In chimralna hian ‘RINNA’ a khawih thei – By Rev. Lura
A hmasa-in, Thupuan 2:12-17 ilo chhiar hmasa ta ila…
“Nimahsela, tlemin demna che ka nei, khata Balaama zirtirna thu pawm tute emaw in awmpui avang khan; ani chuan milem biakna sa an eina tur leh an inngaihna turin Balaka chu Israela thlahteho hmaah tlukna dah a zirtir kha…………”
He Bible chang hi, Lal Isuan, Kohhran pasarih te zinga pakhat, Pargamos kohhran tana a sawi a ni tih kan hre fur awm e. Pargamos khaw hming a ni ve na chungin, a awmzia chu ‘inneihna’ tih emaw ‘inpumkhatna’ tihna a ni mai a. Kohhran leh Kristiante ni chung reng siin, Lal Isua hi engti takin nge kan lo phatsan theih le…. i han thlir teh ang.!!
Balaama chanchin hi, Numbers bung 22 – 31 inkarah khan kan hmu a. Balaama chu Jentail mi a ni a, engtiziaa Pathianin zawlneia ruat nge a nih kan hre-ril lemlo. Pathian hnam thlan Israel mipuite chuan an chhehvel a mite an hneh zel mai si a. Balaka ram an rawn hnaih tial tial mai si a, Balaka hlau chuan Balaama a pun ta a. Zawlnei i ni a, Israel mipuite hi anchhia lawh teh khai” tiin sum tamtak a phalrai ta mai a…….
(A tawi zawngin…..) Balaama chuan Balaka pawisa alo lak tawh si avangin engmah tihsak loh chu nuam a ti lova, tichuan a ruka thil tih dan tur a duang chhuak ta a ni. Moab hmeichhiate chu Israel mipuite hnaia awm turin a ruahman a. Tichuan Moab hmeichhe hmeltha tak tak te chu, Israel tlangval te chuan anlo nep zo ta lo va, anlo inneih pawlh ta a.
Anlo inneih takah chuan heng moab hmeichhiate hian an thuam chhawm te zingah, Pathianin a duhloh em em “an milemte” an rawn chhawm tel zel avangin Israel mite chu inngaihna sualah an tlu mai ni lovin, milem biakna sualah an lo tlu ta a. Pathian thinurna avangin Israel mi 24,000 thah an ni ta….Bung 31ah, khang thil zawng zawng kha Balaam ruahmanna vek a ni tih kan hmu leh a…Thupuan ah Balaama zirtirna chu Lal Isuan a dem/duhloh thu kan hmu ta zel a ni.
Pathianthu-in, “Ringlo mite nen rual lo taka nghawngkawl bat dunin awm suh u; suahsualna leh felnain engnge intawmna an neih? A nih loh leh thim leh engin engnge inpawlna an neih?….. Milemte leh Pathian biak in pawhin engnge inremna an neih? Keini zawng Pathian nung biakin kan ni si; Pathianin, ‘Anmahniah ka awm ang a, Anmahniah ka leng bawk ang; Tin, an Pathian ka ni ang a, nni pawh ka mite an ni ang,’ a tih ang khan.Chuvangin, ‘An zing ata lo chhuak ula, Ahrangin awm rawh u, Thil bawlhhlawh reng reng pawh dek suh u,’ Lalpan a ti, chutichuan, ‘Ka lawm ang che u a, In tan Pa ka ni ang a, Nangni pawh ka tan fanu fapa in ni ang,’ Lalpa Engkimtitheia chuan a ti, “Chutichuan, duh takte u, chung thutiam chu kan neih avangin, tisa leh thlarau bawlhhlawhna zawng zawngah i intifai ang u, Pathian tih dek chunga thianghlimna tifamkimin.” 2 Kor 6:14-19)
Kan hriat theuh angin, Kohhran awmzia chu koh chhuahte (Ecclessia), pawl inpumkhat satliah nilo, khawvel mi ni lo, Lapa tan liau liau a, a hrang a koh chhuah, Pathianin khawvel lak ata a ‘kohhran’, a ma ‘fa’ a a vuah, kristaa hnam thar a din, ‘vankhua leh tui nihna nei te’ an ni. Balaam zirtirna chu khawvel leh kohhran indaidanna tichhiat a ni a, a rah chhuah chu milem biakna a ni.
Kan thil hmuhmaih leh palzam chi hauh lo chu, sum um avanga – khawvel nena inthianna in a hrin chhuah chu milem biakna hi a ni. He thil pahnih a dah kawp hi thil mak tak a ni. Korinth thawn khatah khan he thil pahnih hi a sawi kawp tawh bawk a. Khawvel (Tisa) thilah pawh he thil pahnih hi Pathian huat zawng a ni a, thlarau lamah pawh hian he thil pahnih hi Pathian huat zawng tho a ni. Jakoba 4:4 ah khan he thu bawk, “khawvel thian nihna hi Pathian hmelma nihna a ni tih in hre lo vem ni?” tih thu kan hmu leh a ni. Khawvel nena inpumkhatna leh inneihna chu Pathianin a duhlo hul hual a. Sum pawh hi Pathian dona bawk a ni.
“Pathian leh sum rawng in bawl kawp thei love” (Mat 6:24). Mihring chuan a pakhat zawk zawk rawng abawl a ngai….lum si lo vawt silo…Lal Isuan a duh hek lo.. Setana Krista dotu a ni a, tisa chuan Thlarau Thianghlim a do a, khawvel leh sum chuan Pa Pathian an do a ni. Khawvel chuan Pa a do va. Johana pawh khan, “Miin khawvel a hmangaih chuan, Pathian hmangaihna chu amahah a awm lo” a ti. Sum chuan Pathian a do a, miin sum rawng a bawl phawt chuan Pathian rawng a bawl thei lo.
Hetah hian thil pawimawh tak mai kan hmuh chu; sum chu Pathian dona a ni. Milem mai ni lovin, khawvel nawmsakna leh suahsualna hrang tamtakte hi sum vanga lo awm a ni. Tunlai kristiante hian tual an that emaw, lei/dar/rangkachak a siam milem an bia emaw a ni kher lovang. Mahse sum um na lam chi, sum avanga chauh a rawngbawlte, sum hmuhna tura a ruka thil kan tih te, sum hmuhna tura kan tlante, Lal
Isua hawisan a, rinawmlohna khura kan zuan luh chuan, milem biaknen thuhmun a ni. Milem kalhmang chu sum hi a nih avangin, Pathianin sum lak atanga min tihran a tum a. Inngaih leh milem biak hi Pathian hawisan na ve ve a nih avangin a inzawm a; chutiang bawkin sum leh pai it chu khawvel nen a inzawmna a ni bawk .
Balaama hnathawh chu khawvel leh kohhran inzawmtir a ni. Min hmangaiha min chhandamtu Lal Isuan a duhlo tih hre chungpawh in, Balaama zirtirna Lal Isuan a duhlohna chhan zir chian leh hriattiam a, zawm tum kan tlem hle. Tunlai hunah Pathian faten ropui an duh a, neih tam lehzual an duh a, thianghlimna leh nun faina lam an ngaihtuah lo. Tichuan sual lama rah chhuak turin Balaama zirtirna lam an hawi a, Lalpa hming tihchhiat an phal thin.
“Amaherawhchu, hausak tumte chu thlemnaah te, thangah te, atthlak leh tikhawlo thei duhna tam takah te an tlu lut thin, chung duhnate chuan chhiatna leh boralnaah chuan mite a tipil thin.Tangka sum ngainat hi sual tinreng bul a ni si a; chu chu thenkhatten an awt a, rinna chu an kal bosan a, anmahni leh anmahni lungngaihna tam takin an inchhun tlang ta chuk a. Nimahsela, nang, Pathian mi, chung thilte chu tlansan la, felna te, Pathian ngaihsakna te, rinna te, hmangihna te, dawhtheihna te, thuhnuairawlhna te um zel rawh.
