He thu atang hian, Ka Nu leh Pa, ka U te pahnih nen, an dam lai nite leh ka sun lai nite ka ngaihtuahin, ka thinlung a khawih a, runthlak ka ti ve ngawi ngawih thin. Ka han tarlang ve mai mai a ni e.
” Nangni chu kan lawm pui che u a,
Keini chu kan tap a sin,
Kan phal thei lo, rem kan ti lo,
Kan thu si lo.
Khua a durin ruah a sur leh ang a;
In tel lovin kan tuar ang maw!
A va pamhmai em!! Hring nun hi,
Awih har kan ti, Ni thei lo hi a ni ta si;
Nun chu tawi mahse, thih meuh zawng a lo va sei em!
.
Similar Posts:
- HRING NUN
- KA SAIKHUMPHAI MAI ANG CHE!!!!
- World Suicide Prevention Day Pual thian beidawng hnena lehkhathawn By: Chris M.S.Dawngkima, Ramhlun N
- Kan Nunna Hi!!
- Nuam bon(bottle) top
May 28th, 2009 at 3:22 am
@Chhimkeite : Elizabethan Age vela piang ve i ni hial lo maw? Dap dap che hian! Kleenex mi bantir zauh zauh dan i thiam riau mai!
I kamchhuak tlar 9 lek pawh khian tam tak te mittui a tihparawl theih miau si chuan, tlar danga han belhchhah hret i rilruk hlauh chuan, Camping-na Pulpit-ah lawn la, chhuk leh tawh suh. Krista lokal leh huna ringtute thawhlehna sermon piap piap mai rawh le —chu ngei chu “beiseina lawmawm,” tia Tita auchhuahpui kha a nia lawm!
Memorial Day (May 25) khan nu pakhat pawhin, “Ka fapa neihchhun kum 17 mi khan ral rama a kal dawnin, ‘Ka nu, ka lo kir leh ang,’ tiin mi tiam a. A tiam ang chuan a rawn kir leh ta ngei a —mahse, thir kuang chhungah a ni ta thung si …” a ti.
“I had a date with him at the Tree of Life to have eternal picnic …” tiin chauhthubarawh ti-tih, beiseina thu nunga chang ta —nula pakhat pawhin, ral rama kal a pasal hual a chan thu khitiang khian a sawi ve bawk.
Zoram buaipik laia Brig T Sailo fapa Sangliana Sailo thih thuthang hriaa —a ruang hlawm tura kal Brig T Sailo pawh khan, “He too is my son,” tiin, Pu Lalthima fapa ruang kha a rawn thlah liam ve ta tho a nih kha!
Chhimkeite —min tikhawhar-lungchhe thiam hle mai! Thu thiamho hi biru bo fer fur suh u.
Report this comment
May 28th, 2009 at 7:09 am
“Lei piah lam ram thlir turin
Hringlang Tlang chuan ka nuam e”
tite poh kan awm lo maw. I bei-tawi-sawi-hnem-si hi ka fak che. Saihnuna Leng lal khan khawhar hla a phuah trha teh asin.
Report this comment
May 28th, 2009 at 9:00 am
Hmanlai hian Nupa tuak khat hi an awm a, fapa pahnih harh rual tawk lek hi an nei a. Nikhat chu an Pa zawk chu a zin chhuak a, chutia a zin lai chuan an fapa te pahnih chu an In bul thingkungah chuan an infiam velin an lawn a, an tla thla ta a, vanduaithlak takin ka pawh chhawn loin an boral ta zui nghal a.
An Nu chuan an Pa lo haw velah chuan ti hian a lo ti a, “Hmanah ka thiannu hian Lunghlu lian deuh pahnih min kawl hawh tir a, ka ngaina em em a, a mawi pawh ka ti a. Ka kawl rei tawh em a vangin keima ta ang chiah in ka lo cheibawl tawh a. Mahse vawiinah ka thiannu chu a Lunghlu la tur chuan a rawn kal a, ka lo kawl rei tawh em a vang chuan ka ui hle a.” a ti a. An Pa chuan “I ta a nih siloh chuan a nei tu chu pek let leh mai tur a lawm” a ti a. Chuanin an Nu chuan an fapa pahnih te ruang awmna lam pindanah chuan a hruai phei ta a…..
“All that lives must die, passing through the nature to the eternity”
Report this comment
May 28th, 2009 at 11:16 am
Chawnghilh, min fakna hi ka mu mang chauh pawh ni se, ka lawmna a kiam lo tih thu hian ka han chhang teh ang che. Mahse kei zawng a taka ka hoh hei hui ai hian, ka khua hi a harin, ka lung hi a leng vawng vawng thin asin. A chang chuan kei mah chauha mit tui in thlem chhuah chu ka ti ve deuh thin. God Bless user of misual.com
Report this comment
May 28th, 2009 at 12:24 pm
misual zingah thuthiam kan nei hi kan vannei
Report this comment
May 28th, 2009 at 7:11 pm
Ka rilru a khawih kher mai, Hmanlai hian unau pahnih an awm a annu leh pa ten an thih san tawh a; anua chu athi ve leh ta mai sia chuta a u tah hla chu:
Chhamngang zal tho rawh;
Ka nau riangte,
Zaleng ankim kan runin chhungah;
Nghovar lu kan awh nisi hleilo.
Ti a atah hawm hawm in mi pui a vel ang mai min vel ani khi thu khian.
Report this comment
May 28th, 2009 at 7:28 pm
Nun chu tawi mah se,thih meuh zawng a va sei em tih lai khi a mawi dangdai ka ti khawp mai..
Report this comment
May 29th, 2009 at 3:14 pm
Lungrual te a hlima len laiin,
Chhamang min zalh san;
Hlimna dang awm lo, i tello chuan,
I then leh rual ten kan ngai che;
Aw, lokir leh rawh.
Nang kan ngai em a che,
Pialleiah i zamral ta si a…. RL mangtha mai le…
In thil han ziah chuan lung a ti lengin khua a va ti har ve le.. 1984 a ka U boral ta a thian ten a hla an phuah sak minti hrechhuak a toi te kan ti ve a ni. chawnghil soi ang deuh khian “Thihna hnehin a tho leh ta!” tih mai loh chu..
Report this comment