Mizoram hi tunhma chuan thing leh maute a tha a. Ramsa te pawh thahnem tawk tak an awm thin a ni. Kan lalte lalna hnuaiah ramngaw pawh uluk takin (sacred geography) an lo enkawl ve thin a ni. Tun hnuah mihring kan pung a, inrelbawl dan tha nia ngaih hmangin kan inenkawl a, mahse a tak ram kan thleng mawh em em. Sorkar forest reserve, mimal ram leh huan ten kan loneihna hmun a nek chep zo a, sorkarin kawng dang pe hlawhtling thei chuang si lovin, thingtlang loneitute chu ramngaw ti chereutu tiin kan dem ta nuai nuai mai a ni.
Kan ramngaw leh leilung kan enkawl dan hi kan thlak danglam a hun khawp mai. Entirnan, privatization leh patta system thlenga kan siam that a hun a ni.
Kan pi leh pute ten ethical taka forest an enkawl dan kha, mumal zawka khawnkhawm leh a, a tha lai te sorkar forest policy-ah sengluh a hun hle.
Kohhran or Kristiana atang hian rannung/ramsa leh ramngaw chunga ngilhneihna lam inzirtir kawngah ke pen a hun hle.
Tin, community forest management hi a hming chauhin mizorama kan hman hi atak ramah chantir vat a tul.
Photo Credits: No.1 & 2: Zorami Zote.
Click Images for Larger Size
Similar Posts:
- Tam dil
- Environment & Forest-ah Nuai 658.103 a chingpen
- Mizoram kan dinhmun a hniam lo.
- Who are the FreeMasons?
- Bureaucratic Corruption a tam zawk em Political Corruption aiin Mizoramah?
May 20th, 2009 at 4:36 pm
A pic. chu a mawi hlawm hle, i sawi ang hian Tukloh ram a vang thung a ni e.
Report this comment
May 20th, 2009 at 5:04 pm
A pic lam chu a mawi tih mai loh chu comment tur ka nei lo. Forest conservation lam ah chuan, thing tuah tur kan la mamawh miau sia, kan kit lo thei si lo. Hetah tak hian thing tuah tur hman tlem dan inzirtir leh innovative idea te thawh a tul in ka hria. Improved chulla( thuk tha chi) te pawh kha in hman luih tir ta deuh ila, kum khat chhunga kan thingfak tuah ral pawh cubit engnge maw zat chuan a tla hniam ngei ang. Tin sipai/police leh kawng siam tute thing hmanral zozai te pawh kha, gas hman dan ngaihtuah/ tih luih chi ani. Tih chereu a tlem na na na chuan, a hum pawh kan hum tam tihna ani mai dawn lawm ni? ‘ A penny saved is a penny earned’ an ti mathlawn lo bawk a.
Report this comment
May 20th, 2009 at 5:10 pm
Mizoram chereu ta lutuk leh kan dawn thu lo lutuk hi chu kan la in chhir ngawt ang le.
Report this comment
May 20th, 2009 at 5:23 pm
hepa thil post hi chua a ropui thei ngawt mai
Report this comment
May 20th, 2009 at 5:32 pm
post tha hle mai, awm hmun atang hian ram ngaw dur khup neih theih dan tur chu ka vei ve nasa
power kan hnianghnar hunah electric in eirong kan bawl ang a, zia mai ang…. power hnianghnar tak mirethei ber ban phaka man tlawm neih vat2 hi a poimoh hmasa a ni
Report this comment
May 20th, 2009 at 5:52 pm
Great post epis.
Mihring tam lutuk pawi zia kan mit hma ngei ah kan hmu a, chuti chung chuan synod leh a supporters ten pun zel a pawi lo an ti a… hairehai.
Epis, kan pi leh pu te in kan ram an lo ngaih sacred zia information min pe thei angem. Hmanlai Mizo culture in kan en dan te…
Report this comment
May 20th, 2009 at 7:29 pm
thlala thian in kan ram chereu zia an han post meuh chuan keini ang post ai chuan in vei ta hle turah ka ngai “seing is believing”
kan ram riangte hi chhan tlak a la awm asin
Report this comment
May 20th, 2009 at 8:20 pm
Some pictures are already posted. Am I right? Coz.. I am familiar with.
