Hringnun kalphung hi mak ve deuh a ni. Kum sang tel, thlah chhuan tam lo awm tawh, thih hma zawng nitin thil thar zir e tilo hian pawimawh tak ngaihthah hi kan lo la nei fo thin.
Kan thian, chhungte, laina hnaite emaw hmuh fo te emaw an han thih hian, thil hlui kan hrechhuak a an ngaih a zual a, lungchhia in mittui hial te pawh a luang zawih zawih thin.
Kan mi ui tak te an han thih chiah hi chuan pachang pawh zah dawn zo lovin an biangah mittui a luang zawih zawih thin a nih hi. Hetih hunah te hian, “aw la dam la kan chuti tur” emaw, ” mama pa/mama nu ngati nge min kalsan, kan van ngai che em, i tello chuan kan awm thei dawn silo,” ti te in lungchhe takin tah hla kan au chhuah pui thin. A nilah taka, Khuanun hringnun a lo duan dan hi mak tak leh zir ngai em em mai, thiam har tak a ni reng a ni.
Rinloh lam daihin kan thlep kual teh ang. Awle, mihring hi kan damlai hian khawsa hoin inbe nitin mah ila, kan kianga khawsa te hi kan ngai a ni, kan thlahlel a ni tih hi kan hriattir ngai em le. Nge, kan inhmuh ngun tawh avangin chutiang lantirna chang pawh kan lo hre tawh lo zawk le aw. Thi tura kan ngaihtuah phalloh te hi an ngainat zawng leh thlahlel zawngin kan nung ve ngai em. An thih hnuah em ni thla lakpui kan tum, nge an damlohna a zual tak hnu dam chhuak dawn tawh lova hriat ah chauh em ni thla te hi kan lakpui zel dawn?
Mizo te hi lungleng mi tak kan nih avang pawh hi aniang zai lam te hi kan ngaina em em a ni. Engemaw hlek ah hla, lungphu ti kat nawk thei phuah mai pawh kan har lo viau. Amaherawh chu, kan mi ngainat zawng te hi an thih hnu ah/kan inthen hnu chauh hian em ni kan ui zia, kan ngaihzia hi kan hriat tir dawn. Kan che zia leh kan aw ka ten a sawi tur a ni dawn lawm ni? Tawngkam tha in Sial a man upa in an lo tih kha, induhsakna tawngkam hlut zia an sawina a ni tih hriat reng a tha awm e. Tul lemlo pawh kan sawi teuh peih a, mi lawmna tur, ti hlim tu tur tawngkam tlemte tal chu nitin hian sawi tum thin ta ila, kan kianga cheng te nen kan inkar ah rilru hlim, rilru zangkhai min petu, in laichin thatna pawh a ni ngeiin ka ring.
Nupa ah pawh, inngaizawnna karah pawh,pafa karah pawh a ni tho mai. In rawn tawn te, kan thlahlel a ni tih in hriat tawn tir te, in ngaihsak te hi a lo van hlu em. Inthen hnu chuan ngaiin au mah ila, sawt tawhlo hi a tam tawh thin si a!
Similar Posts:
- Vanram fan thu leh Thih thlamuanna
- A zual zel
- I hriat loh ka hlau thin a
- Thih hnu beisei bo
- AIDS tak hi chu aw….
November 16th, 2009 at 6:51 am
Lunglen hi a destructive ka ti ve mai mai a, enge in ngaih ve dan?
Report this comment
November 16th, 2009 at 7:28 am
Mi “Lungleng”ngawih ngawih ho te Nun hi a tawi duhin ka hria te ka ti ve mai mai a, chuan induhsakna, inlainatna a khaikhawmtu chu HMANGAIHNA lantir hi a pawimawh tak zet a ni…Lal Isua rengin a ngaipawimawh mai…chuan a aia pawimawh chu Thisen (hmangaihna avanga thisen luangchhuak kha)..khawvel thiamna sang tawh em em hian Thisen a la siamchhuak thei lo hi Thisen hlutna Bible in a sawi lar em em nemnghet tu ni in ka hria…Thisen leh Hmangaihna Lal Isua in a ngaihpawimawh te hi i ngaipawimawh ve ang u…chuan BLOOD DONATION ropui zia hi hrechiangin i chhunzawm zel ang u…
Report this comment
November 16th, 2009 at 7:29 am
Hnam changkang zawk te hian induhsakna tawngkam an lo uar hle mai. ‘Ka lawm e’ tih te hi hman mawlh mawlh mai tur. Kan fa te, kan nu leh pate, kan unaute hnenah pawh sawi hreh loh tur.
Report this comment
November 16th, 2009 at 7:36 am
ZerO, a ni chiah asin, khawngaih takin tih te, ka lawm e tih te hi ren miah loh atha. Kan sawina te en chunga nui seih pahin
Report this comment
November 16th, 2009 at 7:52 am
@HV, ‘Khawingaih takin’ tih hi kan hmang mawlh tawh lo. ‘Please in’ kan ti zawk tawh.
