Vawi khat chu Thialtea hian Runginu hnenah, “Runginu, vawiin chu ka thei hual i lo dun ang hmiang,” a ti a. Runginu chuan, “Kei zawng ka lawn ve thei si lo va, a hmin tha min thlak ve awm lo em mai,” a ti a.
Thialtea chuan, “Thlak duh e, a hmin tha tha ka thlak dawn che nia,” a ti a. Runginu chuan, “Min thlak ve dawn chuan ka duh e,” a ti a, an kal ta a.
An thei lawh tur chu an va hmu a, a hmin tam hle mai a. Thialtea chuan, “Runginu, a bulah khan lo awm rawh le, ka han lo ang e,” a ti a. Runginu chuan, “Awle,” a ti a. Thialtea chuan a han lo va, a hmin tha tha chu a ei thuai thuai a, a eina pil hawng chauh chu a thlak ta a.
Runginu chuan, “Thialte, a hmin tha kha min han thlak ve rawh, i eina pil chauh min thlak a, ei tur a awm lo ve,” a ti a. Nimahsela, Thialtea chuan a thlak duh ta chuang lova, Runginu lungchhia chu a tap a tap ta mai a.
Chutia Runginu a tah a tah lai chuan sazuk hi a lo kal a, “Runginu, engati nge i tah koh koh le?” a rawn ti a. Runginu chuan, “Thialtea’n thei lawhpuiah min sawm a, ‘A hmin tha tha ka thlak ang che,’ a ti a, min thlak leh duh si lova, ka lung a chhia a, ka tap a ni,” a ti a.
Sazuk chuan, “Hau ta che,” a ti a. Runginu chuan, “Ka hau ngam lo, min vel ang,” a ti a. Sazuk chuan, “A velh dawn che chuan ka chhan chhan ang che,” a ti a. Runginu chuan a han hau ta a –
Thiala, Thiala, Thialtea,
I vunte kha rai hir hiar;
Sahdalah tla ri pem, tla ri pem,
Zawnga kal theu theu,
a han tih chuan Thialtea chuan a lo haw em em mai a. A lo chhuk sawk sawk a, Runginu chu a vel ta nek a, Sazuk lah khan a lo chhan ngam awzawng lo va, a tlansan daih mai si a. A hnuah chuan Thialtea chu a lawn leh a, thei chu a ei leh ta mial mial a. Runginu chu a tap zel a,
Savawm hi a lo kal leh a, “Runginu, engati nge i tah?” a rawn ti leh a. Runginu chuan a sawi dan pangngai khan a lo sawi leh a. Savawm chuan, “Hau rawh, ka chhan ang che,” a tih avangin a hau leh a, ani pawh chuan a chhan ngam bik loh avangin Thialtea chuan Runginu chu a zuk vel leh ta nek mai a. Ramsa tinreng chu an lokal a, an hautir zel a, mahse an chhan ngam lo leh thin a.
Nakinah chuan Sakei hi a lo kal ve a, “Runginu, engati nge i tah?” a han ti ve leh a. Runginu chuan a sawi dan pangngaiin, “Thialtea’n thei lawhpuiah min sawm a, a hmin tha min thlak ve duh lo va ka tap a ni,” a tih leh a. Sakei chuan, “Hau rawh, ka chhan ang che,” a ti a.
Runginu chuan, “I lo kal hma pawh hian ramsa dangte pawh an lo kal a, ‘Hau rawh ka chhan ang che,’ an ti zel a, ka hauin min chhan ngam leh si lova, min vaw leh nek mai thin a, ka hau ngam tawh tawh lo ve,” a ti a. Sakei chuan, “Kei chuan ka chhan ngam ngei ngei ang che, hau leh rawh,” a ti a. Runginu chuan a hau dan pangngai bawkin –
Thiala, Thiala, Thialtea,
I vunte kha rai hir hiar;
Sahdalah tla ri pem, tla ri pem,
Zawnga kal theu theu,
a han ti leh a. Thialtea chuan a zuk vel leh dawn a, Sakei chuan a lo seh ta daih a, Runginu chu a hawng leh ta a.
Sawi ho tur :
1) Runginu hian fanu Rungi a nei nge, a hming ve hrim hrim?
2) Hmanlai hian Ramsate hi an tawng thei em ni?
3) Eng thei nge maw an lawh le?
4) Thialtea leh Rungi ang deuh hi kan Minister thenkhat leh an zar zo tumtute hi an ni thei mai em?
Note : Mizo thawnthu hrang hrangte kha an thamral mai dawnin ka hria a, ka hrechhuak zo hlawm tawh bawk si lo. Vanneihthlak takin bu takte hlui deuh tawh, a ziaktu pawh hriat theih tawh loh a kawm leh phek engemaw zat tla tawh ka hmuchhuak hlauh mai a, kim tawh lo teh mahse, ka lawm hle mai. Phur deuh chang apiangin ka rawn Post thin dawn nia.
