Evening Post : I chhungte khan tu tu te emaw hla i ngaihthlak thin, i tuipui viau kha an ngaithei lem lo, an khawsak phung niawm taka i khawsak phei chuan an ei lo viau thin ang che, tun tuma a taka awlsam taka i tawn theih mai tur te chanchin hi i sawipui chuan an phurpui viau thung ang che. Chutiang chiah chuan Boney M. pawhin Aizawl rawn thlen an chak tawh a, an phur tawh hle.
Boney M hming sawi la, rimawi lam ngaihtuah lem lo nu leh pa i neih pawhin an rilruah ngaihtuahna a lo awm ang. Hunpui a lo nih a, aw mawi danglam tak an hriat thin, an thinlunga lo riak tawh chu an tan thil thar ni mawlh hek lo.
Thang hnih zet liamta atang khan German band danglam tak Boney M chuan rimawi danglam tak hmangin khawvela an dengchhuak a, Mizoram thleng pawhin anni hian hlut an hlawh. Christmas boruak a lo thlen hian an hla hi thul mawnga dah that phal chi a ni lo. India hmarchhaka a vawikhatna atan December 19 hian AR Lammual-ah a hring a hranin Boney M te chu an rawn inlan dawn a, Boney M music dik tak chu Marcia Barrett kaihhruai kan kawtchhuahah min rawn hlui dawn a ni.