Rinna intihsiakna tha chu bei la, chatuan nunna chu vuan rawh; chu mi chang turin koh i ni a…..” tih hi tunlai Mizo Kristian te tana Bible chang pawimawh tak a ni. “Pathian chhungte chu Pathian nung Kohhranho, thutak ban leh innghahna chu an ni” (I Timothy 3:15). Kan Kristianna leh kan Chatuan Nunna neih hi thil naran a nilo.
Tunlai a ‘Mizoram chanchin’ kan lo chhiar ve thin tamtak te hian ‘min barakhaih’ thin hle mai. A bik takin sum lak a kan mit a del nasat tak zia hi sawi uar a tul hle dawn niin a lang.
Rom lehkha thawn a Paula’n a sawi, “Pathian hre siin Pathian angin an chawimawi lo va; lawmthu pawh an sawi hek lo; thil lawilo an ngaihtuah ta zawk a, an thinlung chu a lo thim ta a. Finga inngaiin mi aah an lo chang a, …………..Chuvngin an taksa zahthlak taka insiamtawn turin an thinlung chakzawng anga thil bawlhhlawh tih phalin Pathianin a hawisan a ni. Pathian thutak chu dawta chantirin, a Siamtu biak aiin, a siama chu biain a rawng an bawl ta zawk si a” a tih angin, ringlo mite nen in hian kan ‘in-zawl’ lutuk ta em ni le?
India ram chhunga awm, Indian kan nih ve miau avangin, hnam thil-ah chuan lo inpumkhat ta pawh ni-ila, thlarau lam leh sakhaw thilah hi chuan kan Pathian hi a thikthu a chhe ve a ni tih hi i theihnghilh lovang u. Parliament a ni emaw, India/khawvel ram hruaitu lu te kan dawr a nih pawhin – Lal Isua duhdan dah pawimawh ngam zel ila. Ringlo miten Zoram min rawn chiahpiah a, an sakhaw thil te thlenga an rawn zalen pui dawn a nih ai chuan, sum tamtak te pawh chhandamtu hmingin i hnawl thak thak ngam thin ang u.
Tunah pawh kan Zoram chhungah ngeiah pawh ‘Hindu sakhua’ buaipuitu te anlo awm tan hial ta mai. Thlarau chhandamna leh chatuan Nunna (Van ram kawng), ala hre velo hnam-te kawh hmuh tura ‘Mizo missionary pasaltha ten’ mahni inlum chhuahsan a, an ram mut mek lai a, Pa hnen thlenna tura ‘Kawng leh Thutak leh Nunna’ pawh ni hleilo kanlo buaipui tan ta hi ….a pawi hle.
Tunlai kan Zoram nunphung hi ngun takin han thlir ta ila, (a tha lam sawi tur tamtak awm ve tho mahse) Sum hmuhna tur a awm chuan kan bawh hum hum a, natna hrileng engemaw deuh alo awm chuan kan chi-ai leh mur mur bawk a. “LALPA i Pathian aw hi ngun taka i ngaihthlak a, a mithmuha tha a tih zawngte i tih a, a thupekte i ngaihsan a, a thuruat zawng zawngte i pawm chuan, Aigupta mite chunga hri ka lentir tak angte kha i chungah reng reng ka lentir ve lo vang: LALPA a tidamtu che ka nih hi,” (Ex:16:26) a tih kha. Khawvel a ni a, thli engpawh alo tleh ang….engkim laka chhandam kan ni tur a ni.
Sum kan um luat avangin, chhungkaw tamtakah Setanan thut hmun a rem mek. Kan fate-ah setana’n lalna a chang a, ruih hlo avangin inchhungkhura thlamuanna a bo zo mai nilo in, setana biate kan lo awm ta hial mai, a va rapthlak tak em! Ram a changkang tial tial a, Kristiante nihphung tur ni miahlo ‘neih in ang inkawp’ te kan sawi ri tan ta mai bawk a. Internet kan hman dan te, SMS kan hman dan tamtakte pawh hi a rapthlak ta tak zet mai. Eirukna in sum leh pai a siam a, Sum leh pai in changkanna ah min hlangkai a, changkanna in Pathian min tluksan tir leh si.
Kan fa duhlaite drug addict lo ni-in – satan-an, inti thu nei takin, khawvel atang-in min hnuh chhuah sak mek bawk a….a la hnuk chhuak zel dawn. “Keiin khawvel ka ngam ta” ti tu Lal Isua’n, “ Ka hnenah lokal ula keiman ka chawlh tir ang che u” a tih kha, sualsim a ama lam hawite chu Pathianin a fa duhtakah minla vuah leh thei a ni. Bible a fapa tlanbo-ah khan a chiang hle.
Mizote hi, hi Lu la hnam kan nihlai pawha Pathian zawn chhuah hnam kan ni a. Tirhkoh Paula’n, “..Tuna Pathian in lo hriat hnu hi zawngin”ni lo, Pathian mi hriat in lo nih hnu hian tih tur a ni zawk e…(Ga. 4:9) alo tih ang-in, Zo-fa te hian Pathian kan hria ni mai lovin, Pathian mi hriat kan lo ni ve ta hi a ropui hle. Chu mai piah lamah “Pathian fa” a vuah kan lo ni ta hi, Pathian hmangaihna thuk zia lo lan chhuahna a ni a. Sum tamtakin a lei phak loh ‘Pathian fa’ kan nihna hlut zia hi ringtu tamtak te hian kan hre thiam pha meuhlo niin a lang.
Pathian nena kan inzawmna hi Indian rupees, American Dollar, ‘Euro’ emaw ‘British Pound’ etc. eng ang a tam pawha tih chingpen chi a nilo. Khawvela cham kumhlun tur tumah kan awm silo. “Khawvelah hian engmah kan luhpui si lo va, engmah kan chhuahpui thei bawk hek lo.” (I Ti.6:7)
“In chimral” kan tih fo pawh hi ngaihtuah ngun a tha. Hnamdangin min rawn chim a nih ngat chuan, Bengali hovin Cachari te, Tripuri etc. an chimral ang satliah ngawt kan ni ve lovang. Hnam in chim-na mai piah lamah, Lal Isua thisen hlu takin a lei, Mizo kristian te ‘thurin’(rinna)leh thisena min leitu Lal Isua nena kan ‘relation” a khawih tel lovang tih a sawi theih loh. Kristian state kan in tih ngamloh hun ala thleng thuai mai thei. Quality lam chu thu hran nise, tunah pawh tu tu te emaw avangin, kan Kristian parcentage in 100 % a kawk pha tawhlo hle a nih hi. Chuvangin kan in-chimral a, kristianna leh rinna a khawih tel a nih chuan Pathian pawisawina a ni… a hlauhawm khawp ang.
Lal Isua lo lan a hnai tial tial a, khawvel intlansiakna a nasa tial tial a, hmasawn ve lo ram nih a hre-awm rual rualin, hmasawn duh luat avangin zuan loh tur lam kan zuan palh a hlauhawm hle….thil reng reng hi ‘rinawmna leh taimakna’ in a hlawh chhuah chin chu a zahawm in a tlo, Pathian pawhin mal a sawm thin. “.. a thupekte kan zawm a, a mithmuha thil lawmawm kan tih thin avangin, kan dil apiang a hnen ata kan hmu zel thin a ni.” Tirhkoh Johanan a tih kha.