Similar Posts:
- SAMDALA
- Mihring, Zukchal leh Keipui Intlansiak Ropui
- Mizoramah Sakei Sawm Chauh Maw?
- Pasaltha Zingkela leh Tlangval Bawkkuia by Thanchhunga, BVT
- Sazuk Ki
August 4th, 2009 at 5:40 pm
Awi awi..he thawnthu hi ka chhiar lohna avin rei tawh tak em em em ve ! Lawmawm lituk i lo pawst a Lal-kawng-te ..
tah pawh hian Mizothawnthu chu ka chhiar thin
https://www.mizowritinginenglish.com
ka lawm e
-LVK
Report this comment
August 4th, 2009 at 7:17 pm
1) Runginu hian fanu Rungi a nei nge, a hming ve hrim hrim?
2) Hmanlai hian Ramsate hi an tawng thei em ni?
3) Eng thei nge maw an lawh le?
4) Thialtea leh Rungi ang deuh hi kan Minister thenkhat leh an zar zo tumtute hi an ni thei mai em?
Chhan loh aiah
1)A fanu chu Rungi
2)Thawnthu anih vangin an tawng thei
3)Thial thei aniang
4)Rungi(nu) chan ang chang hi a tam ber an ni ang
Zirtir:1) Mi huat thu leh ngei zawng sawi chu mi velh hlawhna 2)Min sawmtu phakhar deuh te thu hi awih loh a tha ber
Result: Fail tep
Report this comment
August 4th, 2009 at 7:24 pm
mzvision says:
Zirtir:1) Mi huat thu leh ngei zawng sawi chu mi velh hlawhna
Heihi a denzar.. Mi huat thu hi ka soi hnem riau tawh-in ka hria. hahha
Kungfu part tlem te zir ve angai a ni.
Pi BMW hnenah kungfu shoe, twin stick, leh kungfu zirna bu tereuh te ang kha chah keuh mai teng..
Report this comment
August 4th, 2009 at 7:40 pm
Zirtir Rah: Kung Fu zirna bu chah keuh a ngai
Report this comment
August 4th, 2009 at 7:45 pm
Runginu hian fanu anei,ahmingpum chu Rungluimawii ani,Rungi tiin an ko deuh ber :!:
Hetih hun lai hi Eden huan chhuahsan hnu lawk a ni a,Babel insang sak hma si,tawng inhriat pawlh theih lai a ni ang..BC 2335-2320 vel :!:
An thei lawh hi chu zirmi ten an chhut an chhut in Tuaihabeh a nih an ring :!:
Minister te leh zarzo tum te ang an ni lo vang,an ni chu an hlawk thei em mai :lol:
Report this comment
August 4th, 2009 at 8:52 pm
Pu Mza te, Xaia te chuan heng thawnthu vel hi chu in la hre chiang khawp ang chu. Mahse, misual member tam zawk tan chuan hre vuai hlawm mah ila, a chiang lo ruai tawh thin.
Report this comment
August 4th, 2009 at 8:54 pm
‘Phur deuh chang apiangin ka rawn Post thin dawn nia.’
Huphurhawm mang e thuziak mi te eizawnna a bo palh ang aw… No offence
Report this comment
August 4th, 2009 at 9:25 pm
Mizo thawnthu hi han post zel rawh, a ngaihnawm a,lung a ti leng bawk ! Chhawnabawraza kha a sei deuh a, Tlingi leh Ngama,Raldawna leh Tumchhingi etc te kha i nei lawm ni :?:
Report this comment
August 4th, 2009 at 9:53 pm
Ava ngaihnom ve, ni e hetiang deuh hi kan ni toh in ka hria kan hruaitu te poh, a result tak tak om hma in vote zon nan chumi khami ka ti ang min vot chuan an tia, an han vote tling sauh sauh a thil te tham poh an term zoh don tep next election hma in an han hawng leh vel a. Buaithlak nih hi kan khovel hi.
Report this comment
August 4th, 2009 at 10:10 pm
Ditto, copyright reserved phek tla bo tawh sia, a ziaktu lang tawh bawk si lova. Ka post tawp mai.
Pawi ka sawi chuan ka duh miah lo. Ti ila, heng thawnthu hi chu Mizo zawng zawng ta ni mai lawm ni? A phuahtu an ni bik chuang hleinem.
Report this comment
August 4th, 2009 at 10:11 pm
Folk tales a lawm..pawi lo vang chu maw :!:
Report this comment
August 4th, 2009 at 10:24 pm
Poi ti reng reng suh kawnga ni e heng te chu mizo zawng ta a lom, hnam hrang hrang in folk tales an nei veka tu phuah nge tih poh an hre vek kher hleinem.
