Vawin ah FB Group ah he post hi ka hmu a, misual lam ho hian sawi chhunzawm ve ang u hmiang… Da Peks Tvf
Serchhip 27.7.2013 : –
Environment & Forest Deptt, Serchhip leh Sub Hqrs YMA Serchhip tangkawp te chuan vawiin khan Mautuai leh rawtuai khawrh leh zuar an vai a, cheng 2000 chuang man zet manin mipui hmuhah an tichhia.
Vawiina mau tuai leh rawtuai khawrh leh zawrh khap bawhzuia Environment & Forest Deptt leh Sub Hqrs YMA Serchhip tangkawp ten Serchhip leh Keitum leh a chheh vel -ah an vai ah hian mi-8 hne atangin mautuai leh rawtuai tam tham tak an man a, heng mautuai leh rawtuai an man te hi cheng 2000 chuang man hu zet niin vawiin vek khan Serchhip Bazarah mipui hmu heih turin an tichhe nghal a ni.”
Ka ngaihtuah mai mai a, Mautuai khawrh tu te hi mi harsa ve tak tak an ni ngei ang. Thenawm khawveng ban buailo in, mahni a eitur thawhchhuah tuma, mi hnuaia inhlawh leh a rem rem thawka khawsa ve t(r)awk t(r)awk te an ni hlawm ang a, ram hnuai pil ril, Lui leh Kham chhengchhe kar hla tak tak, Vangvat leh Thosi karah hreawm takin mautuai pawh hi an khawrh ngei ang. An hmuh chhun te chu A chhiat(tliak leh bung/khem) hlauin dim te in an lo phur chho ve tawk tawk ang a.. Bazarah Buhfai leina tur leh inchhungkhur mamawh leinan ti in an lo zawrh ve chu hetian anlo tih chhiat sak mai hi a va nunrawn-thlak em em ve aw..
An tih chhiat sak a vang hian eng nge hlawkna awm? Mautuai khawrhtu mi harsa ve tak chiah khan an tuar a ni.. An va han khawngaih thlak tak em! Mautuai khawrh hi a hlawk em vang leh hausaknan an hman dawn vang nilo in an dam khawchhuah ve nana an mamawh in phuhruk nan zawk a ni.
Similar Posts:
- Rawtuai
- T. Romama Nite Serchhip ah
- Mizoramah hi chuan Rulngan kan mamawh lo
- Builum khawngaihthlak!
- Hnaruak hnawhkhah loh 2850
July 29th, 2013 at 7:07 am
Dan hmaah chuan tu pawh kan intluk tlang vek a ni lawm ni? Mi rethei leh harsa zawkte an nih avang ngawtin Mautuai an khawrh chu phalsak an ni bik dawn em ni?
Phal loh thil chu, phal loh thil a nih ang takin khua leh tui tha chuan, a ti lo ve mai turah ka ngai.
Report this comment
July 29th, 2013 at 12:17 pm
Nia. Phal loh anih chuan hrem mai tur alawm. Chutiang bawkin hmar lama mau sing tel luia an tawlh thlak thin pawh dan hmak tur. Kan ram environment tichhe zawnga che reng reng chuan hramna an pumpelh tur ani lo.
Report this comment
July 29th, 2013 at 1:02 pm
#1(lr hlonchhing) Dan hmaah chuan tu pawh kan intluk tlang vek. Mahse inngaihdamna leh hriatthiamna a awmloh chuan Khawvelah hian khawsak a hreawm awm..! Kan Pathian khan in sual man chu in tuar ngei tur a ni tiin A fapa kha lo tir lo mahse vui thei kan nilo ang tiraw.. mahse misual tak kan nih reng chung pawha A khawngaihna leh A zahngaihna kan chungah a lan tir kha kan Pathian a nihna leh kan biak na chhan a ni lawm ni?
Khing mi te khian khua leh tui tha lam ai in dam khawchhuah ve nan eitur an ngaihtuah zawk ngei ang le..
Report this comment
July 29th, 2013 at 2:25 pm
Mi rethei te Rs. 2,000 man tih chhiatsak tu te thil tih chu hei…
Monday, 29th July 2013
E&F-in bill dik lo-in nuai 35 la chhuak Hmuhphiah mahal-naah nuai 68.03 a hloh
July 24, 2013-a Assembly House-a pharh tâk, Comptroller and Auditor General (CAG) report 2011-12 chuan, Environment & Forest department-in bill dik lo (false bill) hmangin sorkar account aṭangin Rs. 35,00,000 an la chhuak tih a tarlang. Hmunphiah mahal dan mumal lo avangin sorkarin cheng nuai 68.03 a hloh thu tarlan a ni bawk.
