Hmanlai hian, Chemtatrawta hi a awm a, chem a tat rawt rawt a. Chem a tah rawt rawt lai chuan Kaikuangin a Til ah a rawn chep ta hlawk mai a. Chemtatrawta thinrim chuan Khaum zamna chu a chhawk zawk mai a. Khaum rah chuan Ramar ngum ah a deng ta dawp maia.
Ramar thinrim chuan Sihsen bu a thai darh leh ta vek mai a. Sihsen thinrim chuan Sanghal Til a seh veleh a, tiin kan hriat thelh tak nuaih pek chu mawle. A dik chiah hria kan la awm em aw, Kawnga te, Muantea te ho kha 
Similar Posts:
- Chemtatrawta (English version) chhunzawmna !
- Chemtatrawta (English version)
- Chemtatrawta baltin mawng a pawp
- Ramar nupa
- mi(sual).commers
November 10th, 2009 at 2:17 am
HV, i tumna a lawmawm hrim hrim e.
Sihsen ni lovin Taivang bu zawk a ni e. Taivang thinrimin Sanghal kapah a seh a, Sanghal thinrimin bâk awmna changel a tai thlu a. Bâk thinrim Sai hnarah a lut a, Sai thinrimin Pitarte in a chil thlu a, Pitarte thinrim tuikhur hnarah a ê.
A bak midang sawi ve tawhah aw niang….
Report this comment
November 10th, 2009 at 2:28 am
Kawnga, ni dawn tak, hahahah ka hre sual tih ka chiang si, heta tang lo chuan a dik hriat ngaihna ka hre hlawl si lova, tanpui ka han dil a nih kha. Ka lawm lutuk.
Report this comment
November 10th, 2009 at 2:35 am
Hre reng emaw kan intih lai hian kan theihnghilh teuh zel mai asin. Lo vawng reng tawh nang che
Report this comment
November 10th, 2009 at 2:41 am
Nia, ka hre tawh ang i zarah. Lal VK ang ema hre dik anga inngai ka ni ve lova a zia tak a awm hairehai
Report this comment
November 10th, 2009 at 3:38 am
Chemtàtràwta Thawnthu kan han ti hluai tak nàa —Chemtàtràwta hian a thawnthu bul lam paragraph khat tawi tè pawh hi a luah khat zo lo leh nghàl.
He thawnthu hi category mawihnai taka Mizo-ten an lo phuah thei hi mak ka ti ru riau thin.
Kha-ûm (creepers) rah hun lai leh favàng tui-hna tlèm tan hun lai innang chho mil riaute hi a inhmeh hle a. Universality nei ru tak thawnthu a tling. Tin, chem hman a nih tawh avàngin Mizo-te chuan metal age-ah kan awm ve hman tih a chiang a; lungtàt pawh mitthlâah a lang chiang a. Tui-hmun deuh Chemtàtràwta’n a thlan chhan pawh hi a chem tuai leh a tah hriam dànah thìr lam chanchin a hre ve thawkhat hleah a ngaih theih bawk a. Europe rama awm ve ngai lo Mau/Raw kùng chanchin a han awm bìkte hian William Shakespeare-a thawnthu a khùm a. Taivâng han tih lahin insect world-ah Mizo-te kan chiang hlein a lang a, Africa rama thingngèt eiho kan tluk ve tho. Ram-âr han tih lahin fowl of the ground/air lamah kan theu-neu chuang bawk lo tih a lang. Sanghal han tih lahin ke pali nei ramsâah kan chiang a, pig-sticking èm kan game a ni lo nàin! Plantain (changêl) lamah lah —kan Zoram vegetation zînga mi bìk liau liau emaw tih mai tùr! Bàk (chunglêng leh hnuailêng indo) han tih lahin —analogy, fable chhep nalh ber hnam kan nih a rinawm hial ta. Sai pawh Thailand leh Burma lam tà bìk chauh a lo nihzia a lang fiah e. Pitar tè in hi Orissa-a mi emaw a ti hial em ni ang aw? Pitar tè lahin vàntlâng han chawhthawh dàn a hre zèk mai a, tuikhur hnârah ngei mai a bungbù ka kât mai si! H1N1 lamah engnge a an reuh ang kan hre pha chiah lo! A kâa leiko ai chuan a mawng lamin thu a sawi ring zàwk tih a hai bìk miah lo! An khaw KS chimawm pâwl a ni reuh em ni? He mite khua hi sanitation lamah pawh an lo invawng uluk ve viau a ni àwm asin —thawnthu chhehchhoh dàn (genre) danglam tak FLASHBACK STORY a piang ta reng mai —it is another “Wuthering Heights!”