Report this comment
August 4th, 2009 at 10:37 pm
Ka rilru tak takin thamral mai atan ka ui hlawm em a. Midang pawhin rual u zawkte rawn chawp pawhin rawn thawh liam liam ula, a tam thei ang ber recall leh theih ka duh a ni. Hriat dan te a inang lo ngei anga, a lawmawm tingah ka ngai. A hlutna hre rual kan nih hlawm hi..
Report this comment
August 5th, 2009 at 12:34 am
You are most welcome! Mizo thawnthu hi kan theihnghilh zo dawn tak ngial e… Rawn ti zeuh zeuh rawh khai. Ka’n save nghe nghe ang e. Copyright chungchangah chuan hetiang thawnthu te chu sawi chhawn zel kha a ni mai a lawm. Ka piin min hrilh thin thawnthute pawh kha a copyrighted awm ka hre lo
Report this comment
August 5th, 2009 at 5:13 am
Naupan lai, ka pi leh pu ten min dampui hun te kha min van mithla ah alo lang iai iai mai alawm mawle.
Report this comment
August 5th, 2009 at 11:16 am
Kawnga thawnthu sawi dan hi kei ka hriatdan chiah chiah a ni ve pah reng mai,a ngaihnawmna piah lamah kan Mizo thawnthu phenah hian thil ropui tak inthup la awm cheu hian ka rilru a khawih tawh thin hle a,hei hian he thawnthu(Thanthu ni lovin) hi a hlutna a tizual khawp mai.Mi thenkhat sawi danah “Kan pute hian Rose pangpar huan mawi tak min tiam thin a,mahse he pangpar mawi tak hian hling zumtak,chhun na em em a nei tel tih min hrilh ngai thin lo hi a pawi na lai tak a ni awm e..ti ang deuh pawhin a sawi kai theih daih mahna.Tichuan kan politiciante hian ram ropui tak(Thawnthu a thei tui tak)lo turin a hmun min hruai thlen an tiam thin a,a kung awmna hmun(an tlin tirh) kan thlen chuan tha takin a hnuaia lo changa a hmin tui tha tha tha ei ve turin min tiam ngei thin a(lalna an chan hlim chuan dik leh tha thei ang ber turin an intiam bakah min thlamuan fo thin a.Mahse rorelna fawng thlum tak(a rah thlum tak Thialte an an lawh meuh chuan) an chelh meuh chuan min hre chang tawh ngai lova, kan vuivai thawm te chu”Na lo teih teih’ (Dr.H.Thansanga Cong min kal tawh) min tih khum mai bakah min diriam(vel) hrep zel a….Aaaaaa..he thawnthu hian awmze ril tak a nei..ngaihtuah zawm duh te tan…..
Report this comment
August 5th, 2009 at 12:08 pm
zawhna leh : Mipa dang pawh an tam awm sia,Thialtea hian Runginu kher kher a han sawm vel hi a ‘arsi’ a ni thei angem ?
Report this comment
August 5th, 2009 at 12:51 pm
Chhanna : Arsi ta se… han velh vak leh si..
Report this comment
August 5th, 2009 at 1:42 pm
Zawh belhna: Thialtea khan theikung a a lawn khan rahbi a tuk ang em?
Report this comment
August 5th, 2009 at 1:43 pm
a velh vak na chhan chu, Runginu hian a duh lo a… hehe
Report this comment
August 5th, 2009 at 2:03 pm
Awi,lung a ti leng eee.
Thawnthu hi a sawi thiam tak takin an sawi/chhiar phei kha chu a ngaihnawm thei bik em atin ni, a then phei chu mittui hru zeuh zeuh pahin kan ngaihthlak kiau thin kha mawle.
Kan Mizo thawnthu ho kha a inang deuh nge mawni han sawi mai ka tum hian ka medley nasa thei khawp mai!
Kawnga, i ti tha e, rawn phur deuh fo teh.
Report this comment
August 5th, 2009 at 2:24 pm
Han ti zel teh, kan hriat thar leh phah a tha riau. tun a mi phei hi chu a hla chiah khi ka hria..
@irre te chuan, chemtatrawt a chuan khaum zamna rawpui chu a kuai kur a, nahai a chu ni se a hnuaiah ka ang huau in a lo tlak a nghak a te an ti nuaih tawh a nia.. :twisted:
Report this comment
August 5th, 2009 at 3:11 pm
lolz @ wonderboy, kan va intawng khat ve!!
