Hmanah chuan khawkhat/vengkhata mi awmtha duhlo,mi awmherh, misual kan tih te kha chhungkaw kehchhia (Broken Family) atanga rawn chhawrchhuak anni tlangpui. Tun dinhmunah kan thalai,kan nau,kan fa sual ta em em te hi engvanga sual ta nge annih hlawm ang le?Duat sual/duat luat vanga sual an tam tawh zawk ang em?
Tukkhat chu ka thawhpui,ka thianpa hi a fapa tè berin pawisa dilin a rawn vin khar khar mai a, “En teh,kan duat sual a nih hi.Bul tan that leh theih nise aw…” tih vawng vawng pahin, “fa enkawl dan chu ka thiam tawh ngawt ang” ati.Chu a fapa chu nikumah khan a chan/boral ta nge nge a.
A nilo pawh hi ka thiante zingah duat sual fa nei chhungkaw 5 vel an awm bawk. Kan duata kan duat zela, kan duat sual ta nge nge a. An mahni a sual a luh tak tak tawh hnuah leh sualin an thinlunga bu a khuar tak tak tawh chinah chuan kan duat sual ani tawh lo, SUAL kan duat ani tawh zawk.A tawpah kan in duat hlum thak ni berin a lang. Fa tè ber/naupang ber, fapa mal an nih avanga sual tura kan han ngai thla ngawt zel te hi paih bo a hun tawh em?
Hnamdang ho hian hetiang ngaihdan an neih kei chuan ka la hre hauh lo.Tunlai kan venga tleirawl rual, mi tihbuai ching leh rui bengchheng thei tak tak VDP,JAC leh YMA Duty te pawhin an enthlak reng te hi nu leh pa mumal tak nei,khawsa thei tak tak te anni. Heng zawng zawngte ka thlir hian Broken Family avanga sual aiin Duat sual fa hi kan tam zawk tawh mai awm mange? Ngaihtuah peih te tan…
November 25th, 2009 at 7:15 am
“DP,JAC leh YMA Duty te pawhin an enthlak reng”!
A THRING EEEEEEEEE!! Tihtur hriat loh thlak.. duhleh Tax money atanga salary la kan Police ten lo enthla se…..Duat sual ho an sual chuan Jail ah khung hmiah2 se animai..
Report this comment
November 25th, 2009 at 7:32 am
I sawi dik lutuk. Zinga fate kaitho ngamlo nu leh pa kan tam tawh lutuk. September-a beirualnaah pawh a thupuiin a zir bawk a, nu leh pa inpuang an awm teuh mai.
Report this comment
November 25th, 2009 at 8:40 am
Fa enkawl chu thiam a va har tak em,mi fa te enkawl dan lo sawi chu a harsa lem lo,chu vangin mahni fa te lo threuh hi kan en kawl mai dawn mi aw :?:
Report this comment
November 25th, 2009 at 9:15 am
Mizo hi kan bo alawm. Kan culture tak tak kan kalsan tawh bawk si, christian culture leh western culture ni chiah bawk si lo kan zawm deuh thaw a… kan self-esteem a a chhe zo vek a, kan chapo bawksi. Nu leh pa in kar ah sei lian mah i lang, culture nei lova thang chho kan nih avangin “broken home” a tang a chawr chhuak kan nih deuh vek hi mawle.
Report this comment
November 25th, 2009 at 10:13 am
An tet lai atangin tih tur kan pek a ngai a, ‘an la naupang, engmah an thiam tak2 lo’ kan ti thrin hi naupang 1 kan enkawl sual atanga ka hmuhchhuah ve a ni. An lo puitlin hnuah camping leh rescue home ah kan dah leh ngot jel a. Nu leh pa hi kan pawimawh ber. Enkawl tur fa Pathianin min pe a, Pathian hnenah a lo enkawl turin kan hlan let leh daih zel a, hei hi kan hriat kim loh tam tak zinga 1, pawimawh pawl tak niin ka hria. Tin, camping tluk chiahin inkhawm hi a pawimawh tih kan zir a trul. Kristian culture a an puitlin nan chuan inkhawm hi a trangkai thei ber tur a ni a, kan inkhawm danah hmasawnna tur kan ngaihtuah zel a pawimawh bok a ni.