Tunah chuan thenawm pa neih ang neih ve kan duh avangin….mi tamtakin sum kan um ruih ruih a, kan Kristianna pawh a dal tial tial tih kan hmu thei ang. Mahni dawhkan atang a eiruk chu thil nep tak alo ni ta. Pahian thu thiam taka sawi pap pap thin te, Camping na-ah pawh speaker atan a it awm khawpte pawhin, miin an hriat chhuah dawn loh phawt chuan, sum tamtak tak kan chhep-relh hmak duh ta zel mai le, chiahpuam kan ti…in bum pawh pawi kan ti miah ta lo. Central lam lahin sum tamtakin Mizoram min vur dawn mek bawk a. Zoram lahin mamawh leh hmasawnna tur kan ngah bawk si. Centralin Zoram tan sum engzat pawh rawn pe rawh se……….a rawn pekna chhan dik taka sum a kal theihnan, kan kut i silfai sauh sauh ila, eiru tute hi Zoram hmasawnna daltu, Pathian leh ram hmelma an ni tih i hre reng ang u. Pathian kan hlau lo a nih pawhin…Lal Isua, nang leh keimah avang a sawisakna tinreng a tuar hnu-a, kan tana Kraws lera khenbeh hmel kha rilru mitthla-in i thlir nawn thin ang u. Lal Isuan a hmangaih che a sin.
UT kan nih atanga vawiin thlengin Zoram hian thil hlu leh chhenfakawm kan neih hi a hun tawh hle, mahse, eirukna avangin thil sawitham kan la nei tlem hle. Tunah pawh, Sairanga rel (train) luh chung -chang te, Sports Complex, Hydel Project liantham pawh kan han sawiho ve leh ta lauh lauh mai le. Tun atang hian ram hruaitute tan fimkhur taka thil ruahman a hun hle. Ram changkangah pawh Stadium chim leh mi chuti zat an thi tih te hriat tur a awm leh zauh thin. Ram tan a mualpho thlak khawp mai. A hawn hnu reilo te-ah, ‘a chhia’ tih thawm a awm tawh lohnan, Mualpui Sports Complex te, rel kawng te pawh hi hman tlak leh tlo tura kan duan thiam a hun ta.
Tuikuk pa leh American pa van ram suah tuah dan a in anglo thei ang bawkin, Rel han tih hian, mi tamtak mitthlaah chuan, Silchar rel station a han lang phawt a, chutah vai hang chhe pui pui leh ‘Coolie’an han bawr khat luai turah kan ngai leh ang a….kan tim ur ur a ni ngei ang. Chutih lain, Pu Hawla chuan “Japanese Bullet train” ang chi, a chhung pawh thianghlim leh ‘air-conditioned’ thlap a suangtuah daih mai thei bawk – kan hrelo le.
Pu Hawla vision tawmpui phalo – material suppliers te, material lo receive tu JE/Overseer te, countersigntu SDO leh, bill checktu Bill Asst/Accountant leh Pass-tu Executive Engineer/SE te thleng pawhin anlo awm mial mai thei, ram leh hnam tan a rohlu – hun rei tak daih tur ngaihtuah pha tura instruction/counselling neihpui hial pawh a tha mai thei, sak leh zen zen a har tawh dawn si a. Tunlai Kristian in ti tamtak te hian – eiruk hi – sual, ram leh hnam tan a thil pawi a nih kan hre phal meuh tawh si lo. ‘Chance’ a awm chuan, eiruk huam huam duh vek kan ni emaw tih mai tur a ni tawh si a. Sorkar hnathawk te Ram leh Hnam tan a thudik tan a ding tlat ngam tura infuih sauh sauh a tha.
In ngaihtuah harhna hun tha kan la nei, Mizovin thufing “Sebo hnu-a, Se kawngkhar” tih kan neih kha maw le. A tlai tawh hnu chuan in ven lawk hian awmzia a nei tawh lo….tihna a ni. Satanan Mizoram hi, kan sihhnipna lai tak ‘sum tamtakin’ a rawn run mek zel a, kan harh chhuah a, kan fimkhur a hun tak zet ta mai. Sum hi a lak luh dan dik leh hmanna tur diktaka hman hi a pawina awmlo. Mahse, lakluh dan thianghlim lo te hian sual a ti zalen a, hmanna diklo leh thalo – nawmsaknate, ruih theih thilte, hurna te, mit chakna te hian boralna leh lungngaihna ah min hnuk luk thin. Pathian nena kan inzawmna ti chhe thei lakah reng reng i fimkhur ang u.
Tirhkoh Johana’n, “Khawvela thil awm zawng zawng, tisa chakna te, mit chakna te, dam chhung ropuina lemte hi Paa chhuak a ni lo va, khawvela chhuak a ni zawk si a.Khawvel hi a chaknate chawpin a boral mek a ni, Pathian duhzawng titu erawh chu kumkhuain a awm reng ang.Naute u, hun hnuhnung ber chu a ni ta e, Krista dodaltu a lo kal ang tih in hriat ang khan, tunah pawh Krista dodaltu tam tak an lo chhuak ta; chuvang chuan hun hnuhnung ber a ni ta tih kan hria e”.
(I Jn. 2:16-18)
Amen.
a tha khawp mai
September 6th, 2009 at 2:42 am
Chimral te chuan kan rinna chu a ti danglam ngei ang, mahse chimral kan nihdawn loh a vangin buai lo phawt mai ang…..
Report this comment
September 6th, 2009 at 4:45 am
Thui teh duah ve maw le!Thusawi leh ziah tam tak ah hian Mizoram leh israel hi an sawipawlh fo mai a,tin, Kan Bible a thu thenkhat leh mizoram tehkhin chin a ni fo mai bawk hi a mak ngawt mai. Thil pawi phei chu ani hauh lo a, mahse thil inzawmna awm reng reng lo leh inkungkaihna awm reng reng lo a ka ngaih ve a ni. Mizoram thatna tur lam kan ziah duh chuan ziak pawp mai ila, Pathian thu nen kher a chawhpawlh a tulna chhan awm reng reng ka hrethiam hauh lo.
Report this comment
September 6th, 2009 at 6:33 am
Ziak tha hle mai. A ngaihnawm in zir tur min hrilh hnem hle mai.
@lrpa -Keichu ka ngaihdan chuan Pathian thu hi mitin tan ani a, mizoram ani emaw, bangladesh ani emaw, kan tan vek ani a, kan in teh na tur ber Pathian thu ani bawk si a, sawi pawlh loh theih niin ka hre lo. Pathian thu tanga kan teh loh chuan kan in teh dik ngai lovang.
Report this comment
September 6th, 2009 at 7:04 am
Rev Lùra hian Ph D bei ni ve ta se (nei tawh daih pawh a ni mah nà) hei hi a dissertation (thesis)-ah ngai ta ila, a sei vak pawhin a lang kher lo vang. Min fuih duhna thilte chu a duhthawh kimchang thiam hle.
Analogy remchâng tak tak, kan ram mipuite dârthlalang tùr Numbers leh Thu Puan Bu-a langsàr zualte a rawn chhawp chhuak thiam hlein ka hria.
Vai-ho Lehkhabu Thianghlim, tùnlaia an lehlin thar leh a kaihhnawih a rawn vei hle tih a thuziak atang khian a hriat khawp mai! Tangka sum ngainat hi sual tinrêng bul a nihzia a rawn chhawpchhuak nawnin, Setana’n Zofate sihhnipna lai ber a hriat chian TANGKA ngei mai chu, thlèmna thlipui a tleh nat lehzual sauh theih nân India Central Sorkâr-in rawn vùr uar a tum lai a lo ni ve bawk nèn —politician, Sorkâr-chhiahhlawh Milian leh mipui-mimir invêng fimkhur tùr leh RINNA (chhandamna Ropui) tlùkchhiatsan lo tùra min chahna hi a let 77-a seia ziah a phu hlein ka hria! Ph D i hlàn hial teh ang u, misual.com hian!
Report this comment
September 6th, 2009 at 11:19 am
Pu Hawla vision tawmpui phalo – material suppliers te, material lo receive tu JE/Overseer te, countersigntu SDO leh, bill checktu Bill Asst/Accountant leh Pass-tu Executive Engineer/SE te thleng pawhin anlo awm mial mai thei han ziak tel kher hian a thutum nen a inhmehna pawh ka hre love
Khawvel zz a Chanchinthra thlentir kan tum hi ringlo te chimral kan tumna ani chu chu nge a sawi tuma ringlotuten kan ram hi an chimral ang Xtian pawh nakinah chuan kan ramah hian an awm tawh lovang a tihna Engpawhnise chimral hi hlau lo ram an awmlo USA German Japan Australia, India chuvang chuan immigration pawh an sitrik hle anih hi le.
