C.V.Lalhnuna
Mission Venglai
Rel kawng. Rel kawng. Sairang thleng rel kawng. Kan sawi tam tulh tulh a, sawi tur a tam tulh tulh a ang hle mai. Mi tam ber hi chuan a thatna tur leh kan ramin rel kawng kan mamawh dan hrim hrim pawh hre chuang lem lovin pu te duhdan anih vang ringawt a lo phur pui em em kan ni a. Tin, a lehlamah politik lama dodaltu pawl kan nih avang ringawt a lo do ve tang tang lah kan tam. Thudik leh tha ber tur pawh hriat a har hle ani.
Rel kawng avanga ram in hma a sawn nasat theihzia hi sawi sen a ni lovang. Keini Mizote tan chuan a that lohna pakhat chiah ka hria, “chimralin kan awm ang” tih hi. Hei hian a thatna leh a tangkaina zawng zawng te hi a khuh zo vekin ka hria.
“Miin khawvel hi apumin nei sela, a nun chan si sela, a tan enge sawt ang?” (Marka 8:36)
Tum khat chu, 2007 vel kha ni ta in ka hria, he thu hi titi naah kan sawi chhuak tawh a. Tunlai ang em em a sawi hlawh phei chu a la ni lo. Kei chuan rel kawng chu tha leh pawimawh tak chu ni mahse keini chuan kan la zo lo deuh a ni, kan tlem bawk si a, kan hnam hi kan la ral mai ang tih pawh a hlauhawm e, ti zawngin ka han tang ve deuh a. Kan zing ami department lian taka Director chuan, “I mawl em mai. Rel kawng hi chuan kan ram khawpui zawng zawng hi tlawh chhuak vek sela kan ram a changkang zawk daih ang chu!” tiin min lo hnial a. Ka ngawi ta mai a.
Ni e, a dik a ni. Rel kawng tha leh puitling (Broad Gauge) hi Sairang thleng chauh pawh in nei ila tun aia changkanna leh hmasawnna chu kan ngah in ka ring. Amaherawhchu, economic lamah chuan chawp leh chilhin vai hovin min chim ral nghal anga, population(mihring tam zawng) ah pawh rel kawng neih atanga kum sawmli sawmnga velah chuan min chimral ngei ang. Hei hi thangthar lo awm zel tur, kan tu leh fate tan chuan thil huphurhawm tak a tlingin ka hria. Keini tuna kum sawmthum/sawmli vel dam chhung hi chuan a thleng mai lovang. Amaherawhchu keimahni(Mizote) boralna tur kawng kan sial chu a ni ngei ang. Kan thenawm State te hi han thlir thuak thuak ila, chuta tang chuan ngaihdan tlem azawng I han siam dawn teh ang u.
Tripura : Tunah chuan Tripura khu vairam a ni chiang tawh khawp mai. A ram leilung lo luah hmasa tu Hrangkhawl, Bru, Langrawng, etc te chu hmuh tur pawh an awm tawh mang lo. Ram leilung fa (sons of the soil) nihna han chuh ve deuh pawh nise Bengali ho chuan “Tribal helho” an ti duh lek fang ani.
Kachar : British hun lai khan Assam State-a District pawimawh tak a ni. An khawpui Silchar chu Assam State-a khawpui lian ber dawttu (Guwahati dawttu) a ni. Hei hi mihring tam zawnga chhut a ni. A mi chengte hnam hming chawiin Kachar tih ani. Tunah chuan Bengali ram tih theih a ni ta. 1947 vel atang khan Bangladesh (East Pakistan) atangin Bengali an lo lut a, tunah chuan Kachari chu hmuh tur an tlem tawh khawp mai. Ral hneh ve tak an ni. Bengali ah pawh India Bengali nilovin Bangladesh Bengali an nih chu!
Haflong (Ngaihban) : Tunah chuan Ngaihban tlang dungah khuan Mizo hnahthlak chu hmuh tur tlem tlem an la awm. Amaherawhchu vai hovin an chimral hneh tawh a, vai rama awm ve ang chauhin an inngai ve tawh ani. Han in zawmkhawma han tangrual tham pawh an awm tawh lo. Hnam hrang khu mahni awm awmin an awm ve mai mai ani. Tawng lamah pawh Biate, Hmar, Vaiphei, Lusei, etc chuan anmahni tawng theuh an hmang a, an inhrethiam ve tho. Ral hneh tak an ni. Rail station pawimawh tak pakhat tunhmaa Hranga Zau (Lo-thlawhhma sawina) chu tunah chuan awmze nei miah lovin Haranga Jao ani daih tawh – Banga Bajar tih ai a Bhaga Bajar tih ang chauh a ni tawh.
Nagaland : Nagaland khu hnam hrang leh tawng hrang tamna a ni a. Mahse Naga nihna ah khuan an chiang a, an tangrual tlat. Hei hi hnam fing awmdan a ni. An kawtchhuah Dimapur-ah rel station an nei ve a, an duhtawk khawp mai. Kohima thlentir an tum kher lo. Anmahni khu chuan duh sela Phek thleng pawhin Central chuan rel kawng sial a chak khawp ang. Rambuai an nih avangin rel kawng chu a pawimawh khawp mai. Mahse an nei tlat silo. Engvang tak ni ang maw? Central pawhin ram development leh security atan a pawimawh tih an hrelo pawh a ni mahna! Rel station an neihna Dimapur han thlir ila Naga hmuh tur an tlem hle mai. Aizawl khawlaia vai zat vel hi chu an awm ve. Amaherawhchu Naga ho chu an fing a, Dimapur-ah pawh vai MLA an tling thei tlat thin lo anih kha. Dimapur kawtthler tin kha MLA Constituency hrang ah an beh tir fur mai a, vai tan chance a tlem thin hle ani. Tunah erawh vai in an tam hneh hrim a, eng tak ang zel ang maw!
Meghalaya : Meghalaya khu State naupangte, 1972-a piang ve chauh kha a ni a. Tun hma chuan keimahni ang bawka Assam district pakhat ve mai an ni. Rel station an nei lo. Guwahati khu an duhtawk hle ni tur ani.
Tun hma chuan Assam State Capital chu Shillong a ni. Assam sorkar chuan development chak zawk leh rualkhai zawka a kal theih nan Shillong thlenga relkawng siam an duh thin a, mahse Khasi hovin an phal tlat lo. Chimral an hlauh vang ani. Meghalaya tlang ram khu han thlir ila Mizoram te ai chuan rel kawng sial a awl ngawt ang. A ram khu a hausa a, thing(timber) te, Aieng theirah te khu State pawn lamah an thawnchhuak ve reng a, kawng tha chu an mamawh a ni. Tunah phei chuan lungalhthei khu an thawn chhuak nasa, Meghalaya economy ti danglam thei khawp chu a ni. Chinai ringawt pawh khu an thawnchhuak nasa a ni. Chuti chung pawhin rel kawng an duh lo. An khawpui chu sawi loh, Guwahati dai bul Burnihat thleng pawhin an kaltir phal lo. Chhan pakhat chauh, chimral an hlauh vang ani. Population ah chuan keini aiin an tam daih. Kan let sawm aiin an tam. Mizoram population nuai riat leh singriat vel kan nih laiin an ni chu nuai sawmhnih pathum an tling daih. Economic lamah pawh keini ai ngawt chuan changkang tak an ni. Mahse chimral an hlau tlat. Keini mizote chuan kan hlau ve lovin a lang. A tu zawk tak chu fing zawk ang maw!
