Ka sawi lovang ka ti zet a, mahse ka rilruah a lian êm a, ka ngaihtuahna min hriatthiampui ka beisei. Tun hnaia kan thil tawn kan hre tlâng vek awm e. Thil kal tawh kha sawi zui vak pawh ka tum em em lem lo.
Ka sawi tum zawk tak hi chu….. vai kan tih hote’na keimahni sum vêk hmanga min bâwl dân hi a nâ ka ti rilru thin. Kan hriat angin khâng intlansiak thil etc. an rawn tih chhan bulpui ber chu business a ni tih kan hre awm e. Mizote hi thil tih ti vak mai, ngaihtuahna sêng lem lova atchilh vak mai mi kan niin a lang.
Ka lo hmuh dan ve mai mai chuan khang kan mizo huaisen, nunna thâpa, intlansiakte lawmman kha a tlem lulai deuh lo maw? Comdedian Search mai mai (ka ngaihnep vang ni lovin, min lo hrethiam ula…) te pawhin Lawmman Rs. 50,000/- leh thildang an dawng teuh a ni lawm ni. Tih palh thila thi mai thei dinhmuna ding… khatiang Rs. 7,000/ Rs. 5,000/- Rs. 1,000/- lek Cheque an hlan kha thil zahthlak tak niin a lang.
Khang lawmman tlemte te kha chu kan Aizawl Dealer te pawhin harsa lo takin an tum vek theiin ka ring. Chu mai bakah intlansiaknaa an thuamhnaw (facilities) chhiat zia kha i hmu em. Lo tlu/thi palh ta se, an nunna an Insure ngam angem? Anmahni Bike an la hman tir zui a ni lawm ni, hekna hlir, chânna hlir, nunna chânte pawh kha he thil hi thleng lo se chuan an la dam ngeiin ka ring asin. Mahse a ni lo zawngin thlir ka tum lo. Mizote kan tumruhna, kan beiseina san zia leh rual kan awhzia a tilang a. Amaherawh chu YAMAHA Company-in min bâwl erawh hi chu ka hrethiam thei thlawt lo a ni.
Thildangin ka chhût leh a, kan India ram Moto GP Tract 1 pawh la nei thei lo hi (ngaihnepna ni lovin…. kan economics in a la tlin tlat hek lo)… khang YAMAHA Dealer satliah (ti mai ang, huat lovah..ka sawin na mah mah em..) ho khan eng NATIONAL LEVEL ah mah min hlankai hi i ring lovang u. Ram changkang tak tak, Korea, China, Japan te pawh Moto GP-ah hian an thleng sang thei thlawt lo a nih hi. Phur thut a, khalh thiam satliah leh huaisen avanga dinchhuahna chi pawh a ni love. Nasa takin an zir a, a theory te-in an zir fe hnuah an intlansiakna tur tract te an zir leh a, ruah sur ta se, …. lo thleng ta se… tiin mi thiam rual nen an zir hnuah Rossi-a te pawhin hetiang dinhmun hi an thleng chauh a ni. Kan ram Economic-in a zir lova, World Level-a lang tur phei chuan zir tur kan la ngah lutuk. Zing thawhma peih si lo, zan tairek reka meng, nundan phung hre lo chung chuan kan thleng sang kher lovang.
Engvangin nge kan Sorkar pawhin he thiltih phalna hi pe reng reng nge maw a nih le? te ka lo ti rilru a…Engpawh nise, hetiang mai mai hi chuan vaiho hi i inbumtir tawh lovang u, kan sum chiah an duh…. a phena BUSINESS lian tak an KHELH kha a tam zawk hi chuan kan hmuh thelh niin a lang. Chutih rualin beiseina sang tak nei, zo tlangvalte kan ngaisang che u a, kan zoram retheihna hian a la tlin ngang si lova….. i ti mai ang….Nang engnge i ngaihdan?