Kan ram hi Pathian nung ringtu leh betu kan ni, min chimral mai loh nan – Engkim thiam tum ila zir tum ila, chu chu kan defence thra ber ani ang. Midang thiaman kan rin chuan midang kan mamawh lutuk lamah chimral chu thil awmthei tho ani. Mahse kan ral thrak thlengin kan Xtian ang tih hi kei misual rin dan ani e
Report this comment
September 6th, 2009 at 11:57 am
Theih nise post tawpah khian tereuh tein Rail kawng chu i duh lo ang u, tih a inhmeh hmel…NOI..
Report this comment
September 6th, 2009 at 12:20 pm
Engnge in chimral kan tih tak ber ? Mizo te hi kan ram ngeiah hian identity nei mumal lo leh nek chep a awm in hnam dang in an duh dan dan a min bawlzan vel leh kan duh loh dan a hruai bo a kan awm hi a ni dawn lawm ni?
Kristian kan nih hma a kan nun dan tam tak chu Kristianna hian a thra zawng in a rawn chim ral kan ti thei ang em ?
A thu puiah hian Isua Krista rin loh na hian In chimralna a khawih thei,tih lam pang ni se a fuh zawk ang em aw :?: te ka ti mai mai a..
Report this comment
September 6th, 2009 at 12:34 pm
Tun a hausa leh neinung sa te tan chuan chimral hi hlauhawm loh,mahse anfate, tute, tuchhuante kha anmahni anga changkang leh hausa kha anrawn nive kher angem?chutih hunah phei chuan tun aiin engkimah competition a sang ang,survival chance a chhe bawk ang,hnamdang min chimtu antam phei chuan kan thluak hian a compete pha meuh hlawm silova.Pu te ro min hnutchhiah te kha hnamdang hnenah kan hralh angai anga,kan eizawhah anhnuaiah kan inhlawh anga,anmahni ho tlawn nan riltram a thih aiah an sakhua te pawh kan la trawm mai lawng maw??..chutih hunah chuan hnamdang nupui pasal nei thei chu kan ngaisang ngawt ang..kan lo dal tial tial mai ang.
Report this comment
September 6th, 2009 at 3:25 pm
Ka ti leh tralh teh ang, kristian kan nih avang mai hian Bible thu tlem a zawng nen Mizoram hi hmelhbel tum zel a fuh lo. Thuthlunghlui phei chu Juda ho chanchin liau liau a ni. Tehkhin theih chu atam ang, mahse Juda ho in hnam dang an neih leh keini mizo ten hnam dang kan neih chu teh khin chi a ni dawn em ni. An ni chu Pathian HNAM THLAN an ni, keini chu Pathian ZAWN CHHUAH (ti mai ang aw!) ram kan ni. Kan dang khawp. Engpawh nise, kum za chuang kan kristian tawh, hei hian min siam tha miah lo. Ram siamtha tur hian Pathian thu kher angai lo, hei hi chu a mi chengte a in nghat a ni. Rinawmna a tawk ram siam that nan. Pathian thu quote kher lo hian ram thatna hi a ziah theih khawp mai, Pathian thu chu Pathian thu ni se, mihring thu chu a dangin kal se ka ti mai a nia.
@Chawngchilh: ngaidam ngaidam!!Phd lam thu chu a tawk e!
Report this comment
September 6th, 2009 at 4:02 pm
Chimral na na na te chuan engah nge kan rinna chu a bo loh teh lul ang. Thlai leh Buh te pawh hnimin a chim ral na na na chuan a rah seng tur a awm ngai hlei nem.
Tidaih teh ang vawiin chu ka thianpa nen kan inkhawmna thinah (kan khua a English Cogregation-ang kha)kan pastor hnenah “hei kan hawng tawh dawn a tun hi he Biak In a kan inkhawm hnuhnun ber tum a nih rih tawh mai hmel e” kan ti a. Kan Pasto hian Mizo/India kan nih a lo hai tawh pek a, kan inkhawm tirhin introduction kan nei tawh a. Inkhawmnaah chuan Postor chuan hei ” kan unau Malaysian pahnihte hi an zirlai an zo a, Malaysia -ah an hawng tawh dawn a, kan ngai dawn khawp mai, an mahni hriat reng nan thilpek hote kohhran aiawhin kan hlan ange,” an ti mauh mai a. A zialo thin ang reng. Mahse thilpek dawn pahin Indian kan nih zia leh Mizo, Mizoram atanga lo kal kan nih thu kan hrilh a, a nuih a za nasa mai, a thupuan an puang tha leh chu inkhawm ho kan nui dar dar mai maw le.
Report this comment
September 6th, 2009 at 4:47 pm
A thu ka chhiar chhuak rih lo, zaninah ka chhiar ang. Ka rilrua thu lo lang nghal erawh hei hi a ni -
Lei leh van a ral ang a, ka thu erawh chu a ral lo vang.
Matthaia 24:35
Report this comment
September 6th, 2009 at 4:53 pm
Tunlai hunah inchimral dan chihnih chiah a awm:
pakhatna chu taksa tam hneh/taimaka hneh lak a ni.pahnihna chu thiamthil a chungnun zawk miau vangin.
Zoramah hian thiamthilah kan unau lehkha thiamte hi an duai lem lo.Hnam dang sap/vai an awze awphawi duh vang a kan chahchhuah zirtirtu tlem tih loh chu a hnasang leh officer/rorel pha chinah an tlem telh telh bawk.Sumdawng ho ah pawh(hmeichhe fel ho zarah)fak an phu thlawt!hnam dang sumdawnna a lian leh teah an khum/la let vek tawh.
Kei ni ho kut hnathawk ho chanpualah zawk hian tih peih loh kan ngah lutuk a,chimral ni a thleng a nih pawh in kei mah taima lo pa,kut pahnih dah awl a ka pakhat hmang rim viautu vang a ni ang!!
Khawvel changkanna in a hrut hmasak sap ho te chu kum 20 ah mipui tling an la ni reng a,Vai ho pawh a hunah an puitling zel bawk.Enga ti nge MIzo ten puitling a kan ngaih hi kum sawm thum ah kher a insawn tak dawrh bik le??
Kan thupui chungchangah chuan thir a siam milem (Metal image) ai chuan Rilru (mental image) lamah milembiak a awl ta a nih hi.
Hmanlai chuan sual hmanrua hian a ruk a ralin lehkhabu thalo leh film bawlhhlawh ah te a ti tet tet thin a,tunah erawh zawng kan inchhung leh pindan chhungril berah a lang leh lang lovin a rawn in thlunglut rup tawh mai a nih hi.
Kan nuna Lalber in chuh na a ni-thlang fimkhur ang u!
Report this comment
September 6th, 2009 at 5:34 pm
A dik chiah, min chimral tu te azirin ka rinna hi a danglam khop ang
Report this comment
September 6th, 2009 at 5:43 pm
inchimralna avanga rinna ah kn buai dn anh cuan ringlo mi te zinga missionary a chhuah chu kn va hnaih awm lo ve ..kn rinna a chak leh mn rn chimral tur te chu kristianah kn chhuah vek my dn lom ni . rongbawlna tha tak ni my alom …. te ka tia
Report this comment
September 6th, 2009 at 5:51 pm
Mizoram a Mizo tlemte hi chimral ni dawn ta ila (kan nih thuai pawh a hlauhawm) min chimral tu tur ni a lang chu, Cachar Bengali ang chi, Vaichhe-ngalsin ho leh Chakma ho ang te hi an nih duh hmel.
