KAN SAWMFANG DUM DUR
Writer/Composer: Rokunga
Lyric from zolyrics.com
Vawiin chuan ram tuan kan rel e, vangkhaw zauvah,
Lawm lungrual kan ngir e, chhuahtlang mual mawiin;
Kallai relin lamtluang kan zawh vangkhaw dalah,
Tin, kal zelin chawlhna hmun tlang kan thleng thin,
Tahchuan kahan thlira, alange kan sawmfang dum dur,
Kiva leng rual murva te leh thlakawi an leng e;
Hmatiang hlen tur lawm lungruala sirkan sawnna,
Leh kan bukthlam sawngka dawhrem tlaitlan nen.
Kal lai relin luipui kam kan zuk thleng a
Siktui thiang dawn zaa sakuang kan bualna
Tahchuan nilen cham ka nuam e chhuihthangvalan
Mahse kan sawmfangte chuan min lo au ve
Kawltu chawiin kal lai rel i lawm luengrual zawng zawngten
Kan sawmfang bukthlam runhmun chu kan thlen hma loh chuan
Siahthing zar lo awiin huiva hram thiam zai leh
Lentu kar lel zaiten min lo au mahse
Tin kal zelin bukthlam hmun chu kan han thleng a
Chhuntiang, zantiang dawna thinlai lunglenna
Lawm ru kan sawmfang hringdel a lo eng tan ta
A mawi zual e, rairah thinlai min hnemtu
Mahse hma te’n tukram chul hnu a lo chang leh mai tur,
Tinkim dawna tan chang lung tileng zual tur reng hian,
Ka vau maurua, thing lenbuang leh siahthing zarah,
Mimsirikut, thuvate’n zaiin lo awi. (in lo awi,
Mimsirikut, thuva te’n zaiin lo awi.)
September 2nd, 2009 at 4:52 pm
He hla hi ka sa thiam. Hnama chiang kan ni bawka
Mizoramah chuan trai buh seng a hun leh dawn ta mai anih hmel. Buhpui lah chu an ching duh ta meuh si lova.
Report this comment
September 2nd, 2009 at 5:00 pm
Pu Aryan ang a mahni hnam a chiang vek hi chu ni ila, Mizoram a cheng tur pakhatmah kan awm tawhlo ang..
No Offense
Report this comment
September 2nd, 2009 at 5:27 pm
Vau lui nuam deuh hi awm se, lo a feh chu a nuam. lo zawhni te hi a nuam ngawt mai.
Report this comment
September 2nd, 2009 at 5:57 pm
Lo hi kei ma bil chuan ka la nei hauh lo a,mahse a boruak hi chu ka tem ve tawh.Lo zawhna ah ka tel ve zeuh zeuh tawh a,a nuam thei khawp mai,sa te kan ei a,kuhva te an sem bawk a,chhass te an awm bawk a :lol:
Pix. a mawi in hmuh a nuam hlawm hle mai.
Report this comment
September 2nd, 2009 at 6:15 pm
Ka kal chakna zawng tak a ni, buh khi a that hmel bawk si, nuam ngawt ang chu..
Report this comment
September 2nd, 2009 at 8:01 pm
Aryan a tluka hnama chiang ve tan chuan a thluk nen a thiam vek chi a ni e. Pu Rokunga a va han ngaihawm thar em!
Kan rual u te khan sawmfang hi min han hrilh fiah sak teh u khawngaihin! Hre chak an awm ve teuh ang ka ring tlat.
Report this comment
September 2nd, 2009 at 8:22 pm
Kan High School kal ve lai kha min van ti ngai vawng vawng ve he Picture te reuh chu. Chhas te nen mi lo zawhna a kan kal a kan hlim zia te kha maw le. Lunglen ati zual em mai kei zawng ka thlir rei ngamlo e.
Report this comment
September 2nd, 2009 at 8:24 pm
Hnam leh nghâwngkawl-a chiang kawp ka ni. Zolyrics-ho punctuation ang ang khi chu chhiar a la nuam lo. A thu hi ka vawng tawh lo va, spelling mistake awmsa chu ka thlak ngam a … a bàk chu ka hre tawh bìk lo.
