Kar hmasa lamah khan school naupang te kum tawp exam result a chhuak nak nak a, kan naute then khat pawh rawn hlawhtling haw an awm a. Pakhat thil sawi ka rilru la peng deuh mai leh ka pa in a min hrilh fo hriat chhuah ka neih phahna chu hei hi a ni –
Ka naute Pawl 1 chauh an la ni a, an exam result an chhuak a, an pawla mi chu a fail ta tlat bik mai. A rilru na kan hmuh khan ka khawngaih khawp maia, a zak bawk si. A chhungte lah an hrilh hai. Ka rilru a lo lang zawk chu engvanga naupang te te middle school em pawh la rap lo te pawl sawn tir lo thin nge kan nih?Subject pahnih khat an thiam loh bik avanga class an kal tha lo pawh ni si lo a pawl sawn tir lohna thleng thin te, leh an rilru tih beidawng te, thiante laka inkiltawihna te thleng thei hi engvang a la awm tir zel nge maw kan nih le.
Ka pa hian min hrilh fo a, board exam emaw university final exam te a nih ngot loh chuan zirlai naupang tumah hi pawl sawn lo a siam loh tur. Kum khat kal ve ta chu enge maw tal an zirlai ah zir chhuah leh hriat an nei ngei ngei a ti thin. Ka ngaihtuaha naupang te hetianga zirlai kumkhat hahtakin an han zira, pawl kan sawn tir loh thin na dan hi nge kan hlawkpui ang a pawl sawn tir zel a, duh leh board exam a an tan mai te.
Pawl 1 vel lek an nih a fail tir hian naupang thanlenna tur leh an nunkawng kan chawm em aw! Hlim taka thiante nen pawl sawn dial dail hi an lo thanlen hunah an rilru tan a tha zawk lo maw tih leh, an dikna chanvo kan humhalh sak zawk lo maw ka ti a ni. Enge in ngaih ve dan?
Similar Posts:
- .. Ngaihdam dil a ngai emni?
- Mizoram School Examination Policy
- MSU-in FIR thehlut
- Exam turte hriat tur
- Mi(sual) thil sawi thenkhat
December 7th, 2009 at 9:01 am
Mahse zirlai thiam chiang lo a pawl sawn ringawt hi board exam ah an tang duh khawp mai.
Report this comment
December 7th, 2009 at 9:13 am
Zirtirtu hna hi nghet lovin kum 3 ka tang ve tawh a, pawl 3 leh pawl 2 kha ka zirtir ber thin. Keimah vang ni kher lovin (zirtirtu kan awm nual), final exam ah an fail ngai kalo hre hauhlo mai a, ziritr kan thiam vang nge, naupang ho kha an bright hrim hrim ni dawn le, nge kan lo ti pass chawp thin? Tunah chuan nupui pasal an nei far tawh hlawm
Report this comment
December 7th, 2009 at 10:01 am
tuma’n an fail tir ka ringlo,anmahni an fail mai zawk niin ka hria.awlsam te a zir lemlo pawh pawl kan sawn tir zel chuan naupang kan ti zel-thel mai mai zawk lawng maw?
Report this comment
December 7th, 2009 at 10:21 am
i pa thu hrilh che khi ka pawm zawng tak a ni, marawhchu, manganthlak khawpa thiamlo emaw rualban zân lo a ngaihna awm thlawt lo an awm ve bawk nia..
Report this comment
December 7th, 2009 at 10:25 am
ka fate ve hei an thiam lemlo na in kumtawp exam a awm ve lem lo bawk a tin kum base a sikul kai an ni a kumtin pawl an sawn zel mai a zoram lam ah english medium ah an zir a helam ah chuan trawng hran in an zir ve leh si a duh ang in an thiam lo niin ka ngai a mahse hei an zir rei deuh chu helam a piang a seilian te ai poh in test ah chuan mark an hmu hnem fo ta mai
Report this comment
December 7th, 2009 at 11:28 am
Pawl khat fail chu a va mak awm ve!
