Nakkum YMA kumpuan ‘Khawtlang nun siamthat’

October 22nd, 2009 1:58 pm by PHISS

Darlawna YMA General Conference neih mekah nimin khan rorel palai 1,152 te’n agenda hrang hrangte an ngaihtuah a; kum 2010 YMA kumpuan atan ‘Khawtlang nun siamthat’ tih thlan a ni a, nakkum conference neihna hmun atan Lunglei thlan a nih bakah, mihring hriselna atana tha lo polythene hman tlem inzirtir tul an ti bawk.

YMA rorel inkhawm hi Central YMA President, JH Zoremthanga’n a kaihruai a. An thurel zinga YMA khawih turte chu – Faina lam hawi chak zawka hmalak ni se, tih te; Mihring hriselna atana tha lo polythene bag hmang tlem tura uar zawka inzirtir nise, tih te; Inner Line Permit nei lo hnam dang dapchhuah hnathawh kawngah CYMA-in hma la rawh se, tihte a tel.

Rorel palaite chuan in hmun/lo ramte hnam dang (non tribal) hnena hralh a nih loh nana hmalak tha an ti a. Mi dik leh rinawm chawikanna tur leh, ram leh khawtlangin hma a sawn theihna turin kut tling loa sum lak luh that lohzia ram pum huapin inzirtir ni se, an ti bawk.

Sorkar khawih tur thil an relte chu – sikul zirlaibuah Mizo nun zemawi inzirtirna tam zawka telh ni se; Mizorama foreigner khuahkhirhna dan sorkarin a neihsa hi khauh taka kalpui ni rawh se, tihte a ni. YMA General Conference chuan kum 2009-2010 atana CYMA budget, Rs. 59,34,700 an pawm bawk a ni.

Central YMA General Secretary Lalbiakzuala hnen atanga thudawn danin, kumin YMA conference-ah hian kum dang zawng aiin palai an kal tha a, Darlawn khaw mipuite anin buatsaih nasa a, mikhual pawh an duhsak hle a ni.

YMA Gen. Conference-ah hian nizana vantlang inkhawmah khuallian, Chief Minister Lal Thanhawla’n thu a sawi a; CYMA Vice President, Lalchungnunga hnen atangin kumpuan thupui ‘Khawtlang nun siamthat’ ngaihtlak a ni bawk. Vawiin hian branch leh group hrang hrang atanga hruaitu thar thlang tura ruatte’n CYMA hruaitu thar tur an thlang ang.

(Source: Vanglaini)

