World Bank sum hmangin Tantia co. ten Aizawl to Lunglei via Thenzawl kawng an sial ta ruah mai, la zo chiahlo mahse Lunglei lam kal tur Motor 80% chuan helam kawng hi an zawh ta. Thenzawl tlangdung khuate tan chuan malsawmna chhiarsenloh a ni hawt ang chu! Lunglei – Aizawl Motor zing chhuak tan Thenzawl ah tukthuan an ei hman, Aizawl atanga zing chhuak te pawn Thenzawlah tukthuan an ei hman tlat!
Hetih rual hian Serchhip tlangdung khuate an va khawngaihthlak si em, Lunglei or Aizawl kal tur te tan Motor a vang ta kher mai, An thlai tharte pawh an kawtkaiah an hralh thei ta meuh lo. A bik takin Tlungvel Hotel te phei chu an hawi ta lawl lawl mai, chem lovin an hrawkhrui an chhahsak a ni ber mai..! Thenzawl tlangdung khuate lawmpui chung siin, engtinnge Serchhip tlangdung khuate harsatna hi Sorkar hian a sutkiansak tak ang le.?
Admin: Map hi kan han dah ve mai mai ange!
Similar Posts:
- MLA vengtuten police driver kut an thlak
- Mizoram Inter District U-19 Football Tournament 2012
- World Bank kawng hawn a ni
- Mizoram Election prediction
- Aizawl – Thenzawl – Lunglei Kawngpui hi
June 19th, 2009 at 9:16 pm
Thenzawl leh Sialsuk tlang dung khuate hi an rethei rei tawh a, tun hma Bangla road thin kha a ni a, tuna an vannei ve leh tur hi ka lawmpui khawp mai.
Report this comment
June 19th, 2009 at 9:17 pm
A dik ka ti khawp mai.Mahse Serchhip hi Dist. Hqrs. a ni miau a, a pawi mawh reng tho ang chu.Tin,i sawi ang khian Thenzawl tlangdung hnuchawn ram thin an ck tan ve tur ah ngai ila.Khawchhak lam Develop nasa se,chuan a zia awm mahna.
Report this comment
June 19th, 2009 at 9:53 pm
Tlungvel khuaa a fing hmasa te’n sorkar puihna tel lovin hotel an siam a, sum an la lut ruih ruih a. An khua ah a nuamsa pawl an ni a. Tunah an eizawnna a tla hniam a, mahse a fing hmasa an ni a, eizawnna dang an dap leh mai ang. Sorkar mawh phurh pawh ani chiah emaw ni le? An aia rethei khua an tam em mai.
Report this comment
June 19th, 2009 at 10:06 pm
Mzvision hian sawi tur a neih ngei ka ring,han che sela mawle,a damsam lo nge a zin aw?
Report this comment
June 19th, 2009 at 10:16 pm
Thenzawl pa fing deuh chuan Hotel lo siam vat chi a nih chu maw le. Development chu a zuan in a zuang a, Tlungvel hotel a zuan khum a nih chu.
Report this comment
June 19th, 2009 at 11:01 pm
Caribou comment ka thlawp mai teh ang.
Report this comment
June 19th, 2009 at 11:02 pm
Serchhip hi Khawchhak lam tlangdung tan an paltlang ber khua a la ni reng a,an khua a har phah lutuk lovang. Night bus leh MST bus in a la paltlang reng tho bawk a. Hnahthial khua hi an khawhar ber zawk a ni.Via Thenzawl hi Pukpui – Haulawng leh Hmuifang tlang lam kawng an siam zawh hnuah phei chuan Aizawlah tukthuan kan ei thei hial tawh ang. Tunah rih hi chuan Thenzawl Restaurant vel hi a la thring khawp mai.Fel fai leh tuihnai deuh zawkin ei tur siam an zir a ngai khawp mai.
Report this comment
June 19th, 2009 at 11:07 pm
Serchhip tlang dung khuate hi Sawrkar in ‘E hei… Chem lovin in hrawk hrui kan chhat a ni ngawt sia, hei hian lo intuamhlawm ru’ tiin tanpui ta hlawm se. Ka itsik vang ni miah lovin, tul lo ka ti hle ang. Zin vei vak tam vang chauha eizawnna hmu an nih a, an baihvai ta viau a nih chuan Thenzawl tlangdung lam khuaah a rang a ranga an pem mai a fuh a ni mai. Kum kha leh chenah khan Sialsuk tlang dung lam pawh repin an lo awm tawh a, Sawrkarin ‘chu e kha e’ an ti bik chuang hlei nem.
World Bank sum hmanga he kawngpui thar lo tlang ta hi, Mizoram pum huap ngaihtuahin a tha thlawt a, a lawmawm zia lam hi sawi uar tur kan ni zawk e.
Report this comment
June 19th, 2009 at 11:38 pm
Rep Char hlauh chuan, Char loh dan ngaihtuah a ngai a ni mai. In khua kha Engemawtal thar/siam/deh chhuahna hmunpui-ah siam ula, in châr lo mai ang.