Thil ni theite:
1. Naupang khan lehkha a zir peih lo.
2. A thiamthei lo ve hrim hrim.
A engapawh khi ni se a zirtirtute aiin a nu leh pate thiam lohvah ka dah. Naupang dang zawng zawng an pass laia pakhat te chauh a fail chuan sikul/zirtirtute thiamloh a ni thei dawn em ni?
Kei pawh ka naupan lai chuan thiamthei ka ni ngai lo. Mahse ka nu leh pate’n an theih ang tawkin min thutpui a, ka lehkha zir min vil peih a ni.
Naupang na na na chu kaihruaitu an awm loh chuan eng vangin nge ama thuin lehkha a zir peih ngawt ang? Zilhhautu leh encourangement petu ber tur a nu leh pa ka thiamloh kei chuan.
Mahse a chhungte paw’n theihtawp an chhuahpui kara hma a sawn thei lo a nih chuan ka hre thiam tawh bik lo. ADHD (Attention-deficit hyperactivity disorder) te a nei a ni lo maw? Psychiatrist/pediatrician hmuh pui a chi a ni maithei a ni.
Report this comment
December 7th, 2009 at 11:42 am
Sikul pakhat kan veng hnaih a mi ka hriat ve thung chu. maths subject chiah a pass pawh kha 1 na ala ni ve tho hihihi…
Report this comment
December 7th, 2009 at 11:50 am
Ka fapa hian pawl 1 anih huna ka hriat ve chauh hmel..hehe..
Report this comment
December 7th, 2009 at 11:57 am
Pawl thum ka fail. Ka thiamloh leh zir peihloh vangin. English ah phei chuan thlar hnih chauh ziah tur ka hria
Pawl thum hi kum thum lai ka zir maw le 
Mizo school-ah kum 2, sap school kum 1 
Report this comment
December 7th, 2009 at 12:30 pm
ni e, thil ngaituah ngai tak ani.
tunlai a kan intihhmuh- naupanga pressure/stress kan pek nasat ltk hi thil tha ber a ni em? a psychological effect hian a phu em?? an puitlin hnu ah a pui reng em?? kei chuan ka hre lo. a hria chuan lo sawi ula.
naupang zawng2 pass tir vek hi chu a thatlohna a awm thei, fail theih loh ah an ngai ang tih a hlauhawm. mahse zirtirtu ten kumtluana tha pangngai tawk a an enkawl chuan fail tir a tul lo in ka hria.
Report this comment
December 7th, 2009 at 12:49 pm
An ni vek em chu ka hre lo a, mahse naupang thenkhat chu thiamlo ve hrim hrim, thiante phak lo hi an awm, chung te chu pawl ngaia an thut leh hian an zia phian duh asin. A thiam te chu an thiam em em laiin a thiamlo te hi chu ngaihna awm lo ve deuh mai an ni.
Report this comment
December 7th, 2009 at 1:00 pm
Kan pawh a thiam thei lo lutuk a, BA atangin kan chhuk beih tir mai dawn a mawn chu kan ti deuh a.NOI
Report this comment
December 7th, 2009 at 1:02 pm
Bena case han en hi chuan a pawi loh hmel, mahse kei hi chuan fail tir loh top hi thra ka ti mai class 10 thleng hi chuan
Report this comment
December 7th, 2009 at 1:20 pm
Grading system hi hman a nih loh chuan intih fail loh tih ngawt hi a theih loh chin a awm ve a.Mark belh na tur han zawn ngial pawh a tih ngaihna awm thlawt lo hi an awm ve thin tlat.CBSE lam chuan 2011 hian cl-xiileh cl-xi vel ah chuan grading system hi an kal pui dawn a ni awm e.Mizoram ah pawh hian hman ve mai a thra lawm ni ka ti ve mai2.A bik in H/s ah te hian science emaw mathematics emaw thiam loh vang a pass chhuak thei lo,awm mai2 leh nun hlauh zui hi an tam si a.Kan Education system hi ngaihtuah ngai deuh a ni.
