Samdala hi a thatchhe em em mai a. Vawi khat chu a ramvak a, theipui hmin thrut hi a hmu a. A ei chak hle a, mahse a lo peih lo va. A hnuaiah chuan a mu zangthal a, a ang ta ringawt mai a. Nakinah chuan a ka chhungah pum khat a lo tla ta a. A tawpah chuan a han thial a, a lem ta hram a. Chutih lai tak chuan Sakei tar pui hi a lo kal a. Samdala chuan, “Keia, khi laia tlangah khian min paw chho la, min ei dawn nia,” a ti a.
Sakei chuan a paw ta a. Tlang a thlen chuan, “Ka ei tawh ang che,” a ti a. Samdala chuan, “He laiah hian ka han kal lawk ang e,” a ti a, a va kal a. A hnungah chuan theirah sen tak hi a dah a, Sakei hnenah chuan, “Khai le, mi ei tawh rawh le,” a ti a. Sakei chuan a han ei dawn a, theirah sen tak chu a hmu ta a. “Hei eng nge ni?” a ti a, Samdala chuan, “Kha kha mihring te, sate ei zotu a nih kha,” a ti a. Sakei chuan a hlau a, a tlan ta a. Samdala chuan lungin a vawm zui a, “Kha englo senin a um che,” a ti a.
Chumi hnu chuan Samdala chuan sawi (sawi hre lo kan awm em aw.. ?) a hnai a, a pumin a inhnawih a. Hnathawk peih lovin nilengin hnahthel zingah a tal a tal a. Chutih lai chuan sakhi hi a lo kal a, hnahthel zinga tal tal chu a hmu a, mak ti tak hian a en a, a nui a nui mai a. Chutia a lo en reng lai chuan Sazuk hi a lo kal ve a, a hmuh veleh a nui ve ta a. Nakinah chuan Sanghal hi a lo kal ve a, “Eng nge ni in en reng le, in va hlim ve?” a rawn ti a. Ani chuan, “Hei, hnahthel zinga mi hian nuih a tiza em mai,” an ti a; Sanghal pawh chuan a nuih ve ta chiam a. Chutiang zel chuan ramsate chu an lo kal zel a, an vai chuan an nui ta a.
A hnuhnung berah chuan Satel hi a lo kal ve boh boh a. Sa dangte chuan, “Tela, nang hian he mi hi i hria ang e. Tu nge maw ni le, min han hrilh teh khai?” an ti a. Satel chuan, “Ka sawi ngam lo, min tihlum mai ang e,” a ti a. Sa dangte chuan, “I hlauh chuan Sazuk ki karah hian kan zep tlat ang chia, a chak si a, a tlanpui daih dawn che nia,” an ti a. Satel chuan, “Chutianga min ven theih dawn chuan ka hrilh ang che u, ‘Samdalthatchhezawrkawia’ a nih kha,” a han ti a. Chu veleh Samdala chuan a um ta vak mai a. Ramsa zawng zawng chu a um bo zo ta vek mai a.
Similar Posts:
- Mizoramah Sakei Sawm Chauh Maw?
- Chungleng leh Hnuaileng indo
- Mihring, Zukchal leh Keipui Intlansiak Ropui
- Zawngte leh Satel
- Mi ropui Samdala
September 11th, 2009 at 11:29 am
Samdala anga thatchhia, Modern Samdala hi an tam ve tawh ngawt ang a
Report this comment
September 11th, 2009 at 11:47 am
A hunlai a awm, keipawh inlama thawhtur awmloh lai chuan thu chungin TV te hi ka enpeihlo, muchung a Remote khawih mai mai te hi zuk nuam tlat a.
Mahse i rawn sawitum Goal tak zawk erawh ka hrethiam tho ve, thawhchhuah nei si lo, nu leh pa te thawhchhuah chauh a in la, taihmakna kawnga thatchhe leh hle si, intodelh Spelling pawh lam tha ngamlo hi Zofa te zingah pawh hian kan tam tawh ngawt mai, mahse..Zonunmawi chawisan te pawh an han huai hawt ve zel hi, kan la thangharh ve ngei tur ah ka beisei e.
Report this comment
September 11th, 2009 at 11:48 am
Samdala hi thatchhiat lamah chuan taima ve tak a ni. :lol:
Report this comment
September 11th, 2009 at 1:37 pm
@Kawnga ; I ti the a, Fate tan lo save leh teks phawt mai teh ang.
Samdala tluk a thatchhia hi tunlai Mizo thalai zingah hian an tam ka ring tlat. Zephyr Drama Club hoin ‘Mutna chang hre silo, thawhna chang hre bawk silo’ an tih ang kha an tam teh a nia. An future hi a bright lo hlawm teh a sin awwwwwwwwwwwwww.
Report this comment
September 11th, 2009 at 1:59 pm
Naupanlaia duhthawh lutuk vânga min hrilhbelh dân, “Satel kha sazuk ki kâr atangin a tla palha, Sâmdala khan a man ta a. A thinrim lutukin satel nghawng kha a pawt vak vaka, Satel na ti lutuk khâ ‘Phaw, phaw, phaw‘ tiin a au chul a. Tun thlengin Satel nghawng a sei phâh e” tih hi an belh hlak thin
Report this comment
September 11th, 2009 at 2:31 pm
idea tha khop mai. mizote hi hnam thatchhia chu kan ni lo. mahse thil hi kan thlir tawi em thin a. samdala ang zet2 hi chu kan tam khop mai le. samdala thawnthu 1 ah kha chuan thei kung hnuaiah a rah tlak hun chang khan ka ang sa in alo mu top a, a ka chhung a rawn tlak hnuah pawh a la thial peih lo ania. tiang ang hi kan awm nual mai..
