Google Earth ah hian US Geological Survey (usgs.gov) chuan khawvel hmun hrang hranga lirnghing awm theihna hmun chiang takin an tilang a. Mizoram pawh hi lo en ve chhin teh u, thiante u, A langchiang hle a ni. Pic hian ka han capture-a, a sen ho hi an ni a, zawn peih phei chuan hmuh belh tur pawh a la awm mai thei e.
Depth leh Magnitude (ML) scale pawh an tilang chiang hle. Hmanni lawka Indonesia, Sumatra lirnghing pawh kha Google Earth-a han en chuan an lo mark nasa reng a ni.
(click pic for larger size)
Mizoram, kan ngainat em em hi lirnghing hlauhawmna hmunah pawh, a hlauhawm zual lai (Zone V) a ni tih chu mithiam leh zirmite sawi atangin kan hre fur awm e. Tunlai hian kan thenawm ram velah te chuan lirnghing leh lirnghing nghawng chhiatna nasa tak an tawk fo va, hmanni Indonesia lirnghingah phei kha chuan a khua a khua-a mang thakte an awm avangin lirnghing tuar khaw thenkhat phei kha chu ‘Thlanmual’ atan hman nghal mai an rawt mek a ni, a rapthlak hle mai!
Ka han Post nachhan ber chu Zoram hian lirnghing rapthlak tak hi tawk thei reng kan ni. Chuvangin, kan theih ang ang leh thiam ang anga lo inkau lawk hi a finthlak ang e, thenawm maiah a thleng chamchi reng si a. Tin, tumah tha famkim lo mah ila, kan theih ang tawkin Pathian tih nachang i hria ang u. Kan hma lawkah enge lo thleng dawn kan hre si lo!
Mi thil hre zau leh fing zawkte’n han sawi ula a lawmawm hle ang.
Admin note: Seismic Activity in Mizoram and Tripura
Similar Posts:
- Chile lirnghing nghawng!
- Haiti ah lirnghing rapthlak!
- 6.8 earthquake in Aizawl han deng ta mai se…
- I hre thar ang u
- Lirnghing laka invenna ngaihtuah tâwk lo-ah Mizoram sorkar puh
(Y)
October 9th, 2009 at 8:40 am
Pu MC Lalliana’n mi rawn be zuai a, he hi kan inbiakna thu leh hla a ni e —
https://chawnghilh.wordpress.co.....hawnghilh/
Report this comment
October 9th, 2009 at 4:36 pm
Aizawlah hian lirnghing ta se mite tlankhawmna tur OPEN SPACE a va vang em em ve le. Open space it tlat sawrkar, NGOs leh mimal pamham deuhte hnena pek zel hi sim a va trul tak em
Report this comment
October 9th, 2009 at 8:46 pm
@chawnghilh: A bengvar thlak e. Dr.Lalliana’n chuan misual-ah hian lirnghing chungchang chu han thawh ngei se la a duhawm hle mai. Mithiam tak leh zirmi te’n lirnghing chungchangah hian kan ram dinhmun hi an sawi nasa si a, Sorkar leh mipui lam pawh hian kan dinhmun changkan loh ang ang hian lirnghing lo thleng thut-ah pawh kan chhiat lutuk loh nan engemaw chu kan lo inzirtir chu a ngai a ni. Ram dangte angin hmun zawl kan nei mumal lo lehnghal a, chhanchhuahna kawngah pawh a buaithlak nasa hle ang le!
Kei, ka ngaih hi a tha lo tulh tulh a ni, kan hlat vak lo hian ka hre tlat mai.
Report this comment
October 9th, 2009 at 9:07 pm
Sam-ah hian “Zion tlâng tihnghìn rual loh …” tiin kan chhiar a —tremor free zone ni tak ang maw?
Mahse maw —Zakaria 14 thu-a khawvèl hun hnukhawi, Armageddon —Indopui III-na hun tàwp lamah meuh chuan Olivet Tlâng direction danglam dàwrh khawpin Lìrpui a nghìng dâwn a; Lal Uzia hun laia lìrpui ang thàwthâng —tlànchhiatna hmun tùr Azel phaikuam thlengin ruatlàwksak an ni … an nihlawh bìk mang e —keini Aizawlah ve zàwng — Chite ruam, Tuikual ruam etc.,-a kan in-merger rup hun a thleng ang tih hi a hlauhawm vet vet khawp mai! Magnitude 4, minute 7 chhûng chauh pawh kan dàwlzo lo khawp ang le … kei misual akâra mimâwl ngaihdàn ve mai mai! God, Save Mizoram again!
Report this comment
October 10th, 2009 at 10:16 pm
kan hun chu a la thleng ve ngei ang maw le!
Report this comment
October 16th, 2009 at 1:40 am
Zawlnei, Mi Hlim leh Thlarau Mi te lo sawilawk hi US Geologists-te khuan an kharchhawng a ni ngei ngei ang! chhim lam a sen chhuai a lawm, hei!
Report this comment