1. Electric Bill: Tunlaiin Aizawl leh Mizoram hmun dangah current a awm thalo hle mai a. Chawhrualin nitin 3hrs vel thim ang kan nia (Kan vengah chuan). Mahse electric bill alo kal a, 24hrs current kan neih lai nen kan chawi a inzat reng tho mai si a.
Electric hi state pawn atanga kan lak a ni a, Mizoram sawrkar in a man an pek in state in kan hman zat chiah chiah an pe awm si a, consumer lam lah in a full in kan pe reng bawk si a. Mizoram pum anga kan chhut phei chuan pawisa an siam teuh thei dawn tihna a lo ni a, current kan nei thalo viau pawh hi a awm ve tho lo maw?
2. Thalai Joint Fellowship: Tunkar ninga ni hian Ramhlun North, Aizawl a kohhran hrang hrang thalai te chuan KTP te hmalakna in joint fellowship an hmang dawn a, Ramhlun North huam chhung a kohhran thalai te chu tel vek an tum.
An veng thenawm mai a thalai thenkhat te chuan lo chak ve in inbiakna te pawh an nei a, amaherawhchu kohhran nghawng thil a nih avangin kohhran committee ah te thlen ve a ngai a, chutah chuan kohhran hruaitu thenkhat te chuan an lo remti miah lo mai a, an puitlin ve thei ta lo a ni. Thalai thenkhat te chu an lungawi lo viau in an sawi.
3. Khumbeu: Hmanni chu national seminar Aizawl a neihah ka kal ve a. Valedictory function ah chief guest an Mizoram state official, IAS retired hi an sawm a. Dawhsan ah chuan amah leh hnamdang pathum hi an thu a.
Tichuan anmahni lo lawm nan present ah KHUMBEU hi an khum tir diat diat a, kan chief guest IAS Retired pa hun a lo thlen chuan chhuang takin a khum ang tih nak alaiin a khum duh ta miahlo mai a, rilru a na in a KHUMBEU a kha a lainat awm duh khawp mai.