Renaissance hun Mizote’n kan neih laia phuah a ni, chhim lamah pawh Sèrkàwn leh Lunglei-a thu leh hla thiamhoten an lo phuah ve chur chur bawk. Kan Mizo Folk-tales-te kha hla thu-chham chi, mawi tak taka an tuah-khawm tan hun lai a ni ta. “Sèrkàwn Concert,” an tih mawlh mai kha, kan Zosàp-ten kan Mizo tlàngvâlte thu leh hlaa an namai lohzia an hriatchhuahna hun a rawn intan ta hial a nih kha!
https://img16.imageshack.us/img.....008601.jpg
Zopa lim kan neih hmasak ber dawttu Pu Rokunga. Pu Buangthanga te nupa marble bust hi Solomon cave-ah an lo nei tawh a.
Vawiin chuan ram tuan kan rêl e, vàngkhaw zauvah,
Lâwm lungrual kan ngîr e, chhuahtlâng mual màwiin;
Kàl lai rêlin làmtluang kan zawh vàngkhaw daiah,
Tin, kal zèlin chawlhna hmun tlâng kan thleng thìn,
‘Tahchuan ka han thlîr a, a lang e kan sàwmfâng dum dùr,
Kìvalêng rual, mùrvate leh thlakawi an lêng e;
Hmatiang hlèn tùr lâwm lungruala sîr kan sàwnna
Leh kan bùkthlâm sàwngkâ dawh-rèm tlaitlàn nèn.
Kàl lai rêlin luipui kam kan zuk thleng a,
Siktui thiang dâwn zàa sakruang kan bualna;
‘Tahchuan nilên’ chàm ka nuam e chhuihthangvâla’n.
Mahse, kan sàwmfângte chuan min lo au ve,
Kâwltu chawiin kal lai rèl ì —lâwm lungrual zawng zawngten,
Kan sàwmfâng bùkthlâm rûn hmun chu kan thlen hmâ loh chuan
Siahthing zâr lo àwiin huivà hràm thiam zai leh
Lèntu kâr lel’ zaite’n min lo au mah se.
Tin, kal zèlin bùkthlâm hmun chu kan han thleng a,
Chhùntiang, zàntiang dâwna thinlai lunglènna
Làwm r’u —kan sàwmfâng hring dèl a lo èng tan ta
A mawi zual e, rairah thinlai min hnèmtu —
Mahse, hmâte’n tùkram chul hnu a lo chang leh mai tùr,
Tìn kim dàwna fàn châng lung tilêng zual tùr rèng hian,
Ka vau mauruâ, thing-lènbuang leh siahthing zârah,
Mîmsîrìkùt, thûvàte’n zaiin lo awi. (in lo awi,
Mîmsîrìkùt, thûvàte’n zaiin lo awi.)
Ka hriat ve dàn a nih khi —a script in rawn post nèn a danglam hret ang.
Thlalàk a mawi kim hle —lung a kuai hlawm ngei mai! Tlângram lo hi Zomi zùnah a châm nghet ve hle mai, ‘thingtlâng lo’ ti’tih hi dai hnai huanah leipui angin ka nei ve tawh a. Mî nuih ka tiza khawp, ka insènso zàt khân mi thàrchhuah lei ta zàwk ila —ka hnianghnàrin ka tlai fê zàwk ang. Mahse, expi … ve hrim hrim kha a nuam a ni ta ber e. Leipui pawh ka nei nawn ta ngai lo.
‘Fângrâwng’ leh ‘sàwmfâng’ han tih hnèp maite hi a RICH ru zèk asin!
Ni khat chu, nipui khawlum hnuaiah kan lo inkhàr phui viau chu niin, nu pakhat tawngkam thiam deuh mai hi a rawn lêng lùt a, a rawn phûl lùt hlut a, “E khai! Mi-hur thlâm ang mai … in va inkhàr phui chèn chùn ve …” a rawn ti hrep zu nia! A ti àwm-ang ngawt tàin ka hria!
Report this comment
September 2nd, 2009 at 9:04 pm
“Lo zawh ni” in tih hi eng ni ber nge ni a? Pawl tlak ni nge? Buh tun ni nge? Favang nge?
Report this comment
September 2nd, 2009 at 9:15 pm
Khawngaihin he ting hi chu rawn ti tawh suh u,ka en ngam lo ka hnuk a ulh tlat mai.Ka hawi ngam lo raltiang ro mei zing riai kar saw!!!suihlung rual sirva leng an nui hiau ve partlanin,rianghlei nau vang ka tlei thei lo.
