Tun hnaiah Synod PPF chungchangah nasa taka inchirhthehna a awm a, print media te, electronic media te leh Internet thleng pawha vawrh darh chiam chiam a ani a. Hetiang thil hi a tuartu leh kohhran pumpui tan pawh nat theihna anih avangin sawi fimkhur a ngai hle.
Synod thuchhuah leh thawktute kan biakna atangin thil fello leh diklo awmin a lang lova, Board leh Committee thu anga invest niin a hriat a, chanchinbu hrang hranga lo lang te leh Board/Committee thuchhuak te han khaikhin in ziaktu thenkhatin an ziak chhumbung deuh niin a hmuh theih.
Sentence hnih khat han belh zeuh zeuh a fel mai thei a ni tih a lang a. Thil ziakah hian tluantling deuh a ziah a zirchian phawt thin hi a finthlak hle a ni. Tin, thu inbakkaih thei tur a nih phei chuan awn lam nei (biased) taka ziak lovin pawl hnih te thu hriatchian hmasak a tha fo.
Tun tuma Synod PPF sum invest chungchangah pawh hian mipuite tiluhai thei zawnga thuziak a awm nualin a lang a, a pawi hle a ni. A hu sual a, ‘mi’n an ti’ ‘mi’n an sawi’ tih angreng thu puarpawleng chhaiha, kherh luai luai hi bansan a hun tawh hle.
Synod thuchhuah hi lo chhiar ve la, a chiang vek mai ang. Thuchhuah No. 5-na ah hian pension sum tlahniam zel tur venna atana Board thahnemngaihna thiltih a ni tih a lang a, No. 8-na ah hian Depositor ten sum pung ei an awm loh zia lantir tura 1stClass Magistrate hmaah intiamkamna Assignment Bond an lo siam thlap tih a lang bawk. Agent te pawisa dawn hi company in an hnuaia thawk te hlawh an pek a ni, Synod sum a tello. Synod PPF sum investment-a an deposit hi kim thlapin an investnaah a lut tih I hriat duh phei chuan PPF account leh an invest-na account I enmil dawn nia. A hnuaia hi Synod thuchhuah, Kohhran tina puan tura an semchhuah chu a ngai ngaiin kan han chhuah chhawng e, mipuite’n thudik kan hriat tlan na turin.
SYNOD PENSION SUM INVESTMENT CHUNGCHANG
Synod-in a hnuaia hnathawkte Pension sum bik enkawltu atan Board a din a, chu chu Synod Pension & Provident Fund Board of Trustees (PPF Board) tih a ni. He Board hi Synod aiawha Pension sum enkawltu a ni a, engemaw chenah thu pawh neih tir a ni. He PPF Board hian a sum neihte chu a pung tam thei ang bera dah tula hriain kum sawm vel kalta atang khan a dah dan tur pawh a hnuaia tarlan ang hian a rel a.
- Kum 2000 kum khan Pension sum dah pun tula hriatna lian tak a awm a, hetiang hian Board chuan a rel a : “Kan pawisate a hlawk thei ang bera ‘invest’ a tha kan ti a, a dahna tur remchang office lamin lo zirchiang sela, Committee meeting lehah sawiho leh nise kan ti” (Board Meeting Vawi 123:Thurel No.2; dt. 6-4-2000)
- Pension Fund zawmtute hnena PPF Board-in a pek tur (8%) hi Bank interest rate aia a san avangin sum hi a pung tam thei ang bera dah a tul ta a, PPF Board chuan heti hian a rel a: “Bank interest a tlahniam zel a, Pension-a sum dahtute hnena interest kan pek a san zawk tak avangin kan Pension sumte hlawk zawka deposit-na tur ngaihtuah tulin kan hria…” tiin. (Board Meeting Vawi 124; Thurel No.6; dt. 20-5-2000)
- Mizorama ‘Unit Trust of India’ (UTI) agent an lo awm ve tak hnuah kha Post Office leh Bank bakah pawisa dahna chi thar a lo awm vet a a. UTI-a pawisa dah chu a interest a lo ziaawm deuh bawk a, hetiang hian Board chuan a rel leh a: “Pension sum mature kan neih mek engemaw zat hi UTI-a a interest hmun dang aia a that deuh avangin dah ve a tha em kan ti a. Synod sumpuite pawh kan lo dah tawh bawk a, dah ve tha kan ti a. Nimahsela dah hmain Income Tax chungchangah kan hotuten lo zawtfiah leh phawt sela, him tawk tawk anih chuan dah nghal nise” tiin. (Board Meeting Vawi 126:9 of 17-10-2000).
