NSEM BAWK!!
– James Ramdinmawia , jamesrdm84@yahoo.co.in
Ka zin avang leh motor dangin ka motor an sut avangin accident na tak ka tawk a, ka hliam lo hlauh na chungin mahni tawkah buai namen lovin ka buai a, “NSEM an tih kha maw? Fimkhur ang u” tih Lily_Parmawia post kha comment leh zawhna hrang hrang te ka rawn chhang hman lawk lova, min lo hrethiam hram a niang chu. Hun ka nei ve dawn e tiin 11th June, Ninga Ni tlai khan Champhai atangin Aizawl ka inkhalh thleng thei hram a, mahse ka thlen veleh khawsik na tak avangin khumbetin ka awm leh a, kei leh kei lo angin ka zawi ngiai mai a. Hei tlai khawhnu-ah post tharin ka rawn chhang ta mai a nih hi!
Lily_Parmawia, uluk taka i chhui chian peih avangin i tilawmawm e. I thil hmuhchhuah i rawn ziah atang hian kei pawhin ka man chhuah thar thil a awm ve nawk tho a nia. Amaherawhchu i thil sawi then khat erawh hi chu tlema i hriat thelh ve deuh a la awm cheu avangin ka han sawi zau leh deuh ang e.
No. 1 – 4 hi chu a dik vek, No. 5 erawh a dik lo deuh. ‘Dan tel lovin’ i ti a, Dan ang thlapa he business hi kalpui a nih thu chu kan sawi zin tawh kha. No. 6 hi mi i warning a a tha e. Mahse he company atanga hlawkna kan dawn reng reng hi company leh keimahni inkar a nih avang leh tax kan income tur atanga tax kan pek tlap tlap avangin sorkar hriatpuinaa pawisa lalut kan ni tihna a nih avangin Chiahpuam Black money anga chhuh let leh theih kan ni lo.
No. 7-a i thil sawi-ah hian heti zawk hi a ni; keimah bikin downline ka neih chauhin ka income a rawn kal dawn tihna a ni lova, India ram puma mite join tam leh tam lohah a innghah avangin downline nei ve kher lo mah ila a company a grow tho chuan ka share tur ka la tho zel dawn tihna a ni zawk, ka hnuaia an awm leh awm loh ni lovin. Tin, Capital neih let leh hun thla ruk i tih hi a dik, mahse chu chu downline neih miah lohin tih a ni, downline nei tha tan erawh ni 15 chhung lek pawhin a capital aia tam daih a hmu chhuak thei.
No. 8. “Downline hi nei ta lo se, dah let tur annei tawh dawn biklo” A share, monthly regular income (Non-sponsoring Income) kan tih Rs. 5,850 invest te tana thlatin 200, 400, 800, 1600, 3200, 6400…. te hi Downline nei miah lo mahse company growth rate 100% a nih char chara a lak tur a ni, khawi lai thla-ah pawh khian 20% or 50%, eng percent pawh a growth rate ni se chumi thla-a a income tur atanga chumi percent ang zel chuan i la ang. Downline nei miah lo mah se thla 6-naa a growth rate kha 100% a nih tho chuan Rs. 6,400 a hlawh dawn tho avangin chumi atang chuan dah let leh kan tih mai, a tak taka va dah let ni lo, sorkarin a hnathawkte hnen atanga GP Fund a cut ang deuh hian khami thlaa a income tur atang khan share thar a lei lehna turin ama join-na ang zat Rs. 5,850 a lo cut mai dawn tihna zawk a ni. Tichuan share hnih a lo nei tawh ang, chutiang zelin.
No. 9 hi i sawi dik khawp e. A chhan chu Mizoram chauha a growth rate leh kan downline atanga income nei tur ni ila, mi tam tak downline nei ve lo an la awm dawn, chu’ng ho tan chuan India mipui tam lutuk hi kan inchhandamna tur a ni, keima tih grow lwh grow loh, downline ka neih leh neih loh chauhah ka income a innghat lova, All Over India Growth Rate azira income ka neih tho avangin kan tan a tha em em a ni.