A nih theih dan tur kan ngaihtuah ve neuh2 hian, a chhan tur bera ka ngaih chu. Mizoram, a bik takin khawpui mihring te hi kan chapo lutuk vang hi a ni ngei ang. Eiruk na hian min ti chhe zel bawk a, sum atchilhna/duh luatna pawh kan ti thei ang chu.
Sawrkar hna thawh loh chuan hna thawk ah pawh inngai manglo hi tam zawk anni ngei ang. Hna hniam ni a kan hriat thawk te kan en hnuai ringawt, an mihring zia leh an hna tangkai dan ngaihtuah sak hauh lovin. Labor kan tih mai ang chi, kawng laih emaw, mi ban-khur cho emaw, hmunphiat nih ang te etc nih hi kan zak tlat, kan hmusit/hnuaichhiah bawk.
Khing ti tur khian ramdang atangin mihrang, ze hrang, sakhaw hrang bia an lo lut zel a, an lo luh belh zel bawk ang a; keini aiin pawisa khawl an thiam zawk bawk ngei a. Chuti chuan zawi zawiin, Tripura Bengali ram a ni ta mai leh a ram neitu diktak thin ramdang ten an hre tawh lo ang mai hi kan ni ve tawh mai dawn a ni.
100% Mizo lah chu an awm pheuh pheuh chauh tawh bawk ang a.Mizo chauh hriat chi te kha sawi tha ngam lovin, kan bula mi te mitmei veng ran chunga ti ti angai tawh ngei bawk ang. Mizoram hmar tlangdung khaw pakhat ah pawh Dumka/Santal fa pakhat chuan, ” keini Mizo ho…” a ti ve ngawt a ni awm asin
hairehai
Khitiang a nih ngai chuan, “ram ram” Mizo aw phawi a sawi emaw, “we ashhedu anna Muhammad resul Allah” emaw, “O ma-ne pe-me ho-re” ti ri kan hre nawk bawk ngei turah ka ngai.
Report this comment
September 6th, 2009 at 5:51 pm
Hnai love kan bul hnai a awm2 te hian kan nunah eng an hmu silova tumah hi proper channel in kristianah kan siam theih loh hi,therhlo um,kan ram a sumdawng duh, awm duh, ho chauh a derin an ni mai mai a nih hi,ramdangah pawh a BPL chin ah bak rawngbawlna a tlaknat theih loh hi,keimahni hi kan insiamthrat phawt a ngai a lawm,kan vai hian,tun Synod sum buai ringawt te hi,hnam dang fing deuh ten hria se,tu nge kan pathian thusawi hi ngaithla peih ang…’ve khanglang a’min ti mai dawn a sin…
Report this comment
September 6th, 2009 at 6:09 pm
Mizo tamtak te hi fing ve tak an/kan ni a, a fing tam zawk lah hi fing vervek (vai hoin phakar an tih) hi kan ni hlawm a! Vervek (phakar ka tih na thlukna ka dah thiam velo) awm lo taka awm te hi kan thiam a, kan vervek na lai tak pawh a ni awm e, khatia han awm vel te kha.
Khawtlang hmangaih awm taka tawngkam chhuah a, mahni ipte chhunga awm leh awm tur chauh ngaihtuah si kan ni tlangpui. Hnamzia emaw sawichhuah a haw leh hle si kan ni. Chapo si, thatchhe bawk (nun dika taima chu tlemte), sum ngaina em em si, khaw thenawm hmuhsit hmang, inhnial thiam tak leh vui peih deuh hnam kan ni berin ka hria.
Heng te pawh hi chimralna hmanraw tha tak tur an ni thei ang!
Report this comment
September 6th, 2009 at 7:16 pm
Hruaitu fel tak Ch. Sàpràwnga khàn he lai Pathian Thu-châng hi a târlang uar viau thìn —
Sam 33:12 LALPA (Yahweh) Pathiana nei hnam chu an eng a thâwl e; Ama rochana a thlan mite chu.
tih thu hi. Thu tawite, Pathian thàwkkhum (inspired)-a pèk —a zàwm duhtu hnam tinte tâna malsàwmna a ni e. Pathian Thu nge nge hi chu dârthlalang atân a tha ber e. He khawvèl hun hi a ral tèp tawh —lei thar leh vàn thar, kan beisei khaw lo la awm leh tùr phei chu sakhaw dang rèng rèng tel ve tawh lohna a ni dâwn. Chumia tel ve thei tùr chuan Rev Lùra hian a mi duhsakna tute tân pawh a rawn vawrh ve a ni e.
Report this comment
September 6th, 2009 at 7:50 pm
@Xauz: Pathian leh kei inkar chu mimal nun ani dawn lawm ni! kristian ram chu kan ni teh meuh e, mahse vanram erawh a huho ang chuan kan lut hauh lo ang. Hei hi engtin nge i chhan ang. “I in luahtu vai emaw Burma lam mi emaw, Mizorama dan lo a awm i hriat reng kha Police ah i report ang nge Kristianah siam i tum phet ang? Police kut ah pe ta la i kristianna khan thildik ti a in ngaih tir thei che a ngem? Thil thenkhatah chuan kan kristiana kan dahthat ve fo a ngai thin lo maw? Chimral kan hlauh tak tak chuan ram dan kan zawm hmasak a tul ang, Pathian thu nen chawhpawlh a tha lo e ka ti ve mai a nia.
Report this comment
September 6th, 2009 at 11:02 pm
India hi sakhaw zalenna (freedom of religion) ram a ni a, Mizoramah chhung ngei ah, Muslim hovin Mosque an sa tawh a, Hindu ho an lo pun luai luai hun ah, Mandir khawi khawiah emaw an la sa duh ngei dawn a, India danpui bu (constitution) thlir in, phal loh bur theih a ni dawn lova. Tunah pawh Mizoram chhunga sipai ho awmna hmunah chuan mandir an nei deuh zel tawh mai thei. Nakin zelah phei chuan, Mizoram chhungah ngei hian, Hindu leh Muslim pawh anla in sam mai thei………….sakhaw zalenna ramah ngei hian alawm sakhaw hrang hrang an buai an buai… an milim te anla rawn chhawm luh hunah…khawi khawi hmunah emaw vai pathian lim an din tir hun ah….tunge la ngai mawh tu tur le? Chutih hunah chuan a ngaimawh tu tu chu India ram dan kalh an ni tawh dawn a, thiamloh chantir an ni ang…….
sakhaw dang mil (compromise) theilo chu…lei leh hralh pawh anla awih lo hial ang……Bible-in sakawlh lo lan hun a sawi hi kan hnaih ta hle ni in a lang. Chuvangin hnam leh sakhuana humhalh zawng a, fimkhur taka ke kan pen a hun tan ta hle.
PU (Arts) kan zir ve lai chuan, History, Political Science leh Economics te hi thil inkawp tlat leh pawimawh tak a nih kan zir thin. History chu hmanlai chanchin ziahna a ni a, chu chu thangtharte’n School/College(institutionah) kan lo zir ta mur mur mai a ni. A chhan chu, ram in relbawl dan tha leh tha lo te, rorel dan tha leh thalo te, Lal fing leh finglo te, entawn tlak leh tlak lo te, Roreltu te chetsual dan te History atangin a hmuh theih a. Chu chuan mi tamtak finna pe in, rorel dan te an thiam phah thin.
Kristiante kan van neihna em em chu – Bible chhunga Israel History leh Lal Isua zirtirna leh Tirkohte zirtirna hi a ni ti ila kan sawisual lo awm e. Mahatma Gandhi pawh kha India hnam pa tih hial alo hlawh na chhan kha a, Bible chhunga Lal Isua zirtirna tamtak kha a ma nun kawng kai hruaitu atana alo hman vang kha alo ni…an ti.
Israel te hi Pathian hnam thlan an ni a, Chung zingah chuan Lal atan a hriakthih tamtak te chanchin kan hmu a…Pathian hriak-thih mahnise, an fin tawk lohna te, an chetsualna te avanga Lal thuthleng luah zui thei lo te an awm a tin, thil tihsual inhre chhuak a Pathian hma a ngaihdam diltu te Pathian in a ngaihdam tak te kan hmu bawk a…a tam mai.