Ka sawi hmaih tep mai. Khasi ramah khuan Uranium an hmuchhuak a. Mahse Khasi Students Union (KSU) in laih chhuah an phal tlat lo. A chhan mumal tak pawh an siam lo. Tawite in “Uranium laih chhuah hi a that lohna kan hre lova, a thatna pawh kan hre lo. A thatna kan hriat loh na na na chu laihchhuah kher a tul lo” tiin tawite fing tak siin an hnial mai a ni. State sorkar hruaituten an fuih ni maw!
Mizoram : Keini chuan Bairabi-ah Rail Station kan nei ve a. Hei hi hmun remchang tak mai pawh a ni. Tin, tunah phei chuan rel hi a lo thleng regular ta bawk a, hei ai hian chhawr tangkai thei awm tak kan ni. Bungraw rit chi, entirnan, in sakna bungrua , etc te hi kan rel station ah hian la lut ila Bairabi-ah leh Rengtekawnah te khuan Warehouse (thil dahkhawmna in) lian pui pui han sa ila Silchar kawng chanve lek ah hian Silchar rate in kan hralh in kan lei zung zung thei ang. Zoram pumah iron rod leh cement man na na na chu a tla hniam ngei ang. Chutiang bawkin bungraw dang pawh. Tin, aieng, sawhthing, etc. kan thil thar ve te pawh hi Bairabi atang hian thawnchhuak ve ta ila. Diesel senso chu a chanve deuhthaw in a tlahniam ngei ang. Mahse engtizia tehreng emawni kan rilru hian Vairengte leh Silchar a thlir tlat mai nia. Bairabi chu FCI buhfai lakluhna bakah ram pum hnuk khawih tham ah chuan kan hmang tangkai vak in a lang lo. Rela zin tur lah hian Silchar ai mahin Guwahati kan pan tlat bawk.
Kan hlauhthawn ber chimral tih lampang hi mi thenkhat chuan an hlau reng reng lo. A dik thawkhat ang. Mi thil tithei leh lo dingchang tawh deuh thenkhat hi chu an lian tual tual pawh a ni mahna. Amaherawhchu keini, a nawizelho hi chu kan ral chiang khawp ang. Tin, lian tual tual tura inngai tam tak pawh hi an tu leh fate hun tur han thlir chuan a thim ve khawp mai ang le! I ngaihtuah chiang ang u.
Independent hlim (1947) kha chuan kan ramah hian Chakma hi pariat vel lek an awm ve ni awmin ka hria. District Council kan neih atang khan an lo tam ta tial tial a, a lo rei deuh phei kha chuan kan party vote turin kan duh a, kan in tlawn siak a. Rem leh rem lo pawh thlu lovin Chakma tam deuhna chin zawng zawng chu Constituency khatah kan khung lut anih kha. Anni lah Bangladesh ah an leng si lova an tam tual tual a, U.T kan neih meuh kha chuan District hran nei tham an lo ni der mai. Tin, State kan han neih meuh phei kha chuan U.T an dil ve nghal a, an ramri rindanah phei chuan Lunglei khaw hmawr lam deuh Sazaikawn saw an huam chin ani an ti. Lunglei-a Central Jail kan tih ve saw chu Chakma ram chhunga awm a ni teuh ther ther hle awm asin! Chuti chung pawhin chimral kan la hlau lo. Kan ram thenawmte lo tawh tawh kan hmu reng chung pawhin kan la hlau der lo mai. Thil mak tak zawng ani. Tunhma deuh Bangladesh Independent hlima Chakma ral tlan tam tak mai Mizorama lo lutte kha Central Sorkar chuan Mizorama awmhmun siamsak an duh a, mahse khatih laia kan CEM zahawmtak Pu HK Bawihchhuaka khan a remti tlat lo. A lo thlir thui ngei mai. Mahse tumahin amah Pu HK Bawihchhuaka fakna atan kan hmang tlat lo. A mak a ni. Khatih laia Chakma Mizorama lo tlanchhia te kha nuai sawm tling awmin an sawi a. keimahni aia tam lo mikhual chu ram tan a tha in a ringlo a ni ngei ang. Arunachal Pradesh ah an thawn ta anih kha. Tunah chuan Arunachal Pradesh in an buaipui tak zia leh an lu ti hai tu an nih zia chu kan hre ta reng anih hi.
Mizo hi zawng kan zuamawm ngang a ni ang. Tuna Look East Policy-ah pawh hian Myanmar tlawh pawhna turin Mizoram an thlang a ni lawm ni? Heng te hi chu a ram leilung fate tana tha leh tangkai tur anih takzet chuan Nagaland emaw Manipur emaw kaltlangin kawng an sial ngei ang le! Myanmar ramri theuh theuh. A ram leilung leh pianphung (topography) ah pawh Mizoram ai chuan relkawng sial a awl zawk daih ang.
Engpawhnise, Look East Policy hi chu sumdawng rilru ni berin a lang a. Myanmar ram hausakna Mizoram kaltlangin India ah a lo lut ngei ang. India hausakna pawh Mizoram kaltlangin Myanmar ah chuan a lut ngei ang. Mahse Mizoten chanvo kan nei ve angem? Import/Export License neih te a lo ngai ngei anga, keini mizote hi License pek tlak chu kan awm ve angem? Chutianga pek ve tlak pawh ni ila keini chuan thawnchhuah tak tak tham engmah kan neih ka ring lova. Kan bungraw lakluh ve pawh han tih ralna tham mihring kan awm lovang. Vairam ah relin a phur tlang zar zar mai ang. Keini tan chuan Border Trade kan tih ang hi a tawk lek rih lo maw?
Look East Policy hi ka la hrechiang ve tak tak lova, kan ram tan a tha ang em? Kan sorkar leh NGO dang, MSU/MZP, etc hian lo zir chiang sela tha an tih angin hma lo la teh se. He policy hi tha hle pawh nise kan ramin enge tih hmasak tur kan nei em tih thlengin. Land Reform te pawh hi felfai deuh zawka siam hmasak a tul lovang maw? Khasi Student Union (KSU) tal hi chu tluk ve i tum ang u.
Note : Vanglaini-ah tun hnai lawk khan a chhuak tawh nain, misual te thlirna ti zau tu atan a fanu min request angin ka rawn post a ni e.
Similar Posts:
- Tlawng Khuah leh Rel kawng
- Bairabi leh Sairang inkarah Rel kawng.
- Sairang thlenga rel luh/luh loh
- Mizo hnahthlak kan ni lo
- Mizofed in petrol nei chhe ber
August 8th, 2009 at 3:22 am
Men rei manah comment hmasa ber teh ang! Independent hlima Chakma pariat pakua tih vel khi proof/ written document a awm thei ang em?
