NREGA (Ni 100 inhlawhna) hi central lam hian min duhsak em vanga min pek nge ni ang a, min tih chhiat vek nana an tih zawk niang aw ka ti thin! Kan rilruah hian awlsam taka sum lakluh tur emaw tihna lian tak min neih tira min nek ral hi an tum em ni? Tin, NREGA hi Mizoramah chuan Implimenting Agency chu Village Council te an ni. Kan VC te hian an duh duhin sum hi an chawk kawi mai em ni?
Mipui kan phun nuaih nuaih a engchen mah kan thlenpui lem hleilo a. FOMTU leh PRISM te pawh hian eiru ni a rin bawm hung hunglo hian VC te leh BDO te hi check deuh se a tha lo maw?
Khaw pakhata NREGA Social audit an neihna a finance audit team te report chu ka Chanchinbu (Tualchhung nitin chanchinbu hnaisailo zet) ah ka tarlang ve a, he khuaah hian pawisa balance Rs. 1,28,990.00 zuk nei a(Finance audit Team te report a alan danin).
NREGA sum hi balance a awm tur a nilo a, MR siam a pawisa hi lak chhuah thin a ni. Balance heti zat zat auditor ten an hmu chhuak mai hi mak ka ti!! A pawisa erawh anla kawl thu report a awm lemlo a! Daily News Paper a chhuah a nih hnu pawhin chhui chiang leh bawhzui thawm a awm lem hleilo a, mipui lah an phun lungawi ve vel ta mai mai ni awm tak a ni!
Aw nangni mi(sual)te u, ngun taka ngaihtuahin i sawi zui ang u hmiang.
