– by Hum Huma Pa
A hunbi kim a lo herchhuah leh tak avangin sorkar laipui chuan a hnuaia thawkte hlawhbi chu mumal takin a entha leh ta a.
Helam kawnga mithiam leh a ngaihna hre ber ber ten khawimaw lai hmun hnih/khat chauh en mai lovin, uluk takin kil hrang hrang an thlir kual chiam hnuah sorkar laipui hnuaia hnathawk chitinte hlawhbi thar tur chu hman theiha peihfel a ni leh ta a. Uluk tak leh fimkhur taka duan anih avangin hlawhbi thar (Sixth Pay tia kan hriatlar) hian famkim tawk lohna te chu nei bawk mahse, thuneitu ten chhawpchhuah tlak leh hmantlak nia an ngaih a ni tawh a.
He hlawhbi thar hi kan tunlai khawvel sum leh pai virvel te, sorkar laipui Budget mila thilman lo san (leh hniam) thin dante, kan lakluh leh kan hmanral dan ziarang te, kan hnathawh dan leh chumi atanga chhuta kan hlawh awm tawk bakah tehfung dang engemawzat mila siam a ni a. Mi zaktheilo fal thenkhatte nawrna leh huangtauna mila siam a ni hranpa lova. A hmangtu turte tan a rintlak hle tura ngaih a ni thin.
Sorkar laipui hnuaia hnathawkte hlawhpung hian kaihhnawih tam tak a nei ziah a. Chung zinga langsar leh pawimawh tak chu state sorkar hnuaia thawkte hlawhbi chungchang a ni. Hmunpui zawka thawk thahnem takte hlawhbi lo sang chuan nasa takin ram economy a nghawng thin avangin, hetiang hun a lo thlen hian state sorkar pawh a awm mai mai thei bik lova.
Anmahni remchan dan ang zelin state tinin an hnuaia thawktute hlawhbi chu an theih anga rangin an ennawn ve thuai thin a. Tunah hian state engemawzat chu hlawhbi thilah hian an in sangphek vel mek a ni.
Sorkar hnathawkte hlawhbi thuah hian hun hmasa lam atang tawhin Mizoram hian harsatna namenlo a lo tawk tawh thin a. Harsatna a lo irhchhuah nachhan bulpui ber chu:
(1) Khaweng hmu lek lova tute emaw (mi tlemte) mahni hma sialna uchuak vang,
(2) Mahni hamthatna chauh thlirtuten midang an fuihpawrh,
(3) Fuihpawrhtu (sorkar mirawih leh an hnuaia mi) te chu sorkarin awmze neiin a hun takah a thunun lo,
(4) Sorkar thuneituten thutlukna mumal an neih ngam loh vang a ni ber mai.
Thutlukna mumal nei ngam lo sorkar chuan inthlana tlin leh dan kawng chikhat nia an hriat avangin hlawhbi siamfel chungchangah ram leh hnam tan thiltha leh tha lo an thliar ngam lova. An chhia leh tha hriatna pawh an rawn ngam lova. Maimichhing duar chungin ro an rel a. “Ni mai mai teh se” tiin fumfe lo takin thu an ti tlu a. Mipuite min zahderna reng reng an nei lo.
Kristian rama thleng thin atan chuan thil zahpuiawm tak a ni. Engpawhnise, heng mite hi mipuiten thil tak tak titlak hmuhin kan hmu reng lem lova. Rintlak leh innghah ngamna turah kan ngai reng lem lova. Inthlannaa thlan tlin nawn fo atan pawh kan duh lem hranpa hauh lo!
Sorkar hmasa hunlai khan tumkhat chu office pakhatah ka leng a. Pa pakhat hi File pawm teuh chungin pindan atangin a lo chhuak a, “Engnge nimin in thurel chu? Ka rawn kal ve hman ta si lova, engtia hmalak leh tur nge ni dawn?
Na taka chet leh mai kha a tha ber lawm ni…” a rawn ti chhuak lar lar a. A thaw a veng thawkhat hle tih chu a lo thlirtute ngaihdan a nih hmel! Officer pawimawh tak, thuneihna hniam lo tak nei hmuhin kei phei chuan ka lo hmu nghe nghe a. A kalsawn tak hnu chuan ka bula officer pakhat hnenah chuan tunge anih ka han zawt a. A ni chuan, “Kan Peon anih kha; tunlai chu ti hian a hman hman hi an inhawrkhawm reng mai a ni.
Kan sorkar lah hian hlauh loh a ram pawh hi a nei tawh si lo, kut lukhumin a ding ngawr ngawr chauh tawh mai ani si a. Kan hmabak hi chu a turu lo teh ania” tiin min chhang a (Sorkar Pisa pawimawh a sorkar hnathawk pawimawh takin Kan Sorkar a han tih lehchhawn chu eng tak ni maw tiin ka lo inngaihtuah buai hman thelh a!). He thil thleng hi khatih hunlaia Mizoram sorkar mumal lohzia, awmze neih lohzia leh chiri zia tarlangtu darthlalang fiah tak niin ka hria.
‘Change’ siam tura intiam sorkar thar hian chona tamtak a hmachhawn tur leh a hmachhawn mek zingah sorkar hnathawkte hlawhbi chungchang hi a buaithlak tur pakhat chu a ni ngei dawn a.