Rel luh leh luh loh ah ngawt kan buai a. A phena hlawkna leh hlohna, thil thawnchhuahnan leh lakluh awlsam zawk nan leh chimral kan nih mai dan tur piah lamah hian detailed deuh zawkin i sawi khawm ve thung teh ang u.
Sawrkar fin chhuahna tur thil te, kan dan leh dun siamthat ngai lai leh a thar siam ngai lai te, immigration problems, drugs/narcotics, AIDS, arms smuggling te bakah economic opportunities a han darh dan tur vel report ka ngaithla chak tawh khawp mai!
Report this comment
August 8th, 2009 at 3:39 am
Ngaihdan sawi hunlai ani bawka nitin deuh thaw he chanchin hian hmun a luah mi(sual) ah erawh kan sawi hnem va fu tawh rualin mimir tam ber chhiar erawh chu local news paper chung zingah pawh Vanglaini copy chhut hnem ber in chhuah tlaka an ngaih ngat article ani.
Sairang thleng lek te chu a – Kawlchaw thleng law law in isam ni sela nge chu aia thui Sitwe Port thlengin. Mahse Rel kawng Double Track ni ngei sela, Bairabi thlenga tlan Goods train chu pawh metre gauge ni lo Broad Gauge satliah pawh ni lo Bullet train an tih mai Europe leh Japan vela tlan ang chi High Speed Rail (HSR) track ang chi ngei nise chu pawh double track ni nghe nghe se.
Cachari leh Tripuri (Reng or Reang an tam ber Chakma in an dawt Zo hnahthlak an ni leh) ho India Independent hlima East Pakistan Muslim ho in an um chhuah a tam ber West Bengal ah a dawt Assam Brahmaputra Valley ah a bak tripura leh Cachar a an pem hum hum ang kha chu a thlen theih tawh ka ring lo. Tunah chuan India mi voters ID tihte kan nei tawh nen hmanlai ang em kha chu anih ka ring lo kei chuan.
Hlauhawm zawk chu kan rethei si anga, kan tlem si (fa lah pahnih bak kan nei duh si lo) kan thatchhe si, sawrkar zara ther hlo hna mumal thawk si lovin kan inchuh luai luai mai si avang hian kan economy chhe lutuk avang zawk hian kan HNAM hi tho leh thei lo hian kan tlu chhe zawk ang tih hi a hlauhawm zawk chu niin ka hria.
Ram a hausak miau chuan Israel te pawh an aia let tam taka tam pawhin n tihtheih der loh khu maw. Israel of The East hi i din zawk mai ang u, thliarkar rilru hi paih bo thung ila tih hi kei misual duhdan ani e. Ka lawme.
Report this comment
August 8th, 2009 at 4:01 am
@VaiVa
keini pahnih hian i solo mai ang hmiang. HSR te han tlan zut zut maise, 40ft container leh 20ft container hlir phur chung container engemaw zah chu Refrigerated a chhunga kan thei leh thlai thar India ram hmun dang leh foreign-a thawnchhuah tur phur kha tlan zut zut mai sela. Chung HSR a goods train tlan kha a trhen Sitwe port pan sela a trhen mumbai/delhi
kan huan lo neihdan system pawh semi-mechanised vekin a lo ni tawh anga, heng goods train a thawk ho leh Passenger train a thawk te hi Multiple entry ILP pass digitalised leh finger print mai baka eye ball recognition system Mz House hrang hrang an issue Mizoram chhung check na hmun tina a digital data thawn darh ngei system kha kan hmang anga. (Singapore ah an hmang der tawh)
Assam govt in Assam Entry Tax an lo lak hmaks ang khu duh leh kan introduce ve anga. Kan Enforcement ho kha Ram leh Hnam hmangaih ak tak trhalai smart si khan an enakwl tawh ang.
Import leh Export a ngei ngei ngai – Quarantine tihna te Bill of Lading lo enfel na te, Excise Duty leh Custom duty ten an tihtur fel leh rang thei ang bera an process na hmun pawh Rel chawlhna hmun pawimawh ah a awm vek ang. Chubakah Foereign tourist Mizoram an lo luh hlim leh an chhuahsan dawna lo check na hmun Immigration Check point a awm bawk ang. Tripura ah khu chuan Bangladesh Visa issue na office pawh a awm tawh. Chutiangin Myanmar foreign office pawh Aizawlah chuan a awm ngei a ngai ang.
Look East leh Multi Modal Transportatin in a kentel loh theih loh an nih avangin hengho felfai taka an hmun hmai leh office ta an hawn zung zung theih nan a puitu Coordinator fel tak pawh sawrkarin a din a ngai zawk ang.
Tichuan SEZ te 10 vel lai kan din anga, Industry lo ding chho hian emplyment a generate treuh ang NREGS ang ni lo hna ngelnghet tak tak.
Duhtawk phots ang kei misual hi ka lo ziak sei leh duah trhin a nin loh-ah aw.
Report this comment
August 8th, 2009 at 5:08 am
Ka ngaih ve dan chuan, tuna kan dinhmun thlir hian – Sawrkarin hnamdang a enkawl dan leh Mizorama Mizo mipui te rilru put hmang hi kan ti danglam a nih loh chuan ram hmasawnna hi kan hnamin a chhiatpui ngei ka ring. Chimral kan nih lohna tur chhan hrang hrang kan sawi te pawh hi chimral kan nih loh theih dan kan sawi mai mai niin ka hria a, chimral kan nih loh theih dan tur kawng kan hriat te hi kan tihhlawhtling thei ang em? Tunah pawh Motor hmanga Vairengte leh Bairabi lam atanga hnamdang lo lut zingah pawh ILP neilo engemawzat an chambang thei tlat si a.
Report this comment
August 8th, 2009 at 5:25 am
An khawpui chu sawi loh, Guwahati dai bul Burnihat thleng pawhin an kaltir phal lo. Chhan pakhat chauh, chimral an hlauh vang ani. —
Chimral hlauh vanga an khawpui hnaih pawh thlen tir phl silo, chimral ber an ni lawi bawk si, Rel kawng in a thlen tawh te chim ral vek an nih ziah lah kan hre hek lo, rel hian state tam tak a pal tlang in a tlawh, an ral vek kan hre silo!
Chimral tur hnam hi chuan rel an hmuh hma hauh in an ral tawh. Khawvel ah hian Rel hi awm miah lo mahse, an ral tho tho ang. This world is not for the weak minded ass-whole
Report this comment
August 8th, 2009 at 5:28 am
Rel hlau hlau hi chimral state zuk ni hlauh zawk a mawle!
Report this comment
August 8th, 2009 at 7:12 am
Rel rel rel….Central sorkarin a thlawna rawn siam a tum a, crore za tel man a ni ngei ang. Mizoram hian lottery kan man a ni ringawt!
Rel kawng (track) chu rawn siam phawt se, rel luh leh luh loh chu nakina ngaihtuah atan dah mai se
Report this comment
August 8th, 2009 at 7:16 am
Shillong te ang a a taka kan thlen ve hunah a nawlpui hi chu kan la harhchhuak ve mai ang chu.
