Kum engemawzat chu Aizawl Chanchinbu ah hian Football Stadium chungchang hi mi hrang hrang hian an ziak ngun ta hle mai a. National level Tournament han thlen ve te a chakawm a, Stadium tha awtin kan rualawt hle tih a hriat a.
Mizo tlangvalten Aizawlah ngei National under 16 Champion Nomawi an han chawi hnu leh kan Mizo Footballer thenkhatte Mizoram pawna Club lar tak tak a an han khelh ve phak chinah phei chuan he thawm hi a nasa lehzual ta sauh ni in a lang. Engemaw lai atang phei kha chuan Sorkar demna thu hi chanchinbu leh TV lamah te kan hmu zing malh malh hle mai.
Hetih lai hian Stadium chungchang sawi/ziak thin tam tak hian Stadium neih ngawr ngar piah lam hi kan ngaihtuah thleng phalo emni aw ka ti thin a. Stadium kan duh chhan hi football players te inkhelhna tur ani tih kan chian a tul hle in ka hria. Chu chu kan chianloh chuan Stadium sawm pawh nei ila, hma kan sawn phah vaklo ang tih a hlauhawm hle in ka hria.
Aizawl hi India ram khawpui ah chuan Badminton khelhna Indoor Stadium ngah ber kan ni hial ang. Kan standard erawh a sang viau lemlo tih kan hria. Heng te pawh hi a chhan niber chu ruahhmanna feltak nei lovin Indoor Stadium neih ngawr ngawr ngaihtuaha hma kan lak thin vang ani.
Indoor Stadium heti zat nei si hian Mizoram Badminton Association hian a pualin Indoor Stadium a nei hauh lo. Chu mai ani lova heng Indoor Stadium te hi Sorkar sum a sak an ni na in Sports Dept/Sports Council in thuneihna pumhlum an nei thei bawk lova. Heng Indoor Stadium hman chungchangah pawh hian Sports Council lam aiin a Veng neitute an intithu zawk fo a, Sport Council lam hi a dawih zawkah an tang fo thin. Heti nuaih hi anih avangin tun dinhmun ah chuam Mizoram Badminton Association hian a duh huna Coaching emaw Tournament emaw han buatsaihna tur an nei tlat lo.
Football Stadium tur atan AR Lammual kan han tinzawn tlat mai thin te hi a fuhlo ka lo ti ve thin a. Assam Rifles ho hi an chhuak tak tak ngei angem tih a chianglo phawt a. Tin Stadium tha tak pawh sa ta ila, Independence Day/Republic Day lawmnan te, Crusade neihnan te, Concert te, Chapchar Kut te leh function pawimawh hrang hrang dang atan kan hmang leh ngei dawn a. Football khelhna mual tha tak ani thei ngai lovang. Kan mamawh chu Football khelhna tur liau liau, Mizoram Football Association kuta awm tur ani ngei tur ani in ka hria. Kan lo thlir ber thin Premier league a an khelmual te hi tehkhin rual chu ani lo na a, han ngaih tuah ila.
Tun karah Club pakhatin anmahni khelmualah an khelh chuan karlehah chuan midang khelmualah an khel leh a. An khelmualah hian a tlangpui thu in karhnih ah vawikhat inkhel ang an ni a. Vawi khat an khelh zawh hian karhnih chhung a enkawl hna an thawk thin ani. Chu tiang khawp chuan an khelmual hi an ulukin an enkawl ngun ani a, Concert/Crusade etc nen kaihkawp chi ani lo. Mizo zinga Football Promote kawnga thawhhlawk berte zing a ka ngaih Tetea (Vanglaini) te meuh pawhin Chanchinbu ah ‘AR Lammualah hian Football Stadium chu lo nei tawh ila Chapchar kut pawh vaivut khu hnuaia hmang lovin grass ah kan hmang tawh tur’ ti lam hawi khan a ziak a.
