Khawvelah hian a nihphung renga Pathian thil sa hliah hliah,Diknate, Thianghlimnate, Rinawmnate….. a awm a. Chutih laiin Setana thil sa hliah hliah heng Sualn chi hrang hrang, Rinawmlohna te, Duhawmna te, Bawlhhlawhna te, Eirukna te……. a awm bawk. Mahse, thil tam tak erawh hi chu a hmangtu a zir leh a hman dan a zira Pathian thil ni thei, Setana thil ni thei bawk an ni.
Bible kan en chuan Pathianin roreltute hi an duh dan dana rorel tawp turin a ruat ngawt lova, an rorel dan turah pawh kaihhruaina fel tak a siam thlap a, an zawm chuan an mahni leh ramin malsawmna an nasa tak a dawng thin a, an zawm loh chuan an mahni leh ramin chhiatna nasa tak a tawk thin a ni. Dik tak leh hleih nei lova rorel turin a phut tlat a. Mi rethei leh hmeithaite pawh en hran a phal lo.
Ram rorelna hi Pathian ta a ni a, Pathian thil thianghlim a ni. Inthawina leh har ral thil hlan te, khawmpui urhsunte ai chuan a thu zawm leh rorelna dik leh fel hi a lawm zawk a ni.Chuvang chuan roreltute chungah Pathian thikthu a chhe em em a. Roreltuten Pathian an tih tur a ni a, a duh danin ro an rel tur a ni. Mipuite pawhin roreltute thu an zawm bawk tur a ni.
Kristiante hi chuan ram rorelna hi Pathian ta a ni tih kan pawm a, roreltute pawh Pathian ruatte an ni tih kan pawm. Mahse, kan ram Kristian ramah ram inrel bawlna thila Kristianten, ” Ka tel ve chi ni in ka hre lo.” kan ti thin hi thil chhut ngun ngai tak a ni a. Setana duhthusam tih famkimna kawng a ni. A thara ngaihtuaha kan eng kan chhit luhna tur hmun a ni tih kan hriat a ngai ta tak zet a ni.
Kristan ram din a thulh thei lo angin, Kristiante pawhin kan thulh thei lo. Kan hnam nunah Khuang Setana hmanrua ni thin, zu hmun sa hmun a a lai lum chang reng thin chu Pathian thil thianghlim atan kan chhuhsak tawh. Politics hi tunah Setanan a awp bet mek a nih chuan a rang thei ang bera kan beih let a, kan chhuhsak thuai a ngai a ni.Politics hi thil mai mai a ni lo, i nitin nun, i rawngbawlna leh i tu i fate thlenga khawih thei thil a ni. Lo Uipui tui lian thlir mai mai theih a ni lo. Tlan bosan pawh tum la, a tlan bosan ve ngai lo ang che. Inthirfihlim san tum mah la, a zawng chhuak zel ang che.
Khawvela kan chen chhung hian, thlarau ringawtin khawvel hi luah theih a ni lo, tisain kan luah a la ngai tlat khawvelah kan la cheng miau va. Eng hi nge Pathian thil ni a, eng hi nge Setana thil tih hi kan thlir hrang tak tak thei dawn lo. Engkim mai hi a hmangtu a zir leh a hman dana zira tha leh tha lo mai mai a ni. Kan Biak inte ngei pawh khawvel thil, thing te, mau te, lung te hmanga siam tho a ni a, kan Maicham te pawh chu tiang tho chu a ni.
Pathian fak nana kan hman thin kan khuangte pawh hmana zu huna an lampui thin ang tho kha a la ni. A hman dan leh a hmanna hmun a dang lam ta mai zawk a ni.
Similar Posts:
- Rorelna hrang hrang 5 (panga) te.
- Roreltute Thu Awih
- “Leilung pian hmaa talh tawh Beramno” tih hi enge a awmzia??
- The original creation of God
- Pathian hian mihringte hi a hmangaih tak tak em? PART-I
July 9th, 2011 at 8:31 pm
Report this comment
July 9th, 2011 at 8:37 pm
chhiar tran ang…
Report this comment
July 9th, 2011 at 8:46 pm
Kohhran Upa te hi Political Party a fulltime a an tel dawn anih chuan an Kohhran Upa nihna atang hian chawl ngam se ka ti.
Report this comment
July 9th, 2011 at 8:49 pm
A dikin a tha. Ngaihtuahna a hruai thui khawp mai.