Chutih laiin, he hlawhbi thua an performance hi mipuiin kum 5 hnua Congress sorkar kan ngaihzawn zui (leh zui loh) dan tur tehfung pawimawh tak erawh a ni thung ang. Financial Adviser leh Adviser dang dang nei teuh sorkar hmasain sorkar hnathawkte hlawhbi chungchangah Mark 100 ah Mark 10 takngial pawh a hmuh phak loh laiin Congress Ministry hian he thilah hian Mark engzatnge a score dawn tih hi mipuite thlir rawn mek a ni ta.
Sorkar hna thawk ve lo, kuttum a eizawng Mizo mipui 70% vel te theihnghilh fithla thakin, sorkar hnathawk mipui 30% velte hmaah an kephah liakin, “Kan tlawm e, kan zawr e. A chinfel dan kawng kan hre phak lova, kan ngam bawk hek lo. In thu chu kan thu a ni. Ka pu sai sawm kap” tiin he kan sorkar thar hi a bawkkhup ve leh mai dawn em ni ang?
Tihdan phung pangngaiah chuan (mi pangngaite chuan) sorkar hnathawkte hlawhbi hi an duh hun hunah, tute emaw duh dan danin an tihpungin an tihhniam ngai lova. Siam danglam a ngai anih pawhin ruahmanna fel tak hnuaiah, nasa taka zirchian anih hnuin fimkhur takin an khawih danglam thin a, a theih chin chinah a nghawng turte nen lam an hisap hmasa lawk diam thin.
Mizoramah erawh chuan, tunhnai hun reilote liam ta ah mai pawh khan mi zakthei lo leh zahpuiawm khawpa huangtau ten khawi khawiah emaw, tu tute emaw an kherh a, an chhimbudawi a, mi awm tha hle hle an fuihpawrh khawlo a, a tawpkhawkah anmahni hamthatna tur atan liau liauva her danglam tum ranin thil kalphung an chawkhnawk a, siamthat rual loh khawpa namen lovin an khawihpherh a, an pawngsual a!
Anmahni chanvo a that dawn miau chuan midangte dinhmun chu chhe deuh tak pawh nise, (Mizoram hi chhe vek dawn pawh nise?) chhete pawhin pawi an ti miah lova (Pulpita Pathian thusawi leh Sunday School zirtir hna erawh thahnemngai takin an bei reng thova!). Chumi lo veng tur leh lo endik tura ngaih sorkarna fawng vuantute lah chuan thil awmzia leh kawnghmang chhut (thiam?) hauh lovin, a sawi ring ring thute, a sawi thiam thiam thute, a vaupung ti na na thute, a tam lam lam thute, pawisa a vur tam thei thei thute, a inti pawimawh thiam thiam thute chu thu tlingah ngai zelin, naktuk lo thleng tur ngaihtuah lek lovin ro an rel bawrh bawrh mai kha a ni si a! An pawikhawih pawi thui zia hi ngaihtuah zui ve thin tak maw?
Beiseina thar erawh kan nei a ni. He sorkar hian a duh anih phawt chuan dik tak (leh a tul hunah khawng tak) a rorel turin chakna an nei tha tawk a. Hun kal tawha tute emaw tihdik loh atangin inzirna tur an nei tha tawk bawk a (Tin, sorkar hnathawkte hlawhbi chungchang thuah hi chuan anni pawh hian an sorkar hmasak hunlaia an lo tihsual tawh atangin inzirna tur an nei).
George Santayana chuan, “Hun kal tawh atanga inzir thiam lo mi chuan tihsual nawn mai loh chu hmabak an nei lo,” a lo ti hmiah mai. Hotupa berin a sawi hnuhnung hnung hnenah, “Ni e…” a lo tih mai zel chuan buai nuaih mai loh chu hmabak dang hi a vang viau reng a ni. Hotupa tharin, “Fitment Committee kutah engkim kan dah rih a, an rawtna kan nghak a.
Chumi chhung chuan hlawhbi chungchangah mimal leh pawl tumah ka hmu thei rih lo” a ti nia an sawi ringawt pawh hian boruak thar min hip tir a. Fitment Committee thu nghah ringawt erawh a tawk lo viau a ni tih hun kal tawhin min zirtir a. Tih puitlin leh ngam chuan loh tur rawtna siam tura eng eng emaw din hi mipuite sum khawhral thlawnna a ni a, mi nuihzabur a insiamna chikhat a ni bawk. Mizoram sorkar hnathawkte hlawhbi entha turin Rozika Commission kan nei tawh a. Lalfak Zuala Commission kan nei tawh bawk a. Mahse, mithiam pui pui awmna heng Commission Recommendation zahawm tak takte chu thil tangkaiah hman a ni lo.
Tunah hian Fitment Committee Report chu a lo chhuak ta a. He khawvelah hian mihringte duhamna tireh zo khawp ruahmanna hi siam theih a ni dawn hauh lova. Thilchiang tak chu, tu tute emaw chuan Fitment Committee Report-ah hian lungawina kim an hmu leh dawn chuang lo. Thiam tak takin an tanhmun an rawn sawifiah leh zur zur ang a, hnial hneh an har leh khawp ang. Thenkhatte phei chuan nawrhdan maksak zet zet (Ringtute tiha mawi lo) an rawn lantir leh hial mai thei.
Sorkarin pawl pakhat thu a lak puithu pui vaih chuan, chu chuan pawl dangte pawh kar lovah a kangkai leh nghal hluai ang. Vawiinah hian CHANGE min thlensak tura insawi Congress sorkar hi mipuiten kan thlir mek a ni. Hun kal tawh atangin an inzir dawn em? Engtinnge thutlukna an siam dawn? Fitment Committee rawtna hi an kaltlangpui ngam dawn em? Engpawhnise, he Committee rawtna hi huaisen taka tihpuitlin anih chuan he sorkar hi mipuiin kan fak ang a, kan zah bawk ang a —
Mizoramin history thar kan chuangkai ve ta tihna a ni hial ang.