Report this comment
November 25th, 2009 at 10:52 am
Ngaihtuah ka peih rih lo teng….
@Pu XaiA, aidia khi tha ve
ka support e.
@PC-a pawh hi duat sual mai ni lovin, duat nghal a ni chiang
Report this comment
November 25th, 2009 at 11:44 am
a dik ang reng fu mai a.
Report this comment
November 25th, 2009 at 12:53 pm
tiang nen a duat mawlh mawlh mai tur. a sual deuh ho hi chu
Report this comment
November 25th, 2009 at 12:59 pm
Fate chu duat sual theih tak anni. Kei ngei pawh hi duatsual ka nih hi.
Fate ka nei ve a nih ngai chuan ka duat sual em law’ng chu maw,. Pathian zarah.
Report this comment
November 25th, 2009 at 1:14 pm
An tuh rah an seng a ni ve mai, a hun lai takah an kalna tur awm kawngah an kal tir duh loh rah a ni e.
Report this comment
November 25th, 2009 at 1:51 pm
Kawlhawk, i ziak thra hle mai!
Fate nena hun hman tam hi a pawimawh khawp mai. Nu leh pa tamtak chuan fate tan hun kan nei tam lo hle a. Kan fate tan hun kan pek tam tawk loh avangin kan inthiamloin thildang-sum leh pai,bike/scooty etc anmahni tihlawmnan kan lei tawp mai niin ka hre ve.
Fa nei loin fa enkawl dan an thiam duh an tih kha maw! Ka sermon duah dawn emawni le?
Report this comment
November 25th, 2009 at 2:26 pm
Hetiang thu har lutuk hi chu sawi fel chi pawh ani lo, thu mum awm lem lo in sawi ho vak mai ila; a thren Evan leh Pastor style in a thren inti fate enkawl expert hmel deuhin, a thren fate sual zia hre kar a thren fel si formula apply tur ber hre chuang si lovin.
Kan thrianpa in “Fanu te hi an naupan lai chuan an **** ah bawlhhlawh a luh kan hlau, kan veng kan silfai sak, an lo tleirawl a mipa **** a hun lovah a luh kan hlau leh, kan veng ru ran, an han nula senior a, tilut tu an hmuh loh kan hlau leh bawk si” a tih iangin, fate character chi hrang leh hun tawn hrangah hian apply tur formula hi ka van thei lutuk.
Mahse ka in la rum tawp, ka trawngtrai thrin. Tlawm zel zul hlen hi ka hlau em em, mahse chunglam intervention vang nge ni, problem hi a in solve ve leh mial thrin.
Example han sawi fak tur erawh ka hre lo. Kei ka in la rum kan nun a duat em em veks, kan tihfuh loh hian kan inpuh tawn fo mai, a fuh erawh chuan credit lak phet ka tum thung
Report this comment
November 25th, 2009 at 2:47 pm
tun tum chu comment atam lo a,thu a khun tlang hle mai.a mitak deuh chin ho huang anih dawn hi.nge,misual fa enkawl chungchang la tui phak lo kan la tam vang zawk?
Report this comment
November 25th, 2009 at 3:11 pm
kawlhawk: chu i rawn chhawp chhuak tha khawp mai, mahse a subject hi a har em mai a. Fa pathum ka nei a, fa enkawl thiam har zia chu ka hre ve nual tawhin ka hria. Mahni fate HollyWood leh Bolly Wood star lar ber ber pawhin an tlukloh mahni fate’n an thil duh Wai Wai atanga khi tah thleng min han dil hi chuan pek loh chu har thin tak chu a ni. Mi fa te’n wai wai mai nilo hi an lo keih lawng lawng tawh thin si a, har tak chu a ni.
Mahse thil pakhat fate chungchang a nuam ve deuh mai, a hun lai chuan a aia nuam tur chuang awm lo chu maw…… ‘fa te’n kan thin an han ti rim a, min ngam lo tih hre ran mai a thinrim tak mai a fate han hauh a han an buan buan mai hi chu nuam tak chu a ni!!!!!!