Fail thei loh ang deuh a tun a kan system-ah hian thil a kal chuan inthlahdah na naupang lam ah a siam ve thei tlat lawi bawk si a,chu chuan zirna quality-a tihchhiat belh thei em2 bawk dawn si a.
Report this comment
December 7th, 2009 at 1:27 pm
Pass mark hmu phak lo na na na chu an fail mai tur a ni. Zirtirtuin zirlaite an zirtir kawngah thleibik an neih a thiang lo, thiam thei lo leh hnufualte chhawmdawl peih se, thiamlo chung chung tih pass chu mizo hnam tan pawh tha dawn mawn le? Enga tinge lehkhathiam hna neilo hi an awm suau suau le ?
Report this comment
December 7th, 2009 at 1:28 pm
Ni e,kan zirna kal phung ah hian cl X passed turin subj tamtak passed angai a.science leh maths te phei chu atam zokin kan chhunzom leh chuangsilo.mi hlohtling tur tamtak an hlohchham anih hi.
Report this comment
December 7th, 2009 at 2:23 pm
Nu leh pa thiam loh anih ber chu. Fate class-1 lek zirlai pawh enpui peih lovin an zirtir tha peih lo tih a lang reng alawm. ICSE lamah hian fail awm lovin weekly evaluation tiha grade a pek mai hi a tha khawp mai.
Report this comment
December 7th, 2009 at 3:48 pm
An zirtir tu te hnenah sawi pui ula ti dawn ila inti thunei fahran in Mizoram zia deuh in a fail chu fail an lo tih chhum hmuk duh hmel sia. Sikul danga luh tir mai rawh u. A bikin Pvt school ah, rs 2-1 pe ula luh an phal em em ang.
Report this comment
December 7th, 2009 at 4:00 pm
Naupang fail tir tih chu… In sawi tak ang khian fail tir ai mahin a fail a nih mai ka ring. E an pass zawh loh chuan fail rawh se. Nun tak an zir a ngai. Kan in-apss tir ngawt chuan eng an thleng chuang lovang. Pass tir avanga puitling ta aiin fail vanga tan la thara thiante el-a pass ta sawi tur an tam ka ring. Kei chu ka fa chuan a pass zo lo a nih chuan fail mai se la, a der a nun ai chuan ka duh zawk daih awm a sin. Tin, zirtirtu tan chuan naupang kum khat hna han tih thlawn tawp chu a har ve khawp mai (ka experience ve chinah) mahse graced theih thlawt loh chu an awm. pawl 10 an lo thleng anga kha leh chen nun lem (Fake life?) a lo chawmtu zirtirtu kha an ngaisang sawtin a rinawmin ka ring lo. Tuna kan education system mah duhtawk tawh loh nak alaiin. Eng tikah nge ram ropui kan thlen ang aw!!!?
Report this comment
December 7th, 2009 at 4:10 pm
Helaia kan fate sikul kalna hi chu kum tluanin assessment an nei reng a, kum tawpa exam lawih ang kha an nei ve lo. kum laihawlah inthlahdah theih a ni bawk lo. Mahse test an neih pawhin heavy deuh deuhin an tihtir ngai lo. An system hi a tha a niang, an zirlai thiam vek siin naupangin sikul kal nuam an ti tlat!
Report this comment
December 7th, 2009 at 4:20 pm
Sorry, ka la sawi zo lo!
Mizorama kan zir dan system te hi ennawn a tha em? Naupang hi kan tikhawngaihthlak lutuk a ni lo maw? Heng English Medium/Private school-ah te phei hi chuan tul mang lo thleng thleng hian kan zirtir vak vak a, an stress dan tur hi kan hisap pha si lo! Homework te lah hi an pe nghek nghek a, nu leh pain in lamah Home Schooling an lo ti ve leh hi a ni ringawt mai a, Nu leh pa zir sang bik lo tan chuan buai thlak duh hmel tlat. Ka hre sual pawh a ni mai thei a, hei hi ka lo hmuh ve dan a ni e.
