April 24th, 2009 a ka rawn post Mizoram U – 21 team in Goa an pan tih kha tunah chuan final an thleng ta kan ti thei tawh a. May 16 ah hian an champion ta kan ti thei a ngem ? U -21 Nationals for the Datta Ray Trophy, Goa a khelh mekah Mizoram chuan champion thei dinhmun ah dingin, champion rim a nam ta rum rum mai.
Mizoram hian semi final a khingpui Haryana chu 3-1 a hnehin final an lut ta. Semi final match hmasa zawk Nehru Stadium, Margao a khelhah inkhelh tan phat atangin Mizoram hian nawr nghal viau mahse goal an thun lawk thei lo a. Minute 37th na ah Mizoram striker Christopher Lalthlamuana chuan goal a thun a.
Mahse Haryana chuan an siphurh chu minute 47th na ah an striker Th. Roshan Singh hmangin an chhang let ve leh nghal a. Minute 90 chhunga goal dang a luh belhj tak loh avangin hun pek belh an ni a.
Hun pek belh tan deuh chiah tihah Mizoram midfielder Zodinliana chuan Mizoram tan goal a thun zui leh ta mai a. Mizoram chan a tha chho zel a hun tawp hma in Lalrinfela chuan Mizoram in a vawikhatna atana final a luhna ti chiang zual turin goal a thun belh leh a ni.
Champion tur a rinkai Mizoram hian group league atanga final an luhna ah vawi kat mah an la chak lo a. Game 6 an khelh tawhah an khingpuite lamah goal 29 thunin an lamah goal 3 chiah a la lut a ni. Mizoram hian Punjab leh champion ngun ber record neitu ni bawk leh Mizoram in quater final league a 4 – 1 a hneh tawh hnu West Bengal chak zawk zawk nen final an khel ang. .
Kum 1992 atanga khelh tan U-21 National Football Champinship for M Dutta Trophy ah hian Mizoram chuan record tha tak kan la neih ngai lohna a ni. Mizoram in final a luh tak hnu hi chuan Mizoram fiootball chanchin a bung thar kan kai a ni.
Similar Posts:
- Durtlang in Salem veng 8-0 in an hneh
- MzSports :: 02 Sept.
- Mizoram in Final an lut
- A vawi nga na atan Mizoram champion thei a ngem?
- Royal Gold Cup, Nagaland-a khelh mekah Mizoram chuan Final an lut
May 14th, 2009 at 8:59 am
How nice. May 16 chuan Goa lam pan tum teh ang. Dang thler duai duai khawpin lo tang ila ani mai.
Report this comment
May 14th, 2009 at 9:44 am
Champion tur a rinkai Mizoram hian group league atanga final an luhna ah vawi kat mah an la chak lo a.
Vawikhatmah chak si lo Final luh daih thu awmlo. Vawikhatmah an la chaklo lo a tih tur a nih dawn hi!
Report this comment
May 14th, 2009 at 10:01 am
Ni e, an chak vek si a! Ka tan hlawm hle mai,Champion ngei tur in ka duhsak em em e.
Report this comment
May 14th, 2009 at 11:53 am
Haha! chak miah lo final thlen chu! a ni thei lo ang!! Chhut sual hi a awr a nia
Han champion ngei teh se..
Report this comment
May 14th, 2009 at 12:34 pm
Champion no mawi an chawi hunah kan lam ang….
Report this comment
May 14th, 2009 at 1:10 pm
an chhuanawm thin teh e…..
Report this comment
May 14th, 2009 at 1:26 pm
Champion thawkin an thaw leh mai ang tih ka va hlau em. North East Gold Cup, Shillonga an khelh tum khan Mizoram team kha an chhuanawm lawt lak a, hnam dangho pawhin “Brazil of North East” te an ti hial a nih kha. Mahse, Quarter final an chak hnuah khan champion tur ang hialah an inngai a, an inthlahdah ta tlat mai a, Semi final-ah 2nd round-a 5-0 vela an nawp tawh Assamin an hneh ta tlat a, kan hawi hil hle a nih kha.
Grand Slam tennis-a player ropui chin ho khel hi han en ila, ‘match point’ an lak hma loh chuan, eng ang pawhin hma hruai mah se, champion hmel an lantir ngai lo, Game a ni a, arpa chan chang pawh an rawn lehthal leh thei tih hi an chiang khawp a, match point an lak chauhin an rilru leh thinlung tuikhuah chu an sah huk duh chauh thin a nih hi. A chan chhe zawkte pawh ‘2-set down’ a nih tawh pawhin an chi-ai mai lova, an beidawng duh mai lo bawk. An lehthal fo reng a ni. ‘Game of Nerve’ a nihna takah hian Mizote hi chu kan la puitling lovin ka hria. Final luta kan chak tak lohna tam tak pawh hi, skill leh game plan lam ni lovin, ‘Game of Nerve’ laiah hian kan puitlin lohna a rawn lang ta thin niin ka hria. Champion tak tak hmain, champion ni ta ila…. tih rilru putna, duhthusam leh mumanga rama lo chen thuk lutukna hi kan nei a, kan chet chhiah phah niin ka hria. Heng kan naute pawh hi Champion angin la ingngai suh se. ‘Full time’ hamrik a rik hma chuan engmah a la chiang lo tiin ka fuih ve duh e. All the Best tih aiin ‘Give your best’ kan tih tlat teh ang!!!
Report this comment
May 14th, 2009 at 4:30 pm
Va nuam dawn ve an champion hlauh chuan, final an thleng hrim hrim pawh hi lawmawm khawp mai hma kan sawn zel e.Final chu engtikah nge an khelh dawn le?
Report this comment
May 14th, 2009 at 5:05 pm
Champion turin kan ram team te ka hual sa an ni tha deuhin nalh takin khel ang che u. Ka lawm e
Report this comment
May 14th, 2009 at 7:15 pm
Good job. Mizo sports director kan kiss my @55
Report this comment
May 14th, 2009 at 9:41 pm
@aputea thusawi chu ka va chhiartui ve le o, dik ka ti khawp mai. Hetiang inthlahdahna kan neih vang hi ni thinin ka hria Mizo chauh nilo India ram pawh hian hma a sawn chak har em em ni.
Report this comment