Similar Posts:
- MLTP Act hi
- Mizoram Sorkar 6th pay ruahman i belchiang teh ang
- Mipui ten a dawnthleng leibura an ken chhung chuan NLUP sum sem kan tum lo – CM
- Sorkar hnathawkte hlawh a pung dawn
- Tuna Mizoram Sorkar ka hmuh dan
(Y)
June 29th, 2009 at 6:02 am
Ka’n hmasa ber veih keuh teh ang. A dik khawp mai,mahni hlawha lungawi lo leh mi hlawha lungawi lo kan zi leh nuk dawn a nih hi. Kan ministry hian an hamthatna tam tak leh an hlawh hi han tihniam hmasa ngam phawt sela chuchuan nakin zela miduhamte hlawh sang phut pawh nasa takin a ti tim ngeiin ka ring.Midang sawiseltu leh khap theitu an awm lo tih vanga mahni hlawh leh hamthatna invur chiam pawh kha a dik ber lo bawkin ka hria.
Report this comment
June 29th, 2009 at 9:37 am
Pay Commission/Fitment Committee te poh hian state sawrkar hnathawk lungawi tawkna,chhe lutuk lo hian siam se,pawm ngei turin siam se.State service te hnuh hniam phet tum lo bawk se (IAS an ni tlangpui a pay commission hi chu).Tichuan sawrkar pawhin a pawm thei ang.Mizoram Fitment Committee khan nga tinge classoification of post kha a siam miah lo?.An zir chiang peih vak lo niin a lang.
Report this comment
June 29th, 2009 at 10:26 am
duhthusam ani hlawh sang vak hi mahse state income neilo chuan ram hmasawnna nasa takin a dal thei. Optimize ngaihna lai tak niin kei misual hian zu hria a
Report this comment
June 29th, 2009 at 11:18 am
Mizoram sorkar hnathawkte hlawh tamzia leh sorkar hna nei ve lo income inthlauhzia hi a rapthlak zawk ani. Africa ram hnufual ber pawl, Congo leh Nigeria te tih dan ani. Zoramthanga dawihzep vanga sorkar hnathawkte’n central sorkar hnathawk hlawh aia tam tam an hlawh phah a. Hnathawh lam nise taima hawt si lo. Thil pawi deuh mai chu sorkar hnathawk hi an tam lutuk reng reng. Political leader tumahin an hlawh tih tlem emaw an sawi eih ngam lo. Tetea article hi tuna Congress tan chuan
Report this comment
June 29th, 2009 at 11:51 am
Duham na khawvel ah hian lungawi tawk ahar anih hi….
Sorkar hnathawk te hlawh a pung tual tual a,kut hna thawk te rate la chu angai reng bawk si.
Pay commission/Fitment Committee poh in state sawrkar hna thawk te lungawi tawkna tur ang pohin siam mahsela, mahni hlawha lungawi zolova nuar hi an tam leh dawn lutuk.
Chutih rual in corruption la hluar tual2zel anga…..alang apau a ei ruk zak an awmtohlo nen,eiru lo tur angaih zirtirtu tak ngial poh in eiruk na tur an lo zawng chhen tawh mai anih hi….HuiHA khawvel hi zawng!!!!
Report this comment
June 29th, 2009 at 12:53 pm
Kan hnathawh phu tawk zel hian hlawh hi la ila… eng pay commission levelah nge kan awm ang?? ala hniam viau in a rinawm.
A nuar te hi chu ban/suspend hmak2 mai see.. 6th pay hi an hnawthawh chhuah nena tehin anla phu hlawl lo. A tran chu an trangkawh vek ngei ang.
Mi dik pawh an awm tho.. “Keichu lungawi lohna ka nei hran lo, kan hnawthawh phu lo hian kan la hlawh hnem emai” ti poh an awm..
Central atang kan budget a san phah don te chuan thil pawi tak poh a ni chuanglo, keimahni share (kan budget hman mek) atanga in pe tur chuan angaihna a om hlol lo.
Sorkar hnathawk te chauh hi Mizo mipui te anni bik lo..
Report this comment
June 29th, 2009 at 12:56 pm
Chhiar miah lovin ka’n sawi ve,ka sawi fuh loh leh ngaidam! Central pay hmang ho AIR, Post office etc te hian state sorkar hnuai a mite aiin an la tam daih zawk asin. Level inang awm velah sing dawn dawn,a aia tam pawh,in an la tam zawk.
Report this comment
June 29th, 2009 at 1:02 pm
Aussielad: “zirtirtu takngial”, mi changkang apiangin zirtirtute hlutna an hmu chiang a,i tawngkam ang hi an hmang lem lo asin. Eiruk tur chu an van ve viau ang. Ka zirtirtute hlutna hi ka hre zual telh telh.
Report this comment
June 29th, 2009 at 1:25 pm
Central Pay Sale ang hian siam se a ni mai a lawm, Group ‘A’, B, C, etc.. pawh hi tumah in kan Claim theih miah loh tur leh nawrh nawrh lo na tur in Sorkar hian hma-la mai rawh se, State Sorkar kan pachhia an tih leh, Revenue lak luhna turin Hydro leh Industrialize lamah hma la in Mipui nawlpui ah BPL thlenga List Count down theih nan NLUP an sawi mawi bawk a, hma han la tak tak bawk se.