Report this comment
September 2nd, 2009 at 9:17 pm
Lo zawni pawh hre lo mizo kan awm a ni maw?a va rapthlak thin tak em!!!!
Report this comment
September 2nd, 2009 at 9:20 pm
Tunlai furkhawthiangah hian buh hmin tran leh kan zoram mawi zia hi XaiA te chawnghilh te ang hian Click chu thiam ila feh chhuah ka nuame
Report this comment
September 2nd, 2009 at 9:28 pm
@mzvision : I insit mai mai a nih kha, i kutchhuak a nalh thei lutuk … a làk hun hian zir se, a mawi a ni mai! Chance i ngah si a, i zinnaah min la hruai dâwn nia; i motor acid pawh ka liak chàk teh mai! Mahse, season thiang mawi hun lai chuh chu a ngai khawp.
Report this comment
September 2nd, 2009 at 9:42 pm
Vawiin Aizawl chheh vel han thian mawi zia chu zin chhuah pawh ngai lo a mawi anih rualin, rilru chuan tlangram lo neitute hahchawlh ve na tur hun thawl leh khawthiang hawi lam apianga hahdam thlak leh kan culture nena inhmeh leh kan thisena bet tlat tih mai tur rah chhuah tran tur han fankual chu a chakawm hle mai. Rawn thlawk haw zuai mai la, ka inpeih lutuk nghafuan ven a hun hnai leh tran bawk si, zin chhuah nawm lai a intran e
Report this comment
September 2nd, 2009 at 9:50 pm
lo zawh an hman na ber chu hlo thlawh zawh hun hi ani thin chutah pawh chuan an thlawh vawithumna hi ani tlangpui Ka sawi ngam tawh lo ka thian te lo zawhna ah ka tel ve fo nuam ka ti thin khawp mai Tin hla i rawn post pawh hi middle shool ah kan zir thin kan sa dial 2 thin a ka mit thla ah ka pi te lo an feh lai te leh vau lui nuam tak ka mitthla thin lung a van ti leng ve a
Report this comment
September 2nd, 2009 at 9:52 pm
hei ni pawh a rei leh tawh lo 7;20 pm chuah a la ri a ni atla dawn der tawh mai a lo mawi tak thlam nen han post teh un ka post ve te in rawn ti lang duh si lova
Report this comment
September 2nd, 2009 at 10:18 pm
Lung a ti leng, mahse loneih hi eizawnna zawnga hlawk lo ber a ni mai lo maw? Sazu leh Sanghal an chet vaih phei chuan chu ti hlauh chu a ni mai!!! Thingtlang pa ho pawhin loneih vak vak ai chuan Bhavan lama kal a hlawk tawh zawk an ti!!
Report this comment
September 2nd, 2009 at 11:30 pm
@Van lal tluanga, “Lo zawni” i tih phei chu ka bo deuh deuh. Tlangram lo hi ka la thawk ve ngai lo a, Phai letletlo nei thin kan ni a, thlangram lo neih an trawngkam ka hriat loh ang bawkin phai leilet lo a an trawng kam hman hi hi hre bik kherin ka ring lo.
Report this comment
September 2nd, 2009 at 11:37 pm
@hmingtea, ka lawm e, “Lo zawhni” tih min rawn hrilh fiah a. Keini lam phai leiletlo a “kan favang/favang-ni” kan tih nen a ingang deuh ber a nih chu.
Report this comment
September 3rd, 2009 at 6:02 am
“Chepahakhata” I am sorry,kei pawh phai leilet nilo
“letletlo”ka hre ngai lem lo a ni.A ni a sin hriat loh chu a awm khawp mai,thawk ngai lo tan chuan,mahse mizo thil lam chu hriat vek ka tum.
Report this comment
September 3rd, 2009 at 6:21 am
Ka pu ho ngei maia, kan leipui neih ve thin lai min ti hrechhuak mange!
Report this comment
September 3rd, 2009 at 6:38 am
@Diktea-pa : LO i rawn hûng chhuak a, ka feh hem hem mai. Ka save keuh keuh hlawm e, ka làwm e. A mawi hranpa khawp mai! Lo lu leh lo mawng ka kàrtawn zing hle mai! Thlang lawka lui khu eng lui nge?
