Ram hnuk pawimawh ah khaw khat chiahin an tuar. Vawiin thleng hian chhungkaw thenkhat tuipui karah an la awm. Thih an thlang. An thingtlang nun, ei leh bar engkimah tumah an ngai lo. Kawmthlangah an duh hun hunah sangha an man, sanghal, sakhi sa rep. Buhchang rum leh sa, an tu leh faten lehkha zir lo pawha an intununna tur huan-lo ram, belte phai thei lo leilet an nei (Miller of the DEE nun chiah kha)
An tuchhuan thlenga an inrochun turte khu cheng nuai 2..1.. in a phu hlawl lo. Khawpui zawk Kolasib ah rawn chuang chhuak se engmah eizawnna tur an nei lo, thingtlang pamawl intite tan. A rilru nei deuhin auto an lei. In leh lo, huan ram chanin. Rawtuai an khawrh. Anmahni ngei ka hmu. Ka khawngaih lutuk Kolasib tlangval hian ka chhungte pakhat mah an awmlo. Chêng hian a man lo a ni ber, diklo taka la an lo awm nen an thi mai dawn e.
An lungawina tawkte hi cheng nuai 2-1 mai a ni. A la man chuang lo, tuipuia thih a man zawk. Sorkar hian ngaihven nasa rawh se. Bawktlang khawro hi inhremna, in hnuaichhiahna chauh a ni. Kan ram tana tha tur a ni. Heng mi tlemte tun nun mai hi ka thik lo chiang kher mai. Nuai 40/50 aiin eizawnna nghet hi pe vat se ka va ti em! Engnge in ngaih ve dan?
Similar Posts:
- Mautuai khawrh chungchang!
- Rawtuai
- Builum thawm hi in hre ve em
- kei atan erawh zawng, Pathian hnaih hi a thra a ni…
- Fiamthu Panga
July 8th, 2009 at 3:27 am
A va pawi thin ve le! Tun aia chiang zawka news item tling turin han buatsaih la maw le!
Report this comment
July 8th, 2009 at 4:03 am
he thil hi chu chinfel vat ngei chu angai ani… kan tu leh fate tan thil tha tak kan hnut chhiah tur ani si a…
Report this comment
July 8th, 2009 at 7:13 am
Builum khua ten harsatna an tawh hi thil namai anilo, huan or lo pakhat ti puitling tur a beih angaih nasat zia hi ka hreve tawh,Serlui B tui khuah hian Builum khua chuah hi khua achimpil chu ani chutah chuan mihring tam pawh an cheng lova, heng mi tlemte te lungawina hi chu siamsak ngei nise a thra hle ang.
A pawiber mai chu ahunlai a endiktu leh collector ten fimkhurlo lutuk a thil an namnul kha ani.
https://www.youtube.com/watch?v=zmsjm12R7FM
Report this comment
July 8th, 2009 at 8:52 am
He project hi 9MW tura WAPCOs ho in an duan 12MW anih tak nachhan hi reservoir capacity leh ruahtui tla enin power potential thar duanchhuah anih vang ani. He DPR thar hmang hian MNES in sum bultranna tur a pe ta niin ka hria. He project hluihlawn deuh titih tawh revive tute zinga ka tel ve avangin tlem kan belh ve hlek ange.
Project reng reng ah hian mi an chenna leh eizawnna te tihbuai hi a awm fo a awm zel dawn bawk. Heta hriat tur poimoh tak chu afftected persons te chhanna safeguards agreement mumal project report ah hian a awm em :?: tih hi mimawl leh rethei chuan an enthiam trhin lo. Heng enpui tur activist kan mamawh rualin a DPR duangtu te hian an hre hle bawk tur ani.
Builum khawthar dinsak ngai ang te hi- (1) An ram laksak (land aquisition) man hi an tel ngei tur ani.an ram laksak man hi mimawl zawk rahbehna a awm lo tur ani (2)An huan thlai in leh ro hlu tihchhiat man compensation te hi market rate diktak a ni tur ani (3)Khawthar an kainna ah hian in leh lo (eizawnna) mumal tak dinsak tur ani.Khathar idnah hian School changtlung tak te, biakin te, Bazar te, Damdawi-in te leh Sports centre etc te dinsak hi tihdanphung pangai a ni (4)Pemluih tir an nih avangin Psychiatrist te rawihsak an ngai trhin (5)Project-a employment opportunity ah emaw indirect business opportunity ah teh preferential opportunity pek hi tihdan chikhat ani (6)Livelyhood support of affected persons ah hian hnam mawl zawk tribal te hi India sawrkarin a chhan hle, (7)Rehabilitation and Resettlement issue hi generalized chi ani lo customize tur ani. Nehru te kha an va lo ropui em :arrow:
1. Tribals should be allowed to develop according to their own genius
2. Tribal’s rights in land and forest should be respected
3. Tribal teams should be trained to undertake administration and development without too many outsiders being inducted
4. Tribal development should be undertaken without disturbing tribal social and cultural institutions
5. The index of tribal development should be the quality of their life and not the money spent.
Achung thu hlawm nga te khi Nehruvian Panchasheel – Five Principles spelt out by Pandit Jawaharlal Nehru in 1952, an ti thin.