Sorkar hnathawk nawrh reh ri ngawt pawh hi Sorkar lai leh Sorkarna chang leh zel tur tan pawn hnara Hlit phawi ang huai a lo ni ang a, an Future siam lawkna a ni ang a, chuan kan Economics pawh hmasawnna a lo ni ang, theih phei se Wine Shop pawh hawng leh mai rawh se.
Report this comment
June 29th, 2009 at 1:38 pm
Ka lo ngaihtuah ve mai mai a..
Petrol man a to a, taxi chuan man an ti to nghal a; petrol man a tlom a, taxi chuan man a tlom ve toh lo. (ruahsur leh zan rate a sang zawk an ti leh nghal)
Kan mi hausa: Pachhunga & Sons, PP John, RTP, Mana, Hrangbana, Ophel, BCA etc, etc. te hi ‘sorkar hnathawk’ an ni hranlo
Zu in dan kan thiamlo an ti fo a, a in dan thiam te’n engtinnge an in bik thin le?
Report this comment
June 29th, 2009 at 2:50 pm
Labour hlawh pawh 100 atangin 150 ah a kaisang tawh a. Sa man leh thil dang man a sang zel. Sorkar hnathawk hlawh a san loh chuan a tuartu chu mipui tho. Mipuite hnena sum luang lut tam tak hi sorkar hnathok hnen atang ani asin.
Report this comment
June 29th, 2009 at 3:26 pm
Chu tak chu alawm economy dik lo. Sorkar hna tam ber hi ‘productive labour; ni tlat hek lo.
Report this comment
June 29th, 2009 at 5:01 pm
@10 sawrkar zarzo nasa ber ber te i tihna em ni :?: Heti hian kan rawt – Plan ah hian Rs 1000Cr aiin kan te lovang. Non-Plan ah hian Rs 1500Cr vel beisei ta ila, total Rs 2500 Cr a ni ang. Plan leh Non-plan budget zz hi tihian kan sem te’ng kei misual hian :arrow:
1) 20%% Sawrkar leh Minister zz PSU tel vekin an hlawhah reserve tawps.
2) 20% infrastructure development atan
3) 25% Services, social, health leh education
sector etc atan
4) 20% Agri & Allied leh rural development
5) 15% loan rulh nan leh central matching share atan
Khing ang khian ceiling siam ila chuan, hlawh pung tur hian 20% per yr a pelh dawn chuan pun lo mai se’ng
Performance base zelin fund hi manage ni sela. Thawk lheithei lo leh Treasury a pawisa park tren trun hi khap hmaks sela.
Report this comment
June 29th, 2009 at 5:34 pm
Vawksa ei te, Kuhva ei te, Tuibur hmuan te, Sahdah hmuan te, mei zuk te etc.. hi a that lohna hria a, a duh lo chi tan chuan hnawksak tak a ni. Zu ang bawka pum puarna ni hauh si lo va sum khawhralna ve tho a ni. Mahse, a duhtute tan leh a tawk chauha ti thiamte tan chuan khawhar hnemtu, awm tleitu, rilru nawmna etc.. ah a chang ve thei tho a. Chuvangin a ti ve lo ten a that lohna te, a rimchhiat zia te, a hnawksak ziate ngai thei lovin min khapsak bur ta mai se, enge kan ngaihdan? fair kan ti ang em? kan lung a awi ang em?
Zu pawh chu ti bawk chu a ni ve tho dawn lawm ni? Ruibuai leh suahsual nana hmang tawk te chu lo awm ve bawkin, thihpui tawk pawh lo awm thin mah se, a in thiam te tan chuan, chawlh hahdamna, khawhar hnem, taksa hrisel nan etc.. a chang ve thei tho bawk a. A in ve lo leh, in duh lo miten khap bur mai an ti tlat mai hi a fair lo hlein ka hria. Kei mimal tak phei chu Zu ka in lem lo, Mei ka zu lo, Kuhva, sahdah etc.. engmah ka ti lem lo. Mahse ka tih loh avanga midang khap sak erawh a dik hauh lo thung ang a, heng zwng zawng hi ti lo tura moral lam in hmin sak hi a pawimawh zawkin ka hria.
Tin, entirna pakhat han sawi leh ila, fanu/fapa ka lo nei ta a, a sual ka hlau a, drugs te, leh thil tha lo tinreng a tih ka hlauh avangin pawn pawh chhuah tir duh lovin, in ah ka khung tawp mai a, mahse nundan mawi leh tha erawh ka zirtir lem chuang lo va, ka duh loh zawng leh ka khapsak thil a tih vaih erawh chuan ka hrem hrep thin thung a. A dik kan ti ang em?
Chutiang chiah chuan, khap sak vek ai chuan nundan phung pangngai leh thil tha kawhhmuh a, ka zirtir erawh chuan, khawiah pawh kalin engpawh ti se, suahsualna leh thil tha lo reng reng lakah amah leh amah a inti fihlim tho tho ang. A chhan chu a rilruah “tih duh lohna ka duh sak tlat avangin”.