– See more at: https://www.vanglaini.org/tualc.....R5AMb.dpuf
Report this comment
July 29th, 2013 at 3:42 pm
A khawrh lam khap ai chuan a tharchhuah tam lamah hma la zawk i la kan va hlawkpui dawn em! Kan dan kenkawh tum dan hi a hlawk lo zawngin kan kalpui nasa deuh lo maw! Dan hi min nekcheptu ah kan hmang dawn nge, lungrual dial dial nan. Mautuai vaw chhe ngam chuan Concrete Building leh Motor te pawh hi vawchhe ngam se…de dei dei dei tenawm hlawmin
Report this comment
July 29th, 2013 at 4:33 pm
Rawtuai khawrh phalloh tih hriaa khawrh luite chu dan anga hrem tur anni reng mai. Mi rethei te hi pawngpaw tan ngawt chi a ni lo. Fb a ka chhiar lai chuan ka khawngaih ve tho.
Report this comment
July 30th, 2013 at 12:21 am
A chung lampang man ngam mang silo rawtuai khorh tihvel man hi chu a, a vairam riau toh.
Report this comment
July 30th, 2013 at 8:25 am
Mautuai khawrh ai a pawi khawih nasa man tur an tam dawn in kei ka hria. Mautuai hi chawhmeh, mi tam takin an mamawh phuhruk nana an hman ania, khap a tulna kei ka hrelo. A pung chak emai. A thu hrimah kan revenue a lut pha lovin vairamah an tawlh thla dul dul reng ani lawm ni?
Mamawh zual phuhruk nana mautuai khawrh a hralh tute man an ni hi ka khawngaih ngawt mai. Kan ngam tawk velah dan kan chelek a ni maw
Report this comment
July 30th, 2013 at 4:09 pm
Naupang fel tawh tak kan nih hian, kan dai velah mau a tam bawk a, Tui kan chen apiang hian, Kutruaka hawn aiah mautuai vawi 2/1 ei vel hi kan khawrh thin a, me tak mai khan, Tuikhuah/Luiah kan han zuang(Dive)lut pawm pawm thin te kha a nuam asin maw le. Miretheite Mautuai khawrh ai chuan, Lovah leh hal leh Paper Mill atana an tawlh thla hem hem thin hi dan tum a sawt zawk ka ring mang e.
Report this comment
July 30th, 2013 at 5:17 pm
Khawrh phal loh chungin an khawrh a, an dik lo pawh aniang, mahse, khi tiang em em a han tih kher…
Report this comment
July 30th, 2013 at 7:28 pm
Retheite tirethei zualtu, dawrkai sumdawngte hian a mrp aia sangin hralh lo se, rethei deuh tan pawh dan (siam chawp) kalha mautuai khawrh a ngai lo tur..te ka tia.
Report this comment
July 31st, 2013 at 12:32 pm
Dan bawhchhia chu mautuai khawrh vang pawh nise. Dan anga hrem ngai anni mai.
Mizoram forest dan hman mek hi Assam forest dan zulzui a siam a ni em le? Kan state mil deuhin dan hi a siam theih loh em ni? Vaiho chuan mautui an ei ngai lo maithei, mahse, keini tan chuan ‘food item’ chikhat a ni tlat. Forest product in tih tlat anih pawhin, royalty pe a, mautuai khawrh theih dan tal han siam teh u.
Report this comment
July 31st, 2013 at 11:51 pm
Kan hnung lawkah khan Mautam kan pel a. A hnu lawk kum 5 a liam hian, tunhma a mau hmun thinah khan mau tih tham ding an awm lo. Kan ram resource pawimawh em em hi a chereu tan der. Hei vang hian, a reilo berah kum 2 chhung chu mau leh rawtuai hi, khirh em em a a khawrh khap a tul. Dan in khirh takin hei hi chhuzui se. Mirethei leh khawsak har zual duhsak a, mau leh rawtuai an khawrh phalsak hi kan environment in a tuar chho zel dawn. Serchhip a mau/rawtuai an mansak te, dan hmang a an hremlo kha chu, a mansaktute kha lawmthu ka hrilh thung e.
Report this comment