Ka rilru in Tetea hian ngaihtuah chiang lo hian a ziak palh nge ni anga a ngaihdan tak tak ni ang aw ka lo ti vang vang a. Chuvangin Football khelhna tur liau liau Stadium hi kan mamawh diktak ani tih hi ngaihtuah thar leh teh ang u. Chutilochu Indoor Stadium kan neih zat zet pawh hi Khelmual nei mah ila, awmze nei mang lovin kan chhuah leh mai palh ange.
Similar Posts:
- MZU Sports vawi 11-na tan a ni dawn ta!
- Indoor Stadium at Pitarte Tlang, Aizawl
- Chennai Mizo Sports 2008
- Ramhlun Indoor Stadium ah chhawngkhat belh dawn…
- Mizote leh Football
ve e
November 23rd, 2009 at 4:42 am
Ka pu, i ngaihdan leh thlirdan hi ka pawm zawng tak a ni. Thil reng reng hi kiltin atanga thlir a, zirchian zet fo tur a ni. Hun lo kal zel tur kum 50 thleng tal hi chu ngaihtuah zel ila, chumi atana la hnawksak thei leh remchang lo thei thil tam tak ngaihtuah tel tur a ni. Tin, parking leh restaurant bakah security hmun hi remchang takin a awm ngei tur a ni a. Tin, rikrum thila awlsam taka chakkhai leh mamawh hman thuai a nih theih nan hmun awl eng emaw chen a awm ngei tur a ni bawk. Chutiang ngaihtuah ngat phei chuan Lammual hi chu a sawi a sawi chi a ni lo hrim hrim.
Crusade, Concert, chapchar kut, zofest, leh eng emaw day hrang hrang hman nan a remchan chu thuhran, aizawl khawpui laili lai taka hmunawl a han in zarpharh duai mai hi chu eng emaw thilah mipui tlankhawm nan pawh remchang tak a ni. Sipai ho hi insawn mah se, hei hi chu stadium atan chuan ni lul suh se.
Report this comment
November 23rd, 2009 at 5:38 am
A ziaktu thahnem ngaihna a fakawm hle mai. Mahse Tetea (Vanglaini) in, “lammual ah hian Football stadium chu lo nei tawh ila chapchar Kut pawh grass ah kan hmang tawh tur,” a ti e a tih khi, a hmu lawk thiam ka ti khawp mai. A chhan ni a ka hriat chu Football field/play ground hi Golf link te anga grass chuti em em a uluk hlurh hlurh ani reng kherlo tih a hria niah ka ngai.
International level tura enkawl a nih erawh chuan kar khat dan ah kum tluanin a grass leh engkim mai kha uluk tak maia enkawl (hmeichhe makeup hnawih ang maiin) angai thung. Hemi tur hian Mizoram sawrkar hian a afford thei angem le? https://www.soccerhelp.com/Socc.....ance.shtml
https://www.stma.org/_files/_it.....dsheet.pdf
Kum khata Football field enkawl nana senso zat hi US angah chuan, $20,641.00 (Rs.1,032,050 vel) a ni.
India ah chuan alo tlawm daih anih hi mahse, hei hi international level anga enkawl a ni em a ziaktu in a ziah dan a, “in khelh zawh… “ang khian? https://tenders.indiamart.com/details/3818486/
Report this comment
November 23rd, 2009 at 5:59 am
A ziaktu ziah ang khian Mizoram sawrkar hian a enkawl thei ang em? India ram angah pawh a grass enkawl man hi nuai 2 chuang niin kalo chhiar ve a, kan sawrkar hian Football field atan chutiang a sik chhuak thei dawn em ni le.