Report this comment
September 11th, 2009 at 3:16 pm
Kawnga, ka hriat tak loh lai i rawn phawrh nawk mai. Ka lawm lutuk, family man tan chuan hriat a tul tlat hetiang hi. Zirtir a nei tha ka ti bawk.
Western world a khawsa nise, a mawng atangin engah chhuak tur a awm lovang. Azl tunlai thalai tamtak minti hrechhuak. hairehai
Report this comment
September 11th, 2009 at 9:11 pm
“Ka thial peih ang em âw? Ka lem peih ang em âw?” tih tel pawha sawi an awm nawk! Chhûrbûra kha kan Mizo HERO bera ngaih a ni —mahse, Sâmdàla hian IDEA lamah chuan a khùm var var viau! Sâmdàla leh Chhûrbûra thawnthu infinkawp hi Zoram dârthlalang fìm tak a ni kumkhua ang. Hah tak leh harsa taka Chhûra hlawhchhuahsà kha, Sâmdàla hian samkhai takin a neihsak châng a awm thìn! Chhûra hian thingtlâng lonei-mite a represent a; Sâmdàla erawh hi chuan …
Eden-a tlùkchhiatna a thlen hnua thei hming kan hriat hmasak ber kha THEIPUI a ni a, ‘theipui rah lo’, ‘theipui chawrno’, ‘theipui hauh hlum’ etc., pawh Kristian literature-ah kan sawi bâng ngai lo a ni.
Sâmdàla thawnthu pawh hi chìk chhin teh, hmâwng-sawi bana a inchulh hnuin —hnahthel ro zîngah ‘hnàwmtinphuri-nu’ emaw tih mai tùrin a inzial a. Genesis-ah, mihringte kha creation chunga thuneitu bera vuah an nih laiin, Sâmdàla thawnthu-ah erawh hi chuan —ramsate khàn mihring frivolous lutuka chè kha an rawn nuihsawh ta thung a ang e … Adam leh Evi-te’n theipui-hnah chilhkhàwm an lo fêng ve ngawt pawh kha —vàn lam tân chuan eng ang tak ni ang maw?
Kan ram theipuite kha chuan a kung bul lamah sûr a nei thla suau va —theipui pâr, theipui-rah sên, theipui bùm, theipui hmin … hmu lo pawh kan tam mai thei. Theipui-bùm hi a thùr-sùk a, khanghù zîkno tlèm leh hmarchà-rawh-hmui nèna den a tui mai mai teh asin! Nipui thei a ni a; ei lo in awm nual mai thei. Tùnah pawh hian chilpùt zawih zawihin ka ziak a ni e. Nine-Eleven a lo ni leh ta reng mai! Tùkin zînga THEIPUI thlâ ka làk ka rawn telh ve ang e.
https://img17.imageshack.us/img17/2386/dsc0382f.jpg
Kan HERO ber Chhûrbûra rilrù pawh kha lainatawm tak a tling, Sâmdàla a chung en tlat thìn kha! Thanks to Kawnga … get set to contribute MORE …
Report this comment
September 11th, 2009 at 11:02 pm
@chawnghilh. I va han hrait pawlh nasa Samdala ni a i hriat khi Nahaia ani lo maw, ani hi Chhura nau a ni a a u hi a bum fo thin ang a sawi ani zawk lo maw?
Report this comment
September 11th, 2009 at 11:19 pm
@nghasih : A ni àwm teh tak e … Rumpelstiltskin-a thawnthu te hi Sâmdàla thawnthu ai hian kan lo chiang zàwk ta mah mah àwm e … mi rawn remind-a ka làwmin ka vâr hawk e. Sâmdàla’n ramsa a ùm darh peih kha chu —a mak ka ti khawp mai! Hahthlaki ang maia ka rawn risk ve ngawt chu!
Nahaia dam reng tawh rawh se, ka rilru-ah!
Report this comment
September 12th, 2009 at 6:33 am
chawnghilha hian a hriat pawlh love a hre dik chiah a ni.I thawnthu sawi hi,thatchhezawrkawisamdala a ni e.
Report this comment
September 12th, 2009 at 6:39 am
@Chawnghilh i va chimawm ve a, Samdala nen inkungkaihna kannei lo…Risk hi thra ve tho..tihfuh zeuh zeuh theih..
Report this comment
September 12th, 2009 at 8:36 am
chawnghilha a Theipui chu eng ram Theipui tak ni maw. Ka theipui hriat thin kha chu a kung pui pang atangin a rahna tur kha a uai thla duah a, tah chuan arah bawr luai thin kha ania. tra la la la
Report this comment
September 12th, 2009 at 7:58 pm
Samdala hi L Keivom chuan scientist ropui ah a chhuah kha mawle.. A ni taka.. Isaac Newton kha chuan Apple tla a hmuh khan mak a ti a, “Engatinge a tlak ang lee?? Eng vang nge ni ang aww??” a ti a, Law of Gravity a hmuhchhuah phah a, Samdala (On the other hand) erawh chuan, Law of gravity a bawhkan daih tawh.. Theipui rah kha a tla dawn tih a hria a, a hnuaiah a ka alo ang mai a.. a ka chhung takah a la tla zui.. Genieus.. hehe.. Samadal ‘The Scientist”.. Ka ngaisang.
Report this comment
September 12th, 2009 at 8:03 pm
Samdala hi a ka chhung a tla lut a thial peih leh peih loh tur a ngaihtuah a ni awm a, kum engzat chiah nge a dam ang le…? hahahaha…
Report this comment