CLICK teh ka telvena mithiam zingah
Report this comment
July 8th, 2009 at 10:46 am
Mirethei te rahbehnaah kei chu ka ngai ve hmiah. A chim tur ram tifel hmasa lova tui han khuah te chuh an ti rau rau a nih chuan, hman zan LPS news a Tuiruang khuah an sawi te kha ti tak tak se kan ram dep ah tuipui lian tak kan hmu li luau mai dawn a nia
Report this comment
July 8th, 2009 at 10:52 am
Lawks mai….Nimin a ‘Thlalak post dan’ tih Site Admin. chhung a awm kha a lo chhuah hun ka lo chang ve char char a, khawnge a awm daih a ?
Report this comment
July 8th, 2009 at 11:43 am
Builum khaw mi te leh official(assesment ti tu te) hi TV ah live in INCHAPCHAR se la, thil awm dan a chiang ber lawng maw?
Report this comment
July 8th, 2009 at 11:56 am
Chhawmdawlna tha tak pe thei se la, tichuan inremsiamna tha takin ti se.. TIn, Builum khaw mipuite pawhin he thilah hian Zoram tana thil pawimawh tak tiah in ngai se la, ram mipuite entawn tlak khawpin inhawng thei se la, hun lo kal zel atan pawh a that khawp ang.
Report this comment
July 8th, 2009 at 11:58 am
Hmasawnna dal tu pakhat chu sum kan duh lutuk hi ani kan ti thei awm e.A tir a assesment a dik tawk lo in official in sum siam an tum ran mai thei,chutih rual in tribal pa hian sum over tak a lak kan lo tum ve tho bawk mai thei. Sairang a rel lut tur chanchin pawh hian LSC dik lo a hring chhuak mek an ti :!:
Report this comment
July 8th, 2009 at 12:06 pm
A thuhlawm then 1na ah ram tana thiltha siam avangin khua pakhatin a tuar a thih hial an thlang niin i sawi a mahse an in todelhzia tumah an ngai lova an tuchhuante thleng pawha an in enkawl theih tur zia i sawi leh bawk si a,a thuhlawm then 2 na phei Khi chu a awmzia ka hre lo hul hual a, a then thumna ah khian sorkar tanpuina chu a bei thamin a aia tama tanpui turin i duhsak a chu tanpuina an dawn chu engzat pawh nise i thik lo ani tih i sawi leh si a ,he khua a sorkar thiltih hria a hmu lotu tan chuan i thu ziah atang ringawt hi chuan hriat thiam a har hle mai.
He khua ah hian eng thil pawi nge thleng a,eng vang in nge he khua a mite hi sorkarin tanpuise i duh na chhan?
Report this comment
July 8th, 2009 at 12:17 pm
ka han ti deuh hlak a nih hi, he tiang thil serious issue hi pho lan a nih dawn hi chuan chiang zawk leh fel fai zawk a ziah chhuah nitheise a duhawm hle mai ka tihna anih khi.
Report this comment
July 8th, 2009 at 2:41 pm
lalhmeltha,comment 3 na link khi enla i var uar maiang,an khongaihthlak lutuk
Report this comment
July 8th, 2009 at 4:30 pm
BBA kan mamawh
BBA=Builum Bachao Andolan
Report this comment
July 8th, 2009 at 8:08 pm
Builum ho hi an khawngaih thlak khop mai.Chuti rualin Builum mi thenkhat hian dik lo taka sawrkar kar an tum te poh a ang khop mai.Hman deuh khan Evening Post ah an rawn ziak vak tawh a..khata tang khan Builum ho kha an dik vek bik loh zia a chiang hle in ka hria.
Report this comment
July 8th, 2009 at 8:35 pm
Ka ngaihmawh thenkhat te:
1) Sardar Sarovar Project chungchang ah khan Supreme Court Award ah chuan 15th March 2005 ah khan ‘rehabilitation zawng zawng submergence(tui chim) hma a zawh tur a ni(sub clause IV (6)(ii) of Clause XI)a tih te hi kan sorkar thunei tute hian an ngaihtuah em?
2)Rehabilitation Plan mumal tak siam a tawk lo, mipuiah puanzar a ngai,Jharia Rehabilitation Plan pawh nasa taka debate a ni. Keini tih dan chu tukhaw hriat loh a duan a , barh luih a ang.
3) Jharia Rehabilitation Plan kha Rs.6300 crores a ni a, Jharkhand Sorkar chuan a approve hmaks.Heng mi tlem te chungchang ngaihtuah theih loh chu a mak a ni.
4) Compensation hi a lar hle a, he mi hi chu a ve chauh a ni, compensation bakah livelihood support measures , social amenities etc te Rehabilitation Plan ah khum a ni ang a , implement a ni bawk tur a ni.