Sàwmfâng DUM DUR tih erawh chu a pèl fel hman hret a ang, buh tûl a zum hman daih tawh a, favah a nghàk tlat tawh —a èng huai huai èm mai! Thliin han chhêm kûr duam duam mai se, a mawi dâwn teh mai!
Report this comment
September 3rd, 2009 at 7:46 am
A va lunglen thlak ve !! Tleirawl laia kan sak thin leh a taka Lawm lungrual nena ka tuan hunte kha a va ngaihawm ta ve le !! Kan bukthlam sawng-ka dawhrem tlaitlana lawmnute nena ……… lai nite kha a taka chen ve lo thangtharte tan chuan hriat thiam tak tak chi a ni leu !!!!
Report this comment
September 3rd, 2009 at 9:30 am
Lo zawhni chu mi thatchhe ho feh ve chak ni a lawm. Chawhma thlo awm tawk lek hi lo zawhni a thlawh tur an dah a, chhunchaw atan ar leh sa rep tih vel, tunlaiah chuan sanghatin leh dal an hmang tlangpui, hi an kenga, chawhma in hlo an thlova chhun chaw fak zawh ah muang changin an haw thin. A then chuan khuang te leh tawtawrawt te, darmang te an kenga an ri chelchul thin.
Lo zawh hnu chuan lo a hna tul awm chhun chu buh seng ani leh mai. Naupang chak tak kanih vangin kum 12 ka nih in buh tin 1 ka phur zo tawh.
Report this comment
September 3rd, 2009 at 10:18 am
Kum 11 ka nihin buh tîn 1½ nghâwngkawlin, lo mêl 5 vèla mi atangin, ina kan buhzêmah ka thiar thleng ve thei thìn. Vawikhat chauh ni lovin, zîngkârah leh sikul dâr 3-a bàn hnuin —hna thawh a ngaih tlat avàngin! Rethei thian kawm hman lo ka ni.
Report this comment
September 3rd, 2009 at 11:40 am
Mizo lo neih dan leh a hna hi a hahthlak vek mai a; lo vah, lo hal, buh tuh bakah nitin maia mel 4/5 vel zet a hlaa hlo thlo tura kawla ni chhuak chhiara feh ngawt pawh hi hahthlak tak a ni.
Mizote tan chuan Lo zawh ni hi an hun nuam ve a ni a, thian thate sawmin an ‘in picnic’ ve a ni ngawt mai. Chumi hnu ah chuan Buh chhek, buh phurh etc. hna rum tak tak hlirin a zui leh nghal a ni mai.
Report this comment
September 3rd, 2009 at 11:43 am
Aryan hian ka sawi tum thenkhat a rawn sawi, ani lah hi a hriat loh tur tha tha emaw tih pawh hi a hre zul zel bawk si a
Rambuai vanglai khan ka nu hovin lo kan nei ve thin. Chhungkuaa mipa puitling chin sipaiin an man deuh vek avangin nu ber hova lo nei kha an awm ve thluahin ka hria. Buh kan seng a, kan phur zawh tawk ang te te ka nu-in min han khuangtuamsak a. Kawng laka kan tluk palh pawhin a baw thei lo va, a tihzia phian. Lo neih chu a hahthlak ve khawp, mahse kan thar chhuah ang angah Pathian malsawmna kan hmu a, kan hlimin kan lawm thin.
Hetih hun lai ka ngaihtuah let hian ka hnuk a ulh deuh tlat mai…
Report this comment
September 3rd, 2009 at 12:19 pm
A vin nalh em em ve hei chu!
Report this comment
September 3rd, 2009 at 6:29 pm
pu chawnghilha chu i sawi hmang atang chuan kum 16 i tlin chuan tin3 phur chungin thingtuluang ah i va e thei tawh mai awm ve…….huhu!!!just kidding
Report this comment
September 3rd, 2009 at 6:52 pm
@Pinkpanther@2 : I âwm len lam mi rawn hrilh thei em? Tichuan, ka âwm len lam ka rawn hrilh ve mai mai ang che … chutichuan, i ngaihruat thiam mai ang. NPED Senior Three-STARS hmu phàk hi Mizo-vah zungtang panga lek hian a daih tlat! Uangpui chang suh ila …
Report this comment