Investigation lamah pawh kan Mizo mi hmasate kha an nèp ngai lo vang tih he thawnthu hian min hriatchhuahtîr mawlhin a lang a. Kan Zoram-a Ministry chelhtute pawh investigation lamah Chemtàtràwta Thawnthu tluk zo lo pawh an awm ve thei hial àwm e. A chepa kai kan ti dâwn nge, a hauhùk kai kan ti dâwn? I ti lo ve ve mai teh ang, chepa leh hauhùk hming he thawnthu-ah hian a lang ve phàk lo. Dulte khua an ni lo tih a chiang.
Kaikuang mawlh kha —hnahthial kuanga a hmui an han hawlh pawr vèl te kha … nature-a thil awm tawh sa nèna inmil tùrin tu pa zukhàwn chang lovin he thawnthu hi a lo tah mar ve na’ngiang mai! Chemtàtràwta thawnthu tih ai mah hian Kaikuang Thawnthu ni ta mai se, a inrem mah zàwk lo’ng maw? “Fapa Tlanbo” chanchin kan tih huai huaia a changtupa ber chu “a Pa” kha a ni daih ta ang vèl tho a ni!
Zoram-a chèng nungchàte, an chènna leh khawsakna a rawn tilang chiang thiam hle a; an intihthinrim theihna sosâng ber tùr theuh àwma a ngaih a rawn thurchhuak thiam a … thu ngaihnawm tak a tling pha tlat. Kan Mizo phrase thi thei tawh lo, “a tu ber chu nge kaikuang?” tih pawh hi chatuanin Mizo tawngkauchhehah hian a nung reng tawh dâwn a ni! :mrgreen:
Report this comment
November 10th, 2009 at 4:50 am
A English translation hi nalh deuhin Pu Sangliana Ex MP (fam) khan a ziak ka chhiar tawh han dap chhuak thei kan awm em le auh
Report this comment
November 10th, 2009 at 5:19 am
Thawnthu tawite si, thil chi hrang tamna deuh a nih avang ngawt pawh hian ka ngaina tlat asin. Kan sawi mai dawn a, kalo hre chiang ta hauhlo mai chu ka tlawmngai tep a ni. Mahse, misual kan hmang tangkai veleh ta a nih kha.
chawnghilh, i tlip nalh phian mai ka ti.
Report this comment
November 10th, 2009 at 5:46 am
bengsik a kan ngaihtuah mai mai hian chemtatrawta hi tunlai a pu HV hi a ang deuh ka ti…haire hai
Report this comment
November 10th, 2009 at 6:11 am
a ho
Report this comment
November 10th, 2009 at 6:30 am
@H.Vangchhia
@kalo hre chiang ta hauhlo mai chu ka tlawmngai tep a ni.
heta “tlawmngai” i rawn hman dan hi a dik meuh maw?
“tlawmla” leh “tlawmngai” hi kan hman pawlh fo mai a. A thren chuan min hnial trang trang bawk a. A thren in tun a “tlawmngai” i hman dan hi a dik an tia. A thren in dik lo “tlawmla” tih zawk tur a lawm an ti ve bawk a.
