Misual.com ah hian duhlian tawng ngeiin investment chung chang ka chhiar fo va, a ngaihnawm ka ti thin a, a bengvar thlak ka ti bawk. Hriat thiam miah loh pakhat ka la nei a. Investment reng rengah hian “Lei leh hralh” tih hi in lo ziak tel fo va. Thil lei lampang hi chu a harsa ka ti ngai lo, pawisa a awm anih phawt chuan, ka naupan lai atanga ka thiam tawh a nia. A hralh lehna lam mawlh hian min tibuai thin. Pawisa kan va invest khan kan lei tihna ani mai em? A nih chuan ka hrethiam. “Market san lai taka hralh tur” tih ang reng vel ka chhiar fo thin hi; tu hnenah nge ka hralh ang? Tu nge lei turin ka bum thluk ve ang? Thil ka la zuar chhin ngai miah lo a nia aw. Min hrilhfiah teh u.
Similar Posts:
- Mizo te leh Investment!
- Stock market investment
- Zawlbuk Real Estate
- Online investment kan thei ve ang em?
- Investment a hlawk a?
June 5th, 2009 at 6:57 pm
Broker tan lo chuan direct taka (stock) market investment chi ani vak lo. Chu vang chuan ania mutual fund leh portfolio investment a lar. Mimal tan chuan company fortune hriat kim a har duh viau
Report this comment
June 5th, 2009 at 7:24 pm
Pu Caribau
Chiang mangkheng in maw
Iva invest chuan company share i lei.. entirnan reliance company stock(share) ang hi.
Tin, Mutual Fund, Insurance te pawn hetianga company in an share an zuar ang tho hian an share an zuar ve tho. anni chuan share ti tawh lovin UNIT anti tawh zawk.
share an zawrhna chhan chu an sumdawnna turah sum an indaih loh vangin nakina a hlokna anla hmuhlet tur( sumdawnna atanga an hmuhlet tur)hi anzuar then ve thin.
Mutual fund te, insurance company ten an zawrh ve na chhan chu, hetiang company ho hlawkna lo lawrkhawm hi a ni. anni pawn an hlawkna neih theih dan kha unit te reuh tete ah an then hrang veleh tho.
I hralh leh dan tur.
Company stock(shares) i lei chuan i leina company ah i hralh let thei tawh lo.. i hralh let theihna hmun chu stock market ah. stock market ah hian lei duh leh hralh duh an awm reng market hour (9:55 a.m – 3:30pm) lai chuan.
Mutual fund leh insurance ah chuan i leina company (e.g SBI, LIC, Birla etc.) ah i hralh let thung ang. Open ended an tihah hian engtik lai pawn i hralh let thei reng.
Anni mutual fund leh insurance te hian i share(i scheme lei, mutual fund, insurance) kha stock market ah tuna a price ni mek angin anlo hralh let thung ang. I scheme lei innghana chu stock market a i mutual fund invest na ten company share anlei ah khan a in nghat tho.
Mutual fund te, insurance te hi chuan nangman direct-a iva lei aiin anlo leisak ah che ngai la a dik ber ang.
a chiang em?
Report this comment
June 5th, 2009 at 8:30 pm
Stock trade dan kawngkhat. Brokerage account i siam anga. Brokerage account ah chuan nangma sum i chhunglut anga. Broker te hian stock i lei leh hralhin commission an la tlangpui. Bank threnkhat chuan account dangah sum tam tawk an duhthusam a tam tawk an tih i neih chuan, commssion pawh hi i chawi ngai loin a free in i trade thei. Brokerage account i set up hnuah chuan, username leh password i set up fel hnuah, nangma laptop atangin khawvel company lar ber ber i duh duh kha an stock i leiin i hralh tawh mai dawn ani. Lei leh hralh tih hian a mawl zawngin i computer mouse click zeih zeih kha ani tawh mai. Entirnan, Microsoft company stock te i lei duh chuan an symbot “MSFT” kha stock symbol box ah i type anga. Stock quantity i lei duhzat kha a box dang lehah i type leh anga. “Buy” tih button kha i click keuh anga. Chuan Microsoft company ah chuan, i duh zat zat kha i “invest” a ni tawh mai. I hralh leh dawn hunah pawh “sell” button i computer mouse hmangin i click anga, a tawi zawngin i hralh fel leh der ani mai. Entirnan, Hmanni pawh zing dar 7.30 velah stock pakhat tiang hian ka lei a, chhun dar 11 velah ka hralh leh mai a, darkar reilote chhungin, $ 2500 vel chu ka hlep ( India pawisa chuan Rs. 1 Lakh chuang hret chu anih chu ).
