Thih hnua thlarau piannawn lehna hi khawvel sakhaw tam tak chuan an ringa; mahse keini Kristiante erawh chuan kan ring lemlo niin a lang. A ring tawk erawh chu an awm thova. Tuman damlaiin kan hrethei silova; mitthi tawh ho lahin rawn sawi zai an rel bawk silo. Kei hi chu a ring lo pawlah ka tel a ni.
A ringtu sakhaw zinga kan hmuhtheih hnai ber chu Juda-ho hi anni. Kan inkawm ngeih em ema; an sakhaw nunphung leh Israel ram chanchinte kan tuipui hle thin. Chutianga inkawm fo na na na chuan mitthi thlaraute hi khawvela an lenlaia an thiltha tih zawh hmanlohte ti tura mihring leh ramsa anga an piannawn theih thu an sawi nasa mai thina.
Chutianga ka beng hriata an sawi fo takah chuan Israel fate Aigupta ram atanga hruaichhuaktu ropui Mosia thlarau piangnawn kha ka mumangah hetiang hian ka lo hmua:
Mosia chu Israel ram, a luh chak em emna, Lalpa’n luh a phalsak tak lohna ramah chuan Abrahama-te nupa thlan awmna Hebron khuaa Makpela building lianpui bulah chuan a lo pianga; chutah chuan a seilian nghe nghe a ni. A nun a uluk em ema; piangnawn leh a ni tih inhriain enge a piannawn chhanah a chiang em em a ni. Chuvangin thuhril rawngbawl hna a thawk thin a ni. Pathian tana inserh thianghlim a nih avangin sakhaw dang betute hi a tei thei lo em ema, an inah pawh lut duh lovin chungho thil siam chu a eiin a in duh lova; an hmanrua eng chi mah a hmang duh hek lo.
Tumkhat pawh rawngbawla a vah velnaah a thiante in, a luh fonaah chuan ringlomi nia a hriat a lo leng hi a hmua; chuta tang chuan chu mite inah chuan ‘mi bawlhhlawh luhna hnu’ tiin luh pawh a lut leh duh ngai tawh lo.
Hetiang hian rawngbawlin chhuak fo mahse tunlai khawvelah chuan eizawnnate ngaihven a lo ngaia; ani pawh hian eizawn nan chuan computer lam hi zirtirna leh a chhe siamte a thawk thin. Piangnawn ni engang mahse he khawvelah hi chuan mi felfamkim a awm theihloh tih angin ani pawh hian heng a computer siam sakte document-te hi ruk sak a ching hlea; nakina an thiltih dikloh laite a sawichhuah theih nante hman a tum a ni. Tunlai khawvelah chuan thil reng reng hi fiahna a awmloh chuan kan pawm mai duh tawh lo tih pawh a hai hauh lo. Chuvang chuan source a tan a hmang duha; public meeting neih huna sawichhuahah a duh thin a ni. Mi nun uluk leh rawngbawla vak thin mah nise a ngaihdan tawmpuilotute chu nasa takin an chhiatna tur zawngin a bei let thin.
He ka mumang hi mak ka tih em avangin ka rawn tarlang a ni e. Awmzia a neihte pawh ka ring rum rum mai.
Similar Posts:
- Sakhuana hi!
- Eng sakhua hi nge dik ber?
- Israel ramah Mizo boral
- Israel-te khu Mizo thlah an ni mai lo maw?
- He ti zawng hian ………..
October 4th, 2009 at 2:48 am
Mumang tak tak nge phuahchawp? Mumang tak tak lo ni ta se, a felfai lutuk deuh mange, a then lai phuah rem a awm em? Phuahchawp lo ni zawk ta se, mumanga hmu anga insawia tu emaw chanchin sawi tumna a ni thei zawk em?
A mak em tak a nih hi ! Tak tak a nih chuan… Tak tak tih lemah Mumang tak tak…
Mangneia ni la, @Benjamin’s elder brother…
Report this comment
October 4th, 2009 at 7:06 am
Mumangah chuan atak pawl tak niin ka hria,israel fate hruaichhuaktu mosia chu rukru ah i puh let der tihna ni mo???
mosia nen chuan in in hrechiang viau ani ang mo? ka lo hriat dan chuan i document thenkhat kha,RINNA TIH CHAKNA tih lehkhabu Gidion Ray a ziah nen khan in in thleng niin ka sia. 