Report this comment
July 9th, 2011 at 8:51 pm
Pathian hnam thlan Juda te kha Pathianin Zawlneite hmangin a kaihruai thin a, Samuela hun laia Lal an dil khan, Pathian rilru ana hle tih kan hmu. Lal an neih hnu pawhin a duh dana ram kaihruai turin a beisei a, a duh zawng mite a chawi kang a, a hmuingil tir a, a duh loh zawnga rorelte chu, a paihthla thin. Kan kristian ramah hian, rawngbawltu fulltime politics a lutte hian politics siam that aiin politics in a ei chhe zawk fo hi a mak ang reng hle. An thil tih mawilo deuh a langsar bik ni te pawhin a lang. Politics hi mi dik leh mi hmingtha ten bawh tam tial tial sela a lawm awm khawp ang.
Report this comment
July 9th, 2011 at 8:56 pm
Thu tha tak tak hi in ziak a..!!
Report this comment
July 9th, 2011 at 9:15 pm
Politics Pathian thil nge khawvel thil?
MNF/Congress leh Presbyterian/Baptist kohhran dan chuan: Pathian thil(“Ram leh Pathian tan”)
Lal Isua sawi dan: Khawvel (Kaisara) thil
Report this comment
July 9th, 2011 at 9:21 pm
#3 hi ka pom zong ani lo top. Tun aia nasa hian kan kohhran hruaitute hian politics hi han luhchilh sela, a thra zawnga kalpui han tum tak tak sela a thra ang. Mahse heng ho zingah pawh hian beram dum te poh an awm ve nok ka ring..
Report this comment
July 9th, 2011 at 9:27 pm
Kan ram a kan politics hmelhriat ve hi chu ‘Kaisara thil’ fir, Pathian thil in a pawlh dal loh niah ka ngai hmiah mai.
Report this comment
July 9th, 2011 at 9:29 pm
He lamah kher2 hi chuan ka hul khawp mai. Log In manah comment ve reng2 ang.. ngaihtuah ati kal thui emai.
Report this comment
July 9th, 2011 at 9:30 pm
Report this comment
July 9th, 2011 at 9:40 pm
@8 Maverick, Politics ah hian kan inbeih nasatzia hi han ngaihtuah vang vang hian Kohhran Upa te an tel ve chuan buaithlak deuh asin. MNF Party Block President Kohhran Upa ni bawk thusawi hi Congress workerte tan chuan ngaihthlak a hrehawm thin khawp an ti asin. Mimal chhiatna lai ber thlengin Politicsah chuan mi an inbeiin poster te an intar khum nghek nghek mai thin si a. “Thatchhe si, H** bawk si” ti vela poster min tarkhum tute pathian thusawi ngaihthlak te hi tuiawmloh deuh tur asin.
Kan Kohhran Upa fel tak tak te hi Politics siamtha tur hian lut ta se, ram tan a tha viau maithei ani. Mahse Politics a an awmchhung chuan Kohhran rawngbawlna lamah chawl rih se ka ti mai a ni.
Report this comment
July 9th, 2011 at 9:46 pm
Tun generation politics hi chu Pathian mite tan chuan kohna chiang fek fawk an hmu a nih loh chuan tel ve chi pawh va ni suh voter rinawm pa 1 hi ni tawp ila,engtiklai pawh hian opposition hi ni reng mai ila..
Report this comment
July 9th, 2011 at 9:50 pm
@13..dik khawp mai..engang pawn siam that tum mahila, a fu lo laklawh tawh tlat
Report this comment
July 9th, 2011 at 10:18 pm
Mak ve mai mai chu(h) : politic a inhmang tur/ politician hian mitha leh dik, pathian tih mi,etc kan duh a. (thenkhat chuan an duh chuang lo va). Mahse kohhran mi tak tak mi tha leh dik, pathian tih mi, rawngbawltu kan tih chin ho te hi party/ politic ah an inhman chuan kan en dan a dang leh deuh reuh bawk si…an in hman kan duh leh miah mang si lo…mak e…
Report this comment
July 9th, 2011 at 10:27 pm
Ka post ziah scheduleah a awm engnge a awmzia, min han hrilh teh u,pliz
Report this comment
July 9th, 2011 at 10:33 pm
#16 : A rawn chhuak tep a, lo nghak hram hram teh khai..!!! tihna ni kha..
Report this comment
July 9th, 2011 at 10:42 pm
@zawmi: scheduled a nih chuan a chhuak tep tawh tihna a nih chu. Lo khi ver ver phawt teh. Btw, welcome to mi(sual)dotcom
Report this comment
July 9th, 2011 at 10:50 pm
Ka lawm e, mahse a rawn chuah hun chuan in hleh hlawm hle in ka ring, hnam sakhuaa kan iang ang tih ka hlau hlelh lo e…Ake…ke…ke..
Report this comment
July 9th, 2011 at 11:07 pm
Posttupa- I thahnem ngaihna au aw hi ka hriatthiampui lutuk che, tun thleng pawh a ka thinlung a sahchah har ka la tih em em a ni.
