LEI DANTUR:Vawk ke tui lei tur chuan vawksa tha tak angai ve tho,a sa pangai anga thlan uluk tur ani.Vawk Upa lutuk sa nilo hramse,Thau tha tak mai,a mawng biha,a thau a lawr anih hi tih tur vel kha han ni se.Tin,a ka lam han bih leh ila,a thau tlem a hmuau a nilo maw tih tur han ni leh bawk se.Tin,hei chu a sum aiin a lian daih tih tura sa muk te hlei hlei kha a pawi lo.
Ni chhuak melh peih tawk leh pal nghenga ding tawng tawng thei khawpa thau tha anih pawhin a pawi chuang lo.A vawk a chu a upa ber ah kum khat leh thla thum.Tin,thla sarih aiin naupang lo thung se.A ke,han tihah a sa tamna lai a dar hnaih leh a khel hnaihte hi a tui hlei hlei.Inrin ni tuka talh kha han ni ngei se.
PUAHDAN:Vawk ke chu vai veng vawngin han sil phawt ila,chutah zopa thuk siam tapchhak chhawm ngeiah khan han rawh hmui rum rum mai ila,mei khu leh mit thim chu tawrh nuam veng veng tak ani.Mei alh vat vat ah khan hneh tawk takin han rawh ila.A vap chauh a bang ta emni aw,tih tur khawpa hneh a rawh hnu khan,fai tawk a ziah tur ani.Hei chu ka bialnu chawn nise,tih pawha pawilo tur khawp khan han ziat fai ila.Chutah hmin tha hnep hnawpin han chhum ila.Tih tur zatve chu kan zota.
BAWLDAN:Hei hi a pawi mawh lai ber,kan thil bawl tui leh tui loh in nghah na thu ruk,a lai ril leh kan sawi tum ber chu ani.He lai process hi a pawi mawh em avangin kan thil bawl pum pui in nghahna ani.
Vawk ke chu,thleng lian tha tak mai,fai veng vawngah khan han thet darh suah suah mai ila.Chutah hmarcha nikum lama thar,thlasik nisain a hem ro,ro tha veng vawng,han rawt zawng pawha puak keh pap pap thei.Ur hma a han lek kual vel zawng pawha tleirawl hrawk no deuhte chuan an khuh pui tluar tluarna tham kha thirbel ung ang thet thawtah khan han ur hmui rum rum ila.Thenawm hote ang thawm kha chu sirah hnawl rih tur(kan ur chhan an hriat loh vang…).Mittui te pawh kha han tla deuh pur se,ala man tho tho.Chutah hmarcha hmui chu chin tawk awm bak sak lovin han rawt dip darh mai ila.Chu hmarcha hmui(A hmui kher hi a tui bik…a mak khawp…) chu thak ngam dan tawkin kan telh ang.Thak deuh mahse a tui tho.
Saum hi a pawi mawh leh hle.A tel lovin bawl ani lo tlat.A hma a kan sawi tak anga vawk tha kha,a thau hlang han la se,chu ngei chu saum bur mizopa trademark(Inting….)chuang thatah khan han um se.Thiante hmaia a ung kan ti kai palh a nih pawhin kum thum chhung chu phih a ngai ang tih vel tur khan ung hial se.Tuk thum tuka Ni chhuah ruala kaihthawh chu saum,a rim pawh no hman mai,a bur atanga tho hlim ngei mai chu hman leh tur ani.
Vengthlang hmeithai vut al tha,an zawhtein,a ek phum nana a hman hma ngei khan,chingal, al vin tuk thei hial khawp kha thlawr leh bawk ila.Soda tih vel hi hman loh tur a quality a ti chhia.
Chung ingredient-te kan nei kimta maw tihah chuan,thlengah khan han sawh bawl ila,phuan hluah khawp khan.Hnar,mit leh hriatna dangte hi a tlai hluah hluah thei zu nia.He tiang tuk hi chuan tawngtai reite hi a hlau awm thei lek lek thin.Lai pawng thle lawl khawp leh ngaihtuahna tawi tut khawp khan han ei mai ila.Aw!!dam man hi ava awm thin tak em!!
Similar Posts:
- Krismas Ruaitheh (Pic album)
- Khawvela Hmarcha Thak Ber?
- A hmui mawlh kha
- Telhawng i ei ve ngai em le?
- Tlana hmarcha
November 4th, 2009 at 7:59 am
vawk ke bawl chu i thiam hmel hle mai,chil te ph a put don alom le
Report this comment
November 4th, 2009 at 8:18 am
sawngbawl pah hian bulah lem zeuh2 tur inchhawp phei ila chuan…….
Report this comment
November 4th, 2009 at 8:32 am
A titui leh zualah saum pawh a lung nuaih nuaih tawh kher hi pawlh ila a tui bik e an ti.