Changkanna tur apiang lo oppose hi chu a dik ber lo. Burma te phei chu an ramah bet ve zok ni ila kan tih fo kha.
Ha..ha..mizo te hian hnam poh kan lo nei reng2 hleinem ral leh chuang tur poh kan awm law! Pu CV Lalhnuna poh hian TMB truck lian buhfai phur a nei nual ang a a huphurh a ni ang! -Thenawmpa
Thlaler ram ro kan nei ve lo nain Pu mzvision ka support e ‘Israel of the East.’ Mhs, khing zong2 tur khian kan power neih bok hian a zo lo. Cvng, soi toh angin tun a rel kawng tur hian nakin kum10 hnu lam a tlawngkhuahna tur hi dal lo sela. Chimral tih vel hi chu a kaw tawp a awm kan nia ram dang angin a hlauhawm pha ve vak lo…bengali lak a humhalhna dan kan pass hunah phei cuan. Hih! Hawh u rel kawng i siam ila, chimralin i awm lo ngam ang u.
Report this comment
August 8th, 2009 at 9:46 am
Meghalaya te chu an Coal ringawt pawh hi zawrh ngai lo a leitu ten an tlawn tops. Cement lah an zarah in kan sak theih phah. An ram a rem engkim a tha duh. Bangladesh lam lah Sylhlet nen kawngpui inpawh sa an ni. Guwahat chu Aizawl atanga Kolasib ang chauh. Ghy dai thleng khu an ram ani zui. Industry lian zz chu Ghy dai ah vek an dah.
Robocop ngaihtuahna ang hi reasonable ka ti. Mahse retheih lutuk ai chuan risk lak a ngai. ZerO sawi ang pawh hi a reasonable. Rel kawng hi eng category chiah nge siam an tum tih ah duhthlan tum ila, chumi rual chuan home work kan nei mipui leh sawrkarin tih hi in comment atranga kei misual rilru put tho dan a ni e.
Report this comment
August 8th, 2009 at 10:42 am
@MZ, Israel ramah khian Israel mi ai hnam dang a let tam takin an tam i tihna a mi?
Duhthusam han sawi vel par par hi chu a awlin a nuam a nih hi.e nge maw chang chuan ka mangah tui chhungah te ka thaw thei vel thrin mawle.
Sairang thleng a rel luh duh ho hi,Hnam rilru pu vaklo leh dawn chianglo ltk ah ka puh ve tlat hlawm.
Report this comment
August 8th, 2009 at 10:58 am
Pu MZvision te sawi ang rel khi chu a rawn lut dawn lo chiang lutuks…. bungraw phur tur a rawn lut tawk ang. Silchar rel ang muang tawk bak a rawn lut lovang.
Angle hran
Chimral hlauhawm tih khi thil pawimawh ngaihtuah a inven lawk hmasak tlat tur thil a ni, thlir kan mai mai chi a ni lo. Engvangin nge Indian constitution ah SC category ah kan la awm? Kan hnam tribal (materialism ah chiah kan sang) mizia hi han chhut in chimral tur chu kan ni chiang mai. In la smart in in tifing hle mah ila engmah kan la ni rih lo chu anih hi. Kan ram kalphung leh kan moral han en hian kan chhawr teh vak pawh ka ring ngut lo ve a !!!
A thatna chu kan bazar bungrua tlem in a tlawm ve deuh tawh ang. Thawmhnaw lamah erawh chuan ka hre lo, Indian product lei duh kan tlem si. Thawnchhuah tur chu kan neih theih pawh ka ring niau love
Report this comment
August 8th, 2009 at 11:02 am
Khawi hmunah pawh mizoten ram kan nei ve.mizo hlang kan awm tiin thriante hnenah ka in sawi thei ve thrin.tun a trang a kum 50 / 70 vel a vai ho nen a in chiahpiah tur chu ka ngai ngam thei mawlhlo.kei vete hian.
Thren khatin a…rel kawng siam chhung in in ven dan kan in zirtir hman an tih te hi chu “mang” ah pawh mang satliah ve mai niin ka hria.
Rel kawng hi awm lo mahse kan changkang dawn tho tho.Tunah pawh kan changkang mek.
Changkan kan duh raurau chuan kan fate/zirlai te hi ram changkangah school kai in a tam thei ang berin thawn chhuak ila. Tun a trang a kum sawmnga hnuah chuan khawvel a rel thra ber chi (MZ sawi ang) hi keimahni thawh chhuah pawn kan siam thei ngeiin ka ring.
Report this comment
August 8th, 2009 at 11:03 am
“Men rei manah comment hmasa ber teh ang! Independent hlima Chakma pariat pakua tih vel khi proof/ written document a awm thei ang em?”
Ni e, a number thleng hria chu proof a awm em? A hun laiah ziah nilo, tun hnu a “niin ka hria” tih hi chu a ho tlat.
hepa ziah hi kan chhiar teh u. A dik leh dik lo ka hre lo, mahse a research uluk hmel fu
Myth # 1: Chakmas are not sons of the soil in Mizoram
https://paritosh-chakma.blogspo.....myths.html
Report this comment
August 8th, 2009 at 12:05 pm
mz khi tawng tawng teh suh u, rel lut se a tih ngor ngor bik loh khi. Double track ni sela Bullet train leh broad guage ang chi ngat ni sela a ti a nih khi, a nih loh cuan lo lut turin a duh bik kher nang. Lo lut se ti kan tam, tuman lo lut mawl top roh se kan ti ing noh. Bairabi rel cu alo phar din theih reng reng a ni maw a, khutiang khu cu lo lut se kawngsirah vai ek a tam ngot ang!
Report this comment
August 8th, 2009 at 2:12 pm
Pu mzvision a vision khi ni thei, tak tak ni thei a ni tih ka pawm e. Vision 2012-2014 vel atan erawh a chawpchilh deuh e tih mai a ni.
Tun dinhnuna Indian railway system en phawt i la. Metros 1 a metro train la tlan tir thei tawk tawk kan la ni si a.
Sittwe Port thleng law law in han tlan dawn se la, North East a kan natural resources hai chhuah ve te hi a la bei tham deuh si a. Sea transportation ti dawn i la Kolkata, Haldia, Paradip, Vizag atangin SE Asia thleng tura kan target countries te Sittwe Port lut kher lo in awlsam takin port lian zawk leh market duhthusam ho hi NE a rawn phurh ngailo hian a thleng tho dawn si a.
Chuti a nih chuan thlai thar leh SCI lama kan lo inbuatsaih lawk angai dawn si a. Vision 2020 ah dah thei i la chuan kei ka hmin e.
