BELH CHIAN HI KAN VA DAWLO EM

March 20th, 2014 6:14 am by s dala

Mahni leh mahni han in sawi chhiat tak vak mai chu thenkhat chuan mawl pawh kan ti viau ang. Mahse kan nihna leh kan awm phung a ni miau sia! Kan harh chhuah theih tak mial beiseina nen ka han thlasik mau puah ve phawng phawng mai teh ang.

PATHIAN zawn chhuah hnam kan inti in chanchintha vanga changkanna hrang hrangin PATHIAN in malsawmna kawng hrang in kan hnam, kan ram mal min sawm mek lai hian kan nunphung leh kan zia hrang hrang hanin bih chian hian mal minsawm tu PATHIAN rilru kan tina viau mailo ang maw? Ringtu inti chung sia kut tlinglo a sum leh pai lakluh kan hreh loh dan hi CHIAHPUAM tihte kha ringtu PATHIAN nungbetu te rama thleng tur ni miahlo, ringtu kan in ti chung sia kan mualpho puidan leh a zahthlak zia kha in enfiah a, saiip sina thupha chawi mawlh mawlh tur kan ni. CHIAHPUAM anga langsar luah si lo thil pawi tak DAMDAWI KHEH chi sumdawn nan a pawisa miah lo kohhhran upa leh mitha awm tak a lang Aizawl veng hrang hrang ah hian engzat nge awm ang ? Henga sumdawng ho tam tak pawisa ren miah lo a insa hi engzat tak awm ang maw? Kan nunphung han dawn hian min hmangaihtu PATHIAN rilru hi kan tina vawng vawng lo ang maw? Hawh u, i inbih chiang theuh ang u.

TANGKA SUM NGAINAT HI SUAL TINRENG BUL A NI SI A.

11 Responses to “BELH CHIAN HI KAN VA DAWLO EM”

1
Sony Says:
March 20th, 2014 at 1:26 pm
ZU hi sual tinreng bul ani, tia min zirtir lai chuan sual tinreng bul dang a awm thei dawn em ni?

PATHIAN zawn chhuah ram, tia inkoh turin PATHIAN tan zawn kan ngai hlei nem. Kan awmna a hre vek, zawn chawp kan ngai lo.

Za a za (100%) Kristian ram an tih phei hi chuan ka lo tim ur ur thin, 25% pawh kan tling kher lovang.

Report this comment
2
Turu^lo Says:
March 20th, 2014 at 2:19 pm
^ Kan ‘Perception’ tam tak hi chu ‘Deception’ mai mai mawle…

Report this comment
3
H.Vangchhia Says:
March 20th, 2014 at 10:02 pm
Kan ngaihtuahna hi sual tinreng bul ni fo vin ka hria. Hairehai

Report this comment
4
sheldon Says:
March 20th, 2014 at 11:41 pm
Mahni hi han fihlim thek mai ila. Bible pawhin ‘Thil thalo titute avangin intilungngai duh suh la…’ a tih kha.

Report this comment
5
chhana hlawnchhing Says:
March 21st, 2014 at 1:43 am
Kuttling lova sum ngah chuan lungngaihna a seng tel thin. Leh lam ah diklo tak a sum lalut ho hi kan la ngaisang zaw mah emaw tih tur hian kan awm tlat a, kan rilrute in kan lo ngaisang viau lo pawh a ni mahna mahse an sum chu kan it leh tho thin bawk si a, dikna kan tlachham a, misual awt lo tur a kan Bible in min zirtir lai hian kan lo awt leh thin hlawm a.Dikna nun kan neih a ngai khawp mai

Rev Dr Abraham Ngunmang thusawi ka hriat reng chu a school kal laiin, a nu in, a kut a a thui thawmhnaw a ha thin a, a zah thin zia a nu a hrilh a, a nu chuan mama sawng ho saw awt reng reng suh an pa ten Opium,drugs..etc an hralhna sum thianghlimlo a tang a, an lei a nih saw, kei erawh chuan keima kutthui ngei thawmhnaw in ha a, thianghlimtak a kan thawkchuah a nia LALPAN tam tak in mal a sawm zawk ang che u tiin min hnem thin tiin a testimony a sawi a, hetiang hian chhungkua ah naupangte kan nih lai tang in kan in zirtir a ngai reng a ni.

Report this comment
6
Chawngthu Pa Says:
March 21st, 2014 at 1:55 am
A hnam anga kristianna nena insawipawlh vak hi a rem tehchiam ka ti ta lo. Kristianna hi chu mimal thil a ni. “Kristian inti” kan tam avanga “kristian ram/hnam si!” kan inti thin te hi a dik chiah lo ve bawk a ni.

Report this comment
7
Chawngthu Pa Says:
March 21st, 2014 at 6:25 pm
A reng reng thu ah, Mizote chuan, “Zu hi sual tinreng bul,” kan ti a ni lo’m ni?

Report this comment
8
Awmtea Leo Khiangte Says:
March 22nd, 2014 at 10:44 am
Sual tinreng bul hi a tam khawp mai.

Report this comment
9
chhana Says:
March 23rd, 2014 at 5:35 pm
Hetiang thu bakah ‘corruption do’ te kan khel fo thin. A pawimawh ber chu ‘keimahni kan him em?’tih a ni zawk. Mahse, a tha tho e.

Report this comment
10
hlatekhua Says:
March 23rd, 2014 at 8:07 pm
“DAMDAWI KHEH chi sumdawn nana pawisa miah lo kohhhran upa” i tih ang khi an awm tak tak meuh dawn emaw ni le?

Kristian inti si, ataka nunpui miah si lo leh sual laka inthiarfihlim tum tak tak chuang lo ni awm tak hi chu kan tam khawp mai.

Report this comment
11
mihring Says:
March 26th, 2014 at 12:51 pm
Pathian zawnchhuah hnam emaw ram emaw han intih chu a huaisen thlak deuh mang e. Chatuan Pathian, mihring te siam tu hian kan awmna a hre vek a ni tih hi thudik a ni.

Report this comment