Buh to tantir hi a mawiin mit a ti hahdam a, rilru a no nghelh theiin ka hria.
Kum 2005 daih tawha N.Vanlaiphai ka kal tuma ka lak a ni.
(click pic for larger size)
Tlangram a lo neihte hi a mawi a nia…
June 15th, 2009 9:30 pm by Kawlri15 Responses to “Tlangram a lo neihte hi a mawi a nia…”
Leave a Reply
You must be logged in to post a comment.
(Y)
June 15th, 2009 at 10:05 pm
Erosion hmuh hian rilru a van ti na em.
Report this comment
June 15th, 2009 at 10:44 pm
A va mawi hlep hlep tak em! Thliin buh kung ripples ang maia a’n chhem kur dual dual maite hi a mawi duh teh asin! Denudation hi chu thudang a la ni a; hmasawnnain a ken tel hian ram a tirang-khawlo chawk …mahse, kawng laih tharte hi kan mamawh bawk si! Sapavah chiama ram nalh tak neih ai chuan, motor-a veivah chu kan thlang tho chuan a rinawm e!
Thlalak mawi tak a tling, ralkhata thlam mawlh mai saw … vau tui —fenthlir nen zuk thal ila, chaw-chhun tur hang han so ngei bawk ila, mai-an sih thar ngat nen …tlai lam hawn dawnah, lehlam rala bialnu hriat ngei turin han kuk ri raih mai ila … a rawn hmanhmawh phah ve ngawt ang!
Report this comment
June 15th, 2009 at 10:51 pm
It was a Monday —Teacher’s Day-a i zinna lam teh daih chu! Teaching lam i ti lo elo maw?
A Monday, in both May 9, 2005 and September 5, 2005.
Report this comment
June 15th, 2009 at 10:53 pm
Buh tro trantir a nih chuan May 9, 2005 zawk a ni mah na! September 5, 2005 ni sela chuan —harvest hun a ni tawh thuak awm si!
Report this comment
June 15th, 2009 at 11:07 pm
Motor kawng laih hun hi buh chi thlak fel vek hnua an laih a nih ngei ka ring. Compensation engzat tak loneitute hian ngiat ang maw? Motor kawng hi awm tawh sa ni se —kopang rat ratah buh chi hi lehhawi zawnga an zu chin a rinawm si loh!
Kawlri i intih danah Serchhip atranga zin chho i nih hmel a —Keitrum, Khawlailung, Chekawn?, Lungpho khaw-hnuai …N. Vanlaiphai …khawi lai emaw bera LO thlalak a ni si … tun hma ka kal ve lai chuan behind the wheel-ah awm mah ila, steering wheel vawn ngai lo khawpin, motor a khalh theih lai kha a ni. Motor tire-in a chilna khuara a luh fuh tawh laklawh chuan, accelerator chiah rah a ngai … thui deuh Chekawn? atrangin Lungpho khaw hnuai thleng kha chu chutiang chuan a khalh theih trhin. Bawktlang lam atrangin ka la kal ngai lo thung. LO hi Bawktlang lam kawnga mi a ni hial lo’ng maw?
Report this comment
June 16th, 2009 at 3:09 am
@ chawnghilh
correction Lungpho ni lovin LUNGCHHUAN khaw hnuai a ni. Chawkawn to NV inkar road chungah hian khaw 2 an awm Sialsir leh Lungchhuan
Ber-thla hi chuan buh a hmin eng tran trhin mawi tak a ni. Nia he lo neitu te hi chuan motor kawng thleng tur buh an chhekna a hnaih dawn hi. Pic mawi tak May ni 9 a lak ngei anih hmel e. Ka lawme
Report this comment
June 16th, 2009 at 3:49 am
@chaenghilh helamah hian kan OT mai. i motor thar chu a thar vak lo a tuiek lai te poh ka hmu, Nikon 60D a hlimthla pic latu lam a awm theih lai si a heti tak maia i la fiah hian a motor thil phurh mawi tak ai hian i talent hi ka va awt em, i thlalak ni ber kher lah hi kum 32 kan wed anniversary lo ni lehnghal 7th June
BTW he lo buh an thi lo an nung a ni tih hriat leh thli in an len che siau siau kara ka rilru lo awm chu May thla hian ruah-thim-pui a haw duh hle, chung chhum thla shade kara ni chhuakin a chhun en eng tak pic hi AWARD pek tlak niin ka hria. Hetiang ang hnu Kawlri an a tawng hi a vannei thloits. A Camera lah Kodak Easyshare ami lehnghal product hi XaiA pics ho aiin a chungnung lo bik em ni :lol:
Report this comment
June 16th, 2009 at 4:28 am
kawng thlanglam an a thlam ai hian kawng chung lama thlam khian ka lung min len zawk.