Report this comment
August 8th, 2009 at 2:31 pm
Chim ral chung chang hi kum hmasa lamah tawh khan theih ang tawk a zir chiangin Article hnaisailo zet chu ka lo buatsaih ve tawh a, tin ka vei zawng tak pawh a ni awm e. Kan ram hian Bairabi thleng a rel lo lut hi hmang tangkai duh tak tak ni ila chuan tun ai tangkai zawk a hman dan hi chu a awm chiang. Kan sawrkar thar apiang hian kan ram tan a tha tur aiin thil thar tih chhuah hrim hrim hi an duh tlat zel mai hian bei a ti dawng thin. Mosolman ho Id(a Spelling ka chianglo.!!) lai leh Hindu ho puja lai a kan Aizawl khawpui chhung a mi ringawt pawh kan Lammual a an bawkkhup thup thup mai lai kha inlo hmu ve lo em ni aw?? Kan ram chunga khati zat zat VAI ngalsangho anlo awm mai kha chhut la, Census hrang hrang-te han thlir kual ve bawk la, Rel alo lut lo chung pawh hian kum 30 hnuah chuan MIZO hnam hian engnge kan tawng ang i hrethiam ve tawh mai ang. Changkanna kan mamawh ringawtlo a, changkanna TLUANTLING kan mamawh zawk. Tunge min chhang dawn? Rel lo lut tur hi kan mamawh ber a nilo tih hi ka chiang a ni. lo zir chiang ve deuh teh u.
Report this comment
August 8th, 2009 at 2:41 pm
A thatna lai leh that lohna lai a awm ang hei chu, sawi theih vek pawh a ni nang. A hun te han thleng ta tak tak se tuna sawi tam tak ang te hi a thleng kher lo maithei a, a thleng thei tho bawk.Suangtuah phak bak pawn thil a in her danglam thei tho bawk.Chutah tak chuan mipuite hian engpawh kan hmachhawn ngam a ngai.
Report this comment
August 8th, 2009 at 2:44 pm
Indian railway system hi an modrnise ve dawn mek ani. 1960s hma technology ah kan la cheng. kan train speed sang Satabdi leh Rajdhani te hi ram CK ah chuan trhing/hmanlai an tih an hluihlawn chhoh mek an ni.
Chutiang hluihlawn mek zingah pawh Bairabi a lo lut ang hi chu Indian Railways (IR) pawhin an hluihlawn a ni. An Rail a hi Auction ah an hralh a, Company thenkhatin an Facotry chhunga material transport nan te, Factory lian Kudam-a EOT Crane rail ah te Paper mill-a bulk material handling nana an hman ang IR book of account a la awm rawn dump nan an hmang anga chhawr tak tak tlak a ni lo tih chu sawi nawn a ngai lo. Hetian Anti dumping law lah kan nei bawk si lo.
Computer hlui ber chi Pentium kan tia mi kha ang chi hi rawn dump seng chung nen chuan a dang lo ania auh :!: Kan infrastructure ah duh kan thlang uluk lo hi a pawi ani, chuvangin sang veh vawh tunlai computer latest leh mobile pawh thar ber ber hre zet zut deuh ho hian helam hi kan hlamchhiah hlauin a bupui kan keu hawng ani.
Sawiho zel ang inhnial thinur lovin, mahni hriat ang te te thawh khawm zel ila. Sairang leh Delhi train-a 15hrs a thlen theih ka chak guwahat Night Bus thang chhung aia rei lo hi ram CK ah chuan an hmang reng tawh si tih hi kei misual hian kan belh tralh ange.
Report this comment
August 8th, 2009 at 2:48 pm
@Northman.. nia i sawi dik lutuk.. rel lo lut lo chung pawh hian khati zat VAI an awm tawh. eng nge a chhan ni ang le?? Rel a lo luh vang ani han ti dawn i la, a ni si lo. ILP kan nei a, chuti chung pawn kan dang thei si lo anih hi maw??
Chuvang chuan rel a lo lut emaw lut lo emaw VAI chu an pung hrim hrim dawn. Rel lo luh vang a ni chuang lo.
Bakah eng vangin nge vai hi heti taka kan hlauh tak mai le???
Kan hnam chimral kan hlau kan ti maw… nang leh kei hi hnam ah hian chiang i la tun nge min chimral ringawt ang???
Hawh u, i ngaihtuah chiang ang u. Rel lo lut emaw lut lo emaw kan hnam hi chimral theih a kan awm chuan chimral kan ni tho tho ang. chuvang chuan rel leh chimral tih hi chu i sawi i sawi tawh lovang uuuu…
Report this comment
August 8th, 2009 at 3:10 pm
Tun dinhmunah chuan Vai ho chimral hi hlaulo thei kan niin alanglo. A chhan lian ber chu Ei leh Bar ah kan into delh lo a ni. Pahnihna ah chuan, Sum deh chhuah kawngah kan in teirei peih hlei lutuk. Kan population chhutin inthlau satliahlo tak kan ni. Ka tan chuan ka sumdawnna kawngah pawh min puitu tha tak ala nih ngei pawh ka beisei, mahse, MIZO, hming tawpa ‘A’ leh ‘I’ awmte tan leh lo la awm lehzel turte tan hian a pawi lungrun dawn lutuk a ni. Tin, Rel lo lutlo pawh hian Economic Assimilation tawk mai thei dinhmunah kan ding mek a, Rel alo lut a nih chuan chu thil hlauhawm chu kan hnaih chak lehzual ngeiin a rin awm e.
Report this comment
August 8th, 2009 at 3:36 pm
Keini aia hawi zau zawk leh mi thiam zawk ten an ngaihtuahna an tarlang nual tawh bawk a. Han sawi belh ve vak tur pawh ka hre lo e a.
Ngaituahna dang deuh hlek hei hian min nei tur erawh chu. Kan thusawi tanfung atan a, engngemaw hlek a Pathianthu nen kan kaipawlh a, tan hmun rem leh rem lova siam kan tum fo thin hi chuan mit ati kham deuh thin !
“Miin khawvel hi apumin nei sela, a nun chan si sela, a tan enge sawt ang?” (Marka 8:36) – Helai Baibul chang tarlante hian engnge in zawmna neih aw ?
Report this comment
August 8th, 2009 at 4:46 pm
India Look East Policy leh Thailand Look West Policy inlaichin dan te leh India Foreign Policy, democracy lian berin a engvanga Sipai sawrkar sumdawnpui a tanpui ta chiam nge a nih.
SE Asia a China influence counter nan hrim hrim em ni? Tin, Look East Policy in a kal kan theih reng ni si, eng vanga NE/Mizoram a rawn hmer tel kher?
97 a Burma in ASEAN a rawn zawm hma zawng a Bangladesh kaltlang tir phet a tum, Bangladesh in a phal tak loh vang chauha min rawn bel a ni em? State dang ni lo va Mizoram kher a heti teh chiama hma rawn la nge, NE state pawh a inkalpawhna kawng nei chhe ber kher min rawn thlan?
Immigration hi official tak a healthy(in aia out tlema la tam zawk) a nih mek avang hian foreigner te hi a la ngaithei zel ang em?
Drug smuggling route ah hian Manipur kan thlak mai ang em? Golden triangle peng AIDS te hi kan inveng zo ang em?
Heng te hi chimrala kan awm hma a, kan tawn tur te an ni si. Chutih mek laiin he policy hian min chawikang lawih thei bawk si. Vision han nei zel teh u!