Report this comment
June 5th, 2009 at 8:39 pm
kan trhalai te hian hna a neih chi anih hi
mahse zirbing peih chu trul tak aniang hlohtling tur chuan auh
Report this comment
June 5th, 2009 at 10:48 pm
Investment duh chuan Mutual fund & ULIP ah te hian a tawk chiah, a hah dam thlak ber. Trading duh chuan ngaihtuahna sen hnem a ngai lutuk. Trader hlawhtling te hi Economist, Accountant,Ph.D etc te hi an ni ngai lo, Commerce/Management zirlai bu ziak tu te pawh hi Trader hlawhtling an ni kher lo. Prof trader ho chu hrat lak tak2 vek an ni, rinloh lam deuh in Prof trader te hian technical background an nei thrum zawk nia!!! Stock market a voi khat tih pun chu awl sam lutuk, mahse Regular tak a kartin tih pun chu trader zingah pawh 5% bak an awm lo. He mi tur chuan Fundamental leh Technical Analysis hriat bel hlui a ngai. Hetiang mi nih loh chuan Trading hi luh chilh chi pawh a ni lo, trader ni lovin investor nih kha beginner tan chuan a tha tawk viau a ni.
Report this comment
June 5th, 2009 at 11:59 pm
soi ve lo mai ang…invest tur poisa ka nei ve lo. commodities exchange ah vawkpui nen barter an phal te anih loh chuan…hehe
Report this comment
June 6th, 2009 at 2:12 am
@ Borat.. portfolio investment ni lo in portfolio management a ni zawk em le i sawi tum hi..hemi post a relate dawn chuan a nih duh zawk hmel ka van ti ve.a meaning a danglam ropui sia.i sawi tum zawk hriat chian a va chakawm ve le.reader ten a hlawkpui lehzual ka van ring em.
Report this comment
June 6th, 2009 at 4:03 am
Ekhai… zantir lamah network ka nei thalo leh pek a, hma tawkah ka tho e. Ka zawhna hi thenkhat tan chuan a mawl mangin a ho mah mah mai thei. Hriat lam hi a lo inanglo thei riau a. Bank ah chuan kan pawisa dah a mature veleh kan la chhuak mai a, zawrh buai a ngai ve lo. Mutual fund, ULIPS velah erawh zawrh kher a ngai nia a lang hian min tibuai mai chauh a ni e. @Lily: Ka va invest na ah khan, ka pawisa invest ka withdraw hun hun kha ka zawrh hun tihna a ni mai ani maw? A hranpaa han zawrh vak a ngailo i tihna a ni em ni? Ka fiah chiang tep e.
Report this comment
June 6th, 2009 at 8:23 am
davidh, thanks. I sawidik. Portfolio management zawk tur ani. A, kan hansawi hluah na a, taima taka thawhchhuah tluk hi aawm lo.
Report this comment
June 6th, 2009 at 12:38 pm
caribou
zawrh tih ah khan… nangman i zuarlo hrim2. I scheme kha i leina te hnenah i return(submit) leh tihna chauh a ni. MF, Insurance angah chuan. hetia i return hian an interest hmuh ang2 kha i hmu tel ta boka.
MF,Insurance company ten nangma hmingin shares anlo leiin anlo hralh leh tihna. Nangman “Tunge leih duh awm che u” tihbuai vel angailo. Ka return duh e i ti anga, an return mai ang che.. nangma hminga an share lo lei toh kha an duh leh marketah an hralh ve nghal anga. an duh leh anla kawl ang.
Report this comment
June 7th, 2009 at 12:06 am
Ka fiah ta e. Ka hrethiam ta. Ka lawm e. Keimah ang chiaha investment lama ngawng tlat leh hriat nei tlem tak tak mizo zingah an tam. In comment hi an chhiar chuan an kaw ve sawt mahna. Thank you.
Report this comment
June 8th, 2009 at 2:04 pm
A ngaihnwm…online khat lutuk a, chhiar hi duhtawk mai teh ang.
Report this comment