A hma pon maawmi tih username hmang khan i bei chiam toh bawk sia,i la duh tawklo deuh ami, tunah mumang ang hrim in i la ron tharthawh leh a, i document te kha a ruk nilo in i phalna a la ani e. 
Report this comment
October 4th, 2009 at 10:45 am
Passenger tih film,, Anne Hataway ? channa kha lo en ve chhin tawh em,,thlarau lam thil sawi tak ah chuan,off topic em lawng chu maw..
Report this comment
October 4th, 2009 at 11:17 am
samuelhrahsel, hman ni a maawmi kha chhana hi mi lo ni reng a?
buddhist ho pawh hi an piang nawn trhin ngei mai.an in sawi dan chuan.an damlai a an thil tih trhat a zir in mi trhen khat chu mihringah te an piang nawn a. trhen khat te chu vawkah te, arah te,sanghaah te,etc…
Report this comment
October 4th, 2009 at 11:41 am
I sawi tum tak pawh hi hriatthiam a va har reuh ve. Thihhnu thlarau hi chu Kristiante tan chuan Bible a mi hi kan pawm mai a tha, buai vak na chi ah pawh ka ngailo. Thlarau khawvel hi chu a awm ve mai thei mi an thih veleh an thlarau hian a tum lam pan nghal vang vang mai lovin reilote chu khawvelah hian a la chambang emawni aw tih ngaihdan chu ka nei. I mumanga Mosia chu a tunlai tawhlo hle mai. Tunah chuan misualte thleng phak Chanchintha a nih hi kan buaipui luai luai tawh, i Mosia lah chuan a tlanchhiatsan zel zawk bawk si.
Mihring tan vawikhat thih ruat a ni, chumi hnu ah rorelna a awm ang.
Report this comment
October 4th, 2009 at 1:59 pm
Bawmrang aw ni e, amah ngei hi ani e,:D evidence poh tha tak a om e.
Report this comment
October 4th, 2009 at 2:23 pm
I post chu hriat thiam a har deuh teh nuai a nih tak hi! Keini Kristiante chuan thlarau pian nawnna ni lovin Thlarauva Pian nawnna or piantharna kan ring a, chu chu thih hnu lam ni lovin tun dam chhung ngeia pian nawn hi a ngai zawk a ni. Thlarau dik taka piang tharte chu an thih hnuah an piang nawn ni lovin, an dam laia na pian tawhna zawk avang chuan thih hnuah Thlarau lam taksain an leng tawh thung dawn a ni. He Thlarauva pian nawnna hi Lal ISUA atang chauhin a theih.
I Mosia sawi leh Computer tih vel hi chu i mumang mai mai a nih loh vek leh a hmaa an sawi ang hian tuemaw tih chhan neiin i sawi ve mai te hi a ni lek tak ang a! Thlarau pian nawnna lam tak tak chi i topic ber pawh niin a lang lem lo.
Report this comment
October 4th, 2009 at 3:51 pm
Mihring ringa tih thu leh hla kal zel a nih duh hmel :!:
Report this comment
October 4th, 2009 at 4:24 pm
Mihring piannawn na (reincarnation) hi sakhaw dang betu thenkhat rindan ani mauh mai si a le. Buddhist ah chuan misual deuh chu an pian nawn leh na ah bawng ah te an chang thin an ti. Mi vuak vak chi, hreawm taka nung leh turin hairehai
Engpawh chu nise, sakhuana chi hrang2 hi, kawng tamtak tum thuhmun ( many paths to one goal ) a ni awm e.
https://www.comparativereligion.....ation.html
Kristian hmasa ah pawh…
https://reluctant-messenger.com/origen1.html
Report this comment
October 4th, 2009 at 5:41 pm
elvis presley a deathday hi ka birthday, elvis reincarnate ka ni thei angem oo?
Report this comment
October 4th, 2009 at 6:02 pm
Reincarnation ani emaw nilo emaw, kan rindan ani mai. Hei kan Zoram aizawl khawpui ngeiah pawh, Saron Vengah Lal Chhhungkua te chuan zirtir dan dangdai deuh an nei tho. Chutiangin 7-day te, Catholic te, Pres leh UPC te pawhin thih hnu piahlam a kan awmdan tur doctrine hran kan nei threuh e.