A thu hrim ah Football field hi Golf link anga uluk hlurh hlurh hi a ni vek kherlo tlatin ka hria. A dik tak (international level, a ziaktu thu angin!) anga enkawl tur chuan huiham, a grass ang tur chi bik chah angai anga, a san zwng tur dik tak mai a kar khat dan zel a cut angai bawk anga…etc etc. Kan sawrkar hian a tlin theih chuan alawmawm ngawt ang chu.
https://www.soccerhelp.com/Socc.....ance.shtml
Report this comment
November 23rd, 2009 at 6:33 am
Ziak tha khawp mai kei pawh rei tak chhung hetiang lam hawi zawng hian ka rilru ka lo hmang thin.Achung a sawi ang khian kan ram hian Indoor stadium chu kan ngah khawp mai, heng zawng zawng hi ka hriat sual loh chuan badminton khelhna a tan a siam vek an ni, hemi chungchangah hi chuan ram hruaitute hi dem loh an har rhin a nih hi veng hrang hrang leh khaw hrang hrangah vote zawn nan a lo dil hlek tawh chu an sak sak zel a,an lo dil hlawhtlin kha a ni bawk a chuvangin sport council aiin veng/khaw neitute hi an thu zawkmah ta anih hi.
A engapawh chu lo ni ta sela heti zozai Indoor stadium kan nei a,a sak nan sum tamtak kan lo seng tawh tawh bawk a tangkai zawk a kan hman theihdan tur hi engtinnge ni ang? heng kan indoor te hi sports dicipline hrang hrang a ten mahni pual theuh a nei tur a hmalak nise,Indoor dang sak belh tawh loin a dicipline a zirin a Indoor siam deuh a ngai a nih chuan sanction hrehlo sela, mahse veng neitute hi an ngam tawh lo mai thei,kan vengah phei chuan badminton players an tam tawh lutuk.
Atirah ngaihtuah chiang sela Dicipline hrang hrangah sem nghal thlap sela tha tur.Tunah pawh football stadium kan la nei lo a,kan nei ve dawn tep tawh in a lang a kan Indoor stadium neih ang type a kan nei dawn a nih chuan a pawi hle ang.
Report this comment
November 23rd, 2009 at 7:20 am
Ziak tha khawp mai. Hemi rual hian ka vei ve em em chu Convention Center ang chi hi a ni tlat mai. Inkhawmpui ilo vel kan ngah si a, pandal saknan kan hun leh sum kan senso tam dan chhutin a hmasa atan Aizawl ah hian Convention center hi chu neih ve a hun tawh khawp mai.
Football stadium chu lo nei ta teh reng pawh ni ila, convention center hi kan neih tel si loh chuan crusade nen,eng engemaw nen kan chawhpawlh anga, kan beisei leh mitthla thin ram chu kan thleng chuang lo mai ang tih ka hlau deuh.
Report this comment
November 23rd, 2009 at 8:53 am
Footboll stadium kan awt ve ngawt hi kei chu mak ka ti thin khawp mai. Miramah chuan laih teh vak ngailoin an sa thei mai ang a, keiniah chuan a laihna ringawt pawh hautak tak a ni. A man a phur chhuak har awm e mai..! A thlawn liau2 a ni ringawt..!
Kan infiammi te hi Mizoram chlub a khelh ai chuan ramdangah khel zel rawh se, an hlawk zawk daih ang Stadium neilo pawn kan thleng sang thei tho, a ngai ka ti hranpa lo hrim2.
Report this comment
November 23rd, 2009 at 8:55 am
Tax mumal mipui hnen atanga lak awm bawk silo…meaning, revenue kan nei lo. Zu dawr hawng phawt se thil dang te nen, kum 20 hnu ah chuan tlem chuan kan in todelh ve tan dawn mahna! ka chhut lo, ka risk
Report this comment
November 23rd, 2009 at 11:28 am
Kan phak tawk zelin aw, EPL ho khelhna ang te hi zawng kan la hlat deuh. India ramah mumal taka maintain soccer stadium pakhat pawh kan la nei leu.
Report this comment
November 23rd, 2009 at 11:30 am
Central lama kan hotute khan a hmun tur in neih theih chuan a senso an inhuam thu an sawi kha mawle.