- A chunga sawi angina hotuten UTI chungchang an zawhfiah hnuah sum dah nan him tawka an ngaih avangin dah turin hetiang hian an rel a. “PPF Board 126:9 a thurel bawhzuiin UTI-a PPF sum invest chungchang bawhzui a ni a. Income Tax an la lova, sum invest-na turin an him tawka ngaih a ni. Capital chu a pangngaiin a awm reng ang a, a interest erawhchu thla ruk danah an pe chhuak thin ang. Tin, Capital hi thla ruk ral hnuah chuan eng hunah pawh ‘withdraw’ theih a ni. Tunah hian 13% interest-in Rs. 10,000,000 dah phawt a ni” tiin. (Board Meeting Vawi 127 Thurel No. 2(2) of 24-11-2000).
- Investment tul chhan : (a) Investment hi tih loh theih loh a nih chhan pakhat chu kum 1997 hma lamah khan thawktute hlawh kha a hniam a, an basic pay atanga 4%, 6%, 8%-te pension atan an thawh (contribute) a. Chungho chu an hlawh a lo san hnuah khan hlawh sanga pension kan pek vek a ngai leh si a, a daihlohna zawng hi PPF Board-in a tum zel a ngaih vang a ni. PPF Board hnuaiah chutiang mi chu tuna thawk lai zingah pawh mi 500 chuang an la awm.
Kum 2001 Pay Commission-in a sawi angina Dearness Allowance (DA) leh Dearness Relief (DR) hi basic pension-ah belh sak a ngai a, he hi PPF Board-in a pek sak a ngaih vang a ni bawk. 
Pension Fund zawmtute tan hian kum tin 8% pek zel a ngaih bawk avangin Bank pangngaiah chuan eng emaw changa special offer an siam tih lovah chuan fixed deposit pawh 7% vel bawk interest a awm zen zen lo bawk a. Chuvangin a tlem berah 9% interest rate emaw tala dah a nih loh chuan Board tan a him lo hle a ni. - Monitoring Cell : PPF Board chuan a aiawha sum dah leh lakchhuah lama mawh phur turin Committee a din a, chu chu ‘Monitoring Cell’ tih a ni. (PPF Board 146:4 dt. 9.3.2004). Hei hian fimkhur takin sum dah leh lakchhuah hna a thawk a ni.
- Sum dah a nih dan : A chunga sawi angina sum hi peipun (Invest) a tul si avangin Bank pangngai leh a dangah te a remchan dan angina dah a ni a. Schedule Bank-ho hi Reserve Bank of India (RBI) thuhnuaia mi an ni a; Financial Institutions (FIs)-te hi SEBI (Securities Exchange Board of Investment) hnuaia mi an ni. A hnuaia tarlan ang hian PPF sum dah rih a ni a, hei hi Board pawhin a hriatpui a, hetiangin :
1) SBI (Fixed) 42.46%
2) IDBI (Fixed) 5.12%
3) UTI 10.40%
4) LICI 4.71%
5) ICICI Prudential 26.42%
6) Bajaj Allianz 4.71%
7) Birla Sunlife Ins 6.13%
8. Insurance Company-a kan sum dahnaah chuan mimal hminga dah a ngai a, chuvangin Monitoring Cell member-te hming hman a ni. Amaherawhchu mimal hming pawh nise an ‘claim’ theih lohna turin Company Dan ‘Absolute Assignment’ an tih hmangin PPF Board chu a neitu leh a ‘claim’ tu tur a nihzia tihchian nan 1st Class Magistrate hnenah Affidavit siamin registered vek a ni. A hming tumtu hian hlawkna engmah dawn tur a nei lo.