No. 10 pawh hi a tha, warning pe lawk veka mi hrilhhriat tur. No. 11 hi i sawi dik lutuk, kan company hian income hi min pe sang lutuk tiin min pek theih kan ring lova, mawlmang taka lo ral thlir ho phei chuan thil theih loh hul hual-ah min ngaih sak a, inbumna an ti thul. Mahse Ku Lily-a sawi ang hian Company zawk hian keini hlep let eng emaw zat hi a hlep, min pek chhuah hi a tam viau emaw kan tih laiin a lo tlem khawp zawk asin. Chu tak chu a ni mi fate business chu, mahse lo hlep eng ang pawh ni sela member te’n dinchhuah lawihna atana kan hman theih hlawm a, mi harsa zawkte dinhmun chawikana a awm phahna a nih te chuan anni hlep mai mai te chu lungkham tur vak a awm em ni, tiraw Ku Lily?
No. 12 ah hian keini pawh buma awm ang deuhin min ngai a, min bum lo, company neitu/dintu te hlep hnem zia leh titawp thut dawn se an hausak tur zia hi keini pawhin kan hre tlang vek, a sum lakluh leh pekchhuah dan zawng zawng hi kan calculate vek. Mahse a thlatin sum lakluh dan en hian reilote-ah chuan an tihtawp mai mai phal kan ring lo, tin product te neiin industry te dina lian taka la in vawrh chhoh zel an tum avangin keini pawhin hemi hlawkna hi Mizo mipui zawng zawngte hian tel ve ila kan duh a, midangte kan hrilhhre ve ta zel a nih hi!
No. 13 “An registration neihna( James’n a sawi zong) Corporate Agent leh Partnership Act atang hian an in chhandam thei lo. Corporate Agent hian an interest pek atanga Insurance anlei tur chiah a huam. Partnership Act hian an company din tu/siam tu te chiah a huam.” Corporate Agent kan nihna hian keimahni member te income kan pek chhuah atanga insurance an lei tur chauh a huam lo, tu pawhin NSEM kaltlangin Birla leh Reliance ah insurance policy a lei thei, NSEM-a rawn invest hmasa kher lo pawhin. Corporate Agent a nih chuan Corporate Agent a nihna company te insurance policy kha a zawrh sak ang a, a hralh sak ang a, a commission a ei ve mai dawn a ni. NSEM-a rawn invest hrim hrim in ngam lo a nih pawhin Reliance leh Birla chu in ring tawk ang a, khawi emaw zawk zawkah hian NSEM through-in Insurance Policy chu lei nawlh ula, a him em em a ni. NSEM through-in Birla Sun Life-ah Dream Plan leh Saral Jeevan te i lei thei, tin Reliance-ah chuan Super Invest Assured Plan i lei thei bawk. Chutia Insurance policy i lei chuan NSEM chuan amah-ah share a lo neihtir ve tho dawn che a, downline leh Monthly income pawh i nei ve thei vek. Heti hian a him tawk viau tawh em?
Partnership Act hian registration tih lai chuan a company dintu (Partners) te chiah chu a huam reng a, mahse Partnership Registration an tih dawn a Deed of Agreement (anmahni company constitution) an duan dan a zirin mi tam tak an involve thei. Keini pawhin Zo Pa Group kan din a, chutah chuan midang involve ve-na kawng zau takin kan hawng, amaherawhchu partners te remtih tlanna ang zelin tih a ni. Chutiang ang Deed of Agreement chu registration tih dawnah Non-Judicial Stamp paper-ah kher print out a ni a, Advocate te’n an sign hnan thlap hnu-ah registration dilna ah kan thil tel thin. Chu chu Registrar of Firms in uluk takin kan business kalpui dan tur leh kan Partnership Deed te a inmil em tih an zirchian hnu-ah Inspector ten verification an ti leh a, chumi hnua pawm a nih chauhin Certificate an pe chhuak a. Hemi ka han sawi duahna chhan chu share holder te leh midang inrawlhve theihna or business an lo kalpui theihna dan hi Partnership-ah chuan anmahni company dintu te thu thu a ni.
In comment hrang hrang chhanna te:
1) Hello, H.Vangchhia,
Chiang deuhvin chhiar la i rawn comment leh thei angem?