Pawl khat vela han in fail tir hi chu naupang rual ban lo hrim hrim an nih loh chuan Zirtirtute thiam lohah ka ngai thung, kei chuan! Naupang zak leh rilru na tur hi a khawngaihthlak khawpin ka hria a, pawl chu sawntir se, a kum lehah nasa lehzualin zirtirtuten thlur bing a tul leh thlur bing ta mai zawk se, zirna lama mi hnufum deuh pawh mi pangngaia an chher chhuah tluka zirtirtu tana job satisfaction dang enge awm chuang??
Report this comment
December 7th, 2009 at 4:48 pm
Pu Bena chu pawl thum Science a fail a ni maw..??? :lol:
Report this comment
December 7th, 2009 at 4:52 pm
subject 4-ah ka fail
eng eng nge ka hre tawh lo, English tih lauh chu.
Report this comment
December 7th, 2009 at 4:55 pm
@riangtleii, Class 10 board exam-ah ranked 12 ngat a nia.
Report this comment
December 7th, 2009 at 5:07 pm
Kan vengah chuan cl-x thleng hi school an kal a nih phawt chuan fail tir phal a ni miah lo. A tirah chuan ka ngaihdan hi an ni lo khawp a, naupang in an zir that peih loh phah tur ka ngaihtuah thin a. Tunah erawh chuan he dan hi tha ka ti lutuk. A chan chu an sawidan in Naupang thang lai hian lehkha zir thiam hun bik an nei theuh leh thil zir chak hun period an nei theuh va, mahse he period hi naupangah a in ang lo nasa an ti. Naupang thenkhat cl-V an kallai a thiam thei lo te kha cl-vii-ah an rilru a chak thut theih bakah, an zirlai,zirtirtu a zir te, environment a fuh avang te in zirlai a a rilru a pekna kha a chak hun a awm thei an ti tlat.
Hei hi a dik ka rinna chhan pakhat chu tuna kan rualpui zawng zawng hi cl-x exam a thiam vang ni lo va pass vek an ni a, keini zir tauh tauh va BA pass satliah ve ringawt ai hi chuan an bright phian hlawm. Mahse cl-x pelh tawhah hi chuan duh duh a pawlsawn an phal tawh lo thung, University kal tur pawh Pre university a an mark hmuh azirin subject thlan thlan theih leh theih loh a awm.
Tin, mi exam result hi zirtirtu in a examtu, leh a chhungte ni lo a hrilh emaw, a sawilan emaw vaih chuan zirtirtu nihna atangin ban theih a ni. Keini school ang a fail leh pass bang a lian pui pui a tar ang kha a ni ve lo
Report this comment
December 7th, 2009 at 5:20 pm
Ka sawi chak tlat, ka OT dawn
Matric kan exam khan nula inti hmeltha tak, hmeltha tak2 bawk hi inti vei deuh mai a awm a. Exam hall pawnah hian a thil zir emaw, lo chhuak tura a ngaih hi thiam hmel deuh hian a sawi zat2 thin. Result a chhuak a, Mizo ah khawngaih mark telin a pass hram hairehai.
Kan exam pui pakhat (a thi tawh) hian zu intur hi a pai lut thin a, exam buai lai hian a lem leh zauh thin. Tum khat chu exam vengtu khan a hmu ta a, “ka pu khawngaih takin min ngaidam rawh, a ruk thei ang berin ka lem ru a ni. Hei han en mah teh, matric hi pass ve hram ka duh si a, ka ziah uluk pauh leh a thler thui mai,” tiin a ngen a. A answer paper chu a lo thai pawr fiap fuap chu niin. 2nd ah a pass
A hnu ah DC office ah hnaruak a awm a, kan interview ho leh a, an in zawt ringin a nin a chhang ring bawk a, Addl. DC office (kan interview na)pawn atang chuan kan hre pha hlawm a. Addl. DC : “Thianpa vawi khat ruih nan hian rakzu um engzat nge i mamawh.”
hairehai
Hna dil : “Um hnih vel, ka pi.” Minister recommend na a keng thlap, tling lo ta hlauh
Report this comment
December 7th, 2009 at 5:23 pm
@ZerO – Awi, chutia law, van ti tha leh si..