Report this comment
June 19th, 2009 at 11:59 pm
Thenzawlah chuan Malawmi Hotel cum Tea Stall-ah hian in chawl ve thin dawn nia
https://img30.imageshack.us/img.....nzawl9.jpg
A piah lawkah Vur ngawr ngawr zawrhna (zun in attached) a awm nghal bawk
https://img268.imageshack.us/im.....zawl12.jpg
Report this comment
June 20th, 2009 at 12:25 am
Anlo hmang tan der tawh ani mo!!!!! Kalo hreve hleinem. Tihi chuan kan zinkawng a tawi deuh tawh dawn nih chu, hmanhmawh deuha haw chang phei chuan lunglei leh aizawl inkar hi chu buaithlak ve thin em ani..
Serchhip tlangdung khuate chuan minlo hrethiam teh se,kan sum neih tlemte te chu thenzawl lamin an ei ve tawh dawn nimai lawm.
Report this comment
June 20th, 2009 at 12:27 am
Thlalak khi va chhe lo ve,Vur ngawr ngawr zawrhna khi,hehe.. Khipawh chawhmeh siamdan zir tan se that dawn khi.
Report this comment
June 20th, 2009 at 2:38 am
@XaiA nithum office ka trhulh viral fever vangin, khawsik loh lai apiangin ka misual mawle ! kan nu’n khum to misual to khum a ti vel lolz
Nia Sume tlem te chung zinga a tamzawk in kawngthar an zawh mah de de dei kan tih chuan – kan ram dung tluan hian Rail Service lo lut se kan chhawr awm tih ka rilru a a lo lan rualin e –
Tourism hi han ti-hmasawn tak tak ila, kan chhawr dan tur hi chu awwwwww ka chi vawng vawng trhin. Tourism eibel ber hmangte USA / Europe / Australia / Singapore / Thailand / Israel / etc etc. Hamaradesh Incredible India erawh a la credible tak tak theilo. Chuti chung chung chuan Sikkim te chuan an eibel pui pakhat-ah zu hmang der maia !
Serchhip tlangdung hi NH-54 in a paltlang Tuipang V ah a tawp. Lawngtlai atrangin Akyab kawngpui nen inthlunzawm turin hmalak mek a ni.BRTF ni tawh lovin Mizoram PWD hi Govt of India in he hna enkawl turin a hmang. Kan highway pui ber tur a ni. Lo ngai reng mahrawh u, he kawngpui hi kan kalkawng traffic lun ber a ni lo thei lo Double Lane or 4-lane anih hun phei chuan mzvision sawi hi a dik inla tih ngei ka ring.
Serchhip tlangdung ho kha lo thlaphang suh u, kan ram hi a trhang zel dawn e, Ramngaw erawh siam belh zel ila.Ka Lawm e
Report this comment
June 20th, 2009 at 6:51 am
@mzvision: lan ram hi ramngaw chhah takin a tuam hnuah chuan terrorist hovin nuam an ti ang chu aw. He he…. phiamthu aw. Aizawl-Thenzawl-Lunglei chu district headquarter pakhat panna kawng ani satliah ve mai a. Serchhip lam panna kawng te chu district headquarter pahnih (Hnahthial nen) panna kawngpui ania, a la lun daih zawk dawn alawm.
Report this comment
June 20th, 2009 at 6:59 am
Tlungvel tlang dung vel hi chu an khawngaih thlak khawp mai. Mahse tihngaihna a awm tlat si lo, he thil hi chu sawrkar hmalak fuh loh vang pawh a ni lova, tunlai khawvel hmasawnna leh awlsamna in a ken tel a ni ve tlat. Tih tak em ah te chuan chuti lutuk in helam tlangdung hi an awl bik lo a nia. Thingsai, Cherhlun, N.Vanlaiphai, E.Lungdar, Serchhip sumo zawng zawng an la chang thei a lawm le….
Report this comment
June 20th, 2009 at 7:09 am
@mzvision:I dam lo chu a van zia lo ve aw,rin aiin a lo serious a nih chu,mahse viral fever chu 3 days sickness an tia lawm!Lo dam zel teh.Swine Flu chu a ni em lawng chu.j/k.
Report this comment
June 20th, 2009 at 8:34 am
@mzvision, a va zia lo ve, kan thiampuipa ber i dam loh mai ten le. Lo dam mawlh mawlh teh. Kan lo tawngtai pui ang che.
Chuan, “..World Bank sum hmangin Tantia co. ten ..” tih lai khi han sawi zau thei deuh awm se, te ka lo ti ve mai mai a. Kan sawrkar hmalakna te pawh hi puan zar a thra a lawm, a thra lo lam rigawt hi kan lo hre thin a.