chhum lamg mang miah lova a chunglam var pup hian rilru a ti kalthui :!: pic lakna hi ral leh lam daih anih avangin thlalakna distance hi a hla viau anih hmel. ka lawme
Report this comment
June 16th, 2009 at 6:47 am
05/09/2005 tih a ni nain,kawlri hian ‘buh to tan tir’ a tih si avangin May chu a ni ngei ang. May ni ta se kumin ai chuan ruahtui a tla hma hle a ni dawn hi. Zing lama ruah phingphisiau a sur vangin khua pawh a dul deuh ruih a,van dumpawl lang lovin chhumin a bawh paw chuk mai a nih hi.Buh tuh hnua kawng hi laih a ni thei lo.Kawng ko chiah a buh kung awm hi chu a min vang a nih hi.A min lohna lai kovah chuan hnim dang a awm zawk.2005 May hian ruah tui a lo tla fe tawh a ni tih kawng ko min hlek2 hian a tilang a,a lei a that em avangin furpui ah phei chuan One Tonne hnu hma a khuar duk dawn a nih hi!
Report this comment
June 16th, 2009 at 7:19 am
Thingtlang lama kan unaute hian theihtawp hi chu an chhuah ve hle hian ka hria; hna hi chu an thawk ve thlawt a ni. Fangrawng pawh khian a tihlim ngei ang. An hriselna pawhin a tuar … Zoram mipui la tam vak lovah, kan miliante leh kan mi mirte nun inkara CHASM (kawr thuk) lutuk a awm hlen ta hi chu a pawi khawp mai!
Hman sen loh sum nei an hlim ber chuang lo va; retheite lah an nunram a chaurau Ministry tin zel bawk si —‘… retheite Lalpa’ hi chu kan va mamawh hliah hliah tak em! ‘Retheihna lalte’ kan hrawn nual tawh a … Zoram hian hma a sawn chu a ngai tawh viau a ni. Car, washing machine etc., tamah a ngai lo; thingtlang mite dawmkang kim tur Ram-Hruaitu dik tak hi chu kan mamawh tih Pathian chuan a hria; mahse, retheih luat avangin retheite vekin thil kan virpilh trhin bawk si! A tuar lehtu bawk chu retheite bawk hi kan ni tih milian-awmtheite hian an hai hran lem lo! Mahse, “koi bat nai, dunya gol he,” kan ti ta sa sa ni berin a lang e. A ngaihna hria kan mamawh a ni —Revolt ngai a nih hun a la thleng ang tih a hlauhthawnawm khawp mai!
Report this comment
June 16th, 2009 at 8:32 am
Environmentally unsustainable farming
Report this comment
June 16th, 2009 at 10:34 am
A hring mawi hle mai,thifa hnukchat a thawh loh chuan ei hmuh a har em em ani.Kawngpui siam thar hian hmasawn na a lan tir a,chutih rualin buh hmun hring dup kar a thlam te tak te lo lang hian kan hahchawlhna hmun leh hahchawlh nan a hringfa ten kan mamawh tlem zia a tar chhuakin ka hria.Ngaihtuahna a hruai thui hle a ni.Tichuan he pic. hian tradition leh new development a tar langin ka hria.
Report this comment
June 16th, 2009 at 4:53 pm
A lunglen thlak ka tih rualin Mizorama Cultivation Farming kan neih dan pawh hi ennawn atan chuan a tha mang e ka tih phah tlat, khitih hunlai tak khi a hlimawm hun chhun chu a ni tlat, tikhian..hnuhpui,hnuhhram an han thlo leh ang a, Vangvat leh thosi,Vaihmite Ngalzem zemin, dammawh hritlan pawh pawisa lova thawhchhuah, kawla nichhuak chhiarin an feh lo thei silovang a.
A hlimawmna Zuva in zah a ngaihsak chuan kham an thar ngei turah ngaihsak ta ila, Buh seng lozawh hmangin….Kawngpui a tlang thar ta sur mai bawk a, chhip a phurh a awm lo turah ngaih sak ila, mahse….a kum leh ah khawilam ram nge lo a tan an threh leh ang, lo tur pawt fuh lo deuh nih phei chuan, khawilam nul thar thatna deuh neih kawp a ngai dawn bawk si, ngaihtuahna min neih tirtu atan chuan he pic hi ka fak e.
Report this comment
June 17th, 2009 at 7:55 am
@Muante & Chawngnghilh :- May ni 9 a nia.. ka zin daih a, chhang hman lo che u lawm.. helai kawng hi ti daih ila, tun thleng hian he thlalak ang reng hi ala niin an sawi.
Report this comment
July 26th, 2011 at 11:02 pm
ÄÅÌÎÍÒÀÆ ÏÅÒÅÐÁÓÐÃ…
minny…
Report this comment