Report this comment
August 8th, 2009 at 4:48 pm
Ngaihdan te chu soi thiang a lawm le..:)
Ngaihdan pawh neilo mihring kan ni ang tih hi thil hlauhom zok chu a ni.
Kan NLUP a in nghat lo theilo mizo mipui hi engzat % nge ni ang? Mizorama awm zatve dawn lai kan nih ka ring. Chutah he plan ropui tak hi hlawhtling tur chuan kan ramchhung chauha markting kan tih a rem toh lo. Ram pawn angai, Bagha vela kan la tawp cheu anih chuan khua avar tak2 chuang lovang.
Chuvangin mainland India ah marketing kan tih theihna chance tha REL hian min hawn sak ani mai awm ve(?) transportation a mumal loh miau chuan kan NLUP hi a zuzi ang tih a hlauhawm a lawm le. Aizawl leh khawpui dang velah kan changkang, rel lut loh pawh hian kan intodelh lo tih ve ngot hi a dik chiah lo mai thei. common people level hi a la hniam em.. Inchimral na tih hi chu Rule & Regulation kengkawh tu kan nia vei tham ah ka ngai em2 hran lo.
Tin, Pu mzvision sawi, Train chak chi khi kan ngen chhuak thei khawp ang le.. Achhan i hre duh maw?
Tuna Mizoram train ron luh chhan hi Look East Policy ngawr2 a ani hleinem mawle… Achhan ber chu CHINA vang.
Siliguri lai vel khi han en kual ula, a rek ngaat khi, a hming ah ‘Chicken Neck’ anti maia, khimi lai khi China hian a reh thut chuan North-East hi India hian By air lo chuan a pawh thei der lo.
Khilai hnaih ah khian China in infrastructure a ti tha nasa rapthlak si a (google earth atangin han en kual vel ula, Military based in hmu treuh ang) khitak khi India hian a helh em em. Bangladesh hnenah an ram kaltlanga North-Easth panna kawngsial a dil, annin an phal silo. Chuta a tih theih awmchhun chu Burma Port man chawia hawh mai bakah, a siamthat hna India sum pai chauh chawiin an in dawr ni awm a ni.
Hetah hian Mizo ten kan luhlul kan chhuah phawt chuan India hian Train tha chi enge min pek loh teh lul ang le??
Arunachal Pradesh pawh China in a claim chinah chuan an Budget leh Plan sum a pung thur thur mai a lawm..
Ka ru mizo tana hmasial takin Rel lo lut tur hi i dawr ang u..
Ka lawm e.
Report this comment
August 8th, 2009 at 5:38 pm
comment 23 ka thlawp e, hei hi kan sawive teh ang- thil hi NO RISK NO GAIN a ni tawp mai, Risk hi a awm zel. Entirnan Pressure cooker lo chhuah hlim pawhin thenkhat chuan an hmang ngam mai hlei nem, LPG te pawh, tun thleng hian a risk kha a la bo chuanglo.
In chimralna hi Rel luh leh luhlo lam ani lo. Hnamdang lolut hi a huhoin entirnan YMA,VDP etc. angin kan do.mahse,mimal chuan hlawkna kan neih dawn phawt chuan kan pawiti tak tak lo.Kan rilru putdan thlak ila, nghet ila, rinawm ila chimral kan ni ngailo ang.
Hei hi ka sawi duh ILP ngei pawh hi tun dinhmunah kan tan a that rual hian kan changkanna daltu a ni ve bawk. Kan ram Mipui mimir tana pawisa lengvak tamna tur ber chu Tourism-ah ani. Sikkim state te takte hian chimral an hlau velo (an state changkanna turah chuan),khuallzin a tam thei ang ber hip an tum tawp mai, mahse,dan lamah an inhung tha,an state mi nilo tan hmunhma neih theih a ni lo.
Transportation tha hi kan tana tha ani mai. Mualkhanga Gas Bottling plant vang khuan gas kan hnianghnarna tur chhan ka hre lo, a chhan chu a crude oil phurhna kalkawng a pangai reng tho si. Rel loluh hi ka duhlo lo tih chiah ka ngailo a, mahse, RISK awmte hmachhawn tur hian lo in buatsaih erawh atha.
Report this comment
August 8th, 2009 at 5:46 pm
Rel lo luh a vang a chimral a kan awm na chhan tur chiang tak a sawi thei kan awm em :?: Bairabi ah a lo luhna kum tamtak a ni ta, Mizoram chu sawi loh, Bairabi ah hian chim ral kan ni em :?:
Thlawhna leh motor a lo lut reng tawh a chimral kan ni em :?:
Rel lo lut lo ta se vai thuhnuaiah hian kan kun reng tawh dawn lo em ni ta ang :?:
Engpawh nise Chimral a kan awm loh na tur a tan kan lak chu kan duh theuh awm e :lol:
Report this comment
August 8th, 2009 at 7:22 pm
Chimral a awm example ho Tripura, Kachar, Halflong (Ngaihban) te hi rel kawng vanga chimral an ni em le?
Report this comment
August 8th, 2009 at 7:47 pm
ONGC a thawk pakhat sawi dan chuan Oil and Gas company (Corporates) hovin Hortoki thleng anmahni pawisa seng pawhin four lane road siam an inhuam! Mizoramah hian oil and gas alo tam viau ni tur ani!!
Bairabi rail kawng chei that te khu a harloh teh reng nen! Sairang thleng rail kawng siam an rawn tih na chhan hi hlawkna tam tak te zingah crude oil Mizoram atanga export an duh vang a ang ta hle mai!
Tun hi kan ram leh hnam kan humhalh hunlai tak ani. Tun ang crucial point in the history of our state ah hian stand felfai leh decision khauh tak kan lak ngam loh chuan kan future generation ten an tuar don tihna a ni mai. Chumai bakah kan ram virgin land hi midangin kan exploit tir phal tihna ani a, kan hnam tlemte hi tihboral theih mai in kan expose tihna a ni bok.
Assam leh Tripura hel kan tih ho pawh hi an mahni ramah ngei chim ral annih tawh vang ani a, an rights leh ownership claim turin hel mai loh chu tih ngaihna neiin an inhriat tawh loh vang a ni pakhat. Tripura Gas leh Assam oil hlawkna atang hian a ram neitu te khuan hlawkna engzatnge an tel ve chiah? A tam in a rinawm loh hle ani. Media lamah hel leh terror siamtu ni ang lekin an inchhuah leh si a. A ram neitute tan chuan channa leh hmingchhiatna hlir ani! Keini ramah pawh kan chuti ve ta mai lo mo? Phur vak chi ani lo!
Report this comment
August 8th, 2009 at 8:00 pm
Kan ram a tranga export tur kan neih theih te chuan lawm viau tur kan ni dawn lawm ni le… Natural resource kan neih chhunte pawh ti hian exploit loh in kan dah trawih mai mai dawn em ni??? Tripura gas leh Assam oil hlawkna kan ti maw… an sum hmuhna hnar ber te pawh a lo ni mai thei a sin! hlawkna awm lo se an phal bik ka ring lo.. kei misual hian
Report this comment
August 8th, 2009 at 8:50 pm
“Hortoky-ah ONGC te’n oil khur lai dawn” tih thupui hi tu hrechiang deuh emawin han hawng turin ka request e. Word 200 aia tlem lovin.
