Kan naupanlai kha chuan tangtial hi ramhnuaiah kan veh a, kan man teuh thin. Sahriak /Vawkhriak-in kan han kang a, tui kan ti thin hlap hlap khawp mai.
Mahse tuna ka tangtial sawi tur hi chu a dang riau. Kan thianpa hian fa hmasa a nei a. An Nuhrawn hi a intihno leh engemaw deuh thin avang hian a fate hian an nuhrawn hi an ngai thei vak lova. Vawikhat pawh Ar an talh a, Pa ber chuan a puah a, an Nu in a thutchilh ran mai a.
An Pa chuan Ar-thial chu an la chhuak a an puah vel a, an Nu chuan “Uiaaaaaa Pa-a kha kha engnge ni ngai a, ui a mak lutuk………” An Pa chuan zaidam takin, “Athial a nih hi” a ti mai a. Chutihlai vel chu an fanu pakhat khan a lo en ve reng a, a nuhrawn tihdan vel chu a ngei khawp mai a, mahse engmah sawi lovin a ngawi reng a.
Chuan le chaw an han ei ta a, … an Nu ber chuan Ar-thial chu a suak leh hlauh mai chutah angaite bawkin…. “Uiaaaaaa Pa-a hei hi engnge ni ngai a, ui a mak lutuk………”, chutah zet zawng an fanu thinrim tihngaihna hre lo chuan a Pa chhanna pawh a nghak zo tawh lo, bungzet hian “TANGTIAL ANIH KHA TANGTIAL, EI RAWH”……. Chawlhni Arsa tui tak tur kha Tangtial a chang ta der mai le
Similar Posts:
- Ka thiannu kha..
- Tangtial Bawk
- Thaichhawninu
- Kan pi leh pu te kha an ‘phakar’ ka ti..
- 2013 May Fiamthu
August 22nd, 2009 at 6:21 pm
Tangtial pa a ni maw :lol:
A nalh hle mai, a aiin tih len theih se aw :!:
Report this comment
August 22nd, 2009 at 6:31 pm
Kawihsapir ni chiah si lo, thingtuai hmàwr kàkah cob-web kan zam a, tangtial hàwl thlàk nân kan hmang thìn. A vehte ka zui ve —tum khat chu. Chu bàk ka ti vak lo, “Pu Vàna sarèp a rùk,” tih te kha kan sawi ve thìn. Sarèp ang ve deuh a pai thìn.
Aristotle-a khan a tisual ve khawp, arachnida class-a chhiarho hian ke pariat an nei a, Aristotle-a khàn ke paruk neiin a lo sawi a, kum tam tak chhûng tangtial hian ke paruk emaw a nei tiin khawvèl hi a lo inher muah muah a, finfiah chian a nih hnuin ke pariat neiah kan pawm ta a ni ber e. Grik philosopher pawh hi à … kan thenawm Grik pitar pawhin mautuai kan ei hi mak a ti raaaaps … hnam fing hi an lo màwl phian.
Report this comment
August 22nd, 2009 at 6:47 pm
Kan naupan laiin kan vai a, kan ei fo mai,mawm tawk in han kang ila tui ve tak a ni,tangtial hi.Ei chi loh pawh a awm a sin.
Report this comment
August 22nd, 2009 at 6:51 pm
@chawnghilh
Liankunga IAS tri tihdan i modify thiam kan ti che min kan copy che min bansan leh si, chuvangin TRANGTRIAL ka ti tho tho. Naupang laia trangtrial kan vaia kan hlawhtling lawm ve zia leh hmui tui kan tih zia te kha kan fate hi hrilh ila an awih lo emaw ani awm sia … those were the days
Inkhawm ka ngaih pawimawh ber Sakramnen, a dawtah Trawngtrai inkhawm inrinni zan hi, vang chhung news a hrait theih, chuvangin trawngtrai inkhawm hei a hun dawn mi(sual) ho trangtrial lama tui chu ka lo trawngtrai pui ang che u in duh chuan tata lili trhianpa zuia style in auh
Report this comment
August 22nd, 2009 at 6:52 pm
Kan naupan laiin maimawm lian deuh mai hi tangtial emaw ti in kan ei tawh:-)
Report this comment
August 22nd, 2009 at 6:57 pm
@spam chu in bawn hle mai aaaa,,a tuilutuk lo deuh in ka va ring e,maimawm chu..lolzz
Report this comment
August 22nd, 2009 at 6:58 pm
Tangtial chu naupan laiin ka ei ve fo mai. Meiah kan rawh thin.