Report this comment
June 29th, 2009 at 5:53 pm
Kei chu sorkar hnathawk hlawh hi pung thur thur se ka ti, Kan ram sumhmuhna ber a ni a, thingtlang thleng phak sum a ni tlats :lol:
Report this comment
June 29th, 2009 at 5:58 pm
mzvision, i rawtna hi ngaihtuahna ti zau thei tak a ni. Amaherawhchu, kan policy makers ho hian eng ang ngaihtuahna nge an sen ve ang aw? Hei hi a buaithlak lai tak chu a ni.
burgerstud2005, Mizoram State employee te hlawh hi a tha thawkhat tawh mai a ni lova, a sang lutuk mah mah tawh! Rationalise anih loh chuan kawng tinrengah a tawpa tuartu chu mipui (read mirethei) tho an ni. Mawl takin kan sawi teh ang — Sixth Pay hmain IAS entry pay chu 8000-… anih laiin MCS ho chuan 10000-… an la vah tawh! IAS nge in ngaih ropui MCS? Enge tlin har zawk? IAS chuan reilote ah Deputy Commissioner/ District Collector hna an chelh mai theih laiin MCS zingah DC kai pha lo tur an awm nual. Mawl taka ngaihtuah pawhin thil awm tak a ni thei lo. Indian Engineering Service ho aiin Mizoram Engineering Service ho pay scale hi ‘a sang zawk’ tia sawi theina lai a awm nual mai! IES nge in ngaihsan MES? Enge tlin har zawk? Mizoram sorkar hnuaia Clerk thenkhat hian Sixth Pay hman an duh miah lo. Engvang nge? Sixth Pay Recommendation aiin tuna an existing pay scale hi a sang daih zawk! Mak thei ngei…!!! Tu thiam loh nge? Mipuite hian kan va aware tawk lo ve aw.
Report this comment
June 29th, 2009 at 6:00 pm
Sorry! wrong windows..:)
Report this comment
June 29th, 2009 at 6:02 pm
@Zorunpuia a tlai deuh tawh a mi a, comment na tur te i rawn hai tak mai
Minlo dah ve rawh aw…. 
Report this comment
June 29th, 2009 at 6:04 pm
Report this comment
June 29th, 2009 at 6:12 pm
Hehehe chi loh awm ve, a Love Letter thawn tur zawk a rawn post daih mai chuan……
Report this comment
June 29th, 2009 at 6:32 pm
Pu zoruna chu off topic chiangkuang ve a.Hahaha
Report this comment
June 29th, 2009 at 6:55 pm
Ngai tiam be u la mawle valpui..:)
Report this comment
June 29th, 2009 at 7:39 pm
Eeeh!! helai chu enge in sawi a in OT alo
Report this comment
June 29th, 2009 at 7:53 pm
Tlai lam sawi leh comment tum topic khi inhmeh chiang e! Hotupa khi ka tan ltk. Hlawhsan leh tlai lam hi a inhmeh a nia. Ti ti a tui duh ngai e. Nia, lo ngaidam ve teh un
Report this comment
June 29th, 2009 at 8:59 pm
Fitment Committe report hi soft copy hmuh tur a awm lo mi? Mizoram hi chu, IT lamah hian kan sawrkar hi a insen nasat tawh ang ai hian kan la hniam thin teh e. Central 6th Pay te kha chu an report tlai la la khan soft copy download tur a awm nghal. Kan MPSC meuh pawh hian website a la nei lo a ni awm e, online-a result en tur a vang thei em mai.
Fitment committee report soft copy nei chuan han sawi the u, please.
Report this comment
June 29th, 2009 at 10:31 pm
Thawk lo chuan ei pawh ei suh se tih policy hi Mizoram Sorkar hnathawkteah hian hmang ta ila, ei tur neilo an tam awm !!
Report this comment
June 30th, 2009 at 5:51 am
winning hnathawk tu chuan hlawh hmu tlakin thawk rawh se tih hi tak takin hmang dawn ila hlawh san chu sawi loh tih hniam ngai hi kan tam awm.
Oil-ification is better than qualification tih hi hotute tlawn thiam hi thildang ai zawngin a trha tihin ka translate e
Report this comment
June 30th, 2009 at 5:54 am
Kei chu ka hlawh hi ka thawh hian a phu ka ti…ha..ha.. min ruaitu hian min bonus se awm ka ti..awm a tih ve leh ve loh chu ka hre lao..
Report this comment
June 30th, 2009 at 5:57 am
Mzvision, I 1st para hi ka duh thin khawp mai. Mizoram angah te hi chuan hlawh san phut te hi a zahthlak ka ti. Hnathawh zat darkar hi chhinchhiah ta thap thap se ramdang ang hian… hlawh san phut tu te hian an hlawh pangai pawh an hlawh zawh ka ring hauh lo.
Bakah Mizoram sawrkar leh sawrkar hnathawk te hi pa leh naupang nawrh hmang ang deuh hi an nia… Pa in tha tura a ngaih chu ti tlang mai thin se, fa te an nawrh nasat avanga an tana tha lo tur pek tum loh hnu pek leh thin chuan, tu fa nge nuar lovang…Mizoram sawrkar hnathawk pawh an nawrh sek tawh mai hi.
Report this comment
June 30th, 2009 at 12:55 pm
kan tunlai khawvel enviroment in that lam aiin chhiat lam a pan mek lai a,khawvel rawm changkang zawk ten an ram chhungah in ren chem ,atlem thei ang ber a thil reng reng hman an in zirtir lai in ,keini ram (state)ah ve thung chuan engemaw harsatna thil lo thleng se kum khat daih tur pawh kan thar chhuah loh lai a ,hetiang lam ngaihtuaha tha hnem ngai tak a mutmu pawh tuah lova ram leh a chhung a cheng te hi in ren chem chu sawi loh eng tin nge intodelhna an neih theih ang tih ngaihtuah a hnekin an mahni chiah in ngaihtuaha awmsa hmanral hi an thiam tawk chauh a lo ni hi a mangan thlak a nih hi.Tun zoram a sawrkhar lai hi an chungah an duh thu ang ngei in Pathian programme a lo thlengin sorhkharna an chelh ta bawka an hun kalta a thu neihna an hman dan zawng zawng thlir chung leh tun a kan ram (state)din hmun atang hian huaisen taka ram leh hnam tan an thu neihna dik taka an kal pui ngei tawh a beisei awm em em a ni.Kam history han thlir ila mahnia rorelna kan chan tirh atangin tun a sorkhar lai hian kan thuneihna hi achang hnem bera, an chawlh lai lawk laiin mi dangin an thlqak zawk ti ila kan sawi sual tam awm love,chubvang chuan an mahni hian bul an tan a,huaisen tak a kan ram atha lawm zawng change na bul tan tu an nih ngam hi Pathian programme anih ngei a beisei awm.