9. Financial Institutions (UTI etc.)-ah hian sum dah dawn reng rengin agent kal tlanga tih vek a ngai a, direct-in an office puiah pawh dah ila, tuemaw agent hming thova a kal a ngai a. Heng hi company aiawhte an nih avangin company-in ama sumin lawmman (commission) a pe thin a. Company aiawh hnathawk an ni a thawktute hlawh ve a ni. Chutiang chuan sum dah reng reng hi agent hrang hrang kaltlanga dah a ni thin.
10. Pension Fund zawm tute hnenah kumtin a pung 8% pek zel a ngaih avangin hei aia pung hniam lo turin Board in tha leh him nia a hriat naah a dah zel a ngai a ni.
Similar Posts:
- Synod Chiahpuam a buarchuar
- State Bank of India versus Reserve Bank of India
- P&Sons-a pawisa dahtute’n vaibelchhe 250 lâk chhuah an phût
- Synod pawhin a chiahpuam?
- Mizoram sawrkar hnathawk Pension thar tur
(Y)
September 9th, 2009 at 4:33 pm
300 comments pelh hram tur in ti si a, ka han thar thawh leh mai mai teng:
Comment 30 (Dikduha):
“Synod sawichhe zawnga tawng tawng hi chu kohhran dang an nih loh vek pawhin kan kohhran member active tak an ni lo tlangpui. He thu lo irhchhuahna pawh kan pastor pension tawh thenkhat leh upa thenkhat vang mai mai niin a lang. Executive meeting an neih hnuhnun ber pawh khan, he thu chanchinbua vawrhdarhtu chuan engmah a lo hriat ve loh thu a sawi an tih kha. A hnung lamah an nuih tet tet e an tia lawm. He thil hi rilru fim tak, rilru kawi nei miah loa ngaihtuahtu tan chuan a fel lohna engmah a awm lo. In itsikna vang mai mai a ni” – Helai comment hi ka ngaihtuah chian poh leh Dikduha hian thudik hailan tumtu te hi a diriam ni tlat a hriatna ka nei. Kan awmna pawl emaw society emaw kohhran emaw tana thahnem kan ngaih takzet chuan kan thikthu pawh a chhe ngei ngei tur a ni.
Comment 42 (mzvision):
“Chuvangin Pastor fa an ni emaw ni lo emaw legal taka an hlawhlak itsik ang ziazanga kan sel hi chu a diklo. Pastor fa an nih vang hian dem kan chak a ang lek lek mai” – Pastor fate hi an hlawh lak danah kan thik lo nasa ropui lutuk, an aia hlawh tlem hle pawh ni ila. Chu ai zawk chuan an lak dan hi an pate patronize leh shady dealings vang anih si chuan a kalphung kha kan huat lai zawk a ni. ITSIK tih lam hi a ni lo; anni ai thlawt chuan engmah thawk chuang lova an pate sorkar hnathawk lian nih vanga inti champ ve satliah te hi ka ten zawk! Pastor fa dem leh thik ang boruak tih vel kha chu a hun a pel tawh lawm maw ni le??
Report this comment
September 9th, 2009 at 4:57 pm
300 comments pelh hram tur in ti si a, ka han thar thawh leh mai mai teng:
Comment 30 (Dikduha):
“Synod sawichhe zawnga tawng tawng hi chu kohhran dang an nih loh vek pawhin kan kohhran member active tak an ni lo tlangpui. He thu lo irhchhuahna pawh kan pastor pension tawh thenkhat leh upa thenkhat vang mai mai niin a lang. Executive meeting an neih hnuhnun ber pawh khan, he thu chanchinbua vawrhdarhtu chuan engmah a lo hriat ve loh thu a sawi an tih kha. A hnung lamah an nuih tet tet e an tia lawm. He thil hi rilru fim tak, rilru kawi nei miah loa ngaihtuahtu tan chuan a fel lohna engmah a awm lo. In itsikna vang mai mai a ni” – Helai comment hi ngaihtuah chian chuan Dikduha hian thudik hailan tumtu te hi a diriam ni tlat a hriatna ka nei. Kan awmna pawl emaw society emaw kohhran emaw tana thahnem kan ngaih takzet chuan kan thikthu pawh a chhe ngei ngei tur a ni ka ti.