AR ground kher kan tum hi chu a fuh lo. Achhan chu an chhuak dawn lo.
Chutih rualin a hmun a laili lutuka traffic a tibuai nasa lutuk ang tihte kan hlau. Ramdangah pawh hmun laili lutuk traffic buai phahna a tam khawp mai. Hei hi chu enghelh tham a nilo. AN CHHUAK DAWN LO mawlh hi a ni hriat ngai chu.
Report this comment
November 23rd, 2009 at 11:31 am
Post tha tak niin ka hria, Stadium sak tan a nih hma khan helai hmun mi(sual).com ah hian a hming tur nen lam khan kan inphuah siak nual tawh a nih kha. Khitiang zawng khian ngaihtuahna ka lo la siam chhin lova, tin, tuna mi pawh hi a puitlin ka la ring em em hran lo bawk a. Mualpui a mi pawh khu lo puitlin teh reng se, abak an sak leh chu ka ring lo. Tin,Football tan chauh chuan kan hmang dawn emmawn le? Concert neih nan te pawh a remchang zel mai lawng maw? a ziaktu khian a titha hle mai.
Report this comment
November 23rd, 2009 at 11:38 am
Ti ve leh khauh te’ng.. Ziak tha khawp mai, mahse ka ngaihdan chuan Stadium tha tak 1 ai chuan stadium sakna atana kan pawisa hman thenkhat ai hian AR Ground, Ramhlun Sport Complex ilo velah hian grass phah ni ta zawk se kan hlawkpui hma zawk ang te ka lo ti vel mai mai…
Report this comment
November 23rd, 2009 at 12:30 pm
stadium hi ka sawi peih toh lo, hmuidawthei pu ho hian min bawl e mai
Report this comment
November 23rd, 2009 at 12:39 pm
International grass kan aim ngal zel hi chu anilo deuh e. Ordinary grass te hian tan ta zawk ila. Tin Stadium hi chu kho pawn deuh nithei se a tha ngawt in ka ring..
Report this comment
November 23rd, 2009 at 12:45 pm
a khu tho ang.
Toilet trawp thei ngawt ang.
Report this comment
November 23rd, 2009 at 2:43 pm
Stadium te chu kan la nei ve em em ang, lo lungngai ma ta che u.
Report this comment
November 23rd, 2009 at 3:21 pm
Stadium hrim hrim hi kan duh nia ka hriat chu a ni a. Athletics lam tih theih vekin, bleachers changkang tawk … football pawh a laiah a leng ang a. Hockey pawh kan hung lut thei tho vang, a season-ah chuan.
Football Stadium chu a hranpaa er chhuak thei kan nih leh, football tan chauh! Ka ngaihdan hi a mawl lutuk a, ka Jak :roll:
Sipai Lammual hi chu Chapchar Kut leh Vai Lal kan hmuah nan te, Republic Day leh Independent Day hman nan!
Report this comment
November 23rd, 2009 at 4:06 pm
“Football Pitch Construction Master” ka ti mai a. Dave Saltman, MD, pitchcare.com nen hian Chite Sports Complex kan buaipui tantirh lai vel khan kan lo inbe pawp nual tawh. A felin biak a nuam em em a, A document pawimawhte pawh scan-in min rawn email peih tlat a ni. Football Pitch Construction lamah kher kher chuan a turu pawl a ni ngei e.
Goa pawh hman deuh khan a rawn tlawh zuai tawh a. Sorkar hian thil a ti tak tak dawn anih chuan a ni hi biak rawn ngei ngei turah ka ngai.
Khawvel Stadium ropui https://www.millenniumstadium.com hi a kutchhuak a ni. Sum a awm phawt chuan chahchhuah ka huphurh lo, mi lo ‘PROMISE’ ve tlat tawh.
