i sawi tlang phawt mai ang u.
Similar Posts:
- Mizoram Rel luh chhan hi enge ni thei ang?
- Sawhthing lei tan ta
- Sawhthing man sang Congress hotute hmalakna vang maw?
- Bairabi leh Sairang inkarah Rel kawng.
- Sairang thleng rel kawng
May 14th, 2009 at 9:46 am
Look east policy kaihhnawih zelah Rel kawng hi chuan a lo berah Sairang hi chu a rawn thleng dawn chu a ni awm phawt a,keini lam hian kan duh emaw duhlo emaw,India sawrkar laipui hmalak tumna a nih miau vang hian lo helh fahran hian awmzia thui tak a neilo maithei.Chuvangin “buan a hma a kherh” an tih ang deuhin a engamah hma hian he Mizo hnam ralna tur hmahruai emaw lo tih ngawt hi a fuh ber lo maithei bawk.Kei chu ka ngaihdan neih ve ang ang te hmun hran hranah ka lo sawi chhuak ve liam luam tawh a,mite angin economic emaw,eng eng emaw a nghawng na lam tur hi mi mawl mai ka nih vang hian tan chhan tur mumal ka nei ve hauh lo,’marawhchu ka lungmawl ang anga ka lo riruat ve danah chuan a nih nih hi ni rawih mai ila,kan tana tha tur ah na na na chuan engpawh lo thleng sela kan la intawng harh chhawm ve mai ang chu ka ti ve tlat.India hmar chhak tawp kil reeetah khawvel finna ten an chil ve phak lohna ramah kan awm chum churut a,tuai pheng ang maia kan awm no diai reng mai chuan khawvel changkanna kal zel hian min hrut tel ve lawk dawnlo tihna a ni mai.Chang kanglo taka mawl reng ai chuan kei chu pau tih khauh ve hi ka thlang zawk tlat.Chuvangin,he thil hi eng pawl emaw,eng party ty emaw pawh sawi lovin i lo welcome hram teh ang u tih hi ka hnampui,ka unau duhtak Mizo mipuite ka sawmna a ni e.
Report this comment
May 14th, 2009 at 10:08 am
Mizoram chhunga motor kawngpui thlen chin ramngaw pawh hi chereu chak tak chu a ni.Amaherawhchu hmasawnna tur zawk a ni miau si. Lengpui Airport leh Sairang Rail-Head hi hmasawnna rahbi lian tak a ni dawn a, kan rhaitfo tur chu Eng a awm apiangin Thim a awm tih hi.Eng riangawt a awm thei lo.A tha lam apiang hmang tangkai thei tura inbbuatsaih chu kan tih tur a ni a, a chhe lam thleng thei a piang kan veng mai tur a ni.A pawimawh hmasa ber nia ka ngaih chu ‘Moral reformation’ a ni.Kan rilru sukthlek danin a zir chuan a tha lam hawiin kan hmang tangkai thei ang.Rel kan khawpui tuallaia a lo luh tawh chuan economic thilah kan ziaawmngei ang, nimahsela a mihring kan changkan tel a ngai a, chu chu a inbuk tawk loh vaih chuan kan chhe viau thei a ni.Tunlai thiamna sang leh kan khawsak inbuk tawk loh vanga harsatna kan tawhte kan hria.Hetiang tho hi a ni dawn a ni.Chuvangin kan rilru put dan leh sukthlek dan hi vawrh sang ila, Silchar Train Stn. tih vel te khu kan mitthla mai chuan a dik lovang.Sumdawnna kawngah chauh kan in pumpek mai chuan a pawi khawp ang.tin Dan lamah pawh kan inbuatsaih a tul. Beggers Act te pawh kan tuai nuna Mizorm bik tan mumal tak duan a ngai a.Kan Kristianna pawh kan tih fir fe a ngai ang.Sawi tur a tam ang midangin han thawh ve zel phawt teh se.
Report this comment
May 14th, 2009 at 10:43 am
Rel luh hi ka duh, mahse tunah chuan nirih lo ve, ka sawi hian awmzia a awm ve leh ve loh in kawngro su in sulo mahse, Jessy James a te pawh an la rawn chhuak lovang kan ti thei lo,Gongress Ministry lai a ni emaw nilo emaw lam ka thlir lo, tu Party hunlai pawh nise,ram tana tha tur Plant tha leh Modernization atan a hma lakna ah chuan an hmingthatna tur vek a ni.