14 Responses to “Nakkum YMA kumpuan ‘Khawtlang nun siamthat’”

1
Tetea Says:
October 22nd, 2009 at 2:06 pm
‘Khawtlang nun siamthat’ chuan Corruption Do a huam tel em aw…?

Nge Hindu extremist ho ang deuhvin khawtlang siamthatna emaw tiin inngaizawng awm dunte hi an ngaitheilo ve anga a zia lo viau ang…
2
vlchinzah Says:
October 22nd, 2009 at 2:30 pm
Kan khawtlang nun chhe tawh lutuk hi siam that reng angai ni. Rinawmna kan tla chham a, Ai a Upa zahna chang lah kan hre tawh lo.Tlawmngaihna te lah hmingthat duhna in kan lan tir a he kan nun ze mawi ral mai tur hi chhan tu a ngai. kan khawtlang nun kan siam that chuan a hrana RUIHHlO, CURRUPTION tih vel hi do a ngai tawh lo ang.
3
KK Lova KK Says:
October 22nd, 2009 at 2:51 pm
Khawtlang nun siamtha tur chuan mahni in chhung atanga tan hi a fuh berin ka hria. Kristiante hi Missionary vek kan ni a, kan mission field hnaivai ber chu kan in chhung hi a ni.
4
zuala12 Says:
October 22nd, 2009 at 2:53 pm
Vawiin YMA khawmpui inthlang chu hruaitu lu lam deuha an thlan chhuah pakhat hleihlawi hi chu a uih ru pangai bawk kha a ni leh ta,a tui awm hlawl loh. Hetiang mi lem lutuk hian khawi lamah mah khawtlang nun a siam tha lul lovang.Central YMA tello hian kan veng chu kan in enkawl thei tawkin ka hria.Central hruaitu nih chak lutuk mi thenkhatte hi chu an tenawm ru hlawm a nia,del dawl a.(Ka tina lutuk em aw?) Mahse heng mi thenkhat,hotu nih chak vanga phe phe ho hian kan YMA zahawmna hi nasa takin a tihniam a,chuvangin hengho dinhmun dik tak sawi nan hi chuan tawngkam hi duhtui a harsa lam deuh chu a nih lawi si hi aaa!!
5
funny Says:
October 22nd, 2009 at 2:55 pm
zuala12: thumps up
6
KK Lova KK Says:
October 22nd, 2009 at 2:57 pm
@zuala12: Va tha theng theng ve! I sawi-ah i chian hmel bawk a, a uih ruk dan kimchang kan va hre chak ve.
7
zuala12 Says:
October 22nd, 2009 at 3:07 pm
@funny…thanks
@KK Lova KK…..Sawi chi nang,sawi chhuah na lamah pawh tenawmna kan kai palh ang tih ka hlau zawk,duhtawk mai ang.Mi reng reng hian tlinlohna lai hi chu kan nei vek tehreng mai, (Nobody’s perfect except Lalpa)mahse mi thenkhat tha anga lan tum,thatna pawnlang thinlung chhung sual si hi chu an awm chiang alawm.Heng mi pamham thenkhat avang hian pawl thenkhat te,rorelna fawng chelhtute,society hrim hrim te hi zuk han hreawm ngawih ngawih thei a a a!!!
8
benjamin rualthanzauva Says:
October 22nd, 2009 at 3:28 pm
hruitu thar te chu tah hian nominees te nan
https://centralyma.org.in/news.php?readmore=39
picture pawh awm
9
khumchikthei Says:
October 22nd, 2009 at 4:08 pm
faina lam kawngah hma kan la dawn a a lawmawm hle mai.
thil pahnih khat lek.
1. Serkawn Lunglei saw veng fai tak a ni thin a , tunah pawh a la fai fu, a vengchhung mipui te an tanga an inzirtir nasa bawk a, pawn lam mite tan chuan a nih dan a vawn mai kha thil tih awm reng a ni.
2. Zotlang Aizawl pawh hi veng fai tak a ni, khawtlang an tang a a beihin an bei bawk, chenna atana veng nuam tak a ni.
faina lama hma kan la dawn a nih chuan, mimal tin ten mahni atang hma i la tan i la, mahni taksa, chuan kan
in leh lo chuan kan veng. mitin ten chutin kan tih chuan kan fai kuarh mai ang. midangin min rawn tan sak thei lo ang. bawlhhlawh paih leh hnawmhnawk siam pawh inthlahrun awm tur khawpa mitin kan tan chuan state fai leh chenna atana itawm kan ni mai dawn a ni.
Polythene hi a that lohna kan sawi nasa a, hman tlem tur ti ti lo hian banned hmiah i la a awlsam a ni mai.Tunhma zawng pawhin lehkha vekin a lawm thil kan fun mai thin kha.
“midang entawn turin i fai ang u”.
10
Taikheri Says:
October 22nd, 2009 at 9:37 pm
YMA LEH KOHHRAN HI KAN VA DAWIH TAK EM! EIRUK DO KAN PUANG NGAM LEUUUU…!
11
Taikheri Says:
October 22nd, 2009 at 9:42 pm
zuala12 > soisa nek roh, lo back-up don che lom. keini chu mi(sual) tak tak kan nia, i soi ang te khi chu milem an ni. ti hrep roh, het sala, ka va thinrim em, ba ba re! eiruk do puang ngam bok si lo, omzia om lo.
12
darchhunval Says:
October 22nd, 2009 at 10:07 pm
Central Young Mizo Association –

President – Pu Lalchungnunga
Vice President – Pu C Zoramliana
Gen Secretary – Pu Lalbiakzuala
Asst. Secretary – Vanlalruata
Treasurer – R. Lalngheta
Finance Secretary – J. Lalsailova
13
Ditto Says:
October 22nd, 2009 at 10:24 pm
bawhzui har chi
14
spa jongte Says:
October 23rd, 2009 at 12:22 am
Ni e thil tha tak a ni .ram vei hma in khawtlang nun hi vei hmasak ngai a ni a ..a ma e rawh chu khawtlang leh ram kan vei lu tuk vang hian dan in a a phal loh chin (mob rule)kan hmang tam lu tuk te,mi rilru leh taksa na tak tak a kan mihring pui te chung a kan tih thin te hi KRISTIAN NUN DAN THA NGAIHSAN kan tih te nen hi chuan a in per san hle,hmalam hun ah kan thlah te, kan fa te chung ah pawh tuar thei ve theuh kan ni.dan lek kawh ngai ah chuan police ta pawh han ko ta thin xawk ila..khandaih hmang tu chu khandaih vek in ………