Kei chuan “tlawmngai” tih ai in “tlawmla” tih hi a dik zawk in ka hria.(i hman na sentence ah hi chuan)
Report this comment
November 10th, 2009 at 6:39 am
@Mz : Pu Sàngliana kuthnu kha chu poetic form-a sàptawnga dah a ni; a thawnthu hrim hrim prose-a lehlin a ni lo. A hûng mawi nalh khawp mai! Tun hma deuh Pu Zawntea te hun laia an tihchhuah thin MIZORAM TODAY magazine-ah khan an chhuah tawh kha!
Kan naupan laiin sàptawnga letling tùrin kan Hotupa-in assignment min pe a, Class work a ni a. Bul chu kan tan nalh khawp mai —Once upon a time, there was …” tih chin chauh kan phuah thei a.
Chemtatrawta kha sàptawngin kan dah thiam tawh si lo, 45-minute English Period tàwpna dâr a ri ta!
Kan hotupa khàn “Personal name rèng rèng chu a hming ang anga dah mai tùr,” tih min han hrilh hlawm sela chuan, “he was horning his dao in a little brook where there was little water …” tia chhunzawm dàn tùr kha chu kan suangtuah ve nauh nauh tho va, kaikuang pawh lobster nge shrimp hman zàwk tùr ni ang tih pawh kan duanglàwk ve vek —kan hotupa kha tùn hnuah ka chhuahchhàl hial a, “Khatih hun lai khân in teaching method kha, kha ai khân thiam hret ni ula chuan, sàptawng pawh khân engemaw chen chu kan letling ve hman ngei tùr a!” tiin.
“Minute 45 chhùnga ‘Once upon a time, there was …’ ti ringawt mai kan letling hman kha chu —ka dem ve deuh che,” tiin ka hrilh hial. A nui ve kur kur!
Kan zirtîrtupa hming chu ka târlang lo mai ang!
Thawnthu azawngah mi thinrim ngah ber pâwl a ni hial àwm e, kei pawh kan zirtîrtu-pâ lakah khân ka la thinrim deuh! Min zirtir dàn kha a chaurau èm atin a ni!
Report this comment
November 10th, 2009 at 6:49 am
@Jaspi : “Tlàwm màkah Vànzèma a thi,” tih thu ang deuhvin —tlàwma la chu a dik zàwk mai àwm e! Supporting you!
Report this comment
November 10th, 2009 at 7:02 am
Thawnthu awmze nei leh entir nei tha tak ani. A tawp lam a anhan inchhuahchhal tak tak mai kha chu tute emaw hi chu an annei chiang. Kan mizo thawnthu neihho zinga a tha ber pawl leh tawi tak fawmkim si a ni.
Pitarte tuikhur hnarah a E tih laite hian rilru a khawih ru tlat.
Report this comment
November 10th, 2009 at 7:54 am
Tawng sual hi a AWR.
Report this comment
November 10th, 2009 at 9:33 am
He thawnthua kaikuang lo lai tak hian, Luite kal min ti chak ziah thin. Kaikuang, Nghazawngek, Aite thiante nena han ve theuh2 kha a lova nuam thin em,! In lam ngaihtuah te chu ka haa…!.
Report this comment
November 10th, 2009 at 10:35 am
HV a, Tiu tiu tiu ti tiu .. hahahaaa. Chemtatrawta thawnthu hi i tuipui ve ngawt mai.
Hmanlai hian Chemtatrawta hian chem tah tumin tui ti chip chepah a kal a, a chem a theihnghilh…
Report this comment
November 10th, 2009 at 11:44 am
@HV, Chemtatrawta hi chem a tah hma chuan a Nu leh Pa ten an fa hming koh hmasa ber a ni bawk a “Vanlalauva” tiin a hming an phuah a!
Mahse chem lam a eizawng tur reng a khuanuruat a nih avangin a eizawnna hmanrua a tuai hriamna lam ah Pu Chemtatrawta tih hi a larpui ta phian niin a lang! 
