A thenin ‘champha’ an ti a, ‘champhaphak’ ti a sawi an awm bawk laiin ‘cham’ ti ringawt a sawi an awm bawk.A dik vek ni hmiang maw ka ti a. Kan Mizo tawng duhtui deuhten engtinnge nise an tih ang aw?
Thil engpawh mai hi a champha a lo thlen hian lawmna emaw lungngaihna emaw a kaichhuak leh thin a, hei hi tangkai zawnga hman a nih erawh chuan a tha vek mai e. Rising Day, Anniversary, Jubilee etc. te hian tangkaina tak zawng a nei ngei e.
Ka sawilan duh tak erawhchu thawkkhat lai khan Kohhran, Khua leh Veng khan Jubilee, Centenary ilo lawm kan intihhmuh nasa hle mai a, sum tam tak kan seng bawk thin. A hriatreng nan eng eng emaw tih kan duh a, kan inbuatsaih nasa hle thin a ni. Amaherawhchu, kan inbuatsaihnate a nasat ang huin kan han lawm zawh meuh chuan chhenfakawm tak han puakchhuah tur kan nei mawh hle a ni.
Ram leh hnam hrang hrangte pawh hian eng ni emaw hriatreng tlakte hrereng a intuaitharlehna atan leh hmasawnna rahbi kaina remchang atana kan hmang thin erawh hi chu a sual tampui lovin ka hria. Mahse ka la tih duh fan chu heng ni pawimawh kan neihte lawmna atan chaw dangral mai a hmang liam lo hian tanpuina lam atan hmang uar ta thin ila kan ram rethei angah phei hi chuan kan va tangkaipui dawn em!!!
Rehab, Orphanage leh Hospital kan nei neuh neuhva, hengte hi kan tanpuina tello hi chuan thui an kal hlei thei lo a ni. Kan Sorkar damdawi In meuh pawh hian mipui vantlang chhawmdawlna a la mamawh ngawih ngawih a ni si a.Kohhran bultuma din Hospital hote lek phei hi chuan an mamawh lehzual a ni.
Ka sawi tam lovang, post sei tak chhiar peih vaklo ve tho ka nia!! Min lo hrethiam ula hei hi erawh ka han sawi leh hram ange: Pathianin damna tha tak leh Ama rawngbawl theihna tur chakna min pek zel avang hian vawiin 16th September, 2009 hi ka tan chuan ni ropui a ni e, a chhan chu KA BIRTHDAY a ni tlat!