Mahse, a diklo. A chinchhuak chuan kan sawi vek theilo ang. Mahse tlem – Setana leh Pathian inkar a buaina hi power game -politics a ni. Chutichuan, Pathian hi politician a ni in ti teh ang, a system chu Theocracy a ni. Setana chuan Theocracy(Pathian sawrkarna)chu phu ve in a inhria a, theih ve a inring a, Theocracy atangin Theocracy dang indan pui a tum ta a ni…. indona a lo chhuak ta a, Setana chu a tlawm ta.
Pathian plan B, Adama te Pathian Theocracy hnuai a awm chu, anmahni inrelbawlse(cf. amah ang in lo ni dawn….) political system dang Theocracy aia tha a awm tiin Pathian sawrkarna chu a cho leh ta a ni…
Chu chona chu Pathian in a accept loh chuan van mipui zing ah unanswered question- (a theih tak tak ang em?)a awm dawn ta tlat a ni, i.e. helna dang chi(seed) chu a intuh dawn ta tlat a ni.
Chu chona chu pawm a nih loh chuan Setana chu FOUND GUILTY a charge theih a ni ta lo chiah bawk a ni, chuvang chuan hrem a theih ta hrih lo tlat bawk a ni. Prove a nih loh a hremna lek a nih vaih chuan God of JUSTICE a ni lo tiin Pathian chu charge let theih a ni leh ta zel bawk dawn a ni. Chutichuan……
Setana claim chu finfiah nan kum 6000 hun pek a ni ta a ni.
Theocracy ni lo form of Govt dang chu Setana chuan mihring te an an enchhin ta char char a, a hlawhchham hun ah Perfect Theocracy – Millenium Reign a lo ding ang, chutah chiah chuan Setana chu chatuan a tan tihboral theih a ni tawh ang.
Daniel-a mumang a Milim leh sakawlh chi hrang hrang kha human govt. chi hrang hrang enchhintur, hlawhchham vek tur chu anni e. A tawp a TUI atanga lochhuak ki sawm nei kha Democracy, mipui sawrkarna,sakawlh hnuhnung ber chu a ni. An kut leh chal a chhihchhiahna neite chu chu mipui(TUI) sawrkarna an mind(chal) leh an action(kut) a support tute entirna a ni e.
Ni ta lo se, Isua khan political party a din ang, din ta lo pawh ni se, Petera te khan an din tur a ni ang.Kohhran kal zel a kohhran leh politics insuihfin chho ta kha Pathian ten em em nawhchizuar ti a a koh chu a ni. Sawimam ngaihna a awm lo, sakawlh leh nawhchizuar tih tawp mai loh chu.
He khawvel hi ka RAM(govt) a ni lo Isuan a ti zawk a ni. Setana erawh chu he khawvel roreltu a nih zawk zia amah ngei in a sawi a, Isuan a sawi bawk a,Paula’n a sawi bawk.
Rinna a fak lo hlawh tawhte chuan Ram lo thleng tur(millenium reign) chu an lungkham zawk a ni e.
Isua thupek ropui ( The great commission) chu he sawrkar thar lo piang tur campaigner leh party worker nih zawk hi a ni e.
Tuna Kohhran hi Pathian ram lo thleng tur chu a ni e ti a an lo claim ve ngawt pawh hi a ni lo tih hriatfiah a hun ta e.
Report this comment
July 9th, 2011 at 11:59 pm
Israelte History kan chhia a thil lang chiang tak chu (Bible atangin) mipuite thil sual tih avanga an turna aiin an Lalte sualna avanga mipuite tuarna kha a nasa zawk niin a lang a. An ni chu Pathianin direct tak a a ruat sakte an ni zawk a, a ruatte (Lalte) kha a hrem chuan duh tawk mai awm tak a nih laiin, mipuiten an tuar vak zel a. Kei ni chu mipuiten kan duh kan thlan an la ni lehnghal a, kan hotu atana kan thlante chungah hian mawhphurhna nasa tak kan nei a ni. An sual an thatah Pathian lakah a mawh pawh kan (mipui hian) phur nasa zawk ngei ang.
Kohhan anga Politics a inrawlh chu tha ka ti hauh lo. Ka ngaimawh em em erawh chu-Politics hi thil sual, Kohhrana rawngbawltute inhnamhnawhna chi loh anga kan ngai hi a ni. Pathian leh mihring tihna nei miah lote tih tura kan ngai a nih chuan, chu ngei chu Setana duhthusam dik tak chu a ni ngei ang.
POLITICS kan ngaihdan hi thlak thei ila ka ti em em a ni. Tuna ka hmuh dan chuan Zu leh Politics hi chu kan ngai khawlo sa a, mi pangngai tana tel vena tlak lo ang hial a ngaihna kan nei leh an rawngbawlna thlenga kan Prejudice hi a ni.