Report this comment
November 25th, 2009 at 3:35 pm
Fate enkawl dan tur hi chu idea ka nei ve ruak…mahse, ka thiam lo va, ka taimakna hian a tlin lo fo bawk! Fate that duh chuan nu leh pain kan zirtir taimak a ngai.
Pu @mz sawi hi a pawimawh lutuk!…Tawngtai hi! Nu leh pa tam ber hi fate tana tawngtai ngai lo kan ni ang em? Hum sual an dai hma hian an tan tawngtai nasa ila, an sual fe tawh hnua mittui nena tawngtai leh hluam hluam ai chuan! Engpawhnise, nu leh pa tha leh fela kan ngaihte pawh hi fate enkawl kawngah an hlawhtling vek chuang lo. A pawimawh ber chu Pathian hnenah kan fate hi kawltir tlat ila, an sual eng ang pawhin beidawng lovin hmangaih lui tlat ila, an tan bang lovin tawngtai zel ila a ni tawp mai! Eng Formula mah a awm tak tak lo!! Nitin hian pa takin, “Lalpa…” ti deuh reng ila a fuh ber!
Report this comment
November 25th, 2009 at 9:43 pm
Mi fa chher that lamah chuan ka mualpho vak lo!
A siam dàn kalphung chu a har lo ti tlângpui vek kan ni, a enkawl zui a har ti vek.
Bible pawhin, “I fate chu, i dawhkàn vèlah chuan, olive tiakte angin an awm ang,” a ti (Sam 128) —Olive hi triak mawh tak, a than lenna ram tùr lah Palestina thlalèr ram ro … enkawl puitlin chu harsa felh felh tak a ni … a inkui tiah ringawt pawh hmuh nuam — enkawl puitlin tawh vèk vèk chuan “Mi chak kuta thal” (Sam 127:4b) ang an ni leh thung si —thlamuanthlàk tak an ni thung. “Misual kuta pistol” tih a ni lo.
Mi fa enkawl pawh hi a khirh —Tuikuk-fa kan chawmsak zozaite pawh chuti èm èm an ni hran lo viau! Pastor fa hlei hlei, a rui thei hlei hlei … michhe daikilkara mite thawhrimna a thlawn lo —kan miliante pawh chuta tanga chhuak an ni tlangpui. Mahse, Zoram thalai an thangharh mek … zir thiam nge nge an nihlawh zual.
Report this comment
November 25th, 2009 at 9:54 pm
Ka thianpa pakhat hi fapa mal ania, a nu hian a duat sual chiang khawp mai. Naupan lai atanga a pan biakin a hruai thin, Sunday sikul kal tha etc etc a ni. Mahse, mihring ve tho a ni bawk a, thil engemaw tih sual palh chang a nei ve. Chutiang ah chuan a pa hian a hauh theih loh khawpin a nu khan atan/chhan thin.
Tlangval hriat hnu chuan a pa te safe a hawng thiam tawh a, jail bang a zut ta zeuh2 mai. An piangthar leh thin nangin, nuam ti taka a sual khan pawisa hman tur angah zawk a, a tan pawn anun a la chhuak leh zel si a… a hre ve kar, a sual tulh2.
A tawpah phei chuan Taxi te a carjack ta a, a khalhtu a vaw thlu thul. Chumi pawh chuan a nun, a tum reng a ni lovang tiin a la chhuak leh. TNT atangin KS awm a tlanchhuah pui a, proxyvon tiin an awm dun ta zel a… a nu undersecretary (retired) hi a thi tawh a, a pa chuan an ram te a hralh then ta bawk a. A pa kiangah a tlatlum tawh si lova, engtin nge a awm tak zel pawh ka hrelo. Ka lainat khawp mai, tleirawl chhuah a mi fel leh tlawmngai em em, mi active tak kha a nun a duat sual a, sual lam ah a active ta hle mai a nih chu.
Report this comment
November 25th, 2009 at 9:58 pm
ka fate hmaah hian kei anpa hi tlawm zawkah ka tanglo ang tih hi ka thu rolum ani bur mai.
Report this comment
November 26th, 2009 at 12:34 am
@kawlhawk dik chiah
Report this comment
August 29th, 2010 at 3:58 pm
Hei hi ka lo la chhiar miah lo a ni awm e
Report this comment