Comment 42 (mzvision):
“Chuvangin Pastor fa an ni emaw ni lo emaw legal taka an hlawhlak itsik ang ziazanga kan sel hi chu a diklo. Pastor fa an nih vang hian dem kan chak a ang lek lek mai” – Pastor fate hi an hlawh lak danah kan thik lo nasa ropui lutuk, chu aia buaipui ngai a tam. Chu ai zawk chuan an lak dan hi an pate patronize leh shady dealings vang anih si chuan a kalphung kha kan huat lai zawk a ni. Pastor fa dem leh thik ang boruak tih vel kha chu a hun a pel tawh lawm maw ni le?? early 80’s chho vel khan a zual hun lai deuh chu anih kha!
Report this comment
September 9th, 2009 at 8:53 pm
Rev.Dr.Dikduh, va reh ta ve, soi tur kuit toh mi a?
tetea7, va sermon duah hluah ve, synod revival hnuaiah evan hnaruak va dil ve law2 teh a, mahse, i TA bill top si loh bill hi an lo laksak ve mai ce anga, poi fu si ang
mzvision, dik&diklo inkar zau zong hi engtiat nge o? engineer ho hian dik & dik lo inkar hi engtin ciah nge mo in teh ve thrin le, in formula hi a lo dang daih lo mo?, fiamthu nih kha o
Report this comment
September 9th, 2009 at 9:21 pm
Sam 19:14 Aw LALPA, ka lungpui leh mi tlantu, Ka kaa thu chhuakte leh ka thinlunga ngaihtuahnate hi i mit hmuhah lawmtlak takin awm rawh se. tih hi kan chhiar fuh ve hlauh chu OT lemlo-ah ngai ila.
@v_vantawl i ti lawmawm e, min chhang duh ka hmu dawn lo emaw ka ti hman peka.
@Phuahchawp Burma Dr dik leh diklo inkar hi measurable leh measurable lo a awm thei. Tangible leh intangible a awm thei bawk. Absolute truth leh relative truth a awm thei bawk te kan tikual vel mai mai chhan loh che ka hreh sia.Pathian min hmangaihna hi absolute nitse keini hmangaih let dan hi chu relative truth sira then vel ang aniang.
Tichuan kan thu khel mek hi chu Relative truth lam ah ka dah deuh. Chuvangin ka Bible chang tarlan hian mi a hneh tlat
meaning dang pawh a nei ngei ang. Ka lawme
Report this comment
September 13th, 2009 at 4:50 pm
Dikduh tak hian DIKDUH inti te kha ka han chhang ve mai mai teh ang. SYNOD investment chung chang hi chu inhnial vakna chi a ni lo.
Synod Audit Report 2009 May 11 leh 12 ah khan chiang takin engkim a in ziak vek a. An sum invest pawh hi a tam tham khawp mai, an fund 90% aia tam hret an invest a. Insurance Company a an invest kha chu tun dinhmunah chuan an la hloh deuh vek niin a lang a, tin, an insawifiahna lehkha ah khan bank pangngai a interest rate 7% aiin a tam ngai meuh lo an tih kha dawt vek a ni a. Tuna SBI a fix a an dah mek nuai 900 pawh hi 10.5% a pung ani tih chiang takin a lang vek a, engatinge kan pastor senior te hian dawt an sawi tak mai le? Tin insurance company a policy holder ho, F.Lalsangliana te, Rev. Lalhmangaiha te, Lalhunliana Ralte te pawh hi an form fill up naah chuan shopkeeper te, business, trader tih te an ni nual hlawm mai! In en ve chak viau chuan DIKDUHA kha ka la rawlruk ve maithei ani.
Hemi audit report a a lan dan chuan 2008 closing balance ai hian 2009 opening balance hi nuai 124 vel zetin a tlem tlat mai. Ngaihthatlohna tur hi a va tam tak em! He audit report ah vek hian adjustment an siam naah te hian 9 lakhs aia tam fe hi recoverable advance neitu hmuh chhuah theih an ni lo tih an nei nuk mai! Tuna sum khawih tu te hian zirtur an ngah hle niin a lang.
Synod press leh Bookroom chanchin nidangah ka la rawn ziak leh maithei.
Report this comment
September 14th, 2009 at 6:48 pm
Kan lo va synod hlawm ve o.
Report this comment