Buy 1 get 2 free offer la awm em? Helamah pawh aadi sale, buy 1 wife/husband, get 1 free
Report this comment
August 5th, 2009 at 3:17 pm
@Wonder, mixed up hi awl deuh a ni reng a ni. In lo tui tlang ve a lawmawm. Pu Lily & Lalhratla te pahnih inti hre zawk ve ve te hian an huangah rawn ngai phei se chuan Thialtea hi Runginu aiin a tirah hlawk zawkin lang mahse, a tawpah chuan a hloh vek bakah amah pawhin thihpui ta. Runginu hi Thialtea aia a hlawkna percent chu chuti khati an rawn ti vel mai thei asin.
No Offence
Report this comment
August 5th, 2009 at 3:41 pm
@irre, nia intawng khat viau mah ila acrobat class ah ai kal inlak a in in dospati ta daih te pawh kha report kan dawng tho a nia :twisted:
@Kawnga, thialtea khian a downline a ngaihsak lo luttuk a a chhiat phah ta te pawh a nih duh hmel.. :twisted:
Report this comment
August 5th, 2009 at 3:55 pm
acrobat nilo in aerobic tih zawk tur!! mixed-up hnu a hriatpawlh leh hi chu a… :twisted:
Report this comment
August 5th, 2009 at 4:08 pm
LalWonder, i medley ve tho ani maw hehehe!! In dospati paha nau awihmut dan coaching class pi dumput chuan a pe a
Thianpa,i dawr lo leng tur zingah December 21st/22nd chho vel atan amanda,bmw leh dumput nen kan hming kha tun atrangin lo ziak lawk teh aw,thutna kan chang lo palh ang!!
Pu Kawng, Thialtea khan ULIP nge tha a tih ang MF?? Runginu khan CAGR a calculate thiam angem le? Thialtea khan HPR kha wiki rawnin em ni a chhutchhuah tih vel an ngaihuah daih ang ku Lily-a leh Ku Hrata te chuan
Report this comment
August 5th, 2009 at 4:17 pm
Nia Wonder kan hming chu irrete-i sawi ang chuan i lo ziah sa ngei chu a ngai ang senior threthraw kan lokal dawn a nia, i customer dang ho hian min hmuh chuan an zam ang a, an lokal nawn duh tawh lovang tih erawh a hlauhawm
Report this comment
August 5th, 2009 at 6:35 pm
Engti zawng pawh hian topic hi han herpui thin mah ila, mi aia sawi that hret dan hi in lo thiam zel zawng a lo ni. Lawmawmin a ngaihnawm thin mange. @Wonder, Runginu ha that leh that loh pawh han comment law law teh a.
@Irre, Thialtea thla kha hrang ta se, MJ thlahrang ang tho khan kan hlau leh duh angem?
@amanda, Runginu ni ta mai che, koh duat nan Rungte kan ti che nga
Report this comment
August 10th, 2009 at 9:29 pm
Grik-hovin Aesop an nei a; FABLES-ah chuan Mizote pawh kan lo duai vak chuang bik lo a ni e; Runginu phei chu POEM (pom) lamah pawh chang khat chauh a phuah nghal mai a—a duai lo reuh khawp mai; mahse, VUN RAI, sahdal-a tla ri pem pem … han tih vel picturesque hi figure out thiam a har khawp mai! Thialtea lah thei rah hmin hmin a lawr hmiah hmiah a ni ber a; phal takin a kawr (rind) a theh thla char char thung a … Runginu chilput nasat dan tur …mahse, a mittui a luang hnem zawk ni berin a lang e.
In lamah Rungi a lo awm a nih teh chuan, Runginu tlai lam thawnthu tur chu Rungi’n engtin lo ngai ang maw? Thialtea pawhin a sarthih phahna hial a ni ta si!
Ngaihnawm ka ti thar hle, naupan laia ka chhiar bak ka chhiar lehna chiah a ni e, Thanks —Kawnga! Phingnu leh phingpa tih vel nen khan a inzawm dawn emaw ka ti a; ka rin aiin a thawnthu a tawi ta mah a ni e ….
Report this comment
August 10th, 2009 at 9:37 pm
Kan naupan laiin Ramparva thang kan kam. thantrung aiah kap saipai bang, satha tel a rawn hawn kan hmang. Kan boss khan thang chu tlaiah entur a ti a, kan thang bula ramparva hmul a tlak teuh pawhin kan awk ve ngai re re lo. Ama thangah chiah a awk trhin.
Tunhnu hian chupa min lo bawl kual nasat dan hi aw ka ti:!:
Report this comment
October 1st, 2012 at 1:22 pm
I lehkhabu hlui deuh toh chu ka va en chak em…phal em?
Report this comment
October 1st, 2012 at 1:37 pm
haha tochh chuan va rawn hai chhuak hlui ve…
Report this comment