Vai ho, NBCC/etc. te khan Dave-a Files min pekte hi min dil thin a, ka pe duh thak lo
Zolam khovai hma loh tuan pawlh tawn lo leng leng
Report this comment
November 23rd, 2009 at 4:20 pm
mizoram footbal hi a kal dan hi a fuhlo deuhin ka hre ve mai mai thin.. promote dan kan thiamlo nge.. India ramah chuan football a tui ber pawl state kanni ve a, football club lian pakhat tal hi chu neih tha in ka hre ve mai mai, club lian kalphung anga kal tur.. football ah hma kan sawn phah viau ang. eizawn nana hmang kan chher chhuah belh teuh bawk ang. tihvel hi ka ngaihtuah mai mai thin.
tunah changkang tawh fe zawk mah ila, kan naupan ve laia football boruak kha kan pha tawhlo hle.. khatih lai khachuan a sum lengvak pawh a sang asin..
Report this comment
November 23rd, 2009 at 4:22 pm
Z_G nge2 hi chu i lo advance thrin mange
Report this comment
November 23rd, 2009 at 4:22 pm
Z_G va lo ril lehsi ve
Report this comment
November 23rd, 2009 at 4:32 pm
@funny, Aizawl ah hian Football club lian tak2 a lo ding tawh thrin a, mahse an chuai leh mai thrin. Player tha kan ngah, coach pawh kan nei tha, club management pawh kan thiam thawkhat ang, mahse problem ber chu sum hi a ni zel, an kal thui thei tak2 lo. AFC, TBL te pawh kha an ropui viau a, hmuh tur an awm ta lo a ni lawm ni? Resources lamah hian angaihna a vang rih a nih hi.
Report this comment
November 23rd, 2009 at 4:53 pm
@As & funny: ril in tih chuan a ni mai ang chu. A chhan: Chite a ka thawh lai khan kopang leimin turu zetin min chhilh bo vek a. Tuman dama ka chhuah an ring hlei nem. Ka lu an haichhuah hnuah a aia nasa zawkin min chhilh nawn leh ngat a. Mahse, pem leh hliam nei miah lo vin ka chhuak leh tlat! Pathian hnathawh liau liau a ni. Tv. leh Newspaper vela an rawn cover erawh kha chu zak lek lek!
Chuvangin, ‘ril’ in tih hi ka pawm mai ang e. A ‘den’ em a sin
Report this comment
November 23rd, 2009 at 4:59 pm
ka hria alawm TBL tihvel ho kha, tunah pawh kulikawn FC tihvel eng eng emaw chu an tam. mahse kan sawi tak chu, entirnan sum lakluhna lam te ngaihtuah a ngai ve bawka, inkhelh ringawt lam kha ani chuanglova, marketing lam tepawh management a tha tur ani. sumdawnna angin, fans ten jersey leh a kaihhnawih an leina tur te showroom ang deuha outlet nei tham khawp nise a hlawk phian zawk ang. mizoram hian club lian pakhat tal hi chu kan chawm thei ka tihna anih chu. a riah chuan company lian atanga sponsor hmuh a har maithei mahse India league a a sang pawl annih theih chuan sponsor duh an awm em em ang.
duhthu kan sam deuh anih chu, ngaihtuah tur atam mai, Goa ah tepawh club lian pakhat a awm maia east bengal te.. chutiang deuh chuan nei ve ta ila ka ti mai mai mawle.
Report this comment
November 23rd, 2009 at 5:00 pm
thianpa, i chuap ah boruak spare i ngah a, thawk lakna dal lovin leimin chuan a chhilh palh hlauh zawk che a ni lo maw
hehehhee fiamthu NOI
Tak taka, ilo van tawng hlauhawm fia fia ve mawle.Harh fim kar si a, mahni duh lem ni si lova hetiang thil ang lampanga thih hi ngaihtuah thui ka peih lemlo
tui tlak te, hmun sang tak atanga tlak ang te pawh hi 
Pathian in khawvel ah a la mamawh vang che aniang e. whewww
Report this comment
November 23rd, 2009 at 5:09 pm
Z_G bei den thei thur thur mange
lei chhilh hi a hlauhawm viau nitur ania, hman deuh khan kan thenawm ami a kawng thleng chiah a chhilh a nikhaw hrelovin a awm tho asin, chung lam atang rawn tla anih vang pawh ani mahna.