A nau a tir a, ‘Please in tui rawn suak teh’ a tia, a nau chuan ‘A u, Please ka hmu lo a, no-in ka rawn suak ta mai’ tiin a chhang
Report this comment
November 16th, 2009 at 8:00 am
Ka va hre hlui vele, “khawngaih takin,” tih hi Mizo tawng ah kan la hmang reng emaw ka tia sin. Kei chu ka style a hlui a nih dawn chu, kala hmang reng mai
Report this comment
November 16th, 2009 at 8:07 am
A thupui nen khian inmil deuh tho thil pakhat thing deuh.
Bruce Springsteen chuan Auburn Hills, Michigan a concert neihna ah, ring leng lawngin, “Hello, Ohio,” a tih ngawt pek chu. A nilo tih an hrilh hnu chuan zak lutuk in, “every front man’s nightmare.” a ti khup lup.
https://www.wtopnews.com/?nid=114&sid=1813304
Report this comment
November 16th, 2009 at 9:10 am
@H.V…cstea kha lo buaipui deuh teh aw…ka mut a hun tawh tlat..new commer ania, list vel vhungchang poh i buaipui atan ka hrilh kha… lolz…a Bio data pawh i hnenah thehlut se a Fel mai zawklo maw te ka ti deuh a…
Report this comment
November 16th, 2009 at 9:12 am
Ka chhuak tep, ka chhuak dawn minute 20 hian. Taikherin emaw Zoram_Genesis te khan lo buaipui se a tha ang chu.
tra la la la la wc em em cstea
Report this comment
November 16th, 2009 at 9:26 am
Hey
gud morn’ mi(sual) ho 
Report this comment
November 16th, 2009 at 10:12 am
A va han ziak tha ve Pu HV. Ni e thil ho te ang a lang pawimawh tak ani.
American leh European ho hian tawngkam tha eg : ” Hi Good Morning, afternoon etc, Thank You, Sorry, Please, May I etc” hi chu an uar leh zual in ka hria thawh ho vel na atang hian a hriat mai. Mizo zingah pawh kan uar ve tawh viauin ka hria lawmawm khawp mai.
Report this comment
November 16th, 2009 at 12:40 pm
*Nupa ah pawh, inngaizawnna karah pawh,pafa karah pawh a ni tho mai. In rawn tawn te, kan thlahlel a ni tih in hriat tawn tir te, in ngaihsak te hi a lo van hlu em. Inthen hnu chuan ngaiin au mah ila, sawt tawhlo hi a tam tawh thin si a!*
A va han dik tak em. Pu H.V-a nge nge, thlup in thlup hi a ni ringawt.
Report this comment
November 16th, 2009 at 3:10 pm
Kan hmangaihte leh min hmangaihtute hi hre reng chung pawha granted a kan lak nasat ber an ni fo zel hi a mak ve ngawt mai!
Intihpa lutuk avanga sawichhuah ngai ti lem lo kan awm nual ka ring. Chutih rualin sawi zuah zuah, chetziaa lantir leh lem chuanglo pawh a awm theih tho bawk. Pu HV, sawi thra dup dup thrin e.
Report this comment
November 16th, 2009 at 4:31 pm
ka lawm e
Report this comment
November 16th, 2009 at 7:37 pm
Kan politician hlun Pu J. Lalsangzuala(fam) kha mi polite tak, ‘ka lawm e’ tih ui miah lo a ni.
Nupa pawh hi han in engemaw(???) zawh hian ‘ka lawm e’ tih zel tur a nia. :D: :D:
Report this comment
November 16th, 2009 at 11:20 pm
lalpeace, a mawng ben thak pah khan sawi la aniang chu mawle
tra la la la la
Report this comment
June 22nd, 2010 at 4:36 pm
A va tha ve he Article chu… Adik ania o.. Mizo te hian faktlak te hi chu fak hrehlo in chawimawi thiam zel ang u…. Kan in ngaih na teh poh hi lan tirin in hrilh hrehlo ang u… Thih hnu a infak leh inngaih ai chuan kawngro asu zawk ngei in karing tlat… Thih hnu a in ngaih lohtur tihna ani lo ania mahse….
Report this comment
June 22nd, 2010 at 5:29 pm
ManowarZ, a dik ka ti
Report this comment
September 15th, 2010 at 4:03 pm
He Post hi ka lo chhiar miah louh. I van sawi dik em Lal-pu-vangchhia
Ka lawm e
–LVK
Report this comment
September 15th, 2010 at 5:20 pm
Viking, ka lawm e
Report this comment
January 20th, 2011 at 1:57 am
He post hi hmanni khan ka zawng chiam, ka hmu leh chu ka van lawm vele hairehai
Report this comment
June 3rd, 2011 at 11:59 am
He thil hi anih ngei hi hman ni atanga ka zawn ka zawn chu. Ka van lawm em!
Report this comment
December 27th, 2011 at 12:10 pm
Ka hre reng e!
Report this comment
February 5th, 2012 at 4:26 pm
Comment 1-na nick chu leh!
Report this comment
February 5th, 2012 at 11:33 pm
Ts, khi nick khi hmun dangah ka hmuhawm reng ka hrelo!
Report this comment