Report this comment
August 22nd, 2009 at 7:17 pm
ka lo tel ve…naupanglai min va ti ngai deuh ve a.Kei ni poh naupangte kan nih laiin ka u mipate’n huanah an veh thin a..tap pur chungin an hnungah ka zui ve thin..
Report this comment
August 22nd, 2009 at 8:51 pm
Trangtrial thian za hovin kan han veh a, ama ril zam ngei hian a ke zawng zawng hi che thei lo turin kan vet kual a, hawah kan rawh a, kan ei thin. A lunglen thlak hle mai.
Khita trangtrial khi a puar danah Pu Vana sa rep ni lovin, Pu Vana saihlum a pai zawk aniang.
Report this comment
August 22nd, 2009 at 9:19 pm
Kan naupan laiin tum khat chu tangtial kan vai a, tel ah kan thlak a, kan tel thlak kha a lo la sa hman si lova an vak chhuak ta nuai nuai a, ka la hre reng mai……
Report this comment
August 22nd, 2009 at 9:53 pm
@kungawrhi maimawm tih hriat hnu chuan a tenawm duh rap…a lo khal telh ve lova…a kawi nuai
Report this comment
August 23rd, 2009 at 6:14 am
@mzvision : ‘Tr’ leh ‘T’ chungchângah chuan, Misual.com administrator-ten ‘tr’ ka hman pawh ‘t’-in an lo thlàk fel fai thlup si a; an ngaimawh chuan —hmang zui tawh lo mai ang ka ti ta deuh a ni ber e.
Tin, tuemaw khàn mi rawn liak deuh va, Mizo tawng ziak dàn pângngaia ziak tùr leh —’tr’ leh ‘t’ ka hman chungchângah mi rawn piai deuh bawk a. Amah tak pawh khàn punctuation lamah tan la thar ve se ka duhsak tho bawk.
Pu Liankùnga IAS chu misual.com-ah hian a rawn inlan ve ngam em? Kawm a nuam teh asin —style thuhmun neiho kan ni a, ni phar phar tlâng vek kan ni hlawm. Capt LZ Sailo birthday làwmnaah Khatla Bethel-aa tupate inah kan intàwkkhàwm tawh alàwm … kan nui nasa khawp.
Tângtial sa hi vawikhat chu ka ei ve ngei tawh mai, a vehnaah pawh ka kal. Thailand-ah khian tângtial family deuh, maimawm hmul thep thup khi an deep-fry ngheng ngheng mai bawk. A duhte chuan kâr hla mah se, an pan vang vang mai. An seh ri riap riap mai maw le. Tui an ti ngang a niang e.
A chunga ‘amâ rîl ngeiin a ke-tang kan hnungkhirh’ tih tak mai khi ka pawm lutuk, kan ti chiang khawp a nih tak kha le!
“Thank God, you made me like spider …” tih hi eizawnna lama ka tawngtaina hla a ni ve thìn. Maimawm pawh hian a rîl-zàm chhuahsan ngai miah lovin —eitùr a hmu thìn tlat!
Report this comment
August 23rd, 2009 at 6:28 am
@chawnghilh kei misual mahni trawng pawh ziak dik hleithei lo leh ziah thiam viau pawh tum chuang lo hian tri ka ti tho tho dawn fuh ka ti laklawh tlat maia; ka ti trangtrial tho tho dawn. Liankunga IAS chuan mi(sual) chu a tlawh ve trhin thu a sawi hman zan lawk khan chaw kan eiho. A mizia i hre dik hle mai.
Kan hnung khan ka zinna lamah min duhsakin thangnang an lo siam thlangdar rimnam deuh ani an deep fry a oily khawp mai. tui ti lem lovin tui ti awm takim ka ei, mi te chu an la hawn tir, ka chhungte’n an lo ngaisang si lova trhenawm te kan pe ta daih (ngaisang se chu kan pek ka ring lo)
Report this comment