Report this comment
July 10th, 2011 at 12:45 am
Pathianin a hnamthlan te tan dan leh hrai a duang a.Tin a mi te tan roreltu tur te pawh a ruat bawk a chung roreltu te chuan an rorel a dik loh chuan ramin an tur mai thin.
He Pathian remruat hi hnam dang tan tih ani ve lo.Israel chunga roreltu tur te chu Pathian ruat an nih ang in Mizoram a roreltu te hi Pathian ruat an ni ve lo.lolz
Report this comment
July 10th, 2011 at 12:45 am
Excellent post. Ka thlawp tluan parh e.
” Pastor ten politics an tuipui a; politician ten kohhran an tuipui thung si,” tih hi mi tam tak thulak dan a ni a. Kei ka ngaihve dan chuan he thil hi thu lawmawm tak zawk niin ka hria. Kan rawngbawltu tha leh fel tak tak ten kan ram rorelna khàwl hi an chelh lohvin mi pamham tak tak kuta dah hmak mai hi kan duhzawk tihna emni ang le? Kan pastor tam tak te hi MLA te han ni thah mai sela. Kohhran pawh ngaihsak lo, mihringpui te pawh engahmah ngai bawk si lote kuta dah ai chuan ka duh zawk tlat mai. Kohhran enkawlna kawngah erawh bahlah phah chuang lo sela. Ram leh hnam Pathian duh zawng taka kaihruaitu tluka rawngbawltu dang an awm chuang dawn emni?
Rev. Vanlalzuata te ang hi kan MLA/ Minirter han ni mai se awww…
Report this comment
July 10th, 2011 at 12:56 am
22. Hmingte, Israel ramah chuan mizoram angin mipuiin Roreltute an thlang ve lo ani maw? Pathian chuan Chief Priest hnenah a mi duh zawng a rawn sawi thin a mi?
Report this comment
July 10th, 2011 at 12:57 am
Mimal ngaihdanah thui tak a innghatin ka ring. Eng chin hi nge Sual ni ang? tih zohna nen hian thuhmun niin ka hria. #20 zoho chhui dan hi ril viauin lang naa, hralh a tla vak kher lo mai thei. kohhran thenkhat thurin piahlam a pol deuh mai thei
Report this comment
July 10th, 2011 at 12:59 am
Politics pawh hi Pathian thil ve tho a nih loh nak ah..
Report this comment
July 10th, 2011 at 6:43 am
Min han comment teh u: ktp br.secy,bial comt member, naupang ss xirtirtu, zaipawl khaipa niin party ah unit secy leh block secy ka ni a, pathian lam leh politic lam kawp hi enge in ngaih dan?
Report this comment
July 10th, 2011 at 7:53 am
Chhuanawma chu i chhuanawm hle mai. An chhinchhiah bik dawn che a, engemaw hlekah, “Chumi, khami nisi, si..si..” i hlawh hma bik hle dawn a ni. Mipuite beisei ang inih phak chuan rawngbawlna ropui takah ka ngai.
Report this comment
July 10th, 2011 at 7:57 am
A sualna ka hre hran lo; mahse, party worker then khatte ang a mi dang sawi chhiat ringawta an hmanhlel a nih erawh chuan a dik lovang. Kan Policy hi kan sawi mai turah ka ngai.
Report this comment
July 10th, 2011 at 9:04 am
@ 29, saumbur, i comment thlengin ka thlawp che. I sawi dik lutuk.
Report this comment
July 10th, 2011 at 10:04 am
Mawl tein, Sadukai, Pharisai-ten sakhua an kaihhruai laia, chutih laia Puithiam lalte (Puithiam lalber pension tawh te) rawn inrawlhna karah pawh khan Chhandamtu leh Lalpa Isua Krista chuan POLITICS dik ber a rawn thlen thar a.
Chumi kalphung chu kan politics tih vel chhen nen hi chuan a inang pha mawlh tawh lo.
Chunglam politics leh leilung politics hi a inhnungpuak.
Report this comment
July 10th, 2011 at 11:54 am
Joshua chu Israel fate hruaitu a ni a, israela fate hnenah, ‘tu rawng nge an bawl dawn, thlang mai turin ,amah leh a chhung te chuan lalpa rawng kan bawl dawn thu a sawi ta..
Mipui rilru a in her a, pathian hnenah an lo kir leh a, ti chuan Pathian malsawmna an chang leh ta..
kan ram hruaitu te hian eng rawng hi an bawl, Pathian rawngbawl lo hian ram hi an hruai thrat theih kan ring em ni..
Lalpa rawngbawl duhlo ram leh hnam chu an la boral dawn si a
Report this comment