Juda-te hian hremhmun chungchangah hian ngaihdan mak tak leh dik atana duhawm em em si, dik rinawm chiah silo an neia; chungte chu beng tivarah ka’n sawi mai mai ange:
1, Juda tawh phawt chu Vanram an kai vek dawn: Juda-te hi hnam chapo leh indah chungnung larh mai. Hnamdang leh sakhaw dangte hmusita dah hnuaihnung em em, Juda lo chu Vanramah pawh kailo tur leh anmahni chu enganga sual pawh nise Pathian hnamthlan annih miau avanga kai vek turahan inngai.
2, Meidil dim: Mi reng reng hremhmuna an tlak chuan an damlaia an thiltih that dan azirin meidil pawh Shabbat (Inrinni, Zirtawpni tlai ni tlak atanga atuk tlai ni tlak thleng) ni chuan dim emaw off hial turah an ngai.
3, Meidil atangin Vanramah: “Mi reng reng hi fel famkim kan awmloh avangin meidilah kan kal vek phawt dawna; chutah chuan kan sual phu tawk kan kan hnuah Vanramah kan lut chho leh dawn a ni,” an ti.
A thuhrimin Juda-te hi Thuthlung Hlui la ring bur mai, Thuthlung Thar chu engahmaha ngailo leh Mizo Juda-te ngat phei chuan Bible an neih ve pawhin Thuthlung Thar chin zawng hi an pawhthla hmak mai thin a ni.
Lal Isua kha engahmah an ngailo mai nilovin misual takah an ngai. Kana khuaa uain a tihpun chungchang kha lo sawi ta ila; kum 12 a nihin Jerusalem-ah a kal thu kan hria. (Lk 2:24) Khatatang khan a reh ta vang vanga; kum 20 vel hnuah inneihnaah uaiin a tipung ta a nih kha. Khami kum 20 chhung khan Kashmir-ah ‘dawi a zir’anti.
Rabbi kalsual: “ Isua kha mifing leh thil hre tak, rilru chak bawk si, leadership nei tha em em mai a nia; amaherawhchu a Pathian Thu a zirlaiin a thinlungah thlarau sual a lo luta, Pathian Thu tak chu a hnawla Mari Magdalini nena chesualin a hnuah an innei zui ta a ni,”anti.
Juda-te’n Lal Isua thawhlehna an pawmloh chhan ka’n tarlang leh ange:
Tin, an va kal lai chuan, vengtu sipai thenkhat chu khawpuiah an va lut a, thil awmzia zawng zawng chu puithiam lalte hnenah an va hrilh a.Tin, upate nen an inkhawm a, an inrawn zawhin sipaite hnenah chuan tangka tam tak an pe a.Zanah, kan muthilh hlanin, a zirtirte chu an lo kal a, amah an ru ta a ni, ti ang che u.Tin, Ram Awptu in chu chu a lo hriat chuan amah chu kan thlem ang a, lungkham loin kan siam ang che u, an ti a.Chutichuan tangka chu an la a, an hrilh ang zel chuan an ti ta a; tichuan tun thlengin chu mi thu chu Judate zingah an la sawi huai huai a ni.(Mt 28:11-15)
Kan Bible hi a daw lova; a daw ngai dawn bawk heklo. Tuna Bible chang kan tarlan tak pawh hi a la dik thlapa; Taia pa&co-te khuan an la sawi huai huai a ni.