Report this comment
June 30th, 2009 at 1:52 pm
khawvela ram ropui ber economic pawh control tlat tu usa pawh an hman lai pawh nise thuneituten a hun a zirin cut tul an tih chuan huaisen takin an cut mai a ,heng thil an tih hian mi chhiate tan chauh a ni lova a siamtu te pawh an puan chhuah ni darkar atangin an mahni ah pawh athawk nghal a ni.Mi ram chaun an mahni thawhrimna leh rorel thatna avangin an ram chhung tan an neih bak sengin an puk a chu an puk atang chuan an mahni tan leh mi dangte tan malsawmna athleng thin a bat tam hi changkanna ani an ti hial a ni.keini ramah ve thung chuan thawk duh silovin mitaima leh intodelhte nun phung leh khawsakzia en tawnin awmsa ti pung silovin kan in lak siak a,bat tam hi changkanna kan ti ve ringawt a,mi ramah chuan mizawng zwang tan changkanna a nih laiin keini ramah ve thung chuan changkanna aiin phurrit phurh phahna a ni a,ramin harsatna a tawh chuan sorhkara in nghana nei ve lo leh mi chhia ten manganna leh harsatna kan tawh phah thin ani.tuna sorkar hian change a siam a ngem le? i thlir ang u.
Report this comment
June 30th, 2009 at 7:09 pm
Service matter thil hi chu engmah ka hre lo. A rel tur khan rel se ,ka pawm mai. An nuar reng mai erawh hi chu a ninawm ve hranpa reng reng. Strike ,bandh etc an han ti a, mass casual leave an ti leh a, an tawp dawn tawh emaw tih lai in pen down strike an han ti leh thin hi chu, sipai bang kan bo e.
An nawrh leh chuan Printer jam strike te an ti tawh in nia ka rin.
Report this comment
June 30th, 2009 at 8:05 pm
Kan MCS tlingthar thian pakhat chuan Delhi velah Training-in kan zuk kal a. State thenkhat kan tlawhkualna ah IAS officer thenkhatte nen kan titiho tumin a thuphungin kan pay scale min zawt an awm leh thin a. ‘Chhan kan hreh thei khawp mai, a pumpelh deuh zawnga chhan pial hram dan kan zawng thin’ a ti! A chhan chu IAS ho aiin Mizoram Civil Service ho pay kha a sang zawk tlat tawh a ni a tih chu!
Report this comment
June 30th, 2009 at 10:01 pm
IAS Junior scale (pre-revised) Rs. 8000 p.m.
MCS junior scale (pre-revised) Rs. 10,000 p.m.
Ram hausa nih manah
Report this comment
July 1st, 2009 at 12:06 am
@tetea7:Mizorama Group A entry Grade te hlawh hi Rs.10000 a ni a.Hei hi MCS te chauh an ni lo.MFAS,MPS,Secretariat Service leh Group A officer dang zawng zawng hlawh a ni vek.Hei hi a la rei lo a.Mizorama Engineer te hlawh u chuak taka sawrkarin a tih san avang te,Group B Gazetted ho Rs.6500 leh Rs.7550/7450 ho hlawh Rs.8000 a hlawh a tih pun leh thut avangin Group A entry scale Rs.8000 chu Rs.10000 ah awm ze nei lo in a ‘up’ leh ringawt zawk a ni.Kum 2008 July thla hma te kha chuan Rs.8000 ah MCs leh Group A entry ho an awm vek.Group A entry scale ho an hnuaia Group B ten an um phak avangin Rs.10000 ah upgrade a ni.State sawrkar officer te hlawh aiin IAS hlawh a hniam an ti teh fo a,a dik a.Mahse IAS ho hian Mioram/North East a an awm hian allowance eng eng emaw an dawng teuh teuh tih hriat a tha mai mai awm e.
@borat:IAS Junior Scale leh MCS Junior Scale hi Rs.8000 a ni thin.Mahse MCS & others te pay upgrade a nih chhan chu tetea7 chhanna khi.
@tetea7:AGMUT nih kher loh chuan IAS hi ka duh lem lo.
Report this comment
July 1st, 2009 at 12:14 am
@hotshot:Fitment committee chu site ah awm lo.I hriat duh chuan jharkhandfitmentcommittee.org ah lut rawh.Mizoram nen danglamna a awm tam lo.Mahse jharkhand tih dan la si,la si lo in an awm.Jharkhand ah chuan Group A post classified a ni.Mizoram khan an classified ve lem lo ni awm tak a ni.
Report this comment
July 1st, 2009 at 12:21 am
IAS ho te chu an kai sang zawt zawt a , MCS ho te chu grade an kai sang tial tial a ,an thu rei tial tial ve a ,an lo la tam zuai a ni mai lawm ni.Hrethiam ve mai ang u , an in la hah hlawm si.
Hlawh hi chu an buai leh tho ang a pawl te te hian an awm a, tumah hian kan phu tawk a lawm an ti duh bawk si lo, Peon atang MCS thleng , Engineer phei chu ngawi reng hian an che mial mial mai thei a sin.