Report this comment
November 4th, 2009 at 8:39 am
Saum chu ka nei tui rura
Report this comment
November 4th, 2009 at 9:37 am
Vawk ke tifai dan process lai hi pawimawh khawp mai tui taka sawhbawl tur chuan..
Hetiang tho recipe hian mau tuai steam hmin sin te2 in thlur zawnga chan sawm nen sawhbawl pawh tui duh khawp mai. Hmarcha hi chu ngam dan ang tawkin telh mai tur.
Chawhmeh siam tui tur hian cutting dan size hi pawimawh khawp bawk(chawhmeh siam dan tur a zir zelin)
Report this comment
November 4th, 2009 at 9:56 am
Vawk ke hi saum a bawl kher loh pawn, uisa bai angin han bai ila a tui lutuk bawk. Saum a bawl dawn chuan hmarcha hmui aiin hmarcha hring ngei nise tui ka ti zawk.. ka chil a put..
Report this comment
November 4th, 2009 at 11:15 am
chuan tlaiah plate khat vel suak ru ila thil dang nen han hmeh ilah e…… tui dawn raps
Report this comment
November 4th, 2009 at 11:32 am
I bawl tui thiam hmel bakah i sawi tui thiam hmel em a nih bawk hi. Vur rama ice cream zawrhpuiah i that hmel ngawt mai.
Report this comment
November 4th, 2009 at 11:53 am
I va han post sei mai mai ve mawle, vawk ke bawl ei ngailo tan chuan a tangkai lo khawp mai :twisted:
Report this comment
November 4th, 2009 at 12:00 pm
Vawksa hi tui ka tih tehlul nen a mi sa ho hi ka ei duh mang derlo mai a, ka ten deuh tlat hlawm.
Mahse i vawk ke sawngbawl dan atang khi chuan a va tu hmel suah suah ve le, khitiang khi chuan chem fawng pawh hi sawngbawl ta ila a tui phian tho in ka ring!
Report this comment
November 4th, 2009 at 12:07 pm
Vawk a kara a ‘ke’ lehnghal te chu a! he he …
Report this comment
November 4th, 2009 at 1:07 pm
Vawk ke chu bawkbawnthur, purunsen, corriender, bahhawr,chi & chili sauce te nen a bawl pawn a tui khawp mai.
https://i42.tinypic.com/sni2v7.jpg
Rawh or oven-ah ur hmin ila, antam nen a chhum pawlh pawn a tui.
https://i43.tinypic.com/20k387k.jpg
Report this comment
November 4th, 2009 at 3:20 pm
Topic chauh ka en lai chuan… in vawk kha dam lo in..a ke a bawl vak a, a damdawi a thra tur, mi(sual) ho ilo zawt dawn maw ka tia…. hehehe
Report this comment
November 4th, 2009 at 4:02 pm
A bawl dan chu sawi law law la mawle, a kaw kam velah i thing thla mai mai alawm!
chepa pic chuan mi a lem leh zar mai aaa, tunah hian ka ril a tam viau mai lehnghal!
Report this comment
November 4th, 2009 at 6:13 pm
A va han ziak ngaihnawm thiam chiang —ei aiin a sâwngbàwl dàn thuziak chhiar ka thlathlel zàwk fe ta mai! Ngaihnawm tak, picturesque chiang, thluaithlum mawi bawk si!
Atìrah chuan BAWL tih khi ‘vawk hrisèl-lohna, vawk-bawl, a buhfai,’ an tih ang hi ni tùrah ka ngai a —a lo teuh lo mai! Chawhmeh siam dàn ka chhiar tawh azàwngah a la ngaihnawm ber mai àwm e!
@napun-namja : Sawhbàwl ei nuam le!
Report this comment
November 4th, 2009 at 10:20 pm
tunlai chu khitiang hlir khi ka rilru ah om a…ka ron chhawp chhuak ve nih khi…keipoh ka ziah laiin hian ka chil put hi vawi engzah nge ka lem zawh niii!!! ka hak tep..
Report this comment
November 5th, 2009 at 10:52 am
Next ah vawklu bawl dan han ti leh law law teh khai.
Report this comment
November 5th, 2009 at 11:33 am
Vawk ke bawl i thiam danah min bawl ang tih a hlauhawm hle mai. Kan phuan tha duh awm si.
Report this comment
November 5th, 2009 at 11:42 am
sathau ah chuan vawk lu thau hi tui ka tih awmchhun anih ka ring. chu pawh ka ei tam thei chuanglo
Report this comment
November 5th, 2009 at 1:34 pm
Pu mza mo neihna ruai menu ah vawk ke bawl/vawk lu bawl a tel ngei ka beisei e.
Report this comment