Report this comment
December 7th, 2009 at 5:27 pm
Kan Matric exam tan ni (Friday) tlaiah ka rui, ka chat thla vel!! :twisted:
Report this comment
December 7th, 2009 at 5:28 pm
Ka naupan lai hian ka thiam theilo khawp a min promote reng mai a, ka nu hian Promote-a minti tawp.
Report this comment
December 7th, 2009 at 5:36 pm
@elcee- in veng tih dan chu ava tha ve, ka thlawp zawng tak a ni. A nihna tak ah chuan mipuitling tur chu college an rah hian a hriat lecturer rual ho in an ti tlat a ni. Tin @ Keimah- i sawi poh hi ka thlawp khop mai. Pianphunga rualbanlo leh rilru lam chaklo te tan chuan special school a awm a, hetiang ni si lo te chu nkawl dan thlak mai tur a nia leh. Bakah kum tawp a exam vak2 lo hian kal dan chu awm male.
Report this comment
December 7th, 2009 at 6:13 pm
naupang fail tir hi ka ngaih ve dan chuan. sunday school vel ang hian in chhawm chho ila… class 8 vel atang hian screening uluk ila. subject har pui pui in tuk tluk tluk a a hnua hman zui leh lo tur avanga class kan repeat tluk tluk hi a mawl thlak ka ti…. kan kalna line tur hi chu class 8 vel atang hi chuan a hriat theih tawh khawp mai. subject kan hman zui loh tur avanga kan han fail vel hi chu, a waste of time…..
Report this comment
December 7th, 2009 at 6:55 pm
Fail theih lohna Institution atanga chhuak rau rau an grade a insan hleih thoh vang.
Mizoram-a Missionary-ten zirna lama Mizo mi hmasate thanmawhbawk nia an hriat an ziak ka chhiarah chuan, Pathian thu leh Institution chawhpawlhna hnuaiah, TLING ZO LO KHAWNGAIHNAA PASS-TIR kha Mizo nu leh paten Sap Missionary-te hnena thil an dil hmasak pawl a ni.
“Saving Grace” Pathian Thu-a mi kalphungin —Fail si, grace mark dila in-passtir kha! Mizo Sikul-ah chuan Grace mark-a pass chhuak an tam viau ta zel a ni.
Report this comment
December 7th, 2009 at 7:14 pm
computer leh allied subject in a akbara piankum an lo hriat ve zel theih hi chu a that rual rual in a tul ber em aw ka ti… duh leh tun ang ah hian comp atangin hmet chhuak ta zel mai se la… fail phah nan a hman hi chu a ‘waste of time’ mai lo maw? tih vang mai mai nia… hehehe.. IAS interview tur ang zia zang a in train vak hian mi tam tak kan hnar a ni mai lo maw…
:lol:
Report this comment
December 7th, 2009 at 7:17 pm
Fail theih loh tha tih rik ngawt hi a dik dawn em ni?
Fail theih tih hre chung paw’n heti hi kan nia!
Report this comment
December 7th, 2009 at 7:38 pm
@Tetea. ka hrethiam tawh bik lo e a… ka sawi ber pawh kha eng ka sawina ber nge ni ta le!!!!… a complicate ta e mai… Mapuia (of Zephyr) ka iang ta ber a ni e… hahaha… :lol:
Report this comment
December 7th, 2009 at 8:29 pm
An pass loh chuan an fail tihna chu ni phawt ah :lol:
Report this comment
December 7th, 2009 at 9:18 pm
naupang pawl hniam lama tih fail hian thil tha a thlen tlem khop mai….kan zir chho zel a class 1 tih vel a kam thiam loh kha chu a lo ho khop mai…a hunah an thiam ve hman lo ani mai…a trul lova kum khawh ralna a ni eee….