Hlawh buaipuia vei thuak thuak leh inhmukhawm ve zut ai chuan ngawi reng a che mial mial ho hlawh hi a tha chak zawk in ka hria.
Report this comment
July 1st, 2009 at 12:38 am
Ditto says Hlawh buaipuia vei thuak thuak leh inhmukhawm ve zut ai chuan ngawi reng a che mial mial ho hlawh hi a tha chak zawk in ka hria.
Dik chiah.Sawrkar hian u chuak taka duhsak bik nei lo se mIzoram chu kan buai lo a ni mai.Mizorama Superintendent hi an role leh responsibility chu Central a Section Officer khu a ni a.Mahse Mizoramah chuan group A Gazetted an ni daih a.Chutiang zelin Engineer te pawh CPWD ah chuan AE ten 6500 ah an tan a,Mizo ah chuan 8000.Tunah 10000.A fuh tur ber chu Central pattern zui lo hian Mizoram hian Pay Commission hranpa nei ila,buaina tam tak kan pumpelh ang.A thenin Central pay kan zawm a,a thenin UGC pay kan zawm bawk a.Tuna Fitment Committee hi sawrkarin a pawm chuan Engineeer SDO leh Group A ten 9300 an an tan ang.Mahse Lecturer ho hian UGC Scale an hmang si a,an entry grade 15600 a ni leh si ang…rorel thiam a har ngawt ang.
Report this comment
July 1st, 2009 at 12:41 am
burger te.. Ditto te etc.. In sorkar ee.. ‘Ka ram hian enge min tihsak theih tih aiin, ka ram tan hian enge ka tih theih’ an tia mi kha
NOI
Report this comment
July 1st, 2009 at 12:46 am
Taka Lily Parmawi,hmanni chu Aizawlah tunge i nih min zawt sap sap mai.Thil hria an ti khop mai che.Ka hre bik lo..zirlai a la niin ka hria..kan cc bu ah article vawikhat chu ziak turin ka request tawh a,a hre khop mai te kan tih ngawt kha.
Report this comment
July 1st, 2009 at 7:12 pm
Sorkar hnathawk senior tawh ho leh ningkhawng hre chin hi chuan Teaching Community a mi (Lecturer, etc.,) ho hi chu Pay thu ah hian an thik ngai vak lova. A chhan chu Lecturer ho hi chu Facilities (Room, Car, Personal Staff… even Newspaper, etc.,) engmah dawng ve mang miah lo kha an ni a. An hlawh ngawr ngawr hi a ni deuh mai a. Chuvangin, tunhma deuhva Mizote rilru a la tluan deuh lai kha chuan sorkar hnathawk dang ho hian an thik ngai mang lo. Tunhnu hian tu tu te emaw an rawn chhuak zel a, ethic leh moral lamah kan tlahniam ta em em niin a lang a. Mahni chanpual chauh hi a mawihawih pawh zawng phal tawh lovin kan dah pawimawh ta viau vek mai a ni awm e.
Civil Aviation Ministry-ah te hian Pilot ho hlawh hi a sang rapthlak, an Department Director General/ Secretary/ Joint Secretary, etc., te aia hlawh tam an awm nual mai. Administration-ah buaina an nei ngai chuang lem lo.
India ram hmun hrang hranga University Professor te hlawh te hi a tam asin. Ministry of HRD a Secretary, etc., te hlawh aia tam daih la an kat nuk mai. Chu mai a ni lova, University thenkhatah chuan Vice Chancellor aia hlawh tam zirtirtu an awm nual. Mahse, administration-ah an buai thu kan hre hauh lo. College Principal te aia zirtirtu hlawh tam zawk sawi tur an tam mai. Mahse, administration-ah tumah an buai chuang lem lo.
Report this comment
July 1st, 2009 at 8:01 pm
Buai teh reng mai.Hetiang vang hi alawm quality education a awm theih loh phah.College ah Principal aia Lectutere te hlawh sang chuan administration a khawih buai khawp ang.Tin,school education hnuaoisa Headmaster leh senior zirtirtu hlawh in ang pawh buaina namen lo a awm.Zirna in a tawrh phah hi.
UGC Scale hi Central Univ & constituent college chuan hmang rawh se.A dik.Mahse H & TE hnuaia Lecturer ten UGC Scale an hman si a,sawrkar hnathawk dangten Mizoram Fitment comittee pay an hman leh chuan a dik lo.Teaching lama Professor ho hian Mizorama Secretary te hlawh hi an hlawh a.Chuti takin Lecturer te hlawh a sang bik chuang lo.A in level chho zel zawk.Chuvangin Lecturer emaw Mizoram sawrkar hnathawk te hlawh hi sang bik a awm chuan lo.Mizoram sawrkar hnuaia Secretary ni tur chuan kum 30 service a ngai a,chutiang bokin Prof ni tur chuan kum 30 vel bok.Chuvangin sang bik an awm chuang lo.Lecturer te chu facility nei tam lo mahse an awl thung alawm le.
Report this comment
July 1st, 2009 at 8:42 pm
Burger says Lecturer te chu facility nei tam lo mahse an awl thung alawm le.Ka duh reuh lutuk.
Lecturer NGO/Talk show /Politics a in hmang hi an tam ve ang reng.An awl deuh nge conduct rules in a phuar lo ka hre lo a,Administration buai lo ni lovin a ngai lo te pawh a ni ta ve ang.Pathian thu tak chuan an hna ah an rinawm lo ve mai thei.
