Mi(sual).com a thu te pawh rawn post thin, David Lalmalsawma (Sawmtea) kum 28, Chanmari s/o Pu Hminga, “VALRIANGA” ti a kan hriat lar zawk tur chu, hun rei tak lung (heart) lam that lohna avanga na a lo tawrh chu tlin lovin, Civil Hospital ah December 2nd, 2009 chawhnu dar 1:00 khan, chatuan ram min pan san ta.
Update: Sawmtea vuina program leh pic (click for larger size) (courtesy – Sawmtea thiannu)
Amah hi thiante tana in pe zo em em, a neih ang thiante leh mamawh te tan a uilo, students etc tana internet tlawm zawka an pek chhuah theih nan a nawr tu kha a ni.
A mah hi tlawmngai tak leh tuar chhel tak mai a ni a, na a neih hi sawi chhuak zen zen ngailo. Damlo chung hian e-mail te hian kar hmasa lawk te khan min la rawn contact reng a ni. Phai lam pan leh a ngaih thu min hrilh a mahse, eng thil thil emaw in a tih khawtlai thu min hrilh.
Kan chhungkaw tan ngat phei hi chuan a hlu em em a. Thil tamtak bakah tum khat chu, ka nupui neih hun a mi tur hian pawisa alo khawl ve tang tanga, chumi chuan taxi nileng tura hire in a rawn thawh ve tawp mai a,” a tul tul a hman atan unaupa,” tiin.
Thianpa, April 2009 kan in hmuh hnuhnun ber khan, ” Pathian zarah kei pawh ka tha chho ve zel anga, i rawn haw leh hun chu i fanu tel tawh in aw,” i tih te kha ka hre reng asin. Sawmte, ka van ngai rei dawn vawng vawng tak che em vele. Thlamuang takin chawl rawh aw.
a tha khawp mai
December 5th, 2009 at 6:41 pm
Tawia, “SIR” tih tur i nei dawn tawh lo a ni
Ka ngai dawn khawp mai.
Report this comment