Pathian hnam thlan nimahse, Lal Isua an rin duhloh avang leh Pathian thu an awih loh avangin, Israelte meuh pawh Pathianin a hnawl a, Krista Isuaah hnam thar – “Israel thar” Pathianin alo din ta zawk a, chungte chu Lal Isua ringtu “Kristian” te hi kan ni. Pathianin Israelte tan a thu lo tiam, dan leh thupek te thlengin – Kristiante tan alo ni ta zawk a.
Mizo mahni ila, Pathian dan leh thupek zawmtu te a piang hnenah Pathian thutiam alo thleng dik ta thin a ni. “.. a thupekte kan zawm a, a mithmuha thil lawmawm kan tih thin avangin, kan dil apiang a hnen ata kan hmu zel thin a ni.”
Bible hi Israel te chanchin ziahna History a ni a, heta tang hian Pathian hnam thlan hmasa zawkte meuh pawhin Pathian an tihlawm loh dan te, Pathian in a hrem dan te, Pathian hnam thlan hnuhnung zawk “Israel thar” “Kristian” te hian kan zir theihnan a ziaksak kan ni.
“Pathian Lehkha Thua chhelna leh thlamuanna hmua beiseina kan neih theihna turin, hman laia ziak apiangte chu keimahni min zirtirna turin ziak a ni si a.”(Ro.15:4)
Kan response dan hrang hrang han thlirin, nakin zelah chuan, Mizote zingah ngei pawh “Kristian” leh “Kristian lo” kan la inthen phawk dawn a ang ta viau mai.
Report this comment
September 6th, 2009 at 11:12 pm
Pangpartea, Mizoram angah chuan nia, dan ang chuan kan dang thei kher lovang. Mahse, Khasi ram dan ang khu nei ilang chuan kan dang theih hmel tlat. Mizo ang te, an mahni in ngei siamthat pawh an phal tawh miah loh khu;sawrkar dan ang thlap a an lei an mahni in leh lo ngei. Mizoram tan hian an dan ang khu ka awt khawp mai. Kan dan hi a siamthat theih angem le, ka ti thin.
Report this comment
September 6th, 2009 at 11:21 pm
@lrpa: Chuti zawng chuan ni teh meuh mai. ka report vat ngei ang. mahse ka report a ram dan ka zawm kha a Pathian thu viau lo maw. Rom ziakah khan roreltute thu thu a awm tur kan nih zia kha a tarlang a, roreltu thu a ka awm a ka report khan ka kristianna dahthat ngai miah lovin Pathian thu direct in ka zawm zawk ani lo maw? te ka ti ve leh mai mai e. Chuvang chuan, kan ram thatna tur kan sawi dawn chuan Pathian thu nen a ziah pawlh loh theih niin ka hre lo. Pathian tello chuan sec khat pawh nun ngaihna a awmlo si a.
Report this comment
September 6th, 2009 at 11:36 pm
@H.Vangchhia: Dik khawp mai ka tawmpui a che, thatchhe si,duhtui bawksi, kan nih hlawm hi, chuan chumi zawnah chiah chuan a nia,chimral kan la nih dawn ni. awlsam te in.
Report this comment
September 6th, 2009 at 11:48 pm
hnam dang chimral hlau rual vel kan la ni hi chu a hahthlak a nih hi le…
Report this comment
September 6th, 2009 at 11:51 pm
Chimral chungchangah hian tam hneh vang emaw, chak zawk vang emaw leh barbaric taka insuatna ang kha tun laiah chuan a hlauhawm tawh lo, thinlung/rilru chimral hi a hlauhawm ber. Kan Mizo rilru percentage eng zat chiah hi nge chimral ni tawh ang aw?
Report this comment
September 6th, 2009 at 11:53 pm
samuelapa, shailendra anga rilru pu te avang hian Mizoram tan hian Tripura ang hun kan thlen hun a hnai tual tual.
Prevention is better then trying to fix it later, knowing it’ll be too late like the Khasi’s and so on.
Report this comment
September 6th, 2009 at 11:55 pm
Chimral hi kan hlau tur ani, mahse hlau si awm mai mai ang chi ni lovin – engtinnge kan in ven ang tih hi ngaihtuah trul lai chu a ni – sawitur a tam mai
Chimral hlau lo khawvelah eng ram leh hnam mah an awm lo an hlau vekssssss
Report this comment
September 7th, 2009 at 12:01 am
Chimral lampangah chuan hmundang discussion forum a ka ziah, angai ngaiin:
Work permit leh Trade Union(?):
ILP dilna form (ka la hmu lo na a) siam that a tul chuan siam that nise, a man te leh declaration leh criteria te siam thar nise. Tin, sponsorship chungchangah dan khau zawk siam bawk ila. Hnathawk tur a lo lut te form danglam bik se (a danglam bik leh bik loh phei chu ka hre lo va).
Assimilation lamah kan kai ta bawk a, kan tih tur ni a ka hriat ve te;
Mizo hming a vai dawr siam te leh thil dang tam tak a awm rual in ka ngaihpawimawh ve te;
(a) In luah chungchangah: Vai ho hi in te reuhte ah pawh tamtak ‘an luah duh a lawm’ tih vangin kan luah tir a, hei hi a tha lo khawp mai. Mi pahnih khat luah awmtawk velah sawm dawn dawn te kan luah tir a, hei hi phal loh nise. Insatu vaite hi an hlawh hnem hran lo, mahse an hlawh hi a tam thei ang ber Mizoram chhungah ngei hmantir dan ngaihtuah ila, hei hi kawng khat, tan theih nghal a ni in ka hria.
Hei hi kan ramah chuan a tul tawp niin ka hria. Mizoram a state pawn lam mi, sawrkar hnuai a hnathawk lo te chu in register vek se (Trade Union emaw hnuaiah). He union hian an ILP te, personal record etc, te kawl vek in leh work permit pe chhuak se, work permit nei lo chu hnathawh awih lo nise. Tin, an hnathawh kha thlak phal loh ni bawk se, entirnan, construction worker permit nei khan kuhva rah emaw thingpui dawr emaw siam theih lo se. Tin, VC ten an veng chhunga vai hnathawk ten work permit an neih leh neih loh te, a validity te check thin nise.
Helaiah tho hian an experience, mistiri an tling em, tling lo em tih thleng in check theih nise.
Dan a khauh deuh chuan an lo lut tlem duh mahna le.
A bak chu in sawi ve ah.
Thanks.
Report this comment
September 7th, 2009 at 12:16 am
Mizoram ah hian vai sponsor tu te hian dan diktak hian an sponsor vak pawh ka hre lo (ka hmuh ve chin ah).
Ka hriat sual loh chuan, vai sponsor tu chuan vai a sponsor na chhan kha a ziak anga, khami ang chiah khan a ruai tur a ni (mistiri a nih chuan). A hna a zawh hmaa a permit a tawp dawn chuan renew sak tu tur pawh a sponsor tu ngei kha a ni tur a ni. Hei pawh, an renew duh chhan kha a dik ngei em tih an finfiah tur ah ka ngai. An hna an zawh tawh erawh chuan an khua Karimganj ah emaw an haw leh mai tur a ni.
Chuti lovin, Mizo dang a sponsor tu nilo leh renew sak man chawitir baka chhawr lo tu tur te hi engtin nge DC office hian renew sak tu atan hian an hman tir thin le aw, ka ti. (fact)
Tin, Mizoram lo lut tur hian Special Permit (ILP) neih ngai ani a, nei tur chuan state danga Liaison Officer te hnen a apply angai thin. Chuti a nih si chuan KUTDAWH te hi engtin nge an awm tak teuh mai le? permit nei lova awm an nih ngei ka ring. Kutdawh turin tuman an sponsor ka ring lovin, sawrkar aiawh te pawn ILP an pek ka ring hek lo. YMA lah khan kutdawh a khap thin kha niin ka hria a, hetiang vai kutdawh te hi permit an neih loh chuan hnawhchhuah chi an ni dawn lawm ni? Mizoram ti tawp tu leh vaichhia titam tu an ni mai si a. ILP system! neih chhan a awmlo em mai.
