Aizawl a ka lo haw lai khan mi thahnem takin tlang lawn an chak thu te kha min hrilh hlawm a, kei pawhin ka theihtawpin ka puih tur thu ka hrilh hlawm bawk a.
Tunah hian Indian Mountaineering Foundation chuan Alpine Climbing Camp 2009 atan a inbuatsaih mek a, hetah hian tlang lawn chak ve tak tak ka mizo pui te hi tel ve thei se ka duh em em mai a. keimah hioan ka lo hre tlai deuhhlek a, October thla a lawn tum a ni a.
Hemi Alpine Climbing Camp hi Indian Mountaineering Foundation bul tum tur a ni a. A dil thei chin chu Advance Mountaineering Course a A Grade hmu chin an nih a ngai a.
Method of Instruction leh Search and Rescue course zo tawh te hi dusak bik an ni thin. October thla a tan tur ni mahse dilna 60 chuang an dawng tawh a. mi 40 vel tur an ni a.
Mahsela an la inthlang fel chiah lo a ni. A dilna tur chu Director, Indian Mountaineering Foundation, Near South Campus, Moti Bagh, Delhi a ni.
Similar Posts:
- Mt.Everest tlangah Mizo tlangval
- Tine Mena
- October in Bangalore
- Dangerous climb to Madhugiri Fort
- Wall climbing in Aizawl
a tha khawp mai
August 21st, 2009 at 5:25 pm
Thil tha ani…. Hetiang lam ah hian hma i sawn sawt sawt teh ang u khai. A lawn lam hawi hrim hrim hi chu a Mizo pa tih chi ang reng phian maithei a ani.
Report this comment
August 21st, 2009 at 5:39 pm
A lawna lawn chi lam hi zawng ka ti thei map lo. Zan reh, naupang muthilh tawhah hi chuan…
Report this comment
August 21st, 2009 at 5:46 pm
” Zion tlangah lawn r’u…..” tih hla sak hi ka lawn hnaih ber a ni mai awm e… Zan lama tlang lawn hi chu a hahthlak lem lo bawk a, sim a har khawp mai:)
Report this comment
August 21st, 2009 at 6:42 pm
@india pa chu i rawn contri tha hle mai,tiang lama tui an awm em ang chu maw,kei chu ka hah zel a! a zialo tak tak ani,
Report this comment
August 21st, 2009 at 6:55 pm
Mountaineering lam hi Mizo-te tih theih zawng tak anih hmel a. Nepal a hnam pakhat, Sherpa hote pawh hi tlanglawn thei hmingthang an ni a.
Tin, hetianga mountaineering lam ni kher lo pawh hian, mahni phur ang zawng pawh hian alo tih theih vek mai a. Hmanah khan thianzahoin, Durtlang Vengthar tlang liamah khian; hmanrua pawh nei lemlovin kan lawn fo mai a.
Mahni in cho nan hrim hrim pawh hian alo tha khawp mai.
Report this comment
August 21st, 2009 at 7:07 pm
Kei chu ka tlin tawh lo ang,mahse Mizo te tih theih chi tak tur a nih ka ring,a lawn hrim hrim chu.Thu awih na leh meizuk loh a tha bawk ang,oxygen tlem na hmun a khawsa tur chuan :!:
Report this comment
August 21st, 2009 at 8:02 pm
Vawi khat Rock Climbing training ka nei ve tawh. A sexy ang reng. Chhoh dep thiam a tangkai khawp mai. Mahse tunah hi chuan lawn chu sawi loh, chho tawi te kal pawh ka hahpui hle zel ta mai. Kum a lo tam ve ta niang…
Report this comment
August 21st, 2009 at 8:36 pm
“A ruam lam pan hian hun ka hmang hnem ta zàwk,” ti deuh fur kan ni àwm e! Lunglei ka zinin Ram-Zotlângah ka lâwn, Vànhne tlâng ka thlîr.
Chhim lama ka zinin, Phàwngpui tlâng bulthut khawthlang lam motor-in kan tlàn hual, Siachangkàwn an tihah emaw ni kan chhuak hlawl. Niawhtlâng kein ka lâwn liam. Saiha-tlângpui pawh ka zawh chhuak.
Reièk Tlâng, Seventh-Day Tlâng, Durtlâng, Châltlâng, Laipuitlâng, Tuikhuahtlâng, Hàngi Lunglèn tlâng, Muthi tlâng, Sakawrhmuituai tlâng etc., ka lâwn chhuak vek tawh. Hmàr-chhak lamah Chalfilh ka thlîr ni tin … “Kalvary Tlâng thing kross chungah” tih ka sa ve fo …
Tlâng làwn dâwn tak tak chuan, kalpuiten Camera handle dàn an thiam tàwk tùr a ni. Edmund Hillary-a pawhin Everest Peak-a a thlalàk show kual vèl tùr a nei hauh lo! Thu a ti tam ta rèng a ni. Tenzing-a lah, fiamthu duh ve mi a lo ni a. Tlêma a chhapssss tawh hi chuan, “Edmund kha a pakhatna a ni lo …” tia fiamthu thawhna a nei ve zauh tlat! Zawh chianin a sawi kimchang duh tawh bawk si lo. Thlalàk-ah lah Tenzinga zàwk kha Everest Summit-ah a ding toh lùr bawk si. Tenzinga khàn SLR Camera handle a thiam ve dèr si lo, “Hillary-a kha a pahnihna em ni zàwk dâwn chu âw?” a tih theih ve tho. Thil hi sawinawi duh chuan sawi nawi theih a ni tlat a, tihchianna hi a ngai khawp.
Apollo 11-na ‘first moon landing’ pawh kum 40 a lo liam ve ta, sawinawitu pakhat khàn moon-landing a awih loh thu hmànnî lawk pawh khân a rawn hlap ve chiam kha …
Chuvàngin … finfiah chianna nèn thawkchhuak ila, 1950s hun laia a summit an lo chuan tawh kha … inelna puitling tak a la ni fan a ni. New Zealand atangin Himalaya an rawn pan vang vang a, a tlâng bulthuta mite kan teihawi mai mai tùrah ka ngai lo.
Tenzing Sherpa pawh hi Gorkha-ho hian an chawimawi tàwk lo hian ka hre thìn. Puakphur rinawm leh chhel a ni. Chawimawina tangkapui hi a blazer-a khai kim sèn loh a dawng tawh. Zofa thalaite, ‘bân vûng lian’ nih ngawt ai chuan, hetiang lama inelna namai lova chhuak tham kan awm.
Thàwkkhat laia Army Doctor Capt Samuel Lalrintluanga —Mizo tlangvâl, hmeithai fapa kha ka chhuang hlerh hlerh hle a ni. Mi awhawm a ni e. Inelna sâng, changkàng leh thianghlim-ah i tlàn lùt zèl ang u. @indiapa hian sàwmna ropui a rawn thawh hi a làwmawm hle mai.
Mizo nulaten HIMALOI hi an hmelhriatna a rei tawh lutuk, POWDER DIAK an tih fo thin kha … kha kha a tawk lo, Mizo tlangvalten Everest chhip vur i liak ang u.
Report this comment