He khawvelah hian rimtaka thawka, thlantui far zawih zawih a eitur thawkchhuak tura Pathian siam kan ni a. Thenkhatten hausak thut tumin anlo chiahpuam rawl nen, mi tam tak sum alo thlawna luangral ta te kha ka ngaihtuah pui hian ka khawngaih ngawt mai. Mizote hi khawvela hnam naupang, chhia leh thra pawh hre manglova thil ti mai thin niin min sawi a, hei hi a pawi ngawtin ka hria. Kan chhungkaw nunzia, thenrualte nena kan inkungkaih dante hi felhlel tam tak awm mahse nawm vena lai riau a neiin ka hre thin. A bikin Mizoram hmun kilkhawr zawk han fan chang hian Mizo taka tlawmngaihna, thenawm khawveng induhsakna kha ala parin a rim ala tui khawp a sin ! Maian telhnih an hawn chuan an thenawmten pakhat anla chang a, Vawk talh nikhuate hian anla in sawm tel tel a sin.
Thui tak ziah a chakawm rualin thenkhat tan a ninawm lamah a kal theih avangin a hmawr bawk dawn ila, kan thupui Lungawilohna khawvel nge lungawina khawvel tih hi i sawiho teh ang u. Kei zawng he khawvelah hian lungawilohna leh lungawina hi a inzat ka tiin a buk pawh khin bik awmin ka hre chuang lo. Khawvela kan damchhan hi kan mihringpuite leh Pathian siam rannung leh thing leh maute duat taka enkawl leh, an tana kan tih theih ang angte ngaihtuahsak a tihsak hi niin ka hria. Enge in ngaihve dan le ?
Similar Posts:
- Kan Ram Tan
- Politics- Pathian thil nge khawvel thil.
- Lungngaihna
- Malsawmna Leilunga Cheng Kan Ni
- Tute nge Khawvel mi?
June 25th, 2009 at 8:11 pm
thasiama iang chu kan tlem zawk lo maw chuvangin lungawi lo mah ila lungawina khawvel hian a uai deuh lo maw ka ti kei misual hian
Report this comment
June 26th, 2009 at 5:37 am
Tunge mizo pahausa, mahni chantawka lungawi awm thei ang? Ama luah sen loh khawpa tam dai hnai leh kawngpui kamah inhmun a nei del dul a, mirethei te te, inhmun nei ve lo te a sem phal ngai em ni? A enkawl sen miah loh tur ram tha tha a nei a, chutih laiin mirethei tak tak te’n leipui siamna tur ram an nei si lo.
Lunglei lamah pawh, highway tha tawk tak leh zau tak kan lo neih ve theih nan sorkarin sum tam tak a seng a. Kan duh lova, tichuan highway zim lutuk leh chhuk-chho lutuk kan lo nei ta mai tur hi tu pa nge lungawi ta ang le, Muante?
Report this comment
June 26th, 2009 at 10:50 am
Kan zavai hian Pathian thu hi awih mai ni lovin zawmin nunpui ila chuan lungawina hi chu a buk a rit zawkin ka va ring em ?
Report this comment
June 26th, 2009 at 11:14 am
Krista tel lo chuan lungawina kim a awm lo,Lal Isua nen chuan engkim mai hi a lo tha vek e,an tih kha. Mahse a va han harsa thin tak em :!:
Report this comment
June 26th, 2009 at 12:41 pm
famkimlohna khawvel!!!
Report this comment