A Kristian lo kan ti em ni. Ni tase, sawrkar hi Pathian din a ni kan ti thin si a, sawrkar dan bawhchhia chu Pathian leh ram neitu mipui te ngainep tu/dan pawisak loh sak tu an ni a, Vairengte thlang ah, CHALO JAO kan ti dawn lawm ni?
Report this comment
September 7th, 2009 at 12:26 am
Pathian thu kaihlek entirnan hei chu va tha ve aw.
Pathian thu leh hnam anga chimral te han thlun zawm chu leh.. Hetiang ang hi chuan ar insualtir leh Pathian thu an thlunzawm thin pawh a mak ka ti ta hran lo e. Bible atang chuan eng pawh mahni Agenda fit turin a thlunzawm vek theih avangin Church history ah an lo thlunzawm thin tawh reng ani.
Kan NGO neih te leh Sorkar hian heng te hi an vei hneh lo emaw ni le, kohhran te an rawn inrawlh ve tak le. Pathian thu sawi tur an nih laiin hetiang Political issue Pathian thu chhuanlama vei ching te vang hian lawm le, Sorkar leh Church boundary thliarhran a har thin.
Report this comment
September 7th, 2009 at 12:40 am
cVcolorModel, Kar hmasa Presbyterian puitling sande sikul zirlai ah khan a awm kha. Chumi behchhan a rawn hmet kawp ka ni e.
Pathian thu leh Khawvel thil chu hrang nalh an ni. Mahse, khawvel a cheng kan la nih miau avang hian, Ram hruaitu te chu Kohran in mal a sawm anga, advice pawh a pe tur a ni, tih a ni. Mahse, thu erawh an nei thiang lovin, an nei hek tur ni lovah ka ngai.
Pathian hminga malsawm tawh ram te dan zawmlo tu hnamdang te chu, Pathian leh mipui zahlo misual ah kei chuan ka ngai ve hmak. Mipui pawh kan ni tho. Theih ang2in dan hi zawm ila, kan felfai thak mai
Report this comment
September 7th, 2009 at 1:37 am
cVcolorModel leh H. Vangchhia an dik ve ve, an in hnial lo. Topic en khian Pathian thu hi kan pawng ngam deuh lo maw! A topic khi chhiar chiang teh u. Inchimralna in rinna a khawihthei!!!! A teuh loh dan chu a rap in a rapthlak e. Pathian rinna hi a huho a rin chiu a ni lo, kei/nang leh Pathian inkar a ni lo maw! Vai tam vangin kan rinna a dal ang maw?? a dal anih chuan chu rinna lem aniang!
Report this comment
September 7th, 2009 at 2:03 am
Irpa, Ram hrang hrang ah hian sakhua a lo darh dan chi hrang hrang hi, pem thar (immigrant) te atangin a ni fo thin asin. Mihring kan nih avang hian, kan mihring mihrinna hian sakhuana ah pawh hian rindan leh ngaihdan hrang min neihtir thei tlat a ni.
Mizoram ah ngawt pawh hian Kristian inti theuh2 kar ah ngawt pawh hian rindan dang a tam zia tak khawp mai hi maw. Lal Isua phatsanin, Juda sakhua thleng thlengin kan zawm ta mai zawng a nih hi le. Tawngkam thiam takin, an rindan thiam tak maia an han sawi hi chuan kan mihrinna khan ngaihthlak nuam a lo ti chawpin, pawm hun anei mai thin a ni. Rinna taka nung Mizo Kristian te hian eiruk leh hlemhletna chi hrang hrang hi kan va malmak har si vele.
Pathian chakna ringin, kan theih ang ang chuan khitiang khi do kan tum tur a ni dawn lawm ni?
Link ah hian duh thlangin, inchimral leh a kaihhnawih! etc chi hrang2 chhiar tur a awm.
http://sage-ereference.com/Ful.....5&y=6
Report this comment
September 7th, 2009 at 3:07 am
Pu Vangchhia, mihring (mizote) hian kan mihring mihrina (ram hmangaihna) thinlung nen tang hmasa ta phawt ila, kan theih loh tawp ah Pathian au ta ila a tha zawk angem? Assimilation hi keini tan a hlauhawm lo ber zawk hial emaw ka ti thin. A hlauhawm ber zawk chu kan sum lakluh phu lo a kan nun hi ani zawk mah mah in ka hria. Kan sawrkar te ngaihpawimawhte hi, entir nan IT sector te, kan mamawh chiah em mi, IT hi development assist tu ani, mahse keini tan chuan pawisa khawralna mai mai ani daih. A re! kan topic ah, kan kristian dan hi a lem lem a ni kan ti bawng mai ang e. Kristian tha ni ila chu Miozram hi state dangte entawn tlak khawp in kan changkang tawh ang. Kan sakhua lak dan hian ‘negative impact’ a neih thui zia hi ka ngaihtuah nasat chuan a chiang telh telh mai, ka thlirna a tang chuan.Kristianna a dik lo ka ti ani lo, kan kristian dan hi a dik lo ka ti mai a ni. Kan rilru hi sum duhna hian a assimilate tawh zawk a. Pawisa hi kan lalpa ani zawk e. ka ziak buaita nuai e, ka hmanhmawh deuh a.
Report this comment
September 7th, 2009 at 3:48 am
Pathian dik ringtu kan intih chuan, Pathian ring/rawn chung zela ram kan enkawl a him ber ang ka ring. Kan dan neihsa in a aken tel ILP te hi khauh takin enkawl sela aniang chu.
Mihringin mahni a thil kan tih dawn chuan,keimahni rem hriatna leh ngaihdan in kan kal dawn tihna ani ta a. (eg: Veng pa hoten thilti sual an lo vaw vak ringawt thin ang te, veng chhung hming a Sunday dawr hawng kan khartir ngawt te etc) Martyr te, Mithianghlim te, Pathian Lehkhabu Thianghlim te, kan nu leh pa te thurawn kan lak lova, mahni thua kan kal thin vang hian kan tisual thin reng a ni. Lal Saul-a te kha han ngaihtuah ta ang ila!
“God helps those who help themselves”, tih ai hian, “God helps those who pray and do His will,” tih ni zawk teh se. Pathian kan zawn hmasak chuan a puihna kan hmu reng bawk ang.
A ni khawpin ka hria, pawisa hi kan Pathian ta ber a ang zawk. Hmuhdan/lakluh dan pawh kan thlifim thiam peih talo.
Report this comment
September 7th, 2009 at 10:47 am
Chimral nih a hlauhawm, kan khawsak dan thlak ngai a tam. Rev. sawi ang khian kan sum um lutuk te hi. Assam hote khu, Bangladesh hovin an chim ral trep. A chhan chu, illegal immigrant ho an hna thawh peih loh thawk turin hlawh tlemte in an chhawr thei a, an tel lovin an awm thei tawh hlei nem. Keini pawh hna thawh duh loh leh thawh peih loh kan ngah tawh lutuk. A khat tawka vai velh leh ringawt thrin hian awmzia a nei lo. Irpa leh Vangchhia rawt ang khian dik taka dan kenkawh leh mitin te’n rinawm taka hna kan thawh a pawihmawh ber.
Report this comment
September 7th, 2009 at 11:20 am
Vai ho hian Dan/Law bawhchhiat pawi anti lo,eng anga Law tha pawh awm mahse an lo luhna kawng a in hawn zau viau chuan ka dang zo dawn chuanglo!
