Nizan (15 Oct zan) khan Serchhip Hmar Veng YMA ah Hall ah hla phuah thiam Upa T. Romama chawimawina leh a hla sak hona ‘T.Romama Nite’ chu Serchhip District Academy of Letters leh TT Vision tangkawp te buatsaihin neih a ni a, hall a leng lo mipui an kalkhawm a ni. He Programme hi Serchhip khawpui chhungah TT Vision atanga LIVE Telecast a pekchhuah a ni.
Pu T. Romama hi kum 1950 May ni 8 khan Mizoram chhimlam khaw pakhat Thingfal khuaah Pu Kaphranga leh Pi Darhliri te fa pali zinga a tlum ber ni turin a lo piang a. Kum 1976 khan PWD Deptt. ah SA hna hmuin PWD Division Saiha-ah kum 1992 thleng khan a thawk a, kum 1993 khan Serchhipah sawn niin tunah hian Serchhip Dinthar vengah a nupui Pi Lalthangliani leh a fate pali nen hlim takin an khawsa mek a ni.
– https://serchhip.wordpress.com/ ah a chhiarzawm theih.
Similar Posts:
- Serchhip MZP-in chawimawi tum
- Mizoram Inter District U-19 Football Tournament 2012
- Serchhip Media ten NREGS a VMC an nihna atangin banna an thehlut
- Dan kenkawh duh vang nge sum tuak hnatlang?
- Hnaruak hnawhkhah loh 2850
October 16th, 2009 at 9:50 pm
Uai, T. Romama tih hian kan lung a len hlawm na nge le? Kei lah chu ka tuiral deuh der asin! Anni ang thalaite sak tur hla tha leh ril min chhawpchhuahsaktu hi engvang tehlulin nge ka tuihnih loh lem ang le?
“Vakvai leh kal bo tate, hnehna puang chhuak thei lo hliam tuar mekte …” a han ti dup mai a, “Hruai kirin kan tidam zo si lo” a han ti leh mihring lam chu a tla chiang a lawm. Mi thenkhat chuan “Tlaini len a har ngei nge,i tello chuan” tih lai hi Pathian hlaa hman atan chuan an thinhrik ni maw? Chung zingah pawh chuan Kohhran upa inhmuam up tak tak lah bo lo. He hla thu duh lote hi chu an tlangval laia tlai lama nula tawmpui ching an ni duh! Chu rilru chu an thinlungah a la thi thei lo va, Romama an tawng leh mai thin.
“Kohhrante hi thawk rim thin mah ila, a han tih te deuh deuh hi asin ril ni! Structure Oriented ministry lama baptis te leh Programme oriented kristianho tan chua nat zawng a na e, khawl khawl mai a. Mahse, peopple oriented ministry thuthlung vuan tlatte tan chuan he lai chang hi lampui loh chu har tak a ni ta ve ang. Rim taka thawk nia inngaiin, rawngbawl hman lo lekin kan committee teh zut a, hremhmun nei a alh ngaiin a alh reng a, ni tin thla tin mi an tla si. Romama chuan hei hi hmuh chian lehzual a duh a, “Rinna mitin min hmuh fiahtir ang che,” a ti nih hi.
“Hawilo par Isua”a han thliak chiah phei hi chu pui tak a ni. Mizo thought-form dik tak hmanga Isua Krista a han puang chhuak hi theologian inti tam tak ten an tluk lo, kei chuan ka ti ve tawp mai. A christology, an ti em ni kha, hi a zira zir tham a ni. Engvangin he hla hi Kristian Hlabuah hian a luh lo.
Romama nite hmangin Serchhip ka thleng ve pha si lo, rauthlain he comment thlaa hmangin ka fang ve zuai a nih hi, ‘zuai’ in uar hlawm bawk, he he.
Report this comment
October 16th, 2009 at 9:52 pm
Pu T.Romama hla te,a bikin Kristian Hlabu a mi pahnih te hi chu tha ka ti thlawt mai.
Report this comment
October 16th, 2009 at 10:19 pm
Pu T.romana kan lompui che in kan duh sakna sang ber kan hlan ve a che.i hla phuah ropui tak tak leh nung tak tak te hian thlarau bo tam tak isua hnen ah lo thlen pui hram se..
Report this comment
October 17th, 2009 at 3:51 am
Upa T Romama hi ka mi ngaihsante zinga mi a ni ve tlat. Hla a phuah thiam mai a ni lo va, Baptist kohhran upa a ni chung hian a thinlungah kohhran ramri a kham ve ngai lo khawpin ka hria. A hlate leh a rawngbawlna Lalpan malsawm se la, hla tam tak la phuah zel rawh se.
Report this comment
October 17th, 2009 at 12:40 pm
@elldy a fapate Papui-a & lal-Kawng-a te chanchin i hre mial lo maw?
Report this comment
October 17th, 2009 at 7:16 pm
@drake. Hre tam vak lo tlat mai. Papuia chuan aijol doeacc ah mca a zir leh a, Kawnga chu serchhip ah a awm
Report this comment