5) DPR ah hian Technical Report awm tur ah ngai ila, Rehabilitation Plan hi Technical Report siam tute kut a dah hi duhthu a sam hauh lo, an lo ti thlarawk a nih chuan an ti sual duai ang :evil:
4)
Report this comment
July 8th, 2009 at 8:58 pm
Ka han thawh tak tak teh ang
project affected people(PAPs) an awm reng reng hian an problem chu an eizawnna an channa lai tak hi a ni thin. Rehabilitation plan ah an thilneih man hu compensate ,social amenities -school etc pek hi a tawk lo. Heng mite hian engtin nge eizawnna an hmuh leh theih ang tih leh an hmuh leh theih dan tur kawng leh ruahmanna an a awm ngei ngei tur a ni.
Rahabilitation mumal a awm lo a niang thih an thlan dan ah hian :evil:
Report this comment
July 8th, 2009 at 9:34 pm
Mamata Banerjee a nei ve lo tlat maia Ditto hi trang mai sela nge Ruatfela Nu te David M te adviser ah NOI fiamthu
Vawiin Evening Post chuan Forest clearance a la awm lo a ti chheu mai :!: mak thei ngei tih bak sawi tur kei misual hian ka hre lo tops
Report this comment
July 9th, 2009 at 8:27 am
Builum/Saipum compensation siamtu official leh D.C strong room nuai za leh sawmli man vel a satu khawihtu kha mi thuhmun an ni mial lo maw.??
Report this comment
July 9th, 2009 at 10:49 am
Kan thu khel hi a tak ngen ngun thrin em mai. Kei zawng ka tlin love.
Report this comment
July 9th, 2009 at 11:06 am
@Rinrini_pa smiley tal in Builum khua tan ve ta che :evil:
Report this comment
July 9th, 2009 at 5:34 pm
A thuk zawkin hriat a va chakawm ve.North East State thenkhatah pawh thingtlang a chhungkaw tam tak lo nei mite ; mahni huanthlai ram leh an chhehvel a lui awmte atang a danpangai a thlamuang tak a an in todelh thinna dinhmun pha tawh lo a hrehawm tak a hun leh nun hman phah ta zawkte pawh an awm hetiang project thenkhat a vang hian.
Tin,Mizoram hi ram tha tak leh hmantlak tur tak a ni a a lei lung thil reng reng hi chu a man hu hi han to tawlh mai se.Mizo ho pawh hi kan ban vei lam che ringawt pawh hi a to phah ve theih dan hi ngaihtuah theuh ila kawng tinrengah hian.Man to a te man to i te kan ni toh mai ang.Tin,Mizoramah hian mahni mi leh sa chu duhsak tawlh dan hi I ngaihtuah tlang ila chuan thingtlang lam te pawh hi an khua te hi Aizawl ai chuan a la fai tha a a hlu em em a ni.Kan ram hi I duat ang u a mihring te pawh hi I in duat tawn ang u.
Report this comment
July 9th, 2009 at 6:06 pm
Keini Mizo te hi khawvel changkanna in min tuam mek zel a.Hetah tak hian kan fimkhur a ngai a ni.Kan ban phak a piang changkang leh tha kan tih chu neih ve duhna kan nei a.A tha e.Amarawhchu sap missionary ten min tlawhpawh hnu hian khawvel finna chi hrang hrang kan chhar ve ta a.Chutiang zelin motor te kan lei a ;motor chuan kawngpui sial te a hring a;an han siam leh ta nawk nawk a,electric current te pawh a lo chhuak thu neituten rem an tih theih awm ber niawm in a ban leh a hrui phunna tur a lo chawhchhuak leh a .Kan han phun chawp leh ta nawk nawk a buaithlak thei hle mai inchhawng sang sak tha tihna a lo chhuak leh zel bawk si nen ;Chetdan fu lo deuh a hnu leh tur leh midang hrehawmna thlen thei tur a awm leh awm loh ngaihtuah miah lo a thil tih chawp nawk nawk kan ching lutuk hi chu a fuh lohna a tam phian duh mai a mahni pawn kan tuar leh chawk thin a nih hi.Tin, eng line ah pawh hian creativity leh managment skill zirchhuahbakah pianpui hi kan neih loh vangin kan tuar leh ta thin a ni.
Report this comment
July 9th, 2009 at 6:25 pm
Tin,Mizo te hi thil han tih tan mai har ti tak hun rei tak kan thil tih tur ngaihtuahna a tan a khawhral a a hnu a belhchian dawl vak lo a tihpuitlin kan ching viau in ka hmu bawk.Chhuanlam chi hrang hrang pawh a awm ang a .Kan Zoram eng sawrkar pawh hi hetiang hi a pai tel ve bawk ngei ang.Engvang nge tih te hi a vang chu kual kual thei pawh a ni ang .A vang chu chiang tak in a awm ngei ang.
Report this comment
July 9th, 2009 at 6:44 pm
A dik bon!! A VANG chu awm ngei ang,chu A VANG tak a chu chhuichhuah a, A KAIKUANG tak kha hawlh hrep chi, che zui ngam tawh lo turin leh midang tibuai thei miah tawh lo tur a phuar hmaks a hun a sin.Sual thlah zalen hian midang tan risk kan ti sang a ni ringawt..
Report this comment
July 27th, 2011 at 3:48 pm
ÑÍÎÑ ÑÏÁ…
minny…
Report this comment