2) Hello, Borat,
I tidik lutuk, Lal borat, NSEM ah pawh hian rim taka thawk te chu an hlawk khawp asin, downline zawnga sermon ngai leh ngai mi chi hrang hrang hnena thlak char char ho hian an hlawhchhuak hnem tawh khawp mai, hetiang titur hian mi taima tak nih chu a ngai ve asin. Mahse chawmtu mumal nei lo, hnathawk hleithei lo khawpa hrisel lo te, thawkrim viau dawn se a kawng awm tawh ngang lo khawpa rahbi tleu laklawh tawh te hi thawkrim viau turin i phut ngam dawn em ni? Chungte tan chuan investment kawng tal kan hawn sak loh te chuan…
5) Hello, zuali
“Tangka sum ngainatu chuan tangka sumah duhtawk a hmu lo vang a, hausak ngainatu chuan duhtawk a help hek lo vang: hei pawh hi engmah lo mai a lo ni”.(Thuhriltu 5:10)
Zualbawihi chu i va khat liam ve? I thu rawn chhawp chhuah hi ka duh lutuk, hring chan chhung hian duham chin lem a neih theih loh. Mahse mite ak ruala ak ve theih tumin kawng hrang hrang kan dap hlawm chu a nih hi. Eiru ho an hausa a, eiru ve duh silo chu kan rethei reng dawn si a, retheih reng kan peih bik bawk si lova, dik thlap leh fel taka hlawk bawk sia sum lakluh kan tum tlang ta a nih hlawm hi. Tin maw, Pathian thu hi duh lai lai lak tur a ni hlei nem, “A pung uma pawisa puk tir” pawh a duh loh kha, chuvangin Bank zawng zawng hi Bible Court-ah chuan an tla fai vek, Nawhchizuar dawrtu chu nawhchizuar ang thova Bible-in a ngaih tlat avangin Bank dawrtu zawng zawng pawh Bible hma-ah chuan kan tla fai leh vek. Eng nge investment chu a sual bik viauna, a return beiseiin kan invest a, a bank aiin a return a tam zawk a tih a ni mai.
13) Hello, somosis
“come on guys… read this article carefully n don’t let the chiahpuam kinda thing happen again in our homeland.. fing tawh ang u Lalpa zah chung zel in… OKK..”
Kan sawi tam ta viau e, Aizawl-ah pawh NSEM leh Chiahpuam inanga la ngai ho chu “Tuikuk Pathian Siamtheih loh” tluka mawl an la ni tlangpui.
16) Hello, ThaiBoy
“He thil a hnuhnung hnung Phungin seh ani mai.”
A kim lovin i hria a, a kim lo bawkin i hril.
18) Hello, digimalt
I va han bei ropui tep tep ve, ka Amen e. Mahse tawngtaina kan AMEN hnan thlap tawh pawh hi a taka zawm chu a har tlang a nih hi he leiah hian. A rawn chhawpchhuaktu pawh hian a zawm kher chu rin harsa ka ti ve to mai.
23) Hello, ThaiBoy
Sum duh tih hian duh chhan a inang lo thei tih hi i hre ve turah ka ngai, mi pangngai i nih chuan. Nang pawh sum i duh a lawm, sum tel lovin i nung thei hlei nem. Mahse nang leh i chhungte khamkhawp tawk chauh hlawhchhuah i duhtawk a nih chuan keia ngaihah chuan i selfish hle a ni. Kei chuan sum tam tak hailuh a, hausak a, zau zawka ram leh khawtlang tana rawngbawl a, midang tam tak tan malsawmna nih ka duh asin. Chu mai ni lovin dinhmun tleu laklawh, an thawhrim rah tel zo lo Mizo mipui tam tak te tana an dinchhuahna kawng hawnsaktu nih ka tum bawk, a Pathian thu lo viau em?
24) Hello, mzvision
Inbum tih tawngkam hi hmang tawh teh suh, mi pangngai ziak leh chhiar thiam, chutiang ni satliah lo mi thu ziak chhiara a awmze hrethiam i nih ve chuan engmah zep leh thup awm lova a kalphung zawng zawng, a tlakchhiat theihna chance leh loss theihna chance zawng zawng pawh inhrilhhriat vek hi inbumna a ni ngai em ni. “A tlachhe dawn lo hrim hrim, in loss miah lovang” ti ta tlat ila mi kan bum tihna chu a ni ngei ang. Mahse tumah kan bum lo, nangmah khan mi tam takin hamthatna an lo chang ve tur ngaingam lovin an invest ngam lohna turin i bum mek zawk a ni.
26) Hello, caribou
Bansan mai love, zirchiang hmasa lova zuan ve thurh ka nih loh avangin ka dinna ngaiah nghet takin ka ding. Tin, NSEM hi thil genuine tak ni lo se a buaipui pawh ka buaipui lo hrim hrim ang. Hetiang lam hi engmah ka ring ngai lova, ka interest ngai lo ka tih tawh kha.