A pahnihna ah chuan Para hnihna khi han en in a dik khawp mai, Mizoram hi ramleilung nghetlo a ni kan ti thin, Geology & Mining Dept. hian an hre chiang ber ang, Sorkar hmasa lamah khan Aizawl tlaklam atang a chhuahlam verh te kha an sawi a mi khah…! an ti ang tih ka hlauh mah nak a lai in, Hlimen Quary chim mah kha ti khawp khan kan buai a, Ramhlun leimin lah a nep teh reng nen(A tuartu tan ni lovin)chhiatrupna hlir, Armed veng Mualmin mah buaipui awm, “Rel kawng chulai chu a min a,Passengers chuti zat chu a chhilh, chhanchhuah hna beih mek a ni.” kan ti dawn a,khawilai lai Lei dawh a chim leh ang a, Dialdawk bul Lei leh Tuirini Lei mah tiang hian Sawrkarin a Maintenance hlei thei lo va, a bikin khawthlanglam khua phei chu PWD in an lak leh BRTF in an in lakchhawklai kan Compere a, fur khawchhia ah phei chuan zin pawh zin hleih theih loh khawpin Sorkar hian a enkawl hlei theilo chu a nih hi.
Rope Way lah han hmang dawn ila Power, Rel Engine (Electric Train) lah hmang zawk ang han ti i la Power bawk, engpawh nise a ram mipuite duhdan hi chu Central pawhin min rawn khawp ang, Sorkar hian a thu a duh a vawthla thei, Vawthla lo thei a ni tlat.
Heti khawpa Vai hmu theilova nikhat pawh awm theilo kan ni,Vai buhfai chu kan ring narawh, a ram mite hi kan thatchhia te hi kan han ti thla ngawt zel a, kan thatchhe lo, Sorkar bawk hian a ni plant fuhlo thin chu ni, Sawhthing chi an han sema hralh sen loh kan thar a, a uih hum hum hman mai, tunah Sorkar lovin a rate a sang zawk, Aieng ah pawh chuti tho, chuvang chuan tuna kan innghahna Sorkar thar erawh hi chuan ngun takin thil thir se, “Tu man Rel lo luh hi an sawisel tur a ni lo” tih rikngawt lam zawng a dik ber lo deuh ka ti.
Tu party emaw pawh sawi lovin ka lo welcome thei hrihlo a ni, Hydel project tal ah hma i la ang u, Pu Thena manifesto a ni tih lam a ni lo, kan ram mamawhna hian min ko tawh a nih hi.
Report this comment
May 14th, 2009 at 12:14 pm
Sairang Rail Head a awm hun ah chuan a entur ringawt khan a khaw nawt2 in kan tlehthla leh hum2 awm sia, thingpui dawr lo zu siam lawk ila a hlawk viau in ang j/k
Report this comment
May 14th, 2009 at 1:25 pm
A lawmawm e.
I rawtna tha ka tih deuh te:
NLUP hi Jhum cultivation hrim hrim thlak nana hman tum ai chuan Rel lo lut tur, inbuatsaih nan lo hmang ta zawk ila. Mizo hi kan taima tawk in ka hria, a marketing a that chuan kan intih hmuha kan ti suau2 thin.
Organic farming ah central sorkar sum ruahman hi hman thiam dan zong ila, a tha khawp mai. Mahse Mizoram sawrkar hruaitu te hian Project an siam thiam tlat thin lo. Hetiang atan hian Private Company in mithiam a chhawr ang hian mithiam MBA Finance, MBA International, MBA Marketing zirchhuak Institute tha bawk si atanga lo chhuak te hi lo chhawr ve ila.
Kum khatah Rs.30 lakhs threuh hlawh tur pawn chhawr ngam ila kan tihsual loh ka ring zok. Anni pawh hian Mizorama thawh an chak dawn ltk tlat. A chhan chu an sawi dan takah TAX heaven a nia lawm. Income Tax, Wealth Tax, Professional Tax etc.ah an awl vek don, an duh dawn ltk. Company in Rs.50 lakhs per year pawn sawm se, Mizorama an thawh hian anla hlawk fe zawk.