Report this comment
August 8th, 2009 at 10:24 pm
Kan ram natural resources te hi chu keimahni,aram mite hlawkpui tam thei ang ber tur a compromise pui thiam mihring mizote zingah anlo pian hma chu ti hian kan tu leh fate la haichhuah ah dah ve mai ila,,a trawih chhe chuang nang,mizo nawlpui rilru hi a thatchhia in a corrupt tawh a kanram tan, thrangthar te tan a hlawk leh thra tak2 pawh hi hrelo zawk kan tam zawk a, he generation hi liam se, generation thrami lo chhuah hun a tan kanram leilung hausakna hi kheksak ila chu te chauh chu thrangthar lo awm turte kan hnutchhiahtheih thil thra a ni,tun a lo tem ve phet kan duh a vang hian next generation te future tur hi tihchhiatsak lo ila, changkan sawt tih pawh hi kan tute tan i sacrifice phawt mai ang u, relkawng lo luh avang hian a nawlpui aiin tlemte taima zual te chauh anchangkang leh awm sia.
Report this comment
August 9th, 2009 at 2:12 am
Ngaihdan thawh ve zel teh ang…Look East policy hi Burma ram ah China influence India ram in tih tlem leh control a duh vang ni deuh ber in ka hria. Burma hian India ram hel pawl te a tanpui ai chuan, India ram tan chuan Burma ram sipaite human rights voilation vel pawh hawi san in, Burma ram ah economic assistance pek a, Burma ram a Teak, Timber leh Natural Gas hi India ram khawmualpui ah thawn chhuah a duh vang a nih ka ring, mahse Natural gas chu Bangladesh in an ram ah kal tlang tir an phal bawk si lo, pipeline siliguri (Chicken neck) an tih mai a kal kual tir tur chuan a thui bak ah, senso a tam dawn avang in, India ram sorkar in Mizoram, Northeast a tuipui hnaih ber hi develop a, chhim lam ah sittwe port nen a connect hi a ngaihtuah a nih ka ring. Mizoram Oil leh gas, coal te ringawt ni lo ving, Assam atanga oil, gas leh Meghalaya coal zawng zawng te hi rel kawng a awm chuan,rel in Zoram chhim thleng a phur ang a, Lawng in sittwe thleng an phur ang a, chuta tang chuan, Kolkota, Vishakaptnam, Madras leh Mumbai te thleng in an phur chhuak thei dawn tlat. Kan khawvel in her zel ah hian Indo na te pawh hi National Security issues vang in an indo fo. India ram pawh hi petrol leh diesel awm lo chuan, a chhe rawp thei. US pawh khan Iraq a do na chhan kha, Iraqi ho kha Saddam hussein laka va chhan ringawt kha a ni lo, an national security, Oil an control theihna tur kha an lo ngaihtuah a ni.
Heng dinhmun hi hre chiang in, keini Mizoram a awm te hian, advantage ah la in, rel kawng te chu bairabi thleng broad gauge railway line nei thei i la, Bairabi atang hian theih chuan 4 lane highway chhimtuipui thleng ni thei se. Airfield Champhai leh Lunglei ah bun bawk se.
Rel chu Sairang thleng an tih chuan, a hnu lawk ah Saiha thleng law law railway line hi an chhunzawm zel a rin awm.
Rel chu Sairang thleng a luh chuan 1. Ei leh in a tlawm sawt ang. 2 Bungrua, furntiure vel a tlawm phah ang. 3. Zin kual vel a awlsam sawt ang mahse min chim ral chu a hlauhawm khawp mai. Tunah US state lian leh lar California te hi rel kawng a luh hnu ah chiah, mi an pem lut nasa, rel kawng in US a zawm kual hnu ah kha chuan, Red Indian kan tih mai te pawh kha Sap ho in an chim ral deuh vek, kan state ang chuan kan develop viau in a rinawm, mahse tun atang in Mizo te hi Mizoram ah hian eng percentage nge kan nih ang tih ngaihtuah ngun a tul khawp in ka ring?
Report this comment
August 9th, 2009 at 2:18 am
mahse tun atang in Mizo te hi Mizoram ah hian rel rawn luh hnu kum 20-30 vel ah eng percentage nge kan nih ang tih ngaihtuah ngun a tul khawp in ka ring?
Report this comment
August 9th, 2009 at 2:37 am
Comment lak lawh tawh bawk a, tlem a zawng kan comment bel lawk teh ang, Sairang thleng rel kawng hi a tha lo ka tih na ni lo in, fimkhur a tul riau, example pakhat kan en theih chu China ram in Lhasa, Tibet thleng train a tih luh kha a ni.
1.Rel luh hnu khan Tibet economy a thang hle, tourist pawh an tam phah, thil te pawh a tlawm phah mahse rel a rawn luh hian Mizo te tan hna kan neih tam phah thei ang em? State dang atang in rel a hna thawk tur an rawn luh phah teuh ang em?
2.International trading centre kan nih chuan HIV Aids lah ah kan inveng zo ang em? Golden Triangle an tih atang hian drugs a rawn tawlh luh hnem phah ang em?
3.Tunah hian Mizoram ah hian vai (state pawn mi) hi a tam ber ah 5-10% ah lo ngai i la, rel rawn luh hnu ah chuan 50% vel in an pung thei ang em? Lhasa, Tibet ah chuan Han Chinese an tih ho mai an rawn pem lut a, sum dawng na zawng zawng rawn control in 50% of population an ni tawh.
Rel chu Sairang thleng a rawn awm dan a nih pawh in, heng zawhna te hi hre tel i la, a tha ang.
Report this comment
August 9th, 2009 at 8:00 pm
chuti a nih a hnu rel chu lo lut lo turin dang treng2 tlang ila a ni a lawm. chuan ‘ready’ kan tih hunah chauh kan luh tir anga.a thau sawh dan kan thiam hunah
Report this comment
August 9th, 2009 at 8:13 pm
Bairabi khu tha takin, zo takin han enkawl phawt maise keichuan ka duh dan a ni.
Report this comment
August 9th, 2009 at 9:24 pm
Chim ral hlauh te chuan ‘Non-chimral Association’ din mai tur a lawm le! Keini Mizote tan a thil hlauhawm lo ber chu assimilation hi a ni, mahse thil hlauhawm ber chu tan rual loh hi ani. Ka rawt na.
1. Trade Union emaw a eng pawh nise, din ni se. eng hna thawk, construction workers, any daily labor etc te he union hnuaiah hian in register vek tur nise.
2. In register lo chu eng hna mah thawh awih lo nise.
3. He Union hian hlawh bi leh thawh tur a memberte ngaihtuah sak se.
4. He union hian a vaite inner line permit monitor thei se.
etc… atam mai. Hei hian work permit nei leh nei lo a thliar dawn a ni. Inner line permit mai ni lo work permit rule thar siam ni se tihna ang deuh a ni.