Kan ram hruaitu te hian min veng hneh lo chu anih hi, vote hmuh dawn phawt chuan Bangladesh leh Tripura atangin Chakma leh Tuikuk refugee an welcome reng bawk si…
Family planning kan lo neih ve thin te khan awmzia a nei ta miahlo tihna anih dawn hi!
Ram neitute an himloh chuan helna/inthahna ala tam em2 ang Mizoram ngei ah hian,Bomb pawh ala puak ve dup2 maithei ani,kan state thenawm atangin inzir tur kan ngah! Kan ram hruaitu inti fing ho khan ngaihtuah chiang deuh teh U!
Report this comment
September 7th, 2009 at 3:40 pm
Hnam dang Officer pakhat in hmun hrang hrangah hna ka thawk tawh a,pawisa duhna hi chu a awm vek a, Mizoram ah hian hmun dang aiin a nasa hret, a tih tum khan zahthlak ka ti ngei mai. Sum hmangaihna avang hian kan la ral thum ang tih chu a hlauhom ta a nih hi.
Globalization kan ti a, khawvel hmasawn zel ah hian hnam dangte nen kan ram ngeiah pawh hian kan inchim ve hret hret chu thil loh theih loh leh tul pawh a ni ang. Bing lutuka awm hian mihring hmasawnna a tih thuanawpna chin a awm tlat. Mahse ral lo tura kan in lak fit a poimoh ta a ni, kan ti ve ngaaaih teng.
Report this comment
September 7th, 2009 at 7:24 pm
In chimralna hian ‘RINNA’ a khawih thei – A dik lutuk, misual.com vela comment ho hian power kan nei vaklo,Vaithanhawla awh! Lalthanhawla leh a hote sermon khum ula kan hlawkpui zawk ang….
Report this comment
September 7th, 2009 at 7:30 pm
e
Report this comment
September 8th, 2009 at 1:10 am
A mak mange aw!!Pathian rinna leh inchimralna han sawi pawlh talh mai chu leh! Pathian rinna chu mimal leh Pathian in kar a ni! I nu leh pa, i unau zawng zawngte pawh vai ni vek mahse chu chuan Pathian i rinna a ti dang lam thei dawn em ni? A tih danglam chuan Pathian i ringlo tihna a ni mai a lawm. Pathian rinna hi a huho thil a ni lo!
Report this comment
September 8th, 2009 at 4:24 pm
Kan kristianna ah kan va nghet lo hlawm ve oooo,Keini mizo chauh hi mi le inchimral kan hlauh le,Vai ho hian hlau ve tak mo??Inchimral hlau si in natine phai ah mi chim in kan awm thin le???Mahni ram kan nei ve tho ni lom ni?????
Report this comment
September 8th, 2009 at 8:41 pm
Vai ho hi Mizo ang hian tlem sela inchimral an hlauh ve tho karing!
Report this comment
September 9th, 2009 at 4:50 am
Inchimral chu tupawhin hlau teh reng e, Uk leh US ah pawh Conservative group ho thu khel pui ber zing a mi a tih theih awm e. Mahse chung chu democratic society ah chuan kan Sorkar bakah activist group hrang2 te buaipui tur ani.. Kohhran leh rinna nen a thlunzawm chi ani lo.
Sorkar pawng dem hi mizoram thalai zingah EDUCATED ni a inngaihna lian tak a awm hi a diklohna chen a awm in ka hria. kan student community leh Higher Education a in hnam hnawih zawng2- students, lecturer, prof etc te hi INTELLECTUAL COMMUNITY ah kan inngai anih chuan, Democratic setup ah kan role play tur pawimawh “activist role” hi kan play si loh chuan ram hruaitu te hi kan dem ngam turah ka ngailo. Pol Science, history etc zir si a, democratic society a kan role kan play si loh chuan educated ah kan inchhal ngam dawn ami?? computer engg ni si, computer khawih thiam miah lo awm ta se educated ah kan chhiar hauh lo ang. Kan poltical science zir zawng2 te hi a takin kan apply si loh chuan engnge zir in awmzia a neih ang? MZP, student activism ah MONOPOLY kan pe tawp te hi anih dan tur anilo lutuk. Heng political issue hrang2 vei te intawhkhawmna tur activist group provide hi Students te kutah thui tak a in nghat. Heng issue hrang2 te su tura kan organization hman ah hian kan INTELLECTUAL COMMUNITY ten role engmah an play si loh chuan kan Higher Education program hi a fail kuit thrak tihna a niang.
Educated class ten kan role play tur hi a chanve tal pawh ti ilang chuan kohhran leh rinna thleng2 nena thlunzawm angaih a rinawm loh. MZP,MSU bak political arena a student community hming pu an awm ka la hrelo… heng org hruaitu te hi student a nilo tlangpui lehnghal. Students te hi eng issue ah mah in organize theilo khawpin an la “uneducated” tihna mi?? Taxi drivers ho pawh an in organize thei anih chuan students community te hian hmasawnna tur kan va la ngah em2 ve.
Report this comment
September 9th, 2009 at 4:56 pm
(cVcolorModel)Ron ziak teh duah mai a!!MZP leh YMA om chhung chu tuman min chimral lo ang!!!MAhse soi ve mai mai ah,he org 2 ah hian eirukna a hluar ve ltk an tia mole!!!Dawn a tisei tlat!!
Report this comment
September 9th, 2009 at 4:59 pm
Hlauh em em a fuh ber. Hetiang ah chuan fimkhur tluk a awm lovang.
Report this comment
September 10th, 2009 at 10:07 am
“LALPA tih hi finna bul a ni a; Nimahsela mi ate chuan finna leh zirtirna an hmusit thin.” (Thufingte 1:7)
“Prevention is better cure” tih te hi eng hun atan nge ni ta ang le….
Shillonga lehkha kan zir ve zawk laiin, Khasi hmelhriat thenkhatin, “Keini zawng kan tlai lu-ta… kan finghar deuh a ni…. nangni Mizo te chu inla tlai lo ve.” min tih ka la hre reng. Mizovin thufing “Sebo hnu-a, Se kawngkhar” tih kan neih ang deuh khan tan han lak tum thin mahse, tih tak tak theih an nei tawh lo.
Keini chuan in ngaihtuah harhna hun tha kan la nei.Bing lutuka kan awmte pawh hi hnamdangin min chim lohna pakhat chu a ni ve.
In chim a, in chiahpiah lutuk hi sakhuana mai ni lovin, culture a dal a, society a dal a, rinawmna a bo a, mihring in rin ngam a har a, thlamuana a bo a, ralmuana a bo a, tlawmngaihna te thlengin a dal tial tial thin. Hnamdangin min chim hma kha cuan kan pi leh pu ten kawngka thingfaka an do kalh mai thin. Tunah chuan Tala lianpui pawhin min humhim zo meuh tawh lo a ni.
Ramri,hnamtin chitin inchiahpiahna bawrah hian mihring nun hi a dal duh khawp……
Kan hnam rohlu leh Chatuan Nunna humhim turin :-
Engtik atangin nge?
Engtin nge?
….hma kan lak tan ang? A tlai hma-in nge? A tlai hnu-ah?
Entirnan : Leilawn rawp tawhtak…..mi tamtak an tlak tawhna ngun taka thlir a, zawh chi a nilo….ti a zawh duhlo te an him lai a, ngaihtuah chiang lemlo a, inti huai leh fing taka zawh lui te chu…an tla thum tawk duh khawp.
Kan in tih huai leh finna lutuk hian vaiho kan la in chim tir dawn a ang viau, chutiangbawkin hremhmunah min la tlak thum tir tawk dawn a ang viau mai…..
Mi ten hmalam hun thlira rinna vuan tha sauh sauh tura min hrilh hian an rin na ngheh loh vangah kei chuan ka ngailo.
Lal Isua thil thalo lo thleng thei laka fimkhur tura a sawi khan, a rinna a chaklo tihna a ni hlei nem…..misual ho hi in RINNA a chak lutuk …..mi zawng zawng nangmahni ang an ni ve silo a nih hi.
Report this comment