Report this comment
December 7th, 2009 at 10:05 pm
Fail theih lohna MLA College din ila, candidate apiang tling vek zel mai se … tha kan ti em? :roll:
Tling leh tling lo, tlak leh tlak lo hi chu thliar fel a ngai hrim hrim! Mi tihdan maksak hi thik kim vek sen pawh a ni lo!
Report this comment
December 7th, 2009 at 10:15 pm
Kumin atang hian Baptist HSS Junior section serkawn Lunglei-ah ICSE zawmin weekly evaluation hmangin naupang an enkawl chho dawn a,fail a awm lovang. Lut rual fa/nau nei fail hlau bawk si chuan luhtir mai chi mawle – ads by muantea :smile:
Report this comment
December 7th, 2009 at 10:18 pm
Chawnghilh,keipawh ka in candidate ve duh ania aw
Report this comment
December 7th, 2009 at 10:34 pm
Ani zawng, a thiam lo em mai. Zir nawn leh mai rawh se… tih hi induhsakna tawngkam a ni zawk lo maw!
Class 1 zirlai a thiam loh chuan class 2 ah a ngaihtuahawm ngawt ang!
Report this comment
December 7th, 2009 at 11:01 pm
Ka rawlthar laia ka sikul kalna ka’n sawi ve teh ang. Competitive kaltlanga khirh taka luh a ni. Chutih hun lai chuan chutiang sikul chu India ramah 17 a awm a.
Pass a ngai vet vet khawp —kawng engkimah. Subject 1 fail chuan FAIL a ni burh mai! Chumi Institution-a luh nawn leh theih tawh loh!
Thil kalphung inang lo lutuk ka hriat avanga rawn tarlang ve chauh ka ni!
Report this comment
December 7th, 2009 at 11:29 pm
hetah hi cuan pawl 1 tih vel ani kan sawi….naupang rilru thrang muang deuh hi an awm ve ltk a nia…hetiang ang rual ho hian fail hi tran lak nan an la hmang thiam lo…lehkha zirah an tui loh phah daih thei acin….
Report this comment
December 7th, 2009 at 11:58 pm
NGaih dan hi a in ang lo thei hlawm teh e, kan tha tih zawng poh a dang nuk mai maw?
Report this comment
December 8th, 2009 at 10:43 am
@bengz- nie tiro, pawl hniamlama kan zir tam zok hi chu kan hre tawh lem lo a nih hi mawle.Keichu fail tir lo se ka la ti tho2,hehehe.
Report this comment
December 8th, 2009 at 11:15 am
Shailendra, iti dik lutuk. Mitin hian chemkalna zawng kan nei theuh a. Entirnan, Chiarkawp thiam thei thlawtlo pawh hi IT lamah chuan MA, BA tam tak leh Super specialist tam tak hian an tluk loh ani thei tlat. Mi tupawh hian kan tuina zawnga ei kan zawn a, ke kan pen theih nan, zau taka thil thlir chungin hriatthiamna nena zirna school kan kalpui hi atul khawp mai.
Akbara pian kum, panipat indo chanchin hriat theihloh vang fail tir hi chu (h)…!
Report this comment
December 8th, 2009 at 12:37 pm
Pim pom, ka ngaihdan chiah a ni. Keipoh high school ka kal lai chuan geography hi ka thiamlo ltk, thiamlo mai nilo in ka hrethiam lo hrim2. Vanneihthlak takin History kha ka la tel a, min pui ta zok a. Ka pawl sanga ka la zawm ta lo ngei, khatih hunlai khan pawlsawn ta lo ila tun dinhmun hi ka thleng teuh lo mai. Kan zirtir tu te khan S.S-1 ah i tan dawn nia min ti thin a, kha2 ka rilru ah ka vawn tlat thin. A lo tha phian a nia nge.
Report this comment
September 24th, 2010 at 11:04 pm
Dik khop mai mahse fail om lo se thiamna tak tak aia pol son tho chuan inthlahdah tur kan tam leh om si a Mizo te hi, ngaihtuah a ti thui khop mai
Report this comment