Hemi tak hi advantage ah hmangin I chhawr ve ang u, kan management thiam loh luat ah kum tin 70 lakhs vel hi a luangral tho tho si a.
kan sawhthing leh Grape mawlh ah hian kan hmang tangkai ka ring. Tuna kan kal danah chuan Contractor ram aia mahni in dah hmasa zawk ten a marketing min zawn sak ania, hetiang chuan khua a var lovang.
Sittwe Port hi kan hmanpui theih hunah phei chuan man manzawk in East Asia ah te kan la thawn ve ang chu.
Han thawh ve zel teh u khai.
Report this comment
May 14th, 2009 at 1:34 pm
@Ruatmawia:
Look East Policy avanga India ram a inhawn hun lai hi remchannaa kan lak a finthlak zawk ang em? India sorkar-in development lama North East a vulh mek hun hi liam ta se, Sairang thlenga Rel kaltir tur hian duh hle mah ila, Mizoram sorkar hian a siam puitlinna tur sum hi a buaipui fe a ngai tawhin ka ring tlat.
Pi Sheila Dixit sorkar hi a fing tihna riau ka nei. 2010-a India-in Commonwealth Games a thlen tur denchhenin Delhi khawpui development programme turu tak an duang vang mai a, development chu thopa zuanin a zuang tak tak a nih hi. Commonwealth Games a zawh hnu chuan hetiang taka chak hian Metro kawng te, Fly Over te hi an siam theih tawh bik ka ring lo. Engkim tan hian hun ruat hi a awm ve tlat mai a, hun ruat hai palh hi hlauhawm tak a ni.
Report this comment
May 14th, 2009 at 1:37 pm
Look East Policy kan hman tangkai theih dan ber chu. Grape leh sawhthing ah hian. hemi bakah hian ramdang India ramchhung te atangin advantage kan nei tam vak lo in ka hria. Kan advantage kan hman thiam hi, mihringin a talent a hmang thiam ang deuh hian kan that pui khawp ang.
Thil dang dang ti kual duah lo hian kumtluana supply char2 thei turin lo nei mi chhungkaw tin hian Sawhthing leh Grape ah hian in concentrate ila, vai chin mai ila.
Supply a mumal chuan marketing ah pawh chance chu kan nei tha ang. a changa supply a, a changa tawp san leh ringot thin pawh hi kan zuk hralhna tur te tan pawh a innghahna tlak loh ltk.
Mahni ah pawh han inchan ve mah teh, I thenawm pa Iskut i kharchhawn sak thin a, aizawla hralhchhawn leh turin. a changa kharchhawn tur neia, achanga nei lehlo thin ai chuan, supply mar pat thei tu kha i pan khawp ang.
Report this comment
May 14th, 2009 at 2:41 pm
@aputea. Ka ngaihdan leh duhdan mai chauh a niaaa… Democracy a ni miau a, a hniak tam lam lam a ni mai, han tih pawh hian Rilru dam zan lo chunga ban phar pawl hi chu kan awm ve zel tho va, Ni e..Look East Policy hi a tha na meuh mai kan Mizoram Nort East ah pawh a tlawhpawh hrehawmber lai chu kan ni, tuna plant sum lo luanglut tur hian Development hran a ram mipuite duhdan tam zawng ngaichangin Sorkar hian Divert dan te a awm thei dah lawm maw le…Entirnan, Power lam kan mamawhna sang ta lutuk a vangte hian.
Commonwealth Games thlen chhan vang a Nort East in a hmasawnna kan lo neih theihna tur chu thla hlel ve ber tu chu ka niang, a mah erawh chu, Delhi to Mizoram hi by Road ah emaw Train in emaw ILP hman na ah hian Permission tellovin rawn hmu tur Tourist an tam kher lo vang, heng a vang tak hian Delhi Pu te khuan he Development Fund pawh hi aram mite Location a zir a thlak danglam theih lohna tur a awm lo ang.Tin, Hunruat hai palh tih ah khian chuan India ram State bungkhat kan nih chhung hi chuan Central Ministry hian kan chanpual tur chu min sih chhuah tho tho vang, a maherawh chu Central a Plant leh Fund sawichhuak thiam tur erawh chuan keini State Planing Board leh Finance te hian Minitry hi an nawr ve theihna tur a an nawr kal erawh a ngai thung ang, chutih hun ah chuan..Beng muka liam zawih zawih te pawh a awm mahna.