Report this comment
June 20th, 2009 at 8:57 am
Tunhma a Lunglei leh Aizawl kalna kawngpui ber thin zawk a ni lawm ni… Thenzawl paltlang kawngpui hi… a nih chuan hman hman a siam that tawh awm zawk tak alawm… Kennedy thusawi ang deuh khan… sawrkar in enge min tih sak theih ang ti lovin, enge ka ram tan hian ka tih theih ve ang aw tih zawk awm hi ania… sawrkar ah hian kan pangchang lutuk a, tih tauh a hunger strike neih te leh thil dang pangchan na, naupang chhia ang mai hian kan nei zut ringawt mai… zahthlak lutuk.
Report this comment
June 20th, 2009 at 1:39 pm
@kanidar
i dam maw i tilomom min tt pui avangin.
World Bank ho hian Mizoram Sttate Roads Project Govt of India kal tlangin sum puk a ni(90:10) heng kawng atan –
A) maintenance rehabilitation and maintenance of about 290 km of state roads te –
1) kawlkulh to ngopa to tuivai 96km
2) khawzawl to biate 58km
3) Chekkawn to N Vanlaiphai 21km approx
4) Sialsuk to Damdiai via changte lui 30km
5) Zobawk (Dawn) to Haulawng 23km approx
6) Lungsen to Chawngte 48 km leh
7) Selesih to AT road via Thuampui 14km
B)leh state highway upgradation i.e improvement (widening and strengthening) of about 184 km State Highways hnuai-ah
1) Aizawl – Then zawl – Buangpui via Hmuifang 99 KM Ph-I
2) Buangpui to – Lunglei via Haulawng 70 KM Ph-II
3) Aizawl Byepass 15 KM Ph-II
A chung Ph-II inti ho hi Tantia te thawh chu a ni. MSRP hi original estimate chu USD 70 million loan agreement sign lai March 2002 velin a ni a, revised estimate 2009 June a zo turin USD 100 million a ni.
Thapui leh sum sen hnemna ber chu Aizawl-Thenzawl-Lunglei leh Aizawl Byepass state highway te hi an ni. A hna thawhnan harsatna hrang hrang paltlang a ni a, thawhrah seng an ni tran hi a lawmawm-in a buaipui tu Er ho an fakawm hle.
Report this comment
June 20th, 2009 at 2:49 pm
An buaipui-na rei toh bok.. chhim lam Unau te(Tute tih dan emaw ni
) an vannei toh don anih chu le.. Hetiang zin veivak ho sum beisei a kan iak kan iak chhung chuan changkan ahar ang. Ram economy a khawih lo ee mai.. mi tlemte te hman tangkai tur ah chauh ka ngai.
Ti zong hian ngaihtuah ila, Serchhip lam leh Thenzawl lam ten Aizawl leh hmun dangah an thlai thar leh siam chhuah te an thiar zung2 thei toh don a, a lawmawm hle ah ngai zok ila. Zin veivak pawisa beisei vanga A khaw nawt-a lungawi loh tur a nilo ee… A Ball a mawl ltk
Ka lawm e
Report this comment
June 20th, 2009 at 3:13 pm
Lunglei nula lehlangin a rim theih tawh dawn a ni mauh!!! :twisted:
Report this comment
June 20th, 2009 at 9:28 pm
Sorkar tih tur ah dah chi ani pon ka hre lo. Business ah hi chuan competetion a awm lothei lo a. Hetiang ani don tih te chu kum tam tak kalta khan kan hre vek to alom !! Tlungvel dawr nei ho kha Thenzawlah awm hmun lo khuar lawk a an dawr ngai dok kha hawn leh mai tur ania. Customer ngai in anlo dawr leh mai don lom !! Tunah poh ala th theih reng ang chuu !!
Report this comment
June 21st, 2009 at 9:35 am
Kum kha leh chen ‘kawngpui ber’ a lo nih tawh chuan sawrkar khian a ofis zawng zawng pawh khi rawn khar se, intodelh tawh tur tak alawm le zawk a! Puitlin a hun tawh a nih chu!
Serchhip khua kha lo lungngai su! New Serchhip leh (Old) Serchhip inhruipawh kha thlah u la, hna thawk zawk teh u
Tak takin a, National Highway-in min paltlang chhung te chu India rama ‘kawngpui ţha ber’ neitu kan ni reng tho alawm.
Report this comment
June 21st, 2009 at 3:36 pm
Inkalpawhna a awlsam tawh dawn a, a lawmawm hle mai. Chutih laia thenkhatin eizawnna lama harsatna an tawk thei tur erawh an khawngaihthlak. Mahse motor paltlang loh khua la tam zia ngaihtuah chuan Serchhip tlangdung tan pawh lungngaih tur a awm chuang lovang. Thenzawl lama ram neih-a thingpui dawr siam paha sakawr chungchuan zir ka va chak e!!!! Chutah Mizoram khawpui atana mi thenkhat in an lo it a ni bawk nen. Mahse chak kan lakna ber phailam hnaih Aizawla awm hrih chu ka la thlang zel mai ang.
Report this comment
July 27th, 2011 at 3:48 pm
ÐÀÁÎÒÛ ÏÎ ÄÅÌÎÍÒÀÆÓ…
minny…
Report this comment