Zin chhuah chuan inchhûngkhur piah lama thil awm bà k bà k hi engemaw zà t a hmuh belh theih chuan a lang. Taptawm lutuka —mi titi kal lam leh haw lam chà n rìkngawt loh chuan, titi a ngai rei thei lutuk ang a —ninawm nih kan hlawh dâwn tlat zu nia!
50 West-a kan tlà n par par laiin, peach (theite) kùng leh vaimîm kung vuai deuh sul tawh hi mit tlin tà wk awh khat vekin an lo awm a —kâwl-valèn-chham thleng awha hmun hringduk dum hlup kan hmuh erawh te kha chu ‘bekang hmun a ni’ tih kan hai lo. An tharchhuah kha Zoram mipuiin han um ta tak tak ila, minute 5 kan tlà n lek chhûnga kan bekang hmuh chin ngawta mi pawh —kan kum engzà t ùm tling tak ang maw! Mi fate hi chuan hna hi an lo thawk tak tak a ni. Tin, thlai hmun zau takah khân ‘Mat Lei leh Tuirial Lei’ aia sei seiin —thlai tui pèkna ‘sprinkler structure frame’ sei pui pui, tawlailìr ke nei veka siam —hùn tawlhsawn theih hmang khân tui an phuh chik seng seng reng a, ni thlà r zâwng azira chhimbà l zâm nilêng tùr a ni ringawt.
Mi tih entawn thiam Zofate hian kan entawn tùr tha an lo inhùnna a lo hla lulai èm deuh a ni. Zo-pa taima tak tak te han hmuh ve atân hian ka awt thìn ngawt mai! Taimà k-ah hnam dang han entawn fuh laklawh chiah ni ila chu … kan ram fertile lulam mah mah, buar leh hlo ringawt pawh ninawm khawpa an trhan (dà wng no) theihna ramah hian buh leh bà l, thlai, thei chi hrang hrang kan va han thar hnem dâwn tak èm! Hmangchâng hriatna thar nèn!
Tin, he lai hmun vèkah hian Cart lian tham ang reng fû-a thlai hnah leh thlairah thar inpho hi a lo awm a. Nghà ktu rèng rèng an awm chuang bìk lo. Kawng lùn tak kama awm a ni tawp mai. Maubuang leh Sateèk inkâra ‘Nghah Loh Dà wr’ kha a tharin ka hrechhuak leh zawk a. Lung a  tilêng veng veng mai.
He Dà wr hi EVANS FARMS tà a ni a; an Cart hi Zoram-a bèktè an zà r ai kha chuan a pucca hret zà wk a; tin, thlai-thar rah leh anhnah an hùn chhuahna chhuar pawh a pucca viau  a. Chart pakhatah a man an chhiar zà t fel fai takin an târlang a. Pawisa dahna tur Bâwm a hûng a, chuta dah mai tùrin ziakin thuchah an târlang tel a —bâwm pangsîrah tala-in an kalh thlap a. Chu pawisa bà wm chu, “A him meuh ang em?” tih pahin ka’n kuai a. A lo nghet na’meuh mai! An lo chà r bet (welded) trha hle a ni.
“Nghah loh Dawr” neitu, Sateèk dai-a mite chanchin kha ka kianga awmho beng hriatah ka sawi chhuah phah ta hial a —ngaihnawm an va ti ve tak èm! Pawisa dahna bâwm kuai pà n pà n pah chuan, “Hei hi tuman an ru thei kher lo vang … mahse, kan ramah chuan, bûr-chhia (empty can) mai an hûng a —misuaksualte chuan an ru thei nameuh ang; mahse, a Dà wr neituten an la tizà wngchhang zui tlat …” ti theia, thawnthu tak tak, ka’n sawi ve kha chu —ka inchhuang ve teh asin!
Piah fê-ah — 50 West dungzui zèlah chuan Dà wr dang, trùl buai èm èma an lo nghà k kan va hmu ve leh ta thung a, chu Dà wr hming chu MA & PA’S PRODUCE (GROWN WITH PRIDE) tih a ni thung —nu leh pa chawimawi thiam tak unaute Dà wr, chhûngkaw taimà , hlawhtling leh entawntlà kte thlai tharchhuah a ni tih a chiang hle. Pangpâr mawi tak tak te pawh Wagon titih-ah an lo hûng chhuak kimchang hle a. Thlìr vèl a tinuam danglam bìk hle. An maite pawh a lian kèrhkùrh hle —Halloween a hnai leh tawh a, mai pawh an zuar tam leh tawh viau!
‘Mai lum hobby-a neitu, Thangsîra Pa‘ ka hrechhuak vawng vawngm—an mai len lam hriat chian theih nân, han khà p kual ngial ai chuan —ka pheikhawk bun lai ka’n tlawh thla tawp ringawt a! A bun leh tùra kùn trawih trawih ka peih loh vei nèn!
He POST-a ka sawi lan duh ber aia thuiin, keimah leh keimah ngei pawh ka OFF TOPIC hman dèr mai! Excuse me. “Rinawm chuan rinawmna a beisei lèt ve” a lo ni ber e. Seling, Khûmtung, Chhìngchhìp, Pângzâwl dai etc.-ah eng tikah tak NGHAH LOH DAWR siam ve ngam hlawm ang maw?