Report this comment
May 14th, 2009 at 3:56 pm
=================================================== hei hi ka rel kong ve a nih hi. Bairabi aia thui, RV thleng law law nise ===========================================
Report this comment
May 14th, 2009 at 5:18 pm
Lengpui airport kan nei kan chhawr dan hi a capacity zahve pohin kan chhawr lo. engvang nge? chhawr turin kan inpuahchah tlat lova.
Phai lam pan nan – chu chu zin vei vah nan leh damlo phai pan nan chiah kan la hmang. Tourism vangin kan hman tam phah lova, Cargo lek phei chu bungraw excess baggage kan lakluh bak chu sawi tham kan thawnchhuak lo. Parcel tak ngial poh pickup phur poh kar khatah kan thawn chhuak lo
Rel lo lut tase Lengpui airport ang tho hian a pamhmai viau mai ang tih hlau chungin, a tangkai theih zia leh khawvel hmasawnna thlentu zinga tangaki ber te zing ami hi Rel hi a ni si – hawh u MI nei ila i sawi ho teh ang u type ringawt chuan a daih love.
Rel kawng duh lamah ka vote a ka lawm e
Report this comment
May 14th, 2009 at 6:04 pm
Sairang athlen kher angaihna hi ka hre miahlo mai, keizawng… tawp kal thui mai mai turah ka ngai. Bairabi thleng hi ni mai se, hneh takin enkawl ni thung se..a tawk tiu teu viau a ni.
Report this comment
May 14th, 2009 at 6:31 pm
epistemology & Lily_parmawia, in comment a tha thlawt mai, midang comment pawh khi a bengvar thlak ka ti. MSU buatsaih Seminar ah pawh khan NLUP leh Railway Line Extension hi kei pawhin inthlunzawm theih dan awm se tih sentence khat lekin ka tarlang,paper buatsaihna hun ka nei tlem em a, detail takin engmah ka ziak hman lo a. hemi chungchang tho hi voin ZONET discussion ah pawh kan sawilang leh a, a chhan chu sairang thleng emaw Akyab thleng pawhin rel a lo luh hun atana thingtlang mipuite kan lo buatsaih ve theihna tur hmanrua effective ber tur chu NLUP hi a ni rih tlat; MNF sorkar lai ni se MIP a ni leh mai. March, 2014 a zawh tur a ruahman sairang thleng tur rel kawng hi Dimasa helho avangin Haflong tlangdung velah a siamna lam muang mahse Mizoram hian inbuatsaihna hun kan ngah ting a ni mai, ka ti deuh, enge inngaih dan le?
hemi atana inbuatsaihna langsar zual tlem lo tarlang ila. 1. Village register tih tum a ni. Khua/veng tin ten na khua/venga chengte zawng zawng chhinchhiahna register an nei dawn. Hei hi kum 1985 a tan tawh, kum 1999 a Pu Tawnluia ho a tih chhunzawm an tum, mahse an hlawhtlin tak loh kha a ni.
2. Land Reform Act nei tura inbuatsaihna a kal mek. tribal ni lote’n kan ramah in leh lo an neih theih lohna tur dan 6th schedule hnuaia mi pawh hi tih nun zel tur a ni.
a dang pawh ala awm, mahse chaw kan ei phots.
Report this comment
May 14th, 2009 at 7:03 pm
he post chu……….sei tha trep trup hlom hle mai maw…. ka sawi tur zawng2 min sawi khalh vek mai ka ti….”
Report this comment
May 15th, 2009 at 4:48 pm
Kan lo sawi vak vak a, kan advance proactive lutuk em em a ni lo maw? Tunge an ti ngei dawn tih hria? kan tithar leh deih teh ang
Report this comment