Hlawh tlem zawk in a sang zawk control tum zawng a har ang, administration ah chuan a buai awm em mai.
Sorkar officer file mumal khawih lo chu an awm ve bawk ang a, administration that lutuk vang te pawh a ni zawk mai thei .
Report this comment
July 1st, 2009 at 9:33 pm
Ditto…nia ti raw…Central Univ hnuaia Lecturer ho hian civic rights an tia mi kha..an nei a,politics an khelh san a.An han tling a,minister te an ni a.Mahse a tlin reng theih bik si lova,teaching hi an tui tawh lo re re a ti ksa thianpa Lecturer pakhat min hrilh dan chuan.A dik ve thei ngawt ang.Pu Zawma MP hlui kha chu HBC ah a thawk a,State sawrkar college anih vang khan civic rigts nei si lo a,a bang hmiah bawk.
Report this comment
July 1st, 2009 at 11:22 pm
Click here
Report this comment
July 2nd, 2009 at 12:11 am
Sawi ve leh lawk teh ang… Pay thu kan chai mek a, a tha ber chu duham lutuk lo theuh thei se. Kan ram dinhmun hi ngaihtuah tlang thei se. Thuawih hi zir se, lawm vak lo chung pawha lawm thiam hram hram nih hi khawvelah chuan a ngai fo mai. Pay thuah pawh hian a changin thenkhatin an tuar(?) a, thenkhat an hlim deuhva. A changin midangin an tuar(?) veleh a, midang an hlim veleh deuh mai a. Nawrh leh ngawt thin leh Pay sang nawr a rik hut hut mai hi chu sim deuh deuh zel a tha ka lo ti ve ngawt a. Hna hi thawk tam vek ila, kan phutawk hi hrethiam tlang bawk ila. Mahni hlawh a lungawi, midang hlawh avanga lungawi ta si lo hi an tam hmel khawp nia!
Teaching Faculty Members vs. Administrative Services, etc. thu bawk kha — Anni ho hi nikum (?) lama sorkar hnathawk zawng zawngte hlawhbi Step 1 a an tihsan vek khan tihsan sak ve an nilo niin an sawi a. A chhan chu UGC Pay ring an nih avangin a ni awm e. Tunah hian Superintendent (takngial… no offence pliz.) pawh an pha tawh lova, an thutna ngaiah an la thu reng a. Tin, Lalfak Zuala Pay Commission pawhin “… anni ho hi chu UGC Pay hmang an ni…” ti bakin engmah comment a siam lo niawm tak a ni. Chumi kalzelah chuan titi ka hriat dan chuan tuna Fitment Committee pawh hian Mizoram Judicial Service, AICTE Norms hmang Polytechnic Lecturer-te, UGC Pay hmang College Lecturer-te leh Mizoram Legislative Assembly staff hote hi chu, “The recommendation of the committee does not cover…” a ti ve leh mai bawk si niawm tak a nia. UGC Pay hmantir ve mai loh chuan an dinhmun tur hi a buaithlak angreng viau mai niawmin an sawi.
Chutih laiin, Lecturer tam zawk hian an tihtur (academic exercise) an thlahthlam ve nasa khawp mai. Lecturer-cum-Taxi Driver te pawh an awm an ti! UGC in titura a phut (Pay leh Norms ken tel, ngen nilovin, a phut a phut) heng mipuite rilru a tha zawnga kaihruai tura Lehkhabu/Seminar Paper/ Article ziah, Talk Show a tel, Seminar/Workshop/Consultation, etc. a tel, Paper present, research beih, project work neih, etc, etc, ti peih miah lo an tam an ti. UGC in College ah Professor pek an tum tawh si a, Professor mawl deuh deuh kan neih belh teuh mai ang tih erawh thil hlauhawm tak a ni e!!
Report this comment
July 2nd, 2009 at 12:25 am
E tetea7 chu i lo lut tawh a ni maw.I sawi hi a dik khop mai.Nikum a sawrkar in awmze nei lo taka sawrkar hnathawk pay z.z one step a upgrade khan i sawi ho (UGC,AICTE,Miz LA ) pay khi chu a khawih tel lo.Chuvangin Pay Commission hi a hranpa hian din ila.Chutah chuan State hian Pay Structure hrang siam se,hrut rual ta vek bawk se,chu chu in thikna awm lo tur ber a nih ka ring.Centrala an an pui te ang ni lo in,state a an an pui te angin pay chu siam a tha.
A dik reng MJS hlawh te hi a hranpa a ni a,sang vet vet tak a ni.A chhan chu sawrkarin integrity nei tha ni a a hriat te MJS ah an tling a,ther hlo te awt lo a an awm theih nan an pay poh a ti sang bik niin a lang.Pre Revised 8000 scale a mizoram awm laiin an ni chu 9000 plus a ni in ka hria.Lecturer ho hi chuan UGC Scale an thlang vang zawk niin ka hria,an ennawn naah hian an tel ve loh.
Lecturer sawi takah chuan mi tamtak te hian teaching aiin seminars etc an tuipui a,class la ngai hek lo,naupangin an tuar lo thei lo.An hming sawi tur poh ka hria
A tawp berah chuan sawrkar hian service duhsak bik hi nei lo se,parity maintain se,lungawina a kim deuh ang.
Ka sawi theih ni mai se.Ka lawm e.
Report this comment
July 26th, 2011 at 11:12 pm
ÄÅÌÎÍÒÀÆ ÄÎÌÎÂ ÑÀÍÊÒ ÏÅÒÅÐÁÓÐÃ…
minny…
Report this comment