‘Dy’ neilo pawla’n a sai an ti, fam mahila min sai bil lawng e” ti thin kha kan ni miau a. Hun reilote chhung chauh kan hmelhriat HIV pawhin kan ramah bu a khuar nghet sawt hle mai. Tuna HIV test nana hmun tam taka kan hman mek hi a rintlak tawklo niin an sawi bawk.
An hmuhloh(-) tamtak pawh hi Electronic microscope atang chuan hmuh a ni fo. Mifel tak nia kan hriat, a ruka lo de ru zek te avang hian Sakhaw mi tak leh mi invawng fel tak ten an kai phah nual tawh bawk. Heihian Inhrechiang satliah a inneih hi a thalo a, eng hri nge an vei a an vei loh tih kan hriatte chauh neih a tha ber tih a tarlang chiang.
Call girl ho pawh hi hmanni lawkah an lo lang a, mak kan ti a, tunah erawh ngaia neih mai nilo awm ve tur renga ngaihna kan nei ta daih mai. Tin, an mahni hi Thingtlang lam atanga Matric pass, zirna sang zawk bei tura Khawpui zawka insuanlutte an ni tlangpui a. A dawrtute pawh Thingtlang lama Contractor, Bill khul a Aizawl kalte antam ber a ni awm e.
Heti a nih chuan Thingtlang lamah hian Khawpui chhungah aiin positivean tam mai awm mang e. Chuvangin, helam hawi zirtirna hi Thingtlang lamah hian kan pek that a tul ngawt ang. Nakin lawkah chuan kan population hi a hniam duak lo ang tih a sawi theih miah loh. Tin, Taxi Pu(Driver) te hian Call girl ho hi an pui nasa an ti.