Tin, vaite hian an luah duh tih mai avangin in hi awlsam te in luah tir lo ila, VC in hei hi mi pakhat tan a tawk, mipahnih tan a tha tawk etc in bithiah se, pawisa tam tak inluahman atngin vai ho hnen a tang in kan la let leh thei ang. Tun ang ngawt chuan ‘one way flow’ a nia, Mizoram pawisa hi vairamah leh burma lamah hian a luangchhuak nasa mah mah ani.
Report this comment
August 9th, 2009 at 10:05 pm
Ka chapo nge? kan hnam hi ka dah sang lutuk aw…….. Rel kawng lo luh avang a hnam chimral nih kan tumto ni deuh ber hian ka hre mai pek a; Kan hnam Pathian in a hruai tawh dante,kan pi leh pu ten sa leh ral kar a anlo luah lum hram hram dante ka chhui kir a,Sairang thleng a Rel lo luh a vang a he Hnam Mizo hnam ral mai tur ang a ngai ho hi chu lolut lo mahse inral tho thovang. Insakphek ula khawvel hmasawn rual a ke pen ve tur hian in puanvente sawi chhing ta che u le.
Report this comment
August 9th, 2009 at 10:39 pm
Hnamdang in min chim ral leh chuan ngai tawh lo hian keimahni leh keimahni hi kan in tiral tan chu ani tawh ber te hian alang.
Report this comment
August 9th, 2009 at 10:53 pm
Rel kawng vanga kan buai natur awm hi ka hre lova, kan changkan na tur zawka ka ngai a, mahse hmangthiam lo an awmleh dawn tih chu a chiang, khawvel chu a kal tur angin a kal dawn ani, Ringtute erawh VANRAM pan mek kan ni tih hi ka hriat reng a tha.
Report this comment
August 9th, 2009 at 10:57 pm
Comment no 30. khi ka thlawp khop mai…
Mizoram State Health Care Society sum leh Buffacos etc… mirethei chanai eiruk duhna ramah hian engmah a dik thei tawhlo anih hi…
Report this comment
August 9th, 2009 at 11:11 pm
Kan ram hi mi Corrupt tlemte avang a chhe mai tur chuan kei chu ka dah phal ve lo ani,Kan hnam ropuive ni tur hi Tlumtea a thlir takin ka thlir a, kan ramin hmasawnna rahbi pakhat a kai thar tur hi ka rilru takin ka lawm ani;kan tu lehfate tan a chhenfakawm tur a he ram buatsaih hi tuna damlai te mawh phurh na ani.
Ramhuailiamkawn a Pathawthira leh Hrangchala ral veng thawnthu kha kan pi leh pu te hian tun hun a tan a; kan in enlet na tur a minlo hlan chawn hi aniangte kati thin.Hlau leh khur leh tlan chhe chungin eng hnam mah an ding chhuak ngai lo, Vai chimral hlau a iak iak rual pawh kan ni tawh lo.
Report this comment
August 9th, 2009 at 11:19 pm
Kei hi chuan chimral tih lam chi hi ka hlau hauh lo. Internet chat khawih thiam leh khawih pha ho kan nih hlawm avangin midang pawhin in hlauh vak ka ring chuang lo. Mahse keini ang ni lo, keini ho dinhmun thleng pha lo kan mizo pui a nuai tel fe kan la awm si….chu lai tak chu a buaithlak ka ti khawp mai.
Dan leh dun kan zah lo nasa ropui a, kan hming hawh tirin vaiho dawr kan siam sak a, ILP dik lo tak chungin kan siam sak reng bawk a, a thei theiin ram kan lei nghek nghek bawk a (Land Reforms Act te nei ngam hek lovi!), chutiang zawng zawng ka ngaihtuah chuan kei zawng rel rawn luh tir hi ka duh lo bur mai ani, tun atan chuan.
Dan zahna chang kan hriat hun hunah chimral lam hi kan buaipui tawh lovang. Khasi te leh hnam dang chimral tia in rawn tarlan te hi chu ka hmuh ve dan chuan “attitude” lam vang niin ka hre ve tlat bawk. “Hawiher” criteria ah an tla ve tlat mai ani….. mawlmang ang reng takin ka han ti ve a ni.
Report this comment
August 10th, 2009 at 3:02 am
Sairang thlenga rel a rawn luh hi a tul. Chu aia thui pawh.
A thatloh zia lo sawi vak vak hi ‘ramhlui zia’ a ni.
Report this comment
August 10th, 2009 at 4:42 am
hramtea-pa sawi ang deuh hian mahni in veng him thei hi chu tlemte zawk chauh an ni ang.a tam zawk hi chu mahni in veng zolo kan ni in ka ring.
Tam takin in ven dan tha tak tak an sawi a chu tian kha tian kan ti ang chumi khami kan siam ang an ti.a dik viau tho.Mahse…..kha dan thra tak tak kha kan pute ho hian an keng kawh thei tak tak a ngem?????
Tunah pawh dan thra tak tak an hre treuh.Chung dan te chu an ken kawh theih loh a vangin tunah pawh kan zoram hian a tuar hle reng a nih hi.mipui kan phun kan aaang kan vui.eng vak mah a sawt hlei lova.
Report this comment
August 10th, 2009 at 12:18 pm
Hlap ve leh lawks..Trangrual teh mahila, dan khauh engang mahse zawm thra bawk mahila min chimral dan tur chu maw…dan ang thlapin hnam dang an rawn lut treuh ang, Indian annih chuan dan ang thlapin vote an nei bawk ang keini ho aiin antam thuai dawn a,dan te chu anmahni remchan dan zawng2 in an pass tawp2 mai dawn a, keini hnam ral leh ral loh a ni lo,kan MLA tam zawk hi non Mizo an ni thuai ang a ILP hlih te chu awl anti dawn raps,dan khauh leh thra awmsa thriah leh pawh a harlo, Rel hi chu a Mizo tam a kan tam hunah hnachhia leh thra thawk tur pawh kan indaih hunah lo lut chauh teh se.
Report this comment
August 10th, 2009 at 5:18 pm
Sorkarin kalpui a tum tho a, “Rel kawng lut lo se” tih a hun tawh lo. Kan hman tangkai dan tur te, illegal-a vai rawn lut tur control dan te sawi ho a tha zawk lo maw.
Report this comment
August 10th, 2009 at 5:53 pm
Kei ka ngaih ve dan chuan Cargo rail hi passenger rail ai chuan a hmasa berin rail luh tir tur a nih rau rau chuan hma kan sawn pui zawk ka ring.Import leh export na a tan a hmanraw tha tak leh hmasawnna thlen thei zawk a nih ka ring.
Report this comment
August 10th, 2009 at 9:48 pm
A la tlai hma hian NUAR phawt mai ila pawl lian deuh hian huaihawt se a la tih danglam theih ang,.Bairabi hi changtlung phawt se, passenger train te pawh gauhati thleng tal direct awm phawt se, alo thra ta viau a nih chuan Saiha pel rawk pawn lut tawh ang hmiang, Bairabi chin bak chu kan la in ready lo a nih hi…
Report this comment
December 10th, 2009 at 12:20 pm
:lol:
Report this comment