Ramngaw humhalh hi a va pawimawh teh lul em! A awmsa humhalh mai bakah hian thing hi a tam thei ang ber kan phun belh a ngai a ni. Kan in velah hmun ruak a awm ik a nih chuan, phun zel ang u. Kan kawng pawimawh ber Aizawl to Lunglei road thar phei hi chu Model Road atan kawng kamah thing hring reng chi (ever-green) phun chhuak vek ila, kumin Fur hian hma la nghal thei nghe ila, ka ti khawp mai. Chhim leh hmar zawng pawn Competition a siam theih ang. Forest Dept. hian sanction inzatin min pe se, Thenzawlah inthen ila, Chhim lamin nge ti tha hmar lamin tih chu khualzin hoin an Judge nitin mai dawn a ni. Tih tak takah chuan thing hi a puitling har lo, kum hnih khatah an lian fu hman jel a ni.
Kan thing phun tur hi a theih phei chuan Ramsa leh Nungcha te chaw atana tha ni thei nghe se. Sava leh Ramsa te khawi ngam nan pawh a tha ngei ang.
Aw.. Lentupui chawi vel thin kan ram hi engtikah tak Lentupui chawi vel ram nuam, nungcha leh savate thlamuanga an lenna ram ni ang maw?
Report this comment
May 20th, 2009 at 11:54 pm
Epis thlalak hi chu i va thiam em em ve
Report this comment
May 21st, 2009 at 9:21 am
Pic no 6 na Lui khi hmani a post Tlawng a in su luai luai awmna nen khan hmun thuhmun ani em? A sira in atang khian a in ang deuh in ka hria mahse tui a tam hle thung, lung khawkrawk hmuhtur a awm lo.
Report this comment
May 21st, 2009 at 10:49 am
Kan zotlang ram nuam lo… kan ti lek lek tawh a nih hi le… A mawi hlawm hle na a, ram chereu hmuh erawh a hrehawm deuh, a kâng lai thla te i neih chuan han post rawh. Thangtharte kan harh theih nan…
Report this comment
May 21st, 2009 at 11:50 am
Ramngaw leh nungcha humhalh inzirtirna hi kohhran pawhin a ngai pawimawh ta hle. Nikum Nilai & Beihrual Thupui – Rev. Lalrinawma ziak (Kristiante leh Pathian thilsiam dangte)kha a tha ve khawp mai. Hetiang lam inzirtirna hi chu chhungkua, khawtlang, kohhran leh sorkarah kalpui zel chi a ni.
Report this comment
May 21st, 2009 at 1:05 pm
Misual ho hi in sual dan a tha hle thin mai. In thu leh hla, Pic. zawng zawng te hi Mizo mipui a tu te mai pawh hian loh theih lovin hmuin chhiar thei thin ila ka ti thin ngei mai. Han post zel teh unn..
Report this comment
May 21st, 2009 at 1:37 pm
Thlakah hi chuan a hmun hma lang hi a nawm hmel awl khawp a, a tak tak aiin a nawm hmel zawk tlangpui.
Mizoram hi kan vannei Ngaw ni chiah lo mah se hmun hringin a khuh hi ala awm nual. 80+ % vel hi hmun hringin a khuh niin an sawi a; 27% vel hi virgin forest niin an sawi. Ramngaw nei tha viauin lang mah se mihring cheng kan thawl dan atang erawh chuan kan tuk chereu nasa bawk si. Eng tik lai pawha hring reng (Evergreen forest)ang chi hi an hlu zual.
Mi ram khawpuiah chuan an phun chawp (planted trees) a ni tlangpui a, keini rama kan ngaw hi chu a tam zawk hi chu leilung lian ken, kan phun chawp pawh ni lem lo an ni.
Report this comment
May 21st, 2009 at 2:01 pm
@Epis’ , Engatinge thla hi i va la thiam em em ve, ka thik deuh che
Report this comment
May 21st, 2009 at 4:22 pm
amawi hlom ngei mai..
Report this comment
May 22nd, 2009 at 12:27 am
zin ila ,khaw luh dawn hian a hriat ve riau in ka hria,boruak a dai deuh thin, forest reserve vang a nih ka ring.
Report this comment
May 22nd, 2009 at 10:02 am
Ka ngaihtuah a, erosion vang in lei hrisel kan hlauh chuan re-forestry te pawh a theih dawn em moni le, tih fe loh chuan.
Report this comment
May 22nd, 2009 at 1:38 pm
Mizoram hrin dan hi chu hnim hring baswm hi a tam ber a, meghalaya hrin dan chu an forest ngaw tak tak hrin hian a hring duk kuk bika, kan tluklo chiang phat rual lohin popualtion ah keini aiin an tam an ram area keini aiin a zim hret si enge a chhan niang le
Report this comment
November 7th, 2009 at 12:31 am
nia
Report this comment
November 7th, 2009 at 12:32 am
kimtei a reh hle mai
Report this comment