Report this comment
November 23rd, 2009 at 5:14 pm
funny, shock vang a ni mai lo maw. American civil war ah pawh khan Confederate phatsan tu 1 chu kah hlum tur ania a thianten (firing squad in)an han kap thuai mai chu a let tawl mai a mahse, an lo kap fuh lo reng reng (blank an thun zawk em ni?!). A thi chiang nang mai. A hlau shock khan a lungphu a ti tawp der tih History channel ah an rawn chhuah.
Report this comment
November 23rd, 2009 at 5:37 pm
@HV: “Pathianin khawvelah a la mamawh vang che a niang” …
100% true. Survival chance kha a awm lo reng reng! “Pathianin min duhna a la neih chuan min chhanchhuak ang a. A ni loh chuan ka hun a thleng ve ta a niang” tiin pachang takin ka nghak ngawt reng a ni.
A kum leh 2007 ah “Zoram boruak a inlumlet hnai ta! Tho rawh” tiin, chiang zetin min ko va. Kal loh ngam chi a ni lo.
Chuan, 2008 june/july vel khan ZORAM HIAN KUTZUNGTANG ELHA CHHIAR THAM LEK KUM IN NEI TA! tih hi min hriattir leh a, a chiang si a, ngaihthah theih a ni lo!
Report this comment
November 23rd, 2009 at 9:35 pm
A hmun tur leh a sak dan tur leh a hman dan tur chu kan mizo architect te kut ah dah zok ila an hre fu ang kei ni ai chuan….
Report this comment
November 23rd, 2009 at 11:58 pm
sum hi han awm phot mai se…eiru lovin a hmanna tur dik takah hmang bok se,stadium cu kan nei ani mai…hma la tur kan mamoh ni in a lang tunah cuan….kan ram hruaitute hian an la vei tok lo mi chu oo,mit a hmuh tur om silo thu ciah….!!
Report this comment
November 24th, 2009 at 7:15 pm
Lammuala stadium puitling sak tha ka tih loh thu leh Mualpuia sak a that zawk tur thu hi MNF sorkar lai khan official level sang thei ang berah ka raise ve chiam tawh a. Khatih lai CS pawh khan a bengkhawn khawp mai a, concerned official bik nen kan sawi zui chiam nghe nghe a. Mahse political levelah a tlang zo tlat lo. Congress sorkarin Mualpuia stadium sak a titlu ta hlauh hi lawmawm ka ti khawp mai.
Tuna AR Lammual-ah khian stadium te nau deuh, track and field events tih theihna tur tawk vel, National Day (Republic Day leh Independence Day), Chapchar Kut ilo hmanna tawk vel neih tho erawh a tul khawp mai. A khuk chum chum loh nan grass phah pawh a pawimawh khawp ang.
AR ram chhuahsan tur khi (an chhuahsan hun hunah) sorkar office leh thil danga hmang then miah lovin park leh recreational facilities atan a puma hman atan ka it ngawih ngawih. Tunah khi chuan thalai te tan intih thawvenna leh senior citizen te tana thlamuang taka len khawthawnna hmun kan nei miah lo va. Aizawla tar nih tihrehawmtu lian tak a ni phawt ang.
Chuvangin khi lai ram khi thil danga hmang lovin park leh jogging track te, sports, hmun heh lutuk lo chi ilo atante hmang ila kan ram khawpui pawimawh ber, Mizo fate Jerusalem khi a nuamin a phuisui sawt ngeiin ka ring.
Report this comment