Hetiang hi chu sawi vak chi pawh ani lo, kan inhmin lovang, chutiangin he mumang pawh hi kan doctrine a kalh tiin lo helh viau mah ila, mi mumang chu ani lawi si. Chuvangin heng ang lam thu hi chu inhriat ril siak lo ila, a fuh ber lo maw? ka ti kei misual hian
Report this comment
October 4th, 2009 at 6:07 pm
Nia, ti ti nan (conversation)inkawm thu hla siamnan hmang ila, mahni ngaihdan midang hlui tum kher lovin.
kidding
zualbonez, i ni ang tih a hlauhawm.
Report this comment
October 4th, 2009 at 6:33 pm
I mumang chuan awmzia a neih hmel khawp mai – a awmzia pawh nangmah ngeiin i hriat chian hmel – Mosia chu tu emaw, in ngaihbel thei tur an awm hmel….
Report this comment
October 4th, 2009 at 7:02 pm
Pu MZ, han chhiar nawn leh mahla mumang mak tak, Daniala te hrilhfiah zawh loh tawp tur niin ka hria,
kei tak phei chuan ka helh hran l’aw, nge?? mi mumang ve te!!
HV, ngaihdante chu inhlui tawn ila mawle, mizo te’n kan ngaihdan kan han thawhkhawm tel tel te hi a nawm em hi
Report this comment
October 4th, 2009 at 8:26 pm
Chu2 alawm, titi chu. Mizo chu mahni ngaihdan hi tha ber emaw dik ber emaw tih kan ching hlawm em a, titi thui pui kan har thin. Mi tu emawin angaihdan a sawi kha kan zawm turin a sawi tihna a ni kher chuanglo tih hi kan hre lo thin fo! Tin, ngaihdan sawitu te pawn, kan ngaihdan hi midang pawmtir ve kher tum loh a fuh bawk. tra la la la la
Report this comment
October 4th, 2009 at 10:46 pm
A topic atang hian ngaihdan chu chiar hiar deuh tur a ngaih a ni ve hrim grim bawk a lawm le, fa pakhat siam pawh kan harsat laia a thlarau lo pian nawn tir leh te chu.
Report this comment
October 5th, 2009 at 12:09 am
chhana i mumang chu ani ngei mai i hmuh lai erawh chuan i mu zal a i mu meng kur tih a chiang hle in ka ring ka ring dik bawk.Juda te chu i kawn ngeih mai ni lovin a der in an zingah i awm ve chawt ani lom ni i unaute pawh an hung viau ani lom ni juda na avangh a i hlawkna te kha chhut ve chhin teh ?i thlenphak loh a i thlen tak hi maw nia family games te in lo apply te naih chuan kan sawi phak lo mahse mimal i sawichhe fo hi chu sim teh please Kriatian trha i nih pawn Isua chuan hmelma te hmangaih turin a zirtir che kha mawle i kawr laksak tu che hnen ah i puan pek pawh hnial suh tih te pawh a awm kha i document an lo la nih pawh in i computer pawh chu pe ta che i rin ber thu i zawm dawn zu nia
Report this comment
October 5th, 2009 at 12:30 am
noizoz, ka thaw huai mai
Report this comment
October 5th, 2009 at 6:38 am
I mumang ka rawn comment hmâin, Mizo dànah chuan “I mawng èk i thiar fai lo,” tih a ni ber mai e.
Tin, reincarnation chungchâng hi Kristiante thurinah hian pawimawh tak ni sela chuan —Isua thih veleh emaw, Iskariot Judas-a thih veleha nau rawn piang chanchin Bible pawh hian a record ve ngei ang … chutiang a awm loh avàngin, sakhaw dang e.g., Dalai Lama sakhuaa an buaipui viau ang hi chu Christian-ten kan engto ve lo a ang khawp mai!
Tin, a rèng rèng thu-ah Krista kha KA THIH AIA THI nia kan rin tak tak (earnestly) chuan, a thih chiah khân kan thi a lo ni a —chu aia ril zàwk pawhin, Chatuana ka thih ai Krista kha a thi a ni tih kan rin tak tak chuan a thihna kha ka tân NUNNA angin kan hmu thiam phàk emaw chu le?