Kaikuang hmui a lo pawr fuapna chhan te pawh a tel a, tin, chu mai bakah Hnahthial kung hi a rai hnu reilo te a a thih nghal zel nachhan te pawh a la lang tel cheu, in hriat ve vek tho ka ring, in hriatloh mial leh rawn sawi ula kan chhunzawm zel dawn nia, thawnthu rotling, belhchian dawl tak a ni reuh.
NOI
A thawnthu chu i sawi leh kawnga sawi khi botli ila, chhui let leh vek ila a ni deuh mai!
HV-a fate chuan Mizo thawnthu an va hre phelh dawn phengphung ve le!!
Report this comment
November 10th, 2009 at 1:32 pm
An nu khan a va tat ve a Kaikuang a hawi hai…. an ti..
Report this comment
November 10th, 2009 at 1:53 pm
@chawnghilh, i thlirna huang a zau hle mai, ngaihnom dap dap e.
Report this comment
November 10th, 2009 at 2:39 pm
Lal-pu-Vangchhia i hre thelh ve lituk
Ka lawm e
–LVK
Report this comment
November 10th, 2009 at 2:45 pm
rinai daiha alo thuk reuh chu mawle.kan mizo kutchhuak thawnthu zingah chuan rotling a ni reng a ni.
Report this comment
November 10th, 2009 at 3:03 pm
mzvizon,Pu Sangliana EX MP (fam),wit in braket a fam i tihhi Pu sangliana hi a thi tawh i tihna em ni?Ka va han hrechiang chak vele.
Report this comment
November 10th, 2009 at 3:08 pm
@mygurl
BEST COMMENT 
Report this comment
November 10th, 2009 at 3:12 pm
Pu Sangliana Ex MP (fam) ????
Report this comment
November 10th, 2009 at 4:06 pm
Kan Rev. zahawm tak thihna chhan/thih dan dik tak chhuichhuak turin ka lo awt daih a nih chu, kaiktuang rekchhuaktute kha!
Report this comment
November 10th, 2009 at 5:43 pm
Lal Vaiking, ka hriat chian loh vanga a dik zawt ka ni e. Hre thelh ni lovin, tra la la la la
Ka lawm e
Report this comment
November 10th, 2009 at 9:16 pm
‘Kaikuang in a til ah a chep’ tih lai tak khi a thuk in zirchian a va ngai em!!
Report this comment
November 10th, 2009 at 9:35 pm
@Hv, Ka lo online tlai deuhva kawngtea hian min lo chhan khalh a nih hi, ka pawm zui ve mai ange.
@lalhmeltha: Pu Sangliana hi a thi tawh a nih chuan a hming tawpa (fam) tih hi Mizo tawnga kan dah dan tur tha tak a ni e. English a Late an tih
tia kan lo dah ve thin ai hian Kan Mizo tawngkam mawi tak hmanga (fam) han tih hian a zo raih a, a dik em em a ni.
Thawkkhat lai khan Tribal Research lam khan Chemtatrawta kha a tilah ni lovin ‘a mawngah’ an chehtir tlat mai pek a. Pu PC.Biaksiama khan ngaithei lovin ‘…mi tilreh tih zawng zawng pawh hi mi mawng reh ti vek law law ila…’ tiin a article-ah a kap fak fak mai :smile:
Report this comment
November 10th, 2009 at 11:02 pm
A christmas baloon ah a lawm a cheh le! chaih chaih mai a!
Report this comment
November 10th, 2009 at 11:34 pm
muantea, fam tih awmzia chu hria ve dawn lawm ni.kan mizo chhuanvawr leh chal lang neih pakhat a thih thu thang ka lo hre lova, mzvizon an a comment na a a hming leh a title tawp a(fam)a dah nachhan khi ka hriatchian duh vang zawk a ni e.A lo boral tawh chuan engtia boral nge maw ni angle tih kan zawh belh nghal e.Hria in awm chuan.Plizz………………in.
Report this comment