29) Hello, Khelawks
Krista fate, mahni pate chhun lo tak kan nih avangin alawm Revival Team kan neih teuh. Camping leh Crusade te hi i thusawi nem nghettu vek an ni.
30) Hello, Lily_parmawia
Kei pawh Lily ka article ruahtham loh fe fe nia ka hriat ve hi an chhuah lo teuh tawh mai, eng emaw zat min chhuah sak tawh laiin.
32) Hello, Khelawks
NSEM hi a negative side ngawr ngawrin i thlir a, a positive side i hlam chhiah der a. Hetiang comment hi Literature huangah phei chuan Standard Text tling pha lo, thu lak tlak loh a ni. Critical Comment, Critical Analysis reng rengah hian Poem emaw, article emaw, mi chanchin emaw, company or sorkar chanchin miin a ziak ka lo analyse a, comment ka pek dawn chuan a tha lam leh a chhe lamin ka thlir ngei ngei tur a ni. One-sided analysis reng reng mi lawilo te thu ang leka ngaih a ni thin. Keini chuan NSEM chungchang hi nangni in kan sawi atanga in lo hriat ve hma daih khan nasa takin a thatna leh a thatlohna kan lo zirchiang tawh a, chutah a thatna lam hian a buk rih zawk avangin Aizawl mipui mai ni lovin, thingtlang mipuite tan hlei hlei an dinchhuah ve na kawng a inhawn theih dawn avangin hre ve se kan duh a ni. Chutih rualin an tana loss theihna chance a awm thu erawh kan hrilh hmaih ngai hauh lo, chutah an chhia leh tha hriatna hmanga an invest ngam leh ngam lohah a innghat tawh. Tumah invest turin dik lo takin kan thlem lo. Chuvangin thingtlang mite misual.com hmanga in warning in pek in pek hma hian keimahni ngeiin kan pe nghal zel tih theihnghilh suh u.
43) Hello, Ditto
I dan sawi hrang hrang te hian NSEM hi a phuar lo, Indian Partnership Act 1932 hmanga din, ama business kalpui dan tur a sawi anga kalpui a phal sak a nih avangin ama share hralh theihna a nei a, shareholder te benefit pek theihna a nei a, ama thu thu a ni mai. RBI meuh pawhin a Office leh a kalphung zawng zawng chipchiar taka a lehse hnu a ni NSEM hi! I thahnemngaihna a fakawm e.
46) Hello, MuzukS@11
Downline neiho reng reng an tawp thinna kha tawp ve lo tura thla ruk dan zela a join apiangin an join nawn ngei ngei na tura company-in an thla rukna hlawh atanga share thar leina daih a lo cut thin dan kha vawi eng zat nge sawi nawn ngai dawn? India ram mipuiin daih tawh lo mah ila mi pakhatin kan join atanga thla rukna ah kan join thar zel avangin a hnuhnung ber an awm thei lo, a kual char char ang a, grow tawp lo tura duan a ni kan tih kan tih kha! Mizorama lo lut tawh downline nei chi tawp leh thin ho atanga kan inzir fin hnu-ah NSEM hi kan introduce ngam chauh alawm maw le!
Mi rethei chhanchhuah tumna hi kan sorkar hian thangkhat lian zet a lo hlawh chham pui tawh. Agricultural Products export theih te chu kan duhthusam alawm, a theihna turin hma i la si lo a nih hi, tin agricultural products pawh chu lo export thei ta pawh ni ila, product nei turin ram kan neih a ngai a, thingtlang leh khawpuia a mamawh mawh hi ram nei lo, mi hausa hovin an neih zawh sak an ni bawk si a, engtin nge i tih zel ang. Land reforms tih hmasak a ngai, forest reserved area leh milian ho ram hi mi vantlang leh rethei zawkte insem darh atan han acquire dawn teh, clearance leh compensation engzat nge ngai, chu chu khawia mi nge kan pek ang tih ngaihtuah a ngai bawk, milian ramchhuhsak duh lo hovin Court an lo belbul leh ang a……. a process a la thui lutuk. Engtia rei nge miretheite hi la rethei rih se i tih? A kawng awm ang ang kan dap pui mai a nih tak hi! In mumang hi in sawi liam ve puat a, ngaihtuah chiang thin ta che u.
.