Ngai teh, Mosia chungchângah chuan —i mumang hi a tualchher mah mah a ni; Mosia ruang inchuh khân Setana leh Mikaela pawh an che fê hman a, Mikaela pawh khàn Lalpa, Rorêltu tùr Isua kutah a dah thliam mai … a ching fel duh bìk miah lo, Juda Lehkhathawnah a inziak chiang e.
I mumang atanga solve mai chi-ah ka ngai lo deuh. Tin, Mosia hi Israel fate ngaihsàn ber mai a ni a; a thlàn awmna hi hre thei phei sela chuan —Mosia thlàn kha pathian biakin Israel faten an be duh hial ang, hetiang lamah hi chuan milem biak hi an sam khawp mai! Milem biak vanga saltannaa tang, Messia hnawl avanga khawvel ram tina darhsarh an ni a … Jentail-te famkimna hun a hnai tawh a, Pathian pawh Israel fate lamah a thle leh tep tawh a ni. An harhchhuak ve vat tawh ang! Mosia aia ropui Isua Krista an hrechhuak ve tep tawh ang chu!
Report this comment
October 5th, 2009 at 9:47 am
chhana insun hram teh i ti lua e i ti tam hret ani e you cross your limit
Report this comment
October 5th, 2009 at 2:34 pm
Samuelhrahsel@’i document te kha a ruk nilo in i phalna a la ani e.’
I chiang hle mai maw?? Ha ha ha…Moshe kha ka doucoment ka pe lova; min ruk sak pawh ka ti hek lo. Mahse ka ta emaw Lda ta emaw chu a RU tih a chiang.
A tawpa ka rawn sawi ‘a tak a nih pawh ka ring rum rum mai’ tih khi tunah a awmzia ka hre ta.
noizoz@ i mi fuihnaah ka lawm e, ka lo fimkhur deuh tawh ange. Mihring la nih chhung hi chuan kan chhiatna tur duhtu na na na chu mil an har a ni. Tawngtai pui ka ngai nasa a nih hi.
Report this comment
October 5th, 2009 at 7:37 pm
Eng sakhua pawh in rindan annei vek a.kan sawi chhiat tur ania mole kan rinna ah kan chian chuan a tawk a ni mailo a mi aw?
Report this comment
October 5th, 2009 at 8:24 pm
Thlaraua piannawn – tih chu avan Ram Hlui zia ve ! Hairehai!
Ka lawm e!
–LVK
Report this comment
October 6th, 2009 at 12:54 am
chhana samuelhrahsel hian ahriatchiang ka ring khop mai,kei ngei poh hian ka chiange,ithleng ani tih hi,chuan i thianpa LDA document kha chu ala lo. a computer chu a siam tir ngei e, a document chu a ruk saklo tih ka chiang e.mi do thei tak i ni i thleng thu hi tlangau pui ve ta che.i thil tih dikloh ahhian mi dang hnuhluh tum suh,tu mah an ni velo,nang mah ang.mimal i kher naah hian midang hming lantir ve suh, isawi ang khan kanlo tawngtaipui mawlh mawlh ang che.Ilo chian deuh deuh na turin.
Report this comment
October 6th, 2009 at 1:06 am
Hei, thu a va kal na sawt ve…? A mik a mak pawh hre lovin thil inmung engemaw a awm tih kan hriat phah ta teuh mai. Mumang puanchhuah ve ngawt chi a va ni awm lo em! Duh tawk tawh ula, Mail-in chhunzawm ta mai ula.. a tha zawk angem? Puitling zia pu hram hram ang u hmiang. Thu lo teh mah ila, upa zawk nihnain ka han khak che u a ni e…
Report this comment
October 6th, 2009 at 1:22 am
Nia, kawnga is supported totally, a OT Over palh hlauh dah ange, misual threuha tumah in hmel mak biak lovang u, fiamthu chu thu hran. Fiamthu ah chuan min ti thin ur thei in awm kher lo ang, mahse mumang leh document hi relaichin tir loh hram hrih a thra